新發記腸粉粥品

營業中

休息中

病病地嘅時候就會諗起食粥，同埋有時會間唔中清下腸胃都會想食粥！呢間生滾粥都幫襯咗好多次，每次都冇失望，熱辣辣嘅用煲滾起生滾粥,我通常都會食皮蛋瘦肉粥走蔥，一來熱辣辣滾起，用料呢都好多，每食一啖都好多皮蛋同埋瘦肉，而且啲粥係好綿！另外朋友叫咗碗艇仔粥，又係好多料！推介豬膶腸粉：差唔多每次嚟都會叫呢個，佢係呢入邊呢成塊豬膶好大件，唔係碎濕濕,而且腸粉都好滑下午茶時段一時時多人，有時呢嚟到呢好快會坐滿，不過通常都會有位！

新發記腸粉粥品 新發記腸粉粥品與普通粥店一樣，位置比較狹窄，衛生環境來說都唔算很差。落單後即點即做，新鮮。腸粉皮，我便覺得夠滑，咬落去有些煙煙韌韌，喜歡這質感。新鮮肉片粥佢係用沙煲盛載十分懐舊，感覺比較良好同好少地重用沙煲去盛載粥，所以D粥底十分熱和夠綿，份量都算多，味道我覺得清清地十分健康，肉片十分爽滑，口感十分正。香菇雞絲腸腸粉皮煙韌和香菇雞絲十分爽滑，口感十分好。靚靚咸雞飯雞肉十分嫩滑和夠肉質有點油香，飯十分足夠。

再去 灣仔新發記 想食腸粉, 喺門口餐牌見到賣$68嘅 鮮蝦蠔炒蛋, (以呢間店嘅價)咁貴? 試吓先.上碟，炒到支離破碎，瀨嘢？入口, 蝦竟然係新鮮嘅, 蠔仔好味過好多潮洲店, 驚喜! 仲要蝦同🦪仔份量唔少, 送粥或飯, 好抵!以後去灣仔會繼續幫襯。⭐️⭐️🫣

與普通粥店一樣，位置狹窄，衛生環境來說不算很差。滑牛粥$32用沙煲盛載， 感覺比較良好，粥底夠熱，但沒有味道，牛肉有６小件左右，少嫩多筋， 有點韌。滑雞豬潤粥$55有點油香雞肉4 件左右， 除了這件，其他都是多骨， 肉質很嚡很柴， 只是幸好沒有腥味。豬潤4 件左右， 口感很泡。２款粥的口感都比較碎濕濕，不綿有點稠，最後還會很水。䓤花蝦米蝦腸$27䓤花很足量， 蝦米也有幾粒， 不多。腸粉皮很淋，有點粉感， 似乎米漿沒有拌勻，但是滑的。腸粉三條略分為4 節，但不是每一 節都有蝦，蝦大概有４—５隻左右? 蝦是爽脆的冰鮮蝦 。炸兩腸 ，忘了拍照，但不要緊，因為不推薦。腸粉比蝦米鮮蝦腸的腸粉皮厚， 口感也是比較淋， 滑帶少少嚡，也是因為粉漿問題。中間的油炸鬼完全不脆，雖然 未至於淋， 也沒有油壓味， 不是太油，但那些不是軟身的部分則有點硬韌。店沒有芝麻提供， 有欠風味，店員叫我們用芝麻醬取代，但芝麻醬，芝麻味也不濃不香， 甜醬也真的只有甜味，令整個炸兩也很失色。只是價錢算是不太貴，店員也不算禮貌太差，食物又未至於不能入口，賣相和熱度都可接受，因此不至於劣評。

🍽️食物方面：🐷靚靚豬潤粥💲38 爽滑豬紅粥💲27砂鍋裝份量多🍲錦錦粥 豬潤爽脆 豬紅重味 溫提唔食蔥嘅人記🉐走蔥發記第一腸💲29餡係🥚🦐叉燒 岩晒貪心嘅👧🏻 腸粉皮煙韌 見到有人食雞飯 啲🐔多到好誇張仲有餐蛋麵食係咩事😂勁多選擇📷打卡方面：即叫即整出晒煙💨攤凍嘅時候影好多張😝🔈環境方面：乾淨嘅傳統粥鋪🌀風扇一粒塵都🈚️👩🏻‍🦳好nice 有個學生無散子唔收佢尾數會叫人坐去個涼啲嘅位 又會介紹食物💬其他資訊：新發記腸粉粥品 📍灣仔灣仔道148號地舖

知道這店有些知名度，本來今日去食日本午餐，但大排長龍所以便扭軚。經過這粥品店，便想試試。我們叫了一碗白粥，一碗豬潤粥，一碟普通腸粉再加一碟炸兩。先講粥品，平時我覺得最好食的粥是上環生記，那便同生記的作一個比較吧。這店是做生滾粥的，粥底當然不是魚粥底，白粥有爆花，很棉，但我覺得有加味精。另一款是豬潤粥，值得讚的是豬潤非常爽口，新鮮好味，但同一樣粥底比生記的粥底不一樣了。又講別一樣這店出名的食品便是腸粉，落單後即點即做，新鮮。腸粉皮，我便覺得不夠滑，咬落去有些煙煙韌韌，喜不喜歡這質感便見仁見智了。試過粥品也試過腸粉，我覺得這店的出品只是平平。

今天中午去買粥和齋腸粉俾媽媽食，平時每次齋腸粉都已經側側膊唔俾麻醬和甜醬，每次都要問，之後黑口黑面咁俾都算數，今天居然仲鬧我話買前又唔出聲話要，我咪話你有心俾人就响人地買前問人哋要唔要，冇人會知你哋連兩包醬都慳，附近間間粥鋪都會自動俾唔使問啦！佢話唔喜歡咪唔好幫襯囉，ok,我就同佢講以後都不會幫襯，附近大把粥舖，起碼人哋唔會因為兩包醬而話你，所以我以後都不會再俾錢尼間嘢賺！

傳統粥店似乎買少見少，有時候需要食得清淡些，附近想找間粥店都比較難，近排發現灣仔道多了一間粥店，門外貼有報道，原來有很多分店的。鮮鯇魚片粥  $26 - 是我的首選，鯇魚片鮮，粥底夠綿豬潤粥 $34 - 豬潤大大件，送上枱時，還以為可能豬潤太厚，廚房弄得不夠熟，有少少血水，於是用熱騰騰的粥翻一翻，一咬爽脆，很喜歡這種質感，原來廚房拿捏得好好！艇仔粥 $26 - 有魷魚、豬皮、肉碎、生菜絲這裡的粥品是用小砂鍋裝的，份量都算多，想試腸粉及其他食品，就要留待下次了。