新興棧食家

營業中

休息中

食過最好食嘅鯇魚粥！呢個真係真材實料！身邊嘅人都唔太食鯇魚🥹話有泥味但我真係魚類中第一愛呀，基本上鯇魚全身都勁鍾意食，魚頭魚嘴滾粥正！魚卜薑蔥爆正！魚上腩切條炆腐竹豆卜正！魚腩梅菜欖角蒸正！魚腸焗蛋正到癡線！魚尾滾湯正！今次呢間就食佢嘅魚粥啦，揀咗魚嘴魚卜粥，加多碟魚皮。魚佢哋會煎香再滾粥，魚唔腥好新鮮份量都好多，原個魚頭同大概6舊魚卜左右，粥好綿滑無粥水分離食完唔口渴。魚皮大量嘅薑蔥配一齊食係完全提鮮，真係一分錢一分貨，出面好多賣魚皮真係有假㗎，又淋又無口感，佢呢個爽口鮮味，我一定會再嚟

生滾淡水魚粥店越來越少，這家也算是一家實力老店。最大優勢是貨如輪轉，這也是淡水魚一定要的。份量材料足，建議早上來，選擇比較多。如果你從來沒有吃過淡水魚生滾粥，提醒你魚肉多骨，一定要小心，但就是有那種鮮味現在越來越少。 環境是簡單的，服務也差不多是自助，以前的粥店都是這麼樣。 點了魚腩豬膶粥，魚腩切得很厚。感覺新鮮而且真的份量豐富。豬膶也不錯，切得比較薄，用來吃粥不錯，因為放在滾粥裏頭不怕太生。粥底比起其他名店感覺沒有用骨湯來開，味道是米香，魚味，也是不同風格。

天氣涼涼地不如來食碗粥, 好耐之前曾經來過, 今日又過來食, 原先想食魚鮫粥, 不過話賣晒😅之後見好多食客都係想食魚鮫粥😙唯有改左叫魚腩粥😆走青, 等左一陣送上, ok大碗, 而且都有好多舊魚😅, 食啖粥先, 熱辣辣有d鮮甜的味道, 感覺入面有少少酒😉👍食落有d香味, 食舊魚先, 食到鮮甜又新鮮, 而且都唔腥😅, 而且舊魚都切得唔細舊😙, 食下魚又食啖粥, 感覺好溫暖😁不過食左之後都有d口渴😂一定有d師父了, 其實價錢都唔平😀雙拼over 70 就太貴了🤣食一味好了😁

這間店舖很有名。經常幫襯。但實話實說員工及老闆娘服務極差。要是用這種服務態度經營下去的話。簡直就是影衰香港。 希望員工可以自我檢討。否則這個生意沒有可能經營下去。會被時代淘汰。

一踏入秋冬季節就會諗起佐敦呢間老字號嘅🐟生滾魚粥專門店。呢間粥店已經開咗好多年，雖然舖頭嘅裝修比較舊，但佢哋嘅生滾魚粥真係真材實料，份量十足！而最特別嘅係魚大部份嘅部位呢度都有得選擇，出面唔係度度地方都可以食到。例如魚嘴、魚鬚、魚鰾或魚鮫等等。我每次嚟多數都係食魚腩+豬肉丸粥。魚腩會爆香煎過先加落啲生滾粥度，魚腩細骨比較少，肉質紮實又啖啖肉。另外豬肉丸唔似普通急凍肉丸，食落彈牙同Juicy。粥底好綿，而且生菜絲同薑蔥絲仲可以自己因應個人喜好再添。魚腩同肉丸嘅份量比粥還要多，食完覺得好滿足！😋

魚骨粥,粥底正常,可以綿多一些,更好.魚骨欠缺煎香,失色.炒麵,炒得好一般,不夠味.魚皮,一般水準.懷念往日既和味生滾粥店(疫情期間已結業),煎得香噴噴既魚餃魚腩魚骨,任加既生菜絲.即叫即做既腸粉.希望,店家,做得更好.在冇選擇的情況下,店家要努力改善,我希望每次想食生滾粥,就想起來佐敦區的你.離開粥店,在少有強勁晚風下,加添失落感.

生滾魚腩粥+炒麵*Time : Lunch*Price : $ 82 - HKD *Place : 新興棧食家*Review : 這一家店都有點歴史了，就是喜歡佢夠地道。- 魚腩粥：魚腩的數量很多，啖啖肉，鮮甜又滑，沒魚腥味，肉質結實，而且是即時製作的，會稍為煎一下再煮粥，所以粥的味道鮮甜，而且魚腩又大舊又多，所以吃起來有足夠滿腹感- 炒麵 ：也是即製的，所以很香，也很油整體好評，這種傳統的粥麵店已經愈來愈小，加上會這種方式煮生滾魚粥及炒麵的就更小，所以當日所見食客不小，很快就客滿

豬腰豬潤粥 ，爽滑魚皮 。 油炸鬼係淋嘅，因為係浸喺碗粥度食。 生滾粥，材料都新鮮同埋好多，魚皮爽口，薑蔥港式。不過價錢略嫌少貴。食飯時間都比較多人，要搭枱，環境衛生尚可，姨姨態度亦可以。😌😌

今日一早特登揸車嚟佐敦生滾粥，好耐冇嚟都係一樣咁正，咁好味👍🏻👍🏻今日都多人但唔需要等位👍🏻👍🏻我同老公叫咗個魚片牛肉粥、招牌炒麵、油炸鬼碗粥嚟到好爆滿😍😍粥料勁多魚片同牛肉即叫即煮熱辣辣😋粥需仲放滿生鮮生菜👍🏻👍🏻正👍🏻炒麵炒得好干身唔會好油我同老公都食得超滿足😌呢度一如既往嘅味道好味

今晚喺西九文化海濱長廊打完咭，搭小巴出返去佐敦，己經差唔多晚上九點，己經諗住今晚去呢度食魚腩粥，估唔到晚上九點仲有排隊等食呢間小店環境同衛生麻麻，主要係食佢出品嘅味道，以前黎開呢度梗係食魚鮫魚卜粥，可惜魚鮫已賣哂，唯有改食魚腩魚卜粥$70,另加一碟新鮮爽魚皮$39魚腩魚卜粥都算大碗，魚腩最少都有三大件，所有魚類食品都係即叫即煮，魚腩厚身多肉，先煮過相對入味，魚卜膠質豐富又爽口，魚腩魚卜加埋薑葱絲同生菜絲配粥，口感都幾好爽魚皮呢d小食好少地方有得食，魚皮加埋薑葱絲好入味食物質素同以前冇乜分别，係價錢比以前貴左，員工服務態度尚可以，希望呢間小店keep番食物水準啦

D粥係靚，魚腩同薑蔥炒過再盞啲酒後先口加粥底，所以上菜嗰陣粥已經好入味又有鑊氣同埋佢哋會張魚嘅唔同部位，拆開嚟賣以前有嚟食過魚腩田雞同魚腩豬心粥，我想有免費生菜螺，而家已經冇咗呢個選擇，啲粥上菜嗰陣生菜份不均，不過喺呢一啲舖頭食嘅係風味，所以冇所謂。如果你係住喺藍田又喺佐敦嗰頭返工就好方便，可以食咗個粥先返屋企。佢哋呢兩年似乎加咗價，雙拼粥魚腩併豬潤要$70，其他薑蔥炒魚部位嘅都超過$100。應該唔會食得咁密

秋冬季節，加上最近流感肆虐，大家要小心身體。新興棧食家鄰近佐敦站同廟街，店外長期有人輪候堂食或外賣。名氣十足之餘，佢嘅生滾粥都鑊氣十足，風味鮮味兼具。兩次堂食，分別試咗魚雲粥、魚咀粥、魚腩魚卜粥同魚腩及第粥，價錢比一般粥店貴，但份量同配菜都絕唔馬虎，啖啖肉咁濟。半開放式嘅廚房見到非常粗獷嘅佈置，好似大排檔咁鑊氣滾粥，可謂罕見，的確堆滿期望值。總結一下佢畀我嘅感受。鮮: 靚貨鮮魚滾出嚟嘅粥，令人估唔到喺佐敦都食到荔灣風情，當然可能有落味精提升鮮味，但至少我食完成碗粥都唔覺口渴。焦: 如果搵一款粥配搭泥煤威士忌，可能就係佢，每一啖粥除咗魚鮮，仲可以感受焦香同炭火嘅暗示，呢樣喺「煲粥」搵唔到。葱: 「魚鮮」、「生滾」兩位主角領銜演出，連配角嘅青葱都搏命搶鏡，為風味飽滿嘅粥加入清爽嘅氣息，形成三方鼎立嘅局面。兩次經驗中發現，如果你有同行朋友或伴侶一齊食，你好似我咁食完有兩款或多款配料嘅粥，再試單一配料嘅粥，會發現風味嘅層次真係會有啲遠，想試吓佢最有表現力嘅味道，嗌多樣餸更稱心。新興棧嘅粥十分出色，可以一試再試，當然小店關係，比較注重衛生和環境迫夾問題嘅朋友要適應吓。嚟緊都會寫更多嘅食評，希望大

路過以為街坊粥店所以入去試吓，坐低一陣阿姐兇神惡殺話新客唔可以坐呢張枱因為唔識坐會阻住佢哋出入，大佬我兩個人跟返上枱咁坐佢唔阻你但我會阻算數坐另一張囉。睇吓個餐牌價錢真係非一般但心諗出品可能好出眾所以環境同招呼咁差都仲生存到，炒麵$30一碟同普通粥店$10冇分別仲要凍冰冰，油炸鬼$11一碟碎上應該有半條，魚腩係新鮮，粥底亦無加粉但應該落咗重味精未出門口已經好口渴。阿姐嘅存在係考客人EQ落單鬧人漏單又鬧人連收錢都要鬧人，呢餐真係貼錢買難受。

一連2個post會介紹Vienn由細食到大最愛「生滾魚粥」～今日就帶大家嚟到50年老字號佐敦「新興棧食家」，用鯪魚骨做粥底，再以「鮮魚」做膽嘅生滾粥吸引「魚怪」慕名而來～但諗起細個會幫佢改咗個名伏「坑渠老鼠」聽到個名，故知然就知道……只要你本著唔食環境就會食到…好西！不過今次嚟係好乾淨同見唔到任何朋友氣～🐟及第粥 $62腰子、豬潤、丸子、豬心、滑牛有牛味又嫰滑，食極都仲有牛肉、粉腸唔騷！✨超推中意食及弟粥嘅朋友仔🐟魚腩魚卜粥 $70海量魚腩，魚卜多到唔記得✨私心推介必點魚卜、魚鮫、魚雲另外叫咗油炸鬼$11，可以唔洗叫唔脆✨力推薑落蔥魚皮、薑蔥魚腩（由於啱啱好返未敢挑戰魚皮，下回再續）✨魚咀都有得食，魚怪來啦！Overall 嚟講新興棧係心目中𝗡𝗼.𝟭嘅生滾魚粥！但就真係要好考驗，你怕唔怕環境因素😆如果唔驚嘅話你一定食過返尋味！價錢嚟講真心唔算貴，因為魚多過粥，只食到魚嘅鮮甜，鍾意食魚+食粥嘅你一定要試！如果大家中意俾個like支持下🤟🏽 𝗖𝗶𝗮𝗼🐟新興棧食家 (佐敦)🐟佐敦寧波街23號地舖

[ Sun Hing Chang 新興棧 | 佐敦 ]I recently came across this old-style congee shop that specialises in different cuts of fish congee! Ranging from heads to stomachs, and jaws. Being a fish enthusiast, I knew I had to come try. I came around 12 on a Saturday afternoon and a table was available. But after a while, more people started to come and we had to 搭枱. —— —— 爽滑魚皮 $39This appetizer is also one of their most famous dishes and it is quite rare to find fish skin that isn’t fried in HK. I really love