新福星潮州打冷火鍋菜館

呢度啲小菜煮得好好味，而且唔會好鹹。我覺得老人家都會中意食。🌟涼瓜菜圃煎蛋蛋味濃郁，涼瓜爽脆。冇乜油，大家喺張相應該都可以睇得出，讚！唯一美中不足嘅係菜甫本身比較乾身，但呢樣就同廚師手勢無關嘅🌟臘味炒芥蘭臘味真係好靚，同埋食得出佢係蒸過之後先炒俾你。芥蘭偏老，但係佢切得好靚，唔會有絲，而且炒得好爽口。👍🏻佢嘅熟度掌握得好好，完全唔會有草青味。又要讚一讚廚師嘅工藝🌟魚香茄子煲未食已經聞到好香嘅鹹魚味。個汁鹹甜適中，簡直係白飯殺手！份量好足，油量唔算多，食完啲茄子你唔會見到個煲底有大一堆油。廚師果然廚藝夠好！🌟枝竹炆火腩呢個又係好好味，支竹索哂啲汁，入面仲有豆腐同香信菇。豆腐應該係自己炸嘅，入邊好嫩滑。份量好大，性價比極高，我俾 5 粒星！佢真係比足$98嘅份量你…查看更多

新福星好評元朗罕有打冷味道不錯，服務員態度良好，招呼好，滷水鵝片拼盤水準不錯，已經食過好多次，帶過好多屋企人朋友都話好味，韭菜豬紅，椒鹽鮮魷，想飲湯可以試埋佢個豆腐魚頭滾湯…查看更多

以前入元朗打冷都係食開潮豐今次試吓隔離依間新福星我個元朗fd過依間仲好食過潮豐咁就試試 睇吓係咪位係好似好坐啲既食就都係咁可能期望愈大 失望愈大又唔係唔好食 咪一般般囉冇以前潮豐好食不過我都好鬼多年冇去唔知依家仲keep唔keep到一開頭碟烏頭就麻麻地冇乜黃油 唔係好滑 味道一般可以唔叫都得炒豆苗就好少炒得唔好食既依碟冇過火 唔老 幾好食 正常發揮碟鹵水鵝件就正正常常 唔算滑 唔係好多肉 唔似係獅頭鵝椒鹽骨就幾大碟下 又係正常小炒 不過不失不過成餐就幾抵食下印象中3個人食三百蚊左右不過食唔落蠔餅 要試埋個蠔餅先分到高下…查看更多

平均一個月都會黎一兩次，份量多，又夠味道，今次簡單d叫左一個餸 . 油鹽水花甲，有絲瓜 大花甲 粉絲 份量都好足 其實一個人食會超飽 再飲埋d湯 可以飯都唔駛叫 個湯清甜帶小小胡椒味 讚…查看更多

一家三口平均每星期去1-2次，次次都係叫我哋過隔離房又冇窗又迫，我同2位老人家坐最後張細檯，今次叫蠔餅份量多次次都食唔晒咁滯/蠔仔粥一鍋足料/鵝片拼大腸暖暖哋上檯送可樂一流/炒花甲（炒花甲雖然大隻又多但好多沙），之前仲叫過瀨尿蝦比較細隻味道夠鑊氣，椒鹽鮮魷都好多舊最慘突然間食食吓整間房煙霧彌漫，原來門口入嚟張檯有3個男人抽煙，因為老人家有氣管敏感，我哋叫侍應可唔可以請佢整熄枝煙或者出去行遠啲食，眼見侍應行2轉想冇叫，我再問同一個問題，佢話唔方便叫！我哋即刻埋單！以後都唔會再去了！真係好失望，明明室內禁煙，點解好似我哋先有問題。…查看更多