5
2
0
港鐵荃灣站 B1 出口, 步行約8分鐘 繼續閱讀
電話號碼
34862328
營業時間
今日營業
12:30-14:30
17:30-00:00
星期一至日
12:30-14:30
17:30-00:00
付款方式
Visa Master 現金
座位數目
20
其他資料
Wi-Fi
酒精飲品
電話訂座
外賣服務
加一服務費
電視播放
招牌菜
生蝦刺身 咖哩蟹 焗蒜茸包 鹽燒烏頭
食評 (7)
等級4 2017-04-17
740 瀏覽
壽星女極愛吃泰國菜, 很多出名的泰國菜餐廳幾乎都試過了, 唯有捐窿捐喇揾新野食, 今次找來新開位於荃灣的泰國私房菜 ~新紅山泰國菜館, 一心以為私房菜一定係寧靜舒適, 食物有返咁上下水準, 點知.....私房菜位於住宅樓宇的二樓, 大門深鎖, 初時以為是冒牌經營, 原來佢哋係持牌食店, 但點解咁神秘呢…..又?一入到食店便知何解, 可能樓底低之故, 食檯又排得密密麻麻的, 可以用嘈到拆天來形容, 我坐嘅位置係路口位, 食客出入成日撞到我, 餐飯食得真不爽炸蝦餅 (送的小食)香脆可口, 炸得乾身不油膩。蒜蓉包 ($30)麵包好鬆軟, 蒜蓉都算香, 但可以再放多一點。泰式鳳爪 ($68)夠酸夠辣, 醬汁做得幾惹味, 好食。生蝦 ($98) 夠新鮮, 夠大隻, 也鮮甜, 略嫌蝦肉唔夠爽脆, 配泰式酸辣醬汁, 酸辣清新。明爐烏頭 ($128)剛上檯食好清淡, 烏頭無乜味, 泰式香茅、辣椒、芫茜及青檸等香草, 越滾越出味, 酸酸辣辣胃口大開, 烏頭也越食越好味, 最後連個湯底都飲左一半。馬拉盞炒芥蘭沙爹串燒(牛/猪/雞各4串) $120 雞肉最嫩滑, 牛豬比較嚡口, 沙爹醬唔夠香, 又少了花生碎香脆口感, 好一般。甜品 : 椰青糕 (送的)用椰青水及椰青肉製成的大菜糕, 清香爽口不甜膩, LIKE其實食物是不錯的, 比一般的地下鋪好食, 仲非常抵食, 我地6人吃了11個餸連小食, 再加2罐可樂, 埋單$852 only, 不過環境就非常嘈雜, 完全傾唔到計, 食完餐飯耳仔wing wing 聲, 頭也痛了, 冇下次。  繼續閱讀
(以上食評乃用戶個人意見 , 並不代表OpenRice之觀點。)
等級2 2017-02-11
831 瀏覽
朋友介紹左呢間泰國菜,唔係佢介紹真係唔識黎!入面坐得唔算多人,都係得7-8枱左右,因為係星期五晚,比較旺,我地都預先book左位,同留定一份生蝦刺身原來椰青都要預早留架,但本身唔知,最後試唔到。有啲失望既係佢上菜速度非常慢,我地8點入座,叫左少少野先,但佢9點先開始上菜呢個蝦片係送既,都幾脆同香蝦味,幾好食!今晚天氣凍,叫左個冬蔭公湯暖下胃,但係麻麻地,味道偏淡,唔夠酸+辣。生蝦黎喇!好大隻,好爽口,真係值得推介!個醬好夠辣,好好味,除左點蝦,我地仲用黎撈生菜包食,都好惹味叫左雞同豬串燒,個沙爹汁好好味!值得推介既係蒜蓉包超好味!必食!我地都忍唔住翻叫!!叫左個咖哩雞,諗住點包食,但太遲黎,只可以就咁食,不過呢個幾失望,冇乜味炒金邊好多芽菜,唔中意既人記得要走芽~味道同出面差不多,冇咩特別。生菜包我好中意~~都幾重青檸味,夠濃味,包埋菜食中和返岩岩好,再加少少生蝦醬成件事仲正!芒果沙冰冇咩味,好淡,有啲失望。另外都有叫青檸梳打同珍多冰,都係一般,可惜試唔到佢個椰青~臨尾佢會送個椰汁糕(其實係用椰青整,同出面果啲唔同)都幾好食!真係有椰子肉係入面,感覺有啲桂花糕咁,幾清新另外都叫左炒通菜同炒椰菜苗,偏辣。老闆同老闆娘態度都好好,但唔知係咪佢地個女就爭少少,態度差,成日話等陣跟住去左去,唔理我地。上菜速度快啲就好,我地成餐飯食左差唔多3hr 但等左1.5hr 每個送食完你眼望我眼,等好耐先有下一道送。不過蒜蓉包同生蝦刺身好值得推介!建議星期一至四去,適合一大班人去,價錢唔貴,我地7個人$800鬆啲埋單!環境都幾乾淨企理。 繼續閱讀
(以上食評乃用戶個人意見 , 並不代表OpenRice之觀點。)
等級2 2016-09-08
1302 瀏覽
食過n咁次都要再食。咁你地明啦!間野好有私房菜feel,老闆係香港人,老闆娘係泰人。夫婦都己nice!我地食到最尾都冇趕我地,仲叫我地慢慢坐!👍今次一行8人,可以嗌勁多野食,巧開!但留意喔,依到冇menu咖,想食乜就自己嗌,基本泰菜都有咖!最中意佢個生蝦,大隻又爽,勁想encore,不過要留肚食其他野。另外仲嗌左明爐魚,生菜包,蒜蓉包,金邊粉,炒通菜,炒飯,串燒(雞 豬)。。咁上下。掛住食都冇影到相,下次再食一定影返比大家睇!必食嘅有生菜包,多酸又開胃,生菜亦好爽!蒜蓉包切條上,同出面食開嘅形狀唔同,似係自制嘅,正!金邊粉。。本人好討厭芽菜,所以冇試到,朋友就話不過不失!泰式炒通菜,今次食落有小小喊,但之前一路都好好咖。明爐魚,我就有小小失望,醬汁幾好果,但魚肉蒸得太耐,唔夠滑。炒飯加單叫嘅,本人亦無試到,飽飽啦!串燒我like爆!不過一切要熱食,凍左食左串豬,即刻係兩樣野!飲品方面,芒果沙冰,好飲,中意佢啲沙冰磨得夠smooth,又唔太甜。另外朋友就叫左椰青,真係泰國街邊即開嘅椰青,朋友話不錯!期待下次再去! 繼續閱讀
(以上食評乃用戶個人意見 , 並不代表OpenRice之觀點。)
食過一之後便時不時會黎呢間食,生蝦刺身每次來都必食,虎蝦大大隻又新鮮,好正❤️雖然沒餐牌,熟客黎開都知道點落單,飯後甜品椰汁糕好清甜,幾飽都會食得落😋老闆娘好好招呼,態度好👍🏻 繼續閱讀
(以上食評乃用戶個人意見 , 並不代表OpenRice之觀點。)
等級1 2015-07-25
1618 瀏覽
5個人食,4道菜食得好飽我都係成日幫襯個個。d野又真係好食。樓上鋪,好有住家味。記得要提早book位。今日等左半個鍾有位都算快。咖喱蟹要268。有小小貴。但還是值得推薦。叫埋蒜蓉點咖喱蟹超好味。贊贊贊鳳爪沙律意外好吃。椰青 26一個。都值得推薦。菠蘿炒飯也是不錯。但點了咖喱蟹,最好係點白飯。還有點了一個豬頸肉就麻麻。其他都好好味。贊贊贊。還是會經常來。適合多d朋友一起來食。抵d。 繼續閱讀
(以上食評乃用戶個人意見 , 並不代表OpenRice之觀點。)