新苑酒家 (已結業)

星期六日，公眾假期茶錢10蚊一位，茶包茶來說尚可接受。母親節假期茶錢加價調整收費應該要光明正大，加至12蚊一位完全沒有展示出來，欺騙消費者，點心一樣雖然沒有加價但縮水。這樣做生意手法要檢討，唔係你話收幾多消費者就要比，想做街坊生意得街坊支持要改善營運手法。

呢兩碟已經係最正路既野手撕雞咸到我食唔到🥲雜菜粉絲煲完全係勁乾～巔覆左我對雜菜粉絲煲既認知😓😓最後4人埋單6百幾😓但真係體驗好差第一次黎都會係最後一次 唔推薦唯一讚係員工態度不錯🤍

去呢間食團年飯有6人餐12人餐6人餐就要加一加菜芥12人餐就全包基本上係半逼人叫12人餐當日全場爆滿啲餸都ok ge甜品係桂花糕都正但都燕窩羮就不知所謂因為係6個人但食緊12人餐所以夠食

這間酒樓是🤥人，經常貨不對版 ， 餸菜碟大料小，頭一次或許正常，之後幫襯多幾次就變樣。 小心吃海鮮 ， 推出特價 ，未煮之前畀你睇 大大只， 高手過招偷龍轉鳳，由廚房出到檯面～縮咗水 🤢， 再一招上至老闆下至樓面「打龍通」，佢哋轉頭攞番頭先畀客睇 嘅海鮮 ，重新放聽面做版給下一個客人選擇😨，最勁絕招「唔熟唔食」，他們武功蓋世響遍馬鞍山區，生意手法已傳遍街坊。另外，過時過節酒樓員工强逼客人買「券 」，唔買黑口黑面🙄， 小心小心！

整體感覺不俗價錢相對公道紅米蝦腸粉有驚喜$3x 大大碗燒鴨瀨粉 蠔仔粥食物新鮮製造 炸物熱辣辣 煎物夠可口牛肚點心尚有進步空間環境可改善 衛生餐具方面亦可多注重清潔熱水熱度有待改善位置偏遠但尚可接受總括以上 本人向沙田 馬鞍山 大圍街坊推薦此酒樓

嗌左個中秋$1588套餐，話有13個餸但係幾個餸都淨係得個盤大，菜苗食到仲有陣苦味，黃金蝦食落都唔係好新鮮，有隻臭左，又冇鹹蛋味，似吉列蝦……🤨豬手太少得啖肥膏。個個員工面色唔好，見到個經理係咁側邊鬧啲細嘅，比啤酒我地唔幫手開，明明見到我地舉手想嗌人幫手開啤酒，都扮曬睇唔到，套餐入面有6罐汽水，比我地雪碧但係想換做芬達，同伙計講直接比面色我地睇，進食環境十分差，唔見過態度同食材咁差嘅酒樓，啲碗碟都有啲污糟，強烈不推薦大家黎呢間酒樓食嘢！😐👎👎

今日去咗樓下飲茶，疫情期間呢張枱都可以坐到10個人，方便晒一家幾口團圓下。飲茶嘅時候唔記得影相，所以嘢食相唔係好多。記得叫咗10幾樣嘢食，最好食嘅係呢個炸豆腐粒，豆腐好香滑。不過個酥炸魷魚鬚就好普通，炸粉都幾厚。其他茶點都正正常常。酒樓環境大都可以再encore嘅。

果晚平日七點多去，不需等位，地方夠大，泊車方便，樓下有爛地停車場，酒樓有海鮮提供，當晚乳鴿只售9.8乳鴿即製，夠熱夠多汁胡椒冬瓜煮大蜆，冬瓜吸晒胡椒湯味好好食，大蜆新鮮翡翠蝦球花膠夠大碟

換咗師傅真係唔同，樣樣野好食好多，老闆成日喺度，尤其是棉花雞，蘿蔔糕，燒賣，潮州粉果，南乳豬手，鳳爪排骨飯超平$10都唔使，特價時段最超值，廚房亦有進步，尤其是燒乳鴿，記住食，晏晝$22，夜晚$9.8

第一次光顧，亦係最後一次黎之前仲擔心會排長龍 因為星期日 仲要long weekend 結果搭的士黎到 全場應該得十枱 黎到門口職員表示自己搵位坐 叫野食之前都睇過下Openrice有咩多人食，好似鵪鶉蛋燒賣，咖哩魷魚...但唔見menu有得劃，問職員結果係話2019年同2020年嘅post，怡家冇哂㗎喇😓真係O哂嘴最奇特嘅係佢網上飲食平台入面仲有得賣呢兩樣食品 所以再搵咗兩位職員問 佢地都係吱唔以對黎敷衍我哋就算 然後先睇到有人喺Openrice投訴過呢間酒樓 冇咖喱魷魚 竟然擅自改單比其他食品客人 而唔係比客人自己揀😓 食物質素上面：燒賣有怪味，海皇煎薄餅冇海鮮（但點之前問過職員話有海鮮），乳鴿斬法一開二（點食丫...）服務上，有個操大陸口音束馬尾黑衫嘅女士將點心送落枱，先係乳鴿！乳鴿配華鹽是常識吧？！佢明明已經攞埋華鹽出黎，但上完乳鴿就走，又要我再叫返佢轉頭😓到第二轉上菜，佢喺我頭頂過...佢寧願伸手撥開我附近嘅碟，都唔願意行多兩步去空曠位置上菜。我示意要佢去另一邊上菜，佢就發脾氣好不忿地立即黑面就行，連蒸籠的蓋同點心籠入面嘅紙都唔帶走，佢落嘅係山竹牛肉球，喼汁又唔問要唔要就咁走

於7月16號叫外送，餐廳送錯食物，致電分店了解，店方居然表示是故意打錯單的因為本來點的食物售罄，因此隨便換一款同樣價錢就了事，完全沒有打算聯絡客人解決問題....真是汗顏其後本人要求退款，店家一副不在乎的語氣，叫客人自行打上網上外賣平台解決事情，明明可以一開始就避免的事，結果要客人花自己時間去做....這種處事方法不論以後是堂食外賣或外送都不敢恭維..............................