4
0
0
電話號碼
26652508
營業時間
今日營業
12:30-00:00
星期一
全日休息
星期二至日
12:30-00:00
付款方式
現金
其他資料
室外座位
食評 (4)
等級3 2017-07-29
53 瀏覽
在33度酷熱天氣下,到底點解要黎到沒有冷氣的舊式小店?!只是為了一碗雲吞麵。走進三門仔漁民新村,經過民居,一直行到公廁旁,就會在轉彎位見到一間小店,老闆娘在門口準備食材。雖然是舊式小店,但看得出老闆與老闆娘用心經營,環境乾淨。細粒皮薄的雲吞,據講是老闆娘自己包,再配上彈性十足的麵,帶來驚喜!完全不用加醋/辣椒油調味。而且分量適中,一碗有五粒雲吞,價錢亦公道。唯一美中不足就是沒有冷氣,只有風扇和冰凍嘅汽水解暑。 繼續閱讀
(以上食評乃用戶個人意見 , 並不代表OpenRice之觀點。)
近排,食環署打擊郊區士多食店,好多行山補給店已經冇熱食出售。因此我想透過此平台為呢一類小店打打氣。希望睇到此post的各位如果行過都幫襯一下。週末瞓到11:00 幾,又想去下郊外呼吸下新鮮空氣,可以考慮去大埔三門仔行去馬屎洲,全程唔會辛苦,影下靚相,來回都係兩三個鐘。仲可以睇到唔同嘅岩石,聽講化石都有😱,但我就唔識分喇回程時,大家肚餓可以去新發士多食碗麵。唔係你諗嘅餐蛋麵,而係地道雲呑麵價錢公道,老闆娘話,雲吞水餃自己包,牛腩鳯爪自己滷,丸、叉燒就外面攞。食咩就自己諗下喇味道唔係出眾,但有80年代D味道唔知重有冇機會見到發哥呢 繼續閱讀
(以上食評乃用戶個人意見 , 並不代表OpenRice之觀點。)
等級4 2015-12-06
526 瀏覽
終點!十點粉嶺出發去鶴藪水塘行到大埔鳳苑落山剛好 lunch,搭的士入三門仔食傳聞中美味魚蛋粉。首次探訪,朋友仔隻狗唔入得室內,幸好有食客主動讓出門口唯一坐位比我地,thank you。聽老闆嬸嬸講近排經常被食環處及消防處巡查,投訴消防違規,搞到檔都唔敢開呢!睇黎因為食肆競爭激烈而被其他舖頭搞呢,開檔幾十年生意同口碑都不俗,遭人妒忌吧。能近距離一睹老闆嬸嬸煮麵既風采,都幾踢腳架喎!巧遇熱心村民叔叔推介食物,咁就免除好多煩惱喇。魚蛋麵走蔥,湯底好香濃、好清甜,不禁飲多幾口。鹼水麵好爽好彈,趙到爽爽聲甚有感覺,而且散發淡淡蛋香。白雪雪大大粒魚蛋似潮州板魚蛋呢,好有彈性,魚味亦非常濃厚,高質好味上等貨。仲有鮮嫩帶甜靚菜芯做配菜,好好味!淨鳳爪,炆到鳳爪膠口帶滑都係第一次試到,肉質有咬口,味道香甜不濁,真係幾好味。淨水餃,樸實不奢華不花巧,豬肉味濃彈彈的,木耳跟蝦同樣爽爽的,食材緊扣結實不散,好味道。淨柱侯牛筋腩,好重八角味,柱侯醬十分入味,浸透每肉絲每條纖維,入口鬆化棉棉又無渣,好食。牛筋膠得黎滑嘟嘟,大愛!最討厭硬屈屈牛筋。就係因為依十幾筋牛筋腩老闆嬸嬸今日先冒險開檔乍,無理由倒晒去架麻,多謝晒。雲吞河走蔥,河粉好結實唔鍾意,辣椒油,微辣帶香,合格啦。好采連湯連辣油一齊掃入口都唔錯,一口雲吞結實蝦爽,豬肉甜美好食而且唔肥,食得過。食左碗魚蛋邊,再黎鳳爪、牛腩、水餃每款幾舊,但硬係唔夠飽咁,無咩幾可黎三門仔,食多碗河粉穩陣喇。 繼續閱讀
(以上食評乃用戶個人意見 , 並不代表OpenRice之觀點。)
等級1 2012-08-17
303 瀏覽
遠足入大埔食到一碗十分正宗雲吞麵.一食難忘.大地魚熬湯.老闆親手包雲吞.YUMMY!:好好味。原汁牛腩,五香鳳爪,一定要試試。好味,又便宜。超抵食。不足是開檔時間比較遲。 繼續閱讀
(以上食評乃用戶個人意見 , 並不代表OpenRice之觀點。)