新記特式車仔麵

營業中

休息中

陪朋友去完瑪麗醫院，落到嚟就睇吓有咩食，見到呢間車仔麵店貼滿晒唔同明星幫襯相就入去試一試-菜芯$20 + 淨四餸$40 (蘿蔔+豬頸肉+鹵水蛋+雞翼) 共$60-菜芯無特別，至少蘿蔔係好食既豬頸肉有6件，份量同味道正常，至於鹵水蛋係有1.5隻，味道都係正正常常，至於雞翼就唔得了，兩隻都未熟-整體上，呢餐好一般，全部野都係普通野，而且衛生認真麻麻，入去過時可能未到lunch time無乜客，有個男人應該係老闆吧無戴口罩呢，不會再來了

今日叫佢哋既外賣 原先可以自選麵同揀餸 價錢又平平哋 係一個好選擇 可惜其他嘢好差☹️首先外賣包裝得唔好 啲湯瀉晒出嚟餐具又俾得唔夠 要人用手食？之後明明我揀咗分開湯上 加咗$1 結果係有湯冇分開到之餘 仲另外多咗碗湯。。。無語🤦🏻‍♀️味道都好唔得 原先個湯底好深色不過勝在唔油 味道鹹中帶少少甜另一個湯底就好鹹 感覺好多味精食完超級口渴💧餸可以揀兩款 我揀咗蟹柳同滷水蛋蟹柳有兩條 滷水蛋有1.5隻😂蟹柳超級鹹 質感遍硬少少滷水蛋係唯一幾好食嘅嘢 因為佢入味 同埋個蛋白位夠硬身 少少似台灣鐵蛋咁🥚個麵先係最差 無論係我呢個米線 定朋友啲河粉 油麵。。。全部一夾就斷 根本食唔到米線無口感可言 唔彈牙唔滑身總之就係難食🤭-千祈唔好試 好少會食到啲咁唔好食嘅車仔麵店訂單又有啲亂價錢其實加埋運費都要$50/個 完全唔抵食只能用「伏」形容👎🏻

個辣椒醬幾得意，有種咖喱魚蛋嘅感覺，只要唔係食清湯嘅人都可以試下👍油麵偏幼身，對我黎講唔夠硬身餸以佢價錢黎講覺得份量偏少，全部都係得3-4舊但好細粒😞肉質偏嚡但起碼肉味係重嘅環境覺得少污糟😨尤其係好似聞到up/ ngaak 味😨

睇完戲肚餓 近近地入左呢間食車仔麵Weekend晚飯時間坐左半間鋪到所以唔會坐到好迫好多餸揀 $10/餸 賴粉都有😶好少見魚腐 香滑齋 蘿蔔 米粉 冬菇汁 $40 齋無咩味 魚腐偏鞋 蘿蔔甜可惜有渣 米粉份量夠多 送埋幾條通菜腐乳通菜 $20/碟 個腐乳汁同平時食個啲比甜甜地 少少辣熱菊花蜜 $10/杯 偏甜電視播tvb 有啲大聲😑值得一提樓面個呀姐好好態度 佢對住客對眼好似識笑😆好似做得好開心咁雖然佢送錯餐又唔小之撞跌左張凳 但望住佢我又食得幾歡樂

話明買滿$60蚊送野飲，今日仲要收多我$10，伙記張單已經寫錯價$，改完又改得唔啱，仲要我收工去追，而且冇道歉，死不認錯，服務態度極差。雖然我追回，但要把這事告知大家。食咁耐銅鑼灣分店都沒有事！難道西環就可以惡？

大食妹中學時期好鍾意食位於堅尼地城嘅新記特色車仔麵畢左業咁多年都無再食過, 今日咁啱係果頭做野順便去回味一下<四餸車仔麵>新記特色車仔麵每款餸都係10蚊, 麵底都係10蚊大食妹嗌左四款餸, 揀左公仔麵底同腩汁湯底新記嘅車仔麵分量唔大, 女仔食啱啱好湯底比較清淡, 公仔麵都好彈牙, 健康得黎又好食<雞中翼>大食妹會推介大家嗌雞中翼雞中翼滷得好入味, 肉質比較軟<豬大腸>豬大腸都係必點嫁, 肥瘦適中可惜得幾舊<芝士腸>芝士腸純粹係大食妹私心想食, 好耐無食脆皮芝士腸啦<菜肉餃子>菜肉餃子就唔推介食落有陣生麵粉口感...

自從離開堅尼地城之後很久沒有再去過大叔家吃車仔面，真的很懷念。以前唸書的時候無意中跟朋友走進去，很沒有期待地點了一份，卻意外的好吃。後來有段時間幾乎每天都去，大叔也會親切的稱呼我“老友”。我是一個很固執的人，每次點的都差不多，特別會選辣汁，其實就是多加了一勺他家的辣醬，但就是莫名的好吃。

新記的車仔麵超好食每次一想食，起就會想起新記入到去感覺企理，坐到好舒服，服務態度好好，有家的感覺食物種類選擇都多！今次叫左好多餸，有6餸咁多，牛丸，蟹子丸，八爪魚，紫菜，豆卜，鮑汁鳳爪加粉絲，一個人食哂完全無問題，因為實在太好味鳳爪好入味，得呢間車仔麵舖整得好食另外，他們做的豬紅，牛筋，牛腩都好出色，好入味，一試愛上，所以每次豬紅，牛筋，牛腩係我必點的餸！秘製辣醬更加係一流！啲湯底同啲粉，麵夾埋一齊好正！辣得好過癮！

經過依邊想平平地食個車仔麵，見到新記價錢幾平下而貼晒明星合照係門口，就諗住試下入到去舖面企理，啲位都算舒服既，燈光好足，感覺良好好多樣野都話推介，貼出黎個樣又真係幾唔錯餸既選擇多到傻，係好用心既小店辣豬紅滷水雞翼尖油麵，每碗都有跟西洋菜既我加左腩汁同辣汁，湯底好濃好好味麵底正常，滷水雞翼尖係偏甜一啲個隻，好味既個湯咁濃都仲食到個滷水味就知正最出眾就係個辣豬紅，佢唔係走滑身既路線，口感較實，比較係血糕既感覺，但就完全可以將辣汁同煮既湯味入晒去真係幾好味另一碗係冬菇蘿蔔牛栢葉粗麵，冬菇細細仔幾入味既蘿蔔好甜好腍，配清啲既湯ok，配秘製辣醬食，亦好正牛栢葉正常，都係細舊既，由於樣樣野都係細細舊所以配汁同辣醬都好正鮮炸煎釀三寶，即叫即生炸，要等十幾分鐘，保證新鮮未食過好味鮮炸野既，係唔會明同翻炸個啲有咩分別，試下你就知！上碟淋埋豉油非常有風味，舊舊都正而茄子得到第二名，冠軍係釀豆腐佢既係釀豆腐唔係淨係炸豆腐，咸度適中，醃得好味食既時候可以加啲佢既秘製辣汁，好惹味好正(唔建議加落麵度因爲佢咸味都重，會令到碗麵太咸）另再叫左豬生腸，黎到同牆上個樣唔同，而且唔係凍既，食落都幾唔好味量就好夠既，不過唔

今日想试一家新店，但大失所望。韭菜饺子不知隔夜几日了，菜已经发黑，店家还说是新鲜的，死不认错。为了表示公平，小弟连着照了两张，都是如此，简直是欺负客人。价格其实也不便宜，店面又老，何必如此？

突然間想食車仔麵走咗去西環士美試吓有兩間喺度結果揀咗呢間， 銅鑼灣價錢西區食品 ，圈咗油麵牛筋丸魷魚同生腸 湯底味道都可以 鱿魚太碎 幾乎夾唔到 生腸都一樣仲有啲發黑 牛根丸就一般正常貨 每樣餸都要十蚊加菜又係十蚊 唔怪之得隔離嗰間爆曬棚，佢得小貓三幾隻你懂的.........

星期六晚打完網球去左西環一帶食新興，但點知無開，擇無可擇去左食隔離的文記車仔麵。見店面貼住好多明星幫襯過，所以應該都穩陣。一行5人各自點左個車仔麵，外加2個小食魷魚同埋生腸。上枱算快，但生腸同埋魷魚都唔入味，食落口係無味咁，都唔太緊要，最難接受的係熱住上枱，平時食開街頭的，都係凍食的，但今次的熱食感覺好唔習慣。雖然姐姐好熱心咁叫我地點秘製辣醬，但都無補於事。辣醬係好食，但個生腸同埋魷魚都唔得。再講啲車仔麵，個湯底都係無乜味，車仔餸都係無乜味。所以都幾失望，價錢仲要唔算平。其實一啲唔太好食的餐廳，真係唔太想晒時間寫返佢，但門口貼住咁多明星相，真係好容易令人唔小心中了伏。

煎釀三寶，可以話係香港最出名嘅小食之一，不過又真係唔係度度都整到好味道！如果係街邊食嘅煎釀三寶，係就係大件夾抵食，不過一般都好油膩，仲係凍嘅添。如果去其他港式餐廳食，雖然熱辣辣，不過通常都係細細碟、細細件，仲可能唔平添！不過，西環「新記」嘅煎釀三寶，係我食過其中一間最好味嘅！😋 佢唔止係三寶，而係四寶 - 有釀尖椒、釀豆腐、讓茄子、同埋釀紅腸。熱辣辣，大大件，仲唔油膩，又唔貴添！真係好好好正㗎！👍🏽👍🏽👍🏽👍🏽「新記」仲有一樣好正好正嘅嘢 - 就係佢嘅辣醬啦！我唔係食得好辣，不過佢嘅辣醬，係香多過麻，放係車仔麵裏面，簡直係畫龍點睛！更好味！

車仔面GE玩法大同小異,一黎坐底畫圈圈先。款式都算幾多,重點記得圈GE時候唔好溜左右上角GE湯底選擇,同行朋友就係溜左,但店員係唔會問返你要咩GE,結果就煮面果個幫佢揀左><本身車仔面影咩相牙,所以冇手機開飯先,呢間野都係第一次食,食左2啖有驚喜所以先影返相。驚喜1:配料有芹菜!芹菜!識食GE朋友一定會覺得正,一定要試!因為多得芹菜,令到成杯面清新左,冇左肥膩感!!!驚喜2:爽彈的生腸!生腸平時係凍食的,今次佢放左系湯滾熱左,個口感會硬過平時果D,但係爽GE!所以個人係覺得幾正!驚喜3:冬菇汁湯底佢湯底除左有平時GE腩汁,辣汁同清湯之外,仲有冬菇汁同"老"水汁,冬菇汁係幾得意,有少少似人地炆冬菇GE味驚喜3:有墨魚橙色墨魚係個人好喜歡姐><好爽彈好好味架!驚喜4:去左內層肥層GE豬腸食豬腸好多人怕污糟或者唔想食內層好肥果堆野,呢度GE豬腸,竟然係幫你去左內層肥野架!女孩子都唔怕食多件,完全係恩物!好感動!不過溫馨提示係面份量唔多架,大食GE記得叫加面!

對上一次食已經係幾年前，呢間車仔麵唔係我杯茶，係阿SIR杯茶，今次再食只係滿足阿SIR要求，估唔到會有如此對待！什錦米 $39勝在唔駛諗揀乜餸，乜都有ｄ，咖喱魚蛋／豬皮（無要）／豬紅／冬菇／豆卜／雞翼尖／蘿白各２，另有卥水蛋半隻同少量菜，基本上樣樣都OK，最突出係蘿白，超甜又無根，湯底加咗腩汁變得清而濃，唔怪得咁多人幫襯。豬生腸 $38簡直不知所謂，收得呢個價，質素竟然如此劣！生腸本身係無味，但豉油落咗同無落都係無分別，都係無味無道，如果生腸無醃好，我寧願您同客人講未ready，總好過留壞印象比人囉，仲好意思收人一碗麵既價錢！後記：小食雖然唔OK，但車仔麵同服務總算令人滿意