新蘭州拉麵小籠包

一直都好鍾意食上海野見呢頭有一間又可以外賣就買咗返屋企食咁我地就叫咗小籠包，上海粗麵，蘿蔔絲蘇餅小籠包個皮夠薄 肉都好鮮甜 汁都好多但可能因為外賣已經凍曬所以無想像中咁好食上海粗炒太多油多料 夠肉同菜 麵的硬度都適中:)如果少啲油會更好蘿白絲蘇餅呢個反而唔多油可能因為索油紙索咗幾脆 入面的蘿白都好香值得一試其實就麻麻地ge 但屋企附近得呢間又無得揀 希望可提升水準…查看更多

生煎包 3個 一碟 肉冇味 但煎得個底香'翠' 豬排湯麵 炸豬排同湯麵分開上 有3片豬排 點知有隻炸左的昆蟲係上面，連翼都有 。之後叫佢換過一份 ，但我地果分就俾左隔離台。 豬排冇肉鮮味，只係翠口菜肉雲吞湯麵一般味道 上海粗炒太少肉片，油多 ，味道ok $3茶錢 另收加一不會有下次…查看更多

1月4日, 之前買咗嘅團購今日可以用, 平日lunch time嚟到都冇乜人, 揀咗食物之後D野食都好快上枱~::: 團購2人餐 ::: $138::: 小籠包 :::小籠包精髓在於湯汁, 之不過佢嘅子包就冇乜湯汁, 裡面嘅豬肉都唔算好入味, 有d淡...::: 雞絲粉皮 :::粉皮都算幾爽口, 加上青瓜絲同麻醬都好清新~ 雞絲有少少韌, 整體份量夠多, 唔錯~::: 鎮江肴肉 :::肴肉就中規中矩, 都係平時食開嗰隻味, 如果凍d會更開胃~::: 酸辣湯 :::酸辣湯非常之咁一般, 望落賣相已經唔太討好, 好似半凝固嘅獻汁, 毫無色澤可言, 飲落只有過酸味, 唔夠香口亦唔夠辣味... 完全唔掂.::: 雲吞雞 :::雲吞雞湯清清地, 味道都夠~ d雞料就少dd, 但雲吞幾好味~::: 蔥爆牛肉 :::本身都上海野嚟講我都幾鐘意食蔥爆牛肉, 因為都比較少菜色以牛肉為主, 但係呢碟又係一個敗北... 先講牛肉同蔥比例嚴重失衡, 牛肉只有4-5件, 蔥比較上嚟多得過份... 跟住牛肉唔能食到糖同老抽味, 冇蔥爆香嗰隻味, 老油色水太多... 牛肉質地太膠, 牛味欠奉...::: 賽螃蟹 :::賽螃蟹味道唔會差得去邊, 因為都只係炒蛋白, 可惜蟹肉份量唔多, 加上蛋白太濕, 太過水撈飯都嫌太稀...::: 清湯拉麵 :::清湯拉麵過於淡口, 湯只係清水加雞湯, 麵淡而無味, 煮得亦都太過淋, 唔彈牙冇口感...::: 豆漿 :::豆漿叫做唔太甜可以接受, 過份杰有點漿住個口, 都已經算係唔錯~::: 桂花榚 :::桂花榚我地都唔係我地嘅愛好, 都係試咗一啖, 少少甜都幾清新, 鐘意食嘅都應該會滿意.做得團購, 都知道冇乜人食要做d優惠吸引人, 所以唔太多要求... 總叫做呢個餐可以食到好多種類嘅食物, 小籠包、冷盤、酸辣湯、主食、麵、豆漿、甜品都已經食晒, 即係代表唔需要回來再食其他野. 亦冇野會令我地番兜. …查看更多

是日又出街食晏....諗左好耐都唔知食咩好....決定試下新蘭洲拉麵....伏.....入到去人唔太多, 裝修唔太差, 但有D位隔局就好大陸下, 例如個洗手間個牌, 男廁指住既明明係收銀個位....侍位俾左位你之後就唔理你架喇, 你叫野食就食佢, 佢就繼續睇佢套電視劇睇左陣餐牌, 好似唔係好吸引, 算啦, 揀個排骨担担麵試下跟餐有個豆漿, 口感唔錯, 但豆味唔太香, 如果重多少少豆香會好D好喇! 麵同排骨到嚕. 好似幾靚仔咁...可惜!! 我明白蘭州既麵唔會太淋, 煮既時候麵一上水就要撈起, 如果唔係麵會軟同呈糊狀, 亦會唔夠韌同咬口....可惜個麵好硬, 夾起時個麵係會豎起, 唔會跌返落黎.....而且個麵唔散開...要自己夾住係咁"登" 散佢....個湯好重花生味....重得好緊要....食落原全蓋過左個麵味! 亦唔見得好飲, 個湯好"杰", 用匙羹都唔易"不" 到D湯...個排骨係分開上, 見到炸得幾靚仔, 諗住都放心啦...點知得個樣! 初初咬第一啖都OK既, 好辣口, 可惜一D味都冇....食到第二舊就覺得超膩! 因為真係太多油講真....真係好膩!!! 因為個湯太濃花生味同太"杰", 加埋個排骨太油, 個麵都食唔晒已經唔想再食落去....我就唔會再有下次提提下, 佢係有收加一的, 但埋單覺得唔係好對路, 佢拎張單黎我枱, 但冇俾張單我睇就話$57, 找錢果陣我再拎張單睇睇, 嘩....原來有收茶芥$3....其實, 你要收加一收茶芥唔緊要, 但你係咁易都斟杯茶俾我先, 而且就頭到尾都完全冇招呼過....$57食個晏唔係話貴, 但真係唔值...…查看更多

星期日下午來到，差不多座無虛席，幸運地剛好有四人卡座。叫了小籠包皮薄而且有美灌湯，但是肉餡不靚亦沒有鮮味。炸醬拉麵回鍋肉炒年糕紅油抄手有驚喜，很特別，第一次吃到抄手竟然是甜甜的！大推！糖醋魚塊京烤羊排羊排非常肥美，而且連着肥美的羊皮和脂肪，完全不同其他店的，烤出來變成乾乾的，惟吃起來有點韌。此店最好的就是所有食物上枱時都熱辣辣的！味道也不錯。可以encore~…查看更多