新發茶餐廳 (已結業)

以前係梅窩既一段時間隔一段日子就會係新發叫外賣咖喇果陣一班人但個個都鍾意佢個咖喱於是唔係咖哩雞扒又或者係咖哩豬扒作為香港既一間食店餐牌裡面既食物每樣都做到出色出色之餘還要保持積素便更難了當然需要老闆既堅持同廚師既努力啦但有時有D舖頭只需要有一兩樣做得令人留下印象往往就變成人氣食府新發就正正係後者喇咖哩雞扒就係我既推介離開左梅窩都好多年但味道冇乜點變

話說星期六嘅早晨,我同一大班剛剛出camp嘅朋友去食早餐於是就揀左呢間新發坐底祭下五臟廟點知呢間野D服務真係差到嘔血D侍應全程都好冇禮貌一張ORDER要落足四次仲要提左五次先上齊劉華都話今時今日咁嘅服務態度真係唔係好得再講下D食物質素午市我未食過就不作評論淨係講份早餐D味道好普通,都係大路茶餐廳貨色佢D早餐多數會跟一份面包咁我有一位好細心嘅朋友就睇到面包上面有綠色邊@_@話大佬~~佢夠膽死拎一份過期面包比人食如果唔係係食之前望下塊面包咁咪好大件事於是叫佢換過一塊面包佢收左之後三分鐘左右佢再拎個份面包比我地我朋友再睇一睇原來佢只係將塊面包上下反轉就當新嘅比返我地食有冇搞錯@@我話過我以後都唔會再去呢間餐廳仲要留言係各大FROUM等其他人小心防範

15/9早上，女友和我早起身，於是二人行出碼頭附近食早餐，原來梅窩朝早好少餐廳開，除左冬菇亭那些食肆，所以和女友這間地道茶餐廳食早餐。由於我起身胃口不佳，兩人祇叫了一碗五香肉丁米粉（餐），熱咖啡和熱華田各一。五香肉丁都是一般罐頭貨，個米粉幾好食，不太淋。反而兩杯熱飲就唔得，我杯咖啡又苦又澀，仲要單睇外觀已經知道唔夠奶，不過都算，因為好多茶餐廳D咖啡都係唔好飲，但係連女友果杯熱華田都沖得麻麻，相信難度都幾高，都係同一個弊病，唔夠奶！

尋日係貝O過完3日2夜。去Mui Wo返中環，去到未甘快有Ship所以去醫下肚。黎到呢間見到有位就入去食啦。我叫左炸菜肉絲米-味道幾好窩。。入口個湯唔係好清無味過d..我差唔多飲灑啊男朋友叫-Tomato雞絲飯-都係幾好。正常野朋友叫 -干炒牛意-好味，值得加分另外仲有朋友叫-排骨飯-無試味，不過見到好多排骨其實都係d好普通既茶記野。不過價錢真係抵啊，我個米粉先16蚊，另外全部飯都係28凍飲加2蚊。本來以爲呢d離島食野通常都會貴d..仲要味道唔多好。。所以真係好意外呢。。仲要服務好好。。我地本來已經食完架啦。。不過想睇埋個新聞先走。之後見到有人入黎。我地咪起身比人地囉。可能個老闆見到我地因爲拒地有客所以起身走人。居然減左我地6蚊。仲要不停講唔該唔該，攪到我都唔好意思。我地先食左136蚊咋仲要減。。更加抵阿。哈哈。。可惜今日先上黎見到原來Curry好味。。唔知有無機會再試呢。。。

3月21日既中午, 送完鎗會班朋友撘車後, 同老公兩個係梅窩既「新發茶餐廳」食咗個好好味既咖哩雞扒飯($24)! 呢度係好耐好耐之前田田介紹我哋嚟食架! 所以已經食過好多次呢! 佢既咖哩汁好好味, 仲有啲雞扒, 炸完先再加咖哩汁, 超正!!入開嚟梅窩玩既朋友, 記得一定要試下! Ref : http://hk.myblog.yahoo.com/joycewai616/article?mid=6376

之前响梅窩工作，睇住呢間野擴充左，用左兩個舖位。都知有d料到最值得推介的是雜扒飯+咖哩汁一碗，雜扒剛炸起又香又脆，咖哩汁又唔太稀不過雜扒飯無餐的，飲品要另叫