新聯豐粉麵家

營業中

休息中

一向係劉森記食開但深水埗人話新聯豐好食過劉森記問究竟咩好食？話蝦籽湯正同雲吞都好食其實我鍾意劉森記食牛筋腩蝦籽撈麵不過呢度冇蝦籽撈所以叫左碗雲吞蝦籽上湯麵🍜$40雲吞係底，有5大粒，咬開粒蝦都幾大隻，蝦肉結實，一咬就好易散，即係肉唔夠，而且雲吞唔係圓波型，可能隻蝦都大隻係圓扁型嘅雲吞，雲吞皮摺位明顯厚，不及十大碗好食橡筋麵幼得嚟彈牙，最緊要係冇鹼水味！但係個湯成碗都見唔到一粒蝦籽，味道亦唔覺得有好特別，我仲特登唔加腩汁試湯，最後落埋辣椒油食，個湯都有咸味，但食開十大碗係真係有一羹蝦籽上湯總結，雲吞麵我都係食返十大碗啦😂

凌晨肚餓 文記要排隊就去左呢間試見到有新鮮鵝腸同新鮮牛柏葉（黑色個隻） 而家真係好地方有，所以一定要試！今次先叫碗鮮鵝腸麵試試，有驚喜！估唔到鵝腸份量十足，爽口又肥美，可以再加埋佢地秘製嘅辣椒豉油，真係唔錯👍🏻呢到環境夠哂地道，凌晨一點都坐滿，證明品質都有保證 。下次要試埋佢個鮮牛柏葉，見到隔離枱食好似都唔錯 。除左鵝腸同牛柏葉，呢到好似仲好出名食粥，因為都見好多人叫粥食 。夜媽媽諗唔到食咩可以試呢間！

喺香港好耐冇食到過呢一種質地既粥個粥煮得夠哂綿 夠哂滑 濃杰度剛剛好我叫左碗豬潤牛肉粥 個粥底夠哂味豬潤煮得岩岩奶又夠爽口 整體成個粥真係好食第一次食呢間嘢的確好有驚喜

在深水埗的**新聯豐**，我和老公品嚐了懷舊風格的美食。我點了淨湯面配炸雲吞，湯頭清淡卻鮮味十足，面條韌性恰到好處，炸雲吞外脆內嫩，肉汁豐富，讓人驚喜。老公則選擇了炸醬麵，醬汁濃郁，面條彈性十足，讓人回味無窮。店內環境充滿懷舊氣息，牆上掛著老香港的照片，氛圍親切，讓人放鬆。服務熱情迅速，讓人感受到家庭式的溫暖。總的來說，新聯豐不僅提供美味的食物，還帶來了濃厚的懷舊情懷，值得再來光顧！

問個女侍應有冇撈麵，回覆嘅時候態度極差，同佢講牛腩想要肥啲竟然可以答你冇肥嘅牛腩，隔離枱問佢個價錢點計嘅，即刻對個客呼呼喝喝，中秋節食餐飯，仲要受埋你氣，真係你食埋我嗰份！

中午嚟咗呢一度食麵。呢間嘢我成日都嚟食魚蛋麵。因為貪佢啲魚蛋夠彈牙。但今次就試吓第二啲。今次嗌咗鯪魚球麵。鯪魚球啲肉啊好紮實，咬落好彈牙，唔會林啤啤咁。個湯都好清。麵底都好爽，好出色。成個配搭好味過油麻地嗰間XX記字頭嘅麵家。加埋油菜買單$58，我覺得以深水埗麵店嚟講算係貴，不過的而且佢都係區內少有我會返兜嘅麵店。

好耐都冇嚟食個魚皮。真係每次嚟都必點。但鹹肉粽就變咗有紅豆。味道冇之前嗰隻咁好味。不過我就鍾意地道小店食嘢。雖然有好多人話衛生差。服務差。講真。小店係街坊生意。去得就要預咗。如果要有服務同勁乾淨我覺得去返有收加一服務費的食店！

每次經過呢度，都會心大心細去食個車仔麵定去食燒味飯，畢竟選擇真係太多！10次入面，總有5-6次都會揀新聯豐，快靚正，又好食。豬膶撈麵豬膶微滑＋彈牙爽口，幼麵爽口冇乜梘水味，加埋薑絲蔥段，再加碟辣椒豉油，冇得頂。粥品亦係唔錯既選擇，另外豬手，雞腳，雲吞亦都唔錯，推介！

以前成日食呢間嘅蠔豉雞煲仔粥，但今晚突然話無煲仔，得碗頭，我話好啦，點知落到嚟張單價錢貴過煲仔，我問姐姐點解啦，佢話餐牌上碗頭係無蠔豉同雞一齊嘅set，你要食就要另外蠔豉拼雞，仲大大聲話而家蠔豉有5粒，所以貴啲，咁我聽咗都覺得ok，等咗半個鍾之後，上到黎竟然得3粒蠔豉，我問點解，佢竟然即刻鬧我點解無問佢雞有幾粒，話蠔豉唔夠就自然用雞搭救。。。真係九唔搭八，所有嘢都係個姐姐claim，出到黎貨不對辦就鬧客人無問清楚所有配料有幾多，同埋無問如果一樣唔夠係咪會用第二樣搭救，乜幾時食嘢要咁多規矩。真係超級差。姐姐聲大夾惡成個黑社會大姐大咁。

見KOL介紹，諗住lunch 去試咖哩魚蛋和八爪魚，點知原來4點有，但坐底左，咁都叫碗牛腩魚餃米。黎到首先好細碗，魚餃得兩粒，牛腩亦不特別好味，但價錢卻唔平，$49蚊。當然$49是小數目，但相比份量同質素，卻不值得。另一恐怖事情，是有一個員工亞姐，當時我叫她給我一個碗仔，她讓我等等，突然在廚房有水積的地上執起垃圾隨手棄掉，我看見她的手直接掂到污水及垃圾，她舉動令我很不安，所以一直盯著她，然後看見她「沒有」洗手，便拿了一支氣水給另一客人，再拿了一個碗仔給我。我立即說她沒洗手便拿碗，她：「乜呀」了一句便走開… 如果我沒有便用那個碗，怱怱食完就走。實在不會有下次幫襯！！

🇭🇰新聯豐粉麵家·鮮八爪魚$18同場加映呢個我哋去過好多次都食唔到嘅八爪魚 因為呢間係夜晚先有呢個八爪魚既 所以我地一路都無機會買到 今次排文記既時候見到佢就即刻去左買😈😈佢個八爪魚係真係超級爽 好彈牙 口感好好 配埋佢個醬汁好惹味 我自己好鍾意🐙·📍深水埗桂林街143號地下·#rbyeat#rby港式#rby深水埗

每次諗起係深水埗搵好野食，一定會諗起依間新聯豐嘅粉面，今次都唔例外，係深水埗買完野正想搵地方醫肚，第一時間就係諗起新聯豐。舖頭地方唔大，但勝在夠親切同夠深水埗😆，地方光猛整潔。今次我地叫咗至愛嘅豬潤撈麵同魚片魚蛋河。款式勝在夠多，價格亦都合理至愛嘅豬潤撈麵，無論配邊一種麵，麵都唔會搶到豬潤嘅風頭，因為依度嘅豬潤每一片都比出面其它地方嘅厚，而且夠爽唔會鞋口，份量又夠多，所以超級抵食。魚蛋魚片河，魚蛋魚片爽口彈牙，份量亦都夠多。整體而言，佢嘅質素係粉麵界嚟講個人覺得係中上既級數，位置方便，去開深水埗絕對值得到新聯豐試一試。

中午時間，我的外賣已經煮好，店員正在打包，當我行上前取外賣盒時，一個50多歲店鋪阿姐從店外回來，一路行入店內，一路兇神惡殺從我背後喝駡我：「外賣出去門口等，阻住晒！」食個午餐都比佢嚇死！

偶爾睇過香港魚蛋關注組介紹過呢間平平無奇嘅魚蛋粉麵舖竟然有超級惹味嘅秘製咖喱辣醬可以配陳皮魚蛋或者新鮮八爪魚🐙不過呢款美味唔係時時都食到每日下午4點之後先至會開小食檔早啲去都食唔到😆😆😆今次叫咗八爪魚($18)同魚蛋($7)各一串咖喱醬辣度係固定嘅味道微甜香辣似陳記嘅沙嗲醬辣度約中辣，醬渣較幼質地好掛汁，味道愈食愈滋味唔食得太辣可以叫姐姐落少啲八爪魚燙得幾好唔老👍🏻爽脆新鮮彈牙唔韌一串都幾多塊，份量合理魚蛋冇雪味陳皮香氣撲鼻同咖喱醬的確係perfect match✨-🐙 新聯豐粉麵家🏡地址:深水埗桂林街143號地下☎️電話: 2708 8318🕙營業時間: 10:00-04:00 (Mon-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)

夜收工,未食飯,同事飛的落返歸,深水埔丟低我轉車,眼見冇咩好食,鵝腸粗麵應該係唯一出路,一碗太少,兩碗又比大人鬧,夜媽媽仲食咁多,食完就訓,等等等等等.....於是醒目既我叫左一碗鵝腸粗麵,加底再要雙份鵝腸,咁就神不知鬼不覺咁啦,哈哈哈...2份鵝腸係唔同d,哈哈哈,肥鵝腸爽口肥美但唔油膩,點埋佢地既辣椒豉油同辣椒油,仲更加香口惹味,分左湯,麵返到去都冇焾到,仲係好爽口,食飽飽沖個靚涼訓覺,大滿足!