新翠苑牛什粉麵

營業中

休息中

🐮我們點了牛三寶粉面 加了豬潤+牛鞭+魚皮 端上來就是滿滿一碗 牛三寶燉得很軟爛了 調味很鮮美 湯底可以吃到白胡椒的香鮮味 裏面加了豬潤是很肥厚的 很新鮮 牛鞭是這家店的特色 非常軟嫩了 沒有腥 高達98%的膠原蛋白 吃著真的很安心🤭🤭把脆脆的魚皮放到湯裏浸到半脆半軟的狀態 吸滿了白胡椒味和骨頭湯的湯頭 太絕了！！🧄蒜汁燒賣 燒賣其實在小吃攤很常見 但是加了蒜汁又是不一樣的感覺 多了一種香味🐟四寶 裏面是有魚蛋+貢丸+生菜+魚皮餃 整個就是鮮味大集合 很Q彈 很鮮美 魚皮餃是新鮮包的 皮薄餡大👍👍

街坊店類型，蘿蔔青菜各有所愛體驗就一般般，不過如果住附近都可以考慮食下，偶爾換換口味，粉面都唔貴🐮有三種牛腩任選坑腩筋肉層次分明，燜得軟糯入味爽腩連著層薄膜，入口爽滑帶點嚼勁蹦沙腩肥瘦相間，油脂融化在口中...🍜坑腩粗面 粗面夠曬嚼勁，坑腩燜到恰到好處，筋肉分明又不會太爛。最正系可以加埋店家自制的辣椒油，香而不燥，令面更加美味🌟配菜 飲品選擇多脆卜卜的魚皮浸湯三秒就食得，油菜淋上經典蠔油，再配杯凍檸茶...呢啲先系地道的港味

上堂前搵野食隔離有間超人，但又唔想食咁飽最後揀左呢間面店來食個清清地魚蛋米粉先講下餐廳周圍，幾乾淨光亮嘅冇平時雲吞面店嘅殘舊感覺服務人員招呼唔錯落單後5分鐘左右已經上到碗面餐牌選擇都好多牛腩仲有唔同部位揀我叫左碗魚蛋米粉難得個粉冇咩味精魚蛋食到魚味如果晚餐想食得清清地都係個好嘅選擇

四代人只为一碗牛腩粉新年来港，不要只知道去网红店啦，今天我路过的这家新翠苑就真的很不错，店面简洁接地气，他家的牛腩炖的超级入味，很软超好吃，据说都是本地人来光顾的老牌店铺了。我们点了三份，分量很足，口味真的不错👍【坑腩河粉】坑腩是牛肋骨之間，去掉肋骨後出現一條坑，故名坑腩。坑腩表面帶有筋膜，肥瘦適中，肉質緊實，久炖之後香而不爛，口感很不錯【崩沙腩河粉】崩沙腩是牛腩中最矜貴的存在，它屬於牛腹部下面橫隔膜，有皮有筋還有肉，可以算牛腩中的極品啦，這家店的崩沙腩已經煮的非常軟糯，肉質酥而不爛，筋膜部分比較爽脆，一口下去都是牛肉香【牛雜河粉】牛雜的用料真的是很實在，濃濃的牛肉湯底，搭配上金錢肚，牛蒡，牛肺，牛腸，全部都是大大件，牛雜炖的夠軟，濃郁的香味真的回味無窮。我們還外叫了一份炸魚皮，脆脆香香，簡直是牛腩河的美味搭配。小店老闆人也很nice，據說這家店已經做了四代人了，真的是用心只為一件事呀，店鋪雖然不大，但都是本地人來光顧，牆上也貼滿了港星打卡的照片，走過路過別錯過啦。🐂店名：新翠苑牛什粉麵地址：佐敦白加士街129號地舖（近佳佳糖水，永安百货后面）

因為冇食早餐，路過此地，見到門面OK就入咗去食碗招牌牛三寶河粉，賣相不錯，味道比較重，唔可以用鹹去形容，但係可能係啲汁比較重味，可接受，但個人不太喜歡，要重口味嘅可以過嚟食嘅，碗河粉都幾大碗，食到飽飽，呢個區域$65價錢尚可接受。

見到呢間牛雜麵店都幾多款式，又有牛嘅面珠燈，又有牛爽腩，崩沙腩，所以決定入去試一試叫咗個牛爽腩食下，整體都可以，但略嫌牛腩有少少鹹，同埋湯底唔係話好有牛味，但價錢唔貴，下次可以試吓其他種類

響佐敦搵咗一輪，都搵唔到傳統嘅牛腩粉麵店，行行吓，終於發現呢間店，兼門面其貌不揚，決心入去一試舖頭內有浸好大重味道嘅牛肉味，幾難頂，點咗一碗牛腩米粉，一上嚟，極不吸引，中伏味濃，先飲啖湯，一落口，湯冇味，味淡，再食米粉，好硬，質量唔得，再試埋啲牛，完全跌入谷底，$20都比多。😞舖頭入邊，展示咗好多相片，有懷舊相片，有拍戲取景照片，有明星零食嘅照片，但係實情係直升機，伏伏伏，如果因為啲相入嚟，只會講你完全中伏

中午一個人去完永安商場街街, 隨意地走進一間粉麵店舖, 點了一碗牛雜麵加墨魚丸多蔥, 看到碗麵總算多蔥, 吃了兩口麵都唔錯，但牛蒡較乾，可能切得比較厚, 墨魚丸唔夠彈牙， 感覺裏面很多粉。

這天到佐敦區覆診, 本來想去慣常去的素食店. 但去到門外時, 店子今天沒有平常的午餐, 只好冒雨找找其他的食店. 公司的附近並沒有潮式粉麵店, 所以看到這家店的價格合理, 二話不說便走進去. 看到餐牌有平常少吃的牛什, 又想起上次吃生麵的碱水味, 便選擇牛什河. 一上桌看到是一"堆"河粉,  店子當時的食客並不多, 師傅實在有點隨意. 牛肚, 牛膀等炆得有點不夠較腍入味, 只屬中規中矩. 牛腸則不太入味但較腍. 加$9有一碟生菜/菜心/芥蘭, 我選擇較愛的芥蘭, 吃起來爽脆, 亦令這餐加添蔬菜平衡一下. 翻食指數: 60分.  雖然價格合理, 但周圍有更好而抵食的選擇. (此指數平衡店舖交通, 味道, 環境, 價格... 等等, 個人作出的評價.)

果晚8點幾已經周圍滿哂人, 由街頭行到街尾想食的食肆已經滿哂, 但又唔想等位, 而且又餓, 咁就尤其行入呢間野食, 諗住頂住下個肚, 搭車番到屋企附近先再食...............點知.............食完都冇乜事, 一行到去坐地車就開始feel到個肚乸乸地, 但要半個鐘車程加10分鐘行路, 好彩企咗一陣有位坐, 終於好辛苦咁番到屋企個廁所, 即刻放低之前食果碗粉..................都係講番d食物先................. 牛丸米 -> d牛丸都叫OK, 唔係好粉, 不過好細碗, 同10蚊碗果D差不多, 不過呢度唔係賣10蚊呢............... 牛筋河 -> D牛筋好多毛, 好明顯見到一條條毛, 好嘔心........我發誓就算幾餓, 要行到老遠先有得食都好, 都一定唔會再食呢間, 除非我果幾日便秘啦~~

早幾日師傅好鬼肚餓, 於是就去搵下宵夜食啦, 行行下行到黎呢間食店前, 師傅心大心細, 都唔知入唔入去好, 最後還是豁左出去!入到去冇咩人, 於是求其搵個位坐底, 跟住就睇下有咩好食先! 呢間食店叫牛什粉麵, 但門口又叫自己做水餃專家, 攪到師傅我都唔知食咩好, 最後就決定兩樣都唔叫, 叫碗淨雲吞算把!等左一陣碗淨雲吞終於奉上, 一碗有六粒, 幾大粒, 好似乒乓波咁大粒, 賣相幾好, 於是師傅先試下個湯底, 發覺唔係咁好味, 感覺係清水多過似湯; 接著落黎就係試下個雲吞, 一咬下去發覺大部份都係豬肉, 而蝦反而又少又細隻, 冇左爽口嘅感覺, 所以口感絕對唔好, 皮係夠薄不過個餡好唔得, 勁失敗!其實師傅食左第一粒後已經唔想再食喇, 不過唔食又好似好浪費咁, 所以好辛苦食左五粒, 到最後一粒還是開不了口, 放棄收場!總括黎講雲吞嘅質素完全唔入流, 比那些十蚊店還要差, 環境一般, 服務一般, 價錢又係一般, 十八蚊一碗唔好味嘅食物, 絕對可以用貴黎形容, 所以肯定冇下次!