249
73
13
開飯介紹
老字號茶餐廳，樓高二層。
繼續閱讀
營業時間
今日營業
06:00 - 22:30
星期一至日
06:00 - 22:30
以上資料只供參考, 請與餐廳確認詳情
招牌菜
食家推介
相關文章
經過呢邊搵地方醫肚，行左幾間茶記都唔吸引，直至行到呢間........冰室 feel喎，食個午餐＋個例水......都應該好正丫（自己諗）。黑椒雞扒火腿飯🙄請唔好誤會，味道冇問題，非常之正常，雞扒一般茶記既味道，黑椒汁夠濃夠辣，上枱仲熱辣辣添，個份量就真係震撼......半塊雞扒＋半塊火腿（或者係2/3塊）開二，我見到隔離枱碟炒飯非常之精緻（碟細/份量亦不多）我叫左多飯先有咁大份，可能習慣左茶記碟頭飯抵食夾大件，呢度果份真係少得離普，$59。凍奶奶亦都一般般。地方企理光猛，坐位窄dd；可能蛋撻好好食掛.......但食完碟飯都費事買。而家係租貴食材貴，定係食水太深呢？？好多茶餐廳都會改靚/細塊雞扒，可以做雞球或雞皇，都冇半塊上枱咁誇吓嘩
繼續閱讀
復活節食「蛋」怎會少得港式酥皮蛋撻呢？我今次選擇去呢間老字號茶餐廳，因為全香港只剩返4間有閣樓的茶餐廳，而呢間就是其中之一間，梗係要見識一下啦😁🥚🥧 熱辣蛋撻 (HK$10)．呢度出品嘅蛋撻是街坊推介的招牌菜之一．填滿滿的蛋漿，口感奶滑，甜度適中，不過蛋味比較淡．暖暖哋嘅撻皮厚身，但層次不太分明，但口感有啲酥脆嘅🍗🥧 雞批 (HK$13)．呢款好少見，只有某啲茶餐廳有出品，所以見到餐牌有就叫嚟試下．可惜是室溫溫度，口感唔夠酥脆，餡料比較肥膩，麻麻哋，唔知如果可以要求叮翻熱食，味道會唔會好啲呢？🤔🥛☕️ 熱奶茶 (HK$22)．叫蛋撻食又怎可以不配搭一杯熱奶茶呢？．厚身嘅奶滑口感配香濃嘅紅茶味，味道不錯👍🏼
繼續閱讀
而家香港老字號嘅茶餐廳真係越嚟越少，新開茶餐廳食物質素都唔係特別好，唔會話想食完再返嚟食。所以有時我都會特登去搵啲老字號嘅茶餐廳去食佢哋嘅早餐。最鍾意就係試杯熱奶茶同埋沙嗲牛肉麵啊。☕️香港長大既我真係覺得香港港式奶茶係無敵㗎。早餐開咗一杯熱飲沙嗲牛肉麵一個餐包同埋可以選擇煎蛋或者火腿奄列，火腿奄列真係好多火腿啊，奶茶香濃，沙嗲牛肉麵都好味新開好多時都係得熱水咁既完全唔同。 🍜 個環境都夠晒懷舊啊，亦都乾淨！
繼續閱讀
本身係一個百分百嘅奶茶控，閑時會發掘好飲嘅奶茶，今日嚟到新華茶餐廳⋯嘆番杯佢哋出名嘅奶茶☕️果然係名不虛傳，杯奶茶超正👍🏻茶味香醇，茶同奶嘅比例恰到好處，仲有陣陣回甘
繼續閱讀
電視節目效應，今日一家大細去咗新華，食情懷(細個會去附近街市跟阿媽買餸），所以嗌左老式炒粉麵系列嘅黑椒豬扒炒意粉，屋企人叫咗咖喱牛肉飯，小朋友食咗佢至愛嘅火腿通粉，飲咗熱奶茶，凍奶茶，凍檸茶少甜，食完之後個肚有空位，嗌多咗個新鮮熱辣辣酥皮蛋撻。今日嘅碳水化合物攝取量超標，但係絕對值得，尤其是係個黑椒炒意粉，裏面嘅料頭有韭黃、䓤段、芽菜同洋蔥，啖啖意粉食落口感有層次，黑椒味足夠但係唔搶喉，今日天氣凍返，食完個人暖笠笠，整體夠味，唔太大碟啱啱好，就算唔落豬扒都開心。屋企人個咖喱牛肉飯味道正常，杯奶茶都正常，比較香，飲完冇飽滯頂胃嘅感覺，個蛋撻冇得彈，新鮮、鬆化、唔會太甜，好耐冇食過呢種感覺。今日坐閣樓，好好彩一上到嚟就有張四人枱，下次試吓坐卡位。同場見到隔籬枱一對年輕父母帶着幾歲小朋友，爸爸慢慢教小朋友每樣食物係乜嘢嚟，延續香港飲食文化🫶
繼續閱讀
您可能會有興趣的...