新竹園軒

營業中

休息中

菠蘿咕嚕肉😄這道菜的色澤金黃誘人，乍一看便讓人忍不住想要品嚐。咕嚕肉外脆內軟，咬下去的瞬間，香脆的外皮伴隨著鮮嫩的肉質，讓人驚喜不已。配合著酸甜的汁醬，菠蘿的獨特風味更是為這道經典佳餚增添了一抹清新，令人胃口大開。每一口都是一種享受，彷彿在唇齒間舞動的美味，讓人忍不住想要再來一口。秘製欖角骨😃同樣令人難以忘懷。這道菜外面炸得香脆，色澤油亮，醬汁流淌之間，散發著誘人的香氣。多肉的排骨不僅肉質鮮嫩，更是香甜可口，吃上一口，甜甜的滋味在嘴中綻放，令人陶醉。這道菜的獨特魅力在於它的口感和味道的完美平衡，讓人每次光顧都必點。沙茶芥蘭心炒牛肉😂這道菜的香氣四溢，沙茶的獨特風味與芥蘭的甘甜味完美融合。新鮮軟嫩的牛肉在熱鍋中翻炒，肉質滑嫩，口感極佳。芥蘭在炒製過程中保留了些許的苦味，但卻帶著清香，搭配著蠔油的鹹甜，更是提升了整道菜的層次感。每一口都讓人感受到清新的口感，令人驚艷不已。紅燒乳鴿皇更是讓人無法抗拒的美味。當它端上桌的那一刻，焦香的氣息撲鼻而來，味道濃郁，肉質飽滿。表皮酥脆的乳鴿，內裡卻鮮嫩多汁，微甜微鹹的口感在嘴中交織，令人回味無窮。這道菜的精緻程度無疑是新竹園軒的代表之一，讓人感受到烹飪

星期日同朋友食嘢吹水，諗住搵間酒樓可以坐耐啲，叫咗4款點心👇🏼招牌蝦餃皇（頂）$50入面好多蝦，夠大粒又彈牙，無加其他多餘配料，唔錯👍🏻瑤柱珍珠雞（特）$46正常味道，唔會有好多肥膏和一舊舊嘅醬汁，ok懷舊咸水角（小）$34見無乜酒樓有得食，所以點嚟試吓，個人覺得個皮唔夠脆，饀料味道正常。五香金錢肚（大）$42佢唔似食開的金錢肚有好多汁，用豆卜墊底索汁，但佢無乜汁比較乾身，唔算好惹味，普通。午市茶錢每位$15餐前小食$20（一碟花生和xo醬）整體來講，食物味道正常，只是蝦餃有點驚喜，其他一般；叫咗兩款茶，味道偏淡；服務員態度正常有禮貌；酒樓樓底唔高，枱面位置分布左穿右插，有好幾間板間房，困住啲聲，感覺好嘈吵。

今次喺外國讀書返嚟，好掛住香港嘅粵菜，就同表哥提到，跟住佢就安排咗一個晚上帶我同嫲嫲一齊嚟呢間新竹園軒酒樓。 呢度環境好好，地方唔會嘈，跟住座位都幾舒服。表哥叫咗燒乳鴿同鳳爪孝敬嫲嫲，燒乳鴿係用紅燒嘅做法烹飪，外皮好香脆，燒得味道非常好食， 外層仲有一層油香，肉質又好軟。鳳爪有住好香嘅葯膳味，又唔會苦，食起嚟感覺就好補，跟住口感好好，對老人家牙口唔好嘅，好友善。佢哋嘅蟹肉露筍都係好鮮美香甜，每一啖都食得到蟹肉嘅香氣，同露筍嘅清香，兩樣食材放埋一 齊煮真係好好食。芥蘭炒牛肉有濃郁嘅沙茶香，炒得非常入味，每一啖肉同菜都食得到沙茶嘅香氣，非常開胃。呢度嘅招牌菜，小炒皇更加令我回味無窮，呢個係佢哋嘅特色菜，入面有韭菜、蝦米、蝦仁、菜甫 ，加埋一齊炒別有一番風味。我真係好開心表哥帶我嚟呢度食，真係我心目中香港數一數二嘅粵菜。

姐妹想飲茶食蝦餃！所以訂咗有好食評嘅新竹園軒，齊齊飲茶吹吓水😘自家製XO醬好足料👍招牌蝦餃皇皮簿足料夠大大粒👍姐妹話好好味，無介紹錯🥰蒸牛肚超惹味👍蟹籽燒賣皇👍蘿蔔絲酥👍我嘅至愛🥰乾炒牛河牛肉稍為乾身啲但夠鑊氣👍飯後贈送甜品😋久違嘅馬蹄露，甜味啱啱好，大大粒馬蹄！正呀！非一般貨式👍👍整體店員好細心為我們清理枱面，部長又主動送糖水給我們享用！今時今日仲有以客為先嘅服務👍係要讚👍

你哋一定要點山竹牛肉球，真係非常好食，一盤有3大粒，慢慢食你可以食到陳皮嘅香氣，口感嫩嫩多層次，食緊嘅時候仲可以感受到馬蹄嘅清脆呢~蒜蓉蝦春卷亦都係我老豆嘅最愛，對比其他茶樓呢間嘅春卷偏大扁圓，但係有獨特嘅味道，金黃色嘅春卷外皮食起嚟特別爽脆，內餡係大顆嘅蝦仁搭配香味十足嘅蒜蓉，非常美味~蟹籽燒賣皇就唔使多介紹，嚟食點心絕對少唔到佢，呢間嘅蟹籽食起嚟好Q彈有勁，每粒燒賣嘅秘製肉鮮嫩多汁，用料精細。再嚟就係經典豉汁蒸排骨，特濃嘅豉汁香氣搭配鮮滑嘅排骨，為口感增添咗一層風味，當特調豆豉醬汁滲透入排骨時，仲可以一邊享受嫩嫩嘅肉加上油香味十足嘅味道！總結嚟講，呢間店嘅點心真係唔錯，快啲嚟試吓啦！

12點半前趕喺午餐尖峰時段去到餐廳，唔使等位直入，坐得好舒服。一直以來都好鍾意嚟酒樓小聚，各種點心選擇之外，服務仲好好。店員姨姨仲介紹我哋試吓蜜椒雞翼。蜜椒雞翼👍👍👍上枱嘅時候熱辣辣，金黃色嘅外皮超脆仲有濃濃嘅蜜椒味，減少咗油膩感。肉汁好多，味道都好香，萬萬都估唔到可以喺中菜館食到咁惹味嘅雞翼，我哋都好快就食晒成盤。蜜椒雞翼一定要encore！！！蜜汁叉燒腸 👍👍👍腸皮薄餡靚，件件都塞滿瘦叉，叉燒嘅味道唔錯，唔會太鞋太大嚿，食落都有香甜嘅味道，夾埋豉油一齊食又鹹甜中和返，啱我口味。山竹牛肉球 👍👍高性價比之選，料足而入口夠爽彈，馬蹄粒更添咗爽脆感，牛肉粒唔會油膩好夠牛肉味唔會過多粉，相當唔錯，食落嫩而多汁。豉汁蒸排骨 👍👍講真我對排骨都係麻麻地 但係男人嘅必食。呢間嘅賣相做得幾唔錯，好有水準。入面嘅排骨形狀都好靚仔又半肥瘦而且豉汁味好出色 醃製得恰到好處，都唔會太鹹

尖沙咀❤️高質粵菜🤤新竹園軒成日都食西餐，因為覺得中菜唔好食，今次我哋2個人去咗呢間「中產價錢、富豪級數」，由香港地道食府 - 竹園海鮮飯店的原班底主理嘅「新竹園軒」，試吓佢哋個「奢華珍饈粵式蟶子皇二人套餐」😍 套餐包括有「招牌芝士龍蝦🦞伊麵」，真係超級邪惡，啖啖都包住芝士🧀，龍蝦仲要好鮮甜！「胡椒蟶子皇」，未試過食帶有咁香白胡椒味嘅蟶子，味道獨特，好惹味，夠晒爽口。「崧子黃金蝦球」🍤包住濃濃嘅鹹蛋黃味。「清蒸海斑」🐟 蒸嘅時間啱啱好，魚身好滑😚 仲好大條添！「秘製潮州翅」🥣魚翅嘅份量都好多，仲有芫荽同埋黑醋配搭。「瑤柱蛋白炒飯」粒粒分明，好有鑊氣🥢 最後就係甜品「楊枝甘露」，估唔到粵菜都可以做到咁好味嘅楊枝甘露，真係好有驚喜！下次會再嚟😋 📍尖沙咀 新竹園軒📍地址: 尖沙咀漆咸道南79號中國五礦大廈3樓

我同朋友嚟咗尖沙咀覓食👀經過見到門面裝修得唔錯😍嘅新竹園軒，毫不猶豫就揀咗我哋晚餐嘅地點💪🏻瑤柱蛋白炒飯🥚🍚炒飯香味♨️四溢，飯粒粒🍚分明散發瑤柱鮮香同埋蛋白🥚同白飯嘅炒香再加上玉蘭菜粒同油炸嘅瑤柱絲，顏色清爽，口感豐富，清淡而鮮美☺秘製欖角骨🌯🥩欖角骨肉香🥓骨脆，鹹香味十足💯食落去後口感爽脆😌，排骨相當入味，油而不膩👍🏻蜜椒雞翼🍯🍗鮮嫩多汁嘅雞翼🍗口感彈牙有嚼勁😋味道细腻滋潤，甜味帶有微微嘅辣味🌶️，十分美味😊招牌小炒皇🥬🦐鑊氣十足嘅小炒皇😘，有大大隻嘅蝦乾🦐有口感爽嫩嘅韭菜花，整體質感豐富😍食得出好有 多層次感，令人食指大動👌🏻餐廳入面嘅裝修更加係高貴優雅😉無論食物或者服務都相當高水準🆙，我哋兩個都食得好滿足😋

講到喺尖沙咀飲茶，真係唔少得新竹園軒！星期日我返完教會，特登過來飲茶食午餐。到達嗰陣時都仲早，完全唔使等位。到12點幾，餐廳已經坐滿七至八成客人，氣氛好熱鬧。去酒樓飲茶最正就係可以慢慢食慢慢傾，仲有各式各樣嘅點心任你選。首先試咗手拍青瓜，啱啱好脆，份量都唔少，作為前菜真係唔錯。呢個青瓜保持到咁脆唔係每間都有，食完油膩嘅嘢之後，真係可以幫助中和下。接住嚟就試咗酸薑皮蛋，講真我對皮蛋本來有啲抵抗力，但試過之後覺得質感唔錯。皮蛋外層透明，煙韌有彈性，而酸薑嘅味道又好味，酸甜之間又唔會太辣，完全acceptable。香煎蘿蔔糕係我今日最鍾意嘅一樣，煎到金黃色，外脆內軟，仲可以食到一絲絲嘅蘿蔔絲，糕嘅質地唔會一夾就散，口感好好，完全唔會成口粉。最後就試咗鮮蝦腐皮卷，炸得熱辣辣，外層酥脆，腐皮又唔厚，裡面有超級大隻嘅蝦肉，真係好足料。總之喺新竹園軒飲茶，滿足感十足，值得一試！

今日朋友約我到尖沙咀新竹園軒飲茶聚舊朋友推介呢間食物水準高，性價比高，12:30前埋單仲可以享用早市優惠添多款點心做緊19.8酒樓環境濶落，坐得都幾舒服，侍應服務也不錯芝士蝦球伊麵呢款芝士蝦球伊麵值得推介香濃的芝士，伊麵好掛汁，蝦球新鮮爽口，推廣價都係$98，相當抵食招牌蝦餃王大大粒蝦餃王，皮薄餡料足，鮮味爽口豉汁蒸鳳爪豉汁蒸鳯爪醬汁濃郁，口感夠腍又入味懷舊鹹水角鹹水角好有懷舊風味，外酥脆，內層餡料香口，好味道

好耐無見呢位媽媽朋友，見到呢間酒樓咁抵食，約埋佢出嚟食飯🤩奢華珍饈2人套餐（$580/位；原價：$1,080)🦀生拆蟹肉翅🦞芝士龍蝦(伊麵底）🐟清蒸海斑🦪8頭禾麻鮑魚拼遼參🥦帶子西藍花🍚瑤柱蛋白炒飯🫘甜品：紅豆沙生拆蟹肉翅超級正，個翅好足料！味道剛剛好，🦞芝士龍蝦(伊麵底)就更加驚喜，龍蝦肉飽滿鮮甜，配埋芝士醬，又香又濃，入口真係口感好醇厚，難怪會列入menu!其次,個清蒸海斑同樣好鮮美,魚肉爽滑,湯汁清甜,儍到舔了碗吞乾淨!而8頭禾麻鮑魚拼遼參更是尊貴海味,入口即溶,回甘更勝芝士龍蝦!連同帶子西蘭花、瑤柱蛋白炒飯,以及最後甜蜜多汁的紅豆沙,整個套餐就好似一場味覺盛宴,每一道菜都好出色,簡直就係難忘至極!整體嚟講,呢個奢華珍饈2人套餐毋庸置疑係2023年必試之選!平時我最愛嘅燒味或者小食也無法比擬。單是個價錢,仲原價一千八,而現在竟然有5折優惠,真係太抵啦!若果你鍾意細味高級食材、享受頂級美饌,就一定要去試下!我一定會給滿分五星推介㗎!

《香港性價比高中菜｜新竹園軒》平時成日喺尖沙咀行街，都鍾意搵啲精緻中菜食吓，但好多餐廳價錢都比較高，搵到呢間好優惠，12:30前離座就可以用早市特價，$19.8就有一樣點心，下午茶仲有八五折添，只要避開繁忙時間就有平嘢食‼️ -🔥芝士蝦球伊麵只需$98 ！又係餐廳做緊嘅特價菜式，蝦球鮮甜彈牙，芝士醬好香佈滿每條伊麵-🔥椒鹽魷魚鬚好香口，炸皮脆脆的，魷魚鬚軟滑又有少少彈牙，椒鹽分布好平均唔會太鹹🫶🏻-🔥香煎蘿蔔糕🔥鮮蝦炸雲吞兩款都係$19.8特價點心，但絕對冇將貨就價，蘿蔔糕厚身煎到好香入面仲好多蘿蔔絲，鮮蝦炸雲吞粒蝦都幾大粒，雲吞皮炸到脆卜卜，點甜酸醬好好食

爸爸話想食豪啲既中菜，諗返起以前細個會去同屋企人去酒樓度食飯，於是乎就帶左佢地黎尖沙咀呢間新竹圍軒度食飯。因為懶得諗食咩既關係，見到呢個奢華珍饈2人套餐做緊半價，一個價錢有鮑參翅肚，即刻唔執輸叫埋一份😝 🟧芝士龍蝦 一黎到見到就流晒口水，金黃色既芝士+龍蝦，香氣四溢，加埋伊麵做底，吸收晒啲精華。 🟥生拆蟹肉翅 味道都幾濃，同埋俾左勁多翅，一啲都唔馬虎，飲落去有少少漿口但唔會覺得好流好膩咁！ 🟩８頭禾麻鮑魚拼遼參 鮑魚十分煙韌彈牙，本身我以為海參會無乜味點知佢都吸收晒啲汁，幾出色。 🟨清蒸海斑 清蒸魚雖然係屋企都食到，不過係酒樓食係另一種感覺，魚肉嫩滑新鮮加上蒸魚豉油，簡簡單單都可以好好味。 🟦帶子西蘭花 帶子size都幾大，加埋西蘭花夠晒鮮甜爽口。 🟪瑤柱蛋白炒飯 炒飯用蛋白與白飯炒香，再加入瑤柱，米飯炒到粒粒分明，仲有陣陣既瑤柱香。 🟫紅豆沙 經典糖水，煲到起晒沙，夠清熱解毒，食飽飽飲返碗岩晒。

尖沙咀近美麗華呢邊又有新酒樓下以去！新竹園軒呢到有個長長迴旋樓梯，行上去感覺好有高貴氣派而且唔會好嘈雜，同朋友傾下計岩曬😛如果你係芝士控嘅話推介要點 $98芝士蝦球伊麵!有勁濃厚creamy芝士汁，仲有係六大隻大蝦！每件蝦球都好爽口彈牙，伊麵唔會太淋，十分掛汁！香芋綠茶餅有好香濃嘅芋泥餡包在酥脆的綠茶外皮之中，香口👍🏻燒賣王蝦肉爽口彈牙！每一啖都有肉汁，蝦又爽滑～而家12:30前離座仲可以享有早市特價優惠，即刻覺得好抵 😂📍新竹園軒尖沙咀漆咸道南79號中國五礦大廈3樓

30年老字號粵菜館重現，裝修古典優雅，環境闊落；紅啡色迴旋樓梯，天花水晶吊燈，打卡一流；日間主打傳統點心，晚間以粵菜為主懷舊蛋撻仔坊間酒樓已經好少見，上枱時熱辣辣，撻皮鬆脆，有蛋香味，一口一啖，滿滿兒時回憶蜂巢芋角即叫即炸，外表呈蜂巢狀，口感酥脆，餡料有芋泥，蝦米，豬肉及冬菇，滿滿芋泥軟滑，層次豐富蔥花蝦米腸腸粉嫩滑，蔥花同蝦米好香，正常味道潮州粉粿皮薄通透，餡料非常足料，大大粒花生脆卜卜，沙葛爽口，配埋韮菜同瑤柱，粒粒分明，味道口感豐富流沙奶黃包吃時要小心一點，包鬆軟有彈性，一搣開流心效果很好，味道唔會太甜，仲有奶黃中沙沙嘅口感陳皮紅豆沙紅豆入口軟綿，清甜中帶有果皮香，甜度適中