新王朝觀景酒家 (已結業)

放假同老公一起帶老爸來這兒飲下午茶，2:30左右到達。客人不算多，有窗口位坐。叫了幾款點心，食物偏「林」，正合老爸心意。有特價燒味湯麭，但味道一般。景觀跟樓上r66一樣，只是不會旋轉。悠閒地吃了個多小時，環境很清靜，很舒服。下午茶有7折，非常抵。以這個價錢，這個環境，這種服務，我覺得仲好過樓上r66。食完帶老爸搭觀光電梯，童心再起真快樂~

蝦餃(那些蝦餃又好乜餃物餃都好,那塊板永遠掂住張紙,夾起都唔似樣的了,散收收,蝦仲要霉霉的) 嘩,我地10個人都叫左勁多野食,牛肉,蝦餃都叫3碟,仲有菠菜餃,蝦腸牛腸,咖喱魷魚,碟鳯爪和棉花雞(好味),菜肉包,薯仔蒸排骨等等...總之超多野食,張真係唔夠擺,至於食物味道,真係好一般啦!價錢唔知,因為屋企人埋單的啊不過環境真係超好,話晒60樓望落街都開揚啦!同埋坐得幾舒服,又無乜人可以傾下計的,不錯啦　

上週六為朋友慶生.全圍共十四大一小,環境不俗,起碼枱不會太迫,而且星期六晚也不會太多人,向外望真的很漂亮.跟著網友的comment.先order了一帆風順,要價390,朋友的反應不一,不過其賣相就先勝一仗.食落覺得d魚普普通通.另外個七色併盤就要價350,其實都幾貴,兼且無食友推介的鹵豬腳,不合格.個玫瑰瑞士雞都ok.要價190,食味幾好,隻雞唔會肥油過多,是三款特色菜較好的一味.反而其他小菜的水準不俗,有豬腳煲,西蘭花帶子,炒鮮奶,若共六款菜,因人數較多,全部叫兩份.最後連酒水加一等約共2,400,他們的招呼也不俗,我們切餅等都很幫手,故另俾50蚊貼士.此外,他們的茶錢也很均真,沒有計小朋友.題外話,個美心旦榚都好好,2磅九折後只需190左右.賣相不俗.

好像是很久以前的事，不過原來這裡年來也只得區區幾個食評，比起在電腦計算的程式下，幾個月也是「好評之首」的時新，差太遠了。有團年，當然少不少新年，恰巧，也是三圍。來這裡，純粹巧合。找主廚聲哥寫個菜，打好價，就成事。安排了一間大房，有靚景有電視，其實開埋幾檯都仲得，地方是絕對的闊落又企理。是晚不收開瓶費，「酒數」，又卻是比預期中為少。相比起團年宴，是較「平安」一點。人齊就起菜，先來七彩併盤，老實說，寫的時候也沒有問何謂「七彩」，全交給廚房決定。掀盅的就是鹵豬腳、叉燒、燒鵝、海蜇及乳豬的「五併」。豬腳仔鹵得不算很入味，但質地軟熟，口感豐腴。有半截還是褪了骨的，吃得方便，算是全個併盤最好的一味，難怪之前的陳小姐要了全碟鹵豬腳，亦值得效法。叉燒及燒鵝俱凍凍的，多少已反映了食味。乳豬薄薄的一片，也脆口，不過之前吃過喜萬年，珠玉在前，很難對其他的滿意；再來是一大窩湯，是沙參肉竹燉龍骨。湯呈奶白色，看樣子煲得幾夠火路。撈渣上碟，龍躉骨及豬骨落齊，相當之足料。喝落味道有點不足，火侯還可以再好，不過燉魚骨，聚火有益，也連喝幾碗；隨著龍骨湯，之後的兩味也是海裡來的。鮑汁炆海參一人一條，用上撩參，有點體面。除

同事們今日話黎呢度食午飯,仲特別推介我食呢度既其中一樣點心--茶果。今日無乜mood揀野食,任由佢地拍板,都係叫左大路野...佢地所推介既茶果,普通啦,唔覺得特別好食,至於其他點心,我覺得"咪又係咁",又係好一般貨色,反而蝦餃同燒賣都比一些酒樓遜色...牛肉腸方面,皮厚,入口口感唔太好。個人覺得,以呢個質素黎講,呢度既價錢叫做貴!

掃墓前飲茶.九個人食了接近400元燒賣x2=唔好食腸粉x2=牛肉和蝦. 腸粉皮好淡牛肉x2=幾好味棉花雞=有冬菇,雞,蟹柳.幾好味, 鳯爪=都好食叉燒包和奶黃包=無食魚肉:無食唔知鮮炒飯:都幾好味,鮮竹卷:幾好豆腐卜蒸排骨:一般鹽水雞腳:麻麻魷魚:麻麻牛葉:幾好肉片少河粉:好味,獻多一點服務麻麻,唔夠人手環境真係幾好

寫完公司開年飯, 再到開飯開年飯.還記得早前聽文迪叔叔講R66的威水史, 但我只記得年前在那裡吃過相當驚嚇的一餐. 想不到很快就有機會上來合和, 但比人低兩層, 點認叻.居高臨下, 但濛濛的, 不大看見對岸, 空氣質數太差?謝過KC兄的安排, 是晚試了不少菜色.七彩拚盤: 7分, 即係燒味拼盤, 其實邊有七種色, 乳豬皮算脆, 叉燒較韌, 燒鵝只係一般.沙參肉竹燉龍骨湯: 9分, 呈奶白色的湯味道鮮甜, 龍躉並不腥, 始終小弟愛喝湯,見大家慢下來, 最後係連喝三碗.鮑汁炆海參: 7分, 原條海參, 用刀叉去食, 賣相吸引, 但味道係麻麻, 淡淡的, 不太入味, 鮑汁唔見影.一帆風順: 8分, 這個名字只讓我記起陳年小虎隊的祝你一路順風. 都係相當老土. 上臺係氣勢如紅, 大大個冬瓜, 入面有龍躉肉, 粉皮, 菜心等等, 龍躉肉大大舊, 但唔老, 跟粉皮一齊食都幾好, 但係湯係相當鹹, 跟先前的海參成強烈反比, 一個太淡, 一個太鹹.不過係唔打得都睇得的一味菜.台山娃娃菜: 8分, 自己的家鄉菜, 但從未吃過, 失禮了. 用湯浸著的娃娃菜, 係幾爽甜的. 不錯.瑞士玫瑰雞: 9分, 很喜

新皇朝前身應該係團龍閣(中間有冇再轉手就唔知)，我細個成日去飲茶，好鐘意個景，野食同服務，咁多年後再去，冇諗過會令我咁失望。其實我果日(25/3)去係幾唔好彩既……1. 個場爆到唔可以再爆，散客要坐最入，兜左一個大圈先入到去(但其實只係入口轉左，不過有人擺酒，唔比過)，我阿嫲行動不便，真係戥佢辛苦2. 散客只可以坐山景果邊既位，夜晚係咩都睇唔到3. 之前網友講既招牌菜- 一帆風順，生炒臘味飯，其實唔見個menu有寫(可能我咁橋睇唔到啦)，我要問個部長先講。點知前者要早一日預訂，後者就因為師傅走左冇得食(果時晚市先7點幾，走得咁快???)，除左呢d其他都係普通菜。4. 服務--呢個係屋企人最唔鐘意既。點菜時。個部長係咁sell個$2000套餐，我完全唔可以專心睇menu，我問緊果d招牌菜，個部長都仲係講緊個套餐。因為冇得食招牌菜，個部長又煩，所以"聽話"叫左個套餐。其他侍應服務都好一般，我媽遲到，坐上菜位，黎到都未食第一啖，就比後面個侍應好冇禮貌講一聲:"借過!"，將碟野食就咁遞上黎。檯後面有個位擺未上檯既野食，夠分左d野食，但d侍應都冇咁做，就咁響個好窄既上菜位分，我地人比較多，已經坐

上星期參加大局食飯,呢個一帆風順真係令我太難忘,忍唔住要即刻約班朋友再.一早已訂定一帆風順同生炒糯米飯. 上次臘味飯d飯麻麻,聽聞生炒會好d,所以一齊訂埋.雖然只得五美女,但一個一帆風順加糯米飯再加一味釀花菇已經好夠. 其實一帆風順有個細版但無冬瓜,不過我太鍾意食冬瓜同飲佢個魚湯,所以有理無理都照訂. 其實訂菜係要落訂架,不過因為上星期先食完,經理重記得我地,所以先唔使交訂金.今之d龍躉肉唔夠爽,不過依然鮮甜,美女們一致讚好(好彩!!). 因其中一美女遲大到,叫佢地再番熱d魚佢地都好樂意.生炒糯米飯果菜比臘味飯正好多. 炒出乾濕適中,好軟熟,值得一試.唯一侍應見得番我地一檯,講野好大聲,當我地無到咁,不過算啦,呢d地方唔可以咁高要求喇!!

年前曾在某個網上討論區,某個已退癮的食家,經常在網上推介港大校友會,主廚聲哥的出品.其過檔到新皇朝亦有三數年,側聞水準繼續保持,趁這夜開年大典,再嘗其手勢.粗略講幾味,打頭陣的燒味拼盤,個人最愛是乳豬,乳豬皮入口近乎即化.其他如鹽水豬腳也不錯.很爽口.沙參玉竹龍骨湯,用龍躉骨代豬骨,味道更清,更甜.鮑汁遼參,同一餐桌下,每條各不同.有些"骨瘦如柴"沒甚色水,參差不齊.鮑汁扣得未算好入味,但質感幾爽.一帆風順,如果放在端午節會更加應景,賣相如撐龍舟.洋洋大觀,其實係冬瓜盛著湯,加點菜心,去襯托著龍躉肉.肉夠爽亦鮮,湯底亦很甜.玫瑰雞,未吃已聞到充滿酒香,吃落味道亦不太搶.雞肉夠嫩滑.怕酒精之人,這個應該也能接受.臘味飯同之前喜萬年一樣,臘味同飯分開上,最愛吃還是潤腸,底下的芥蘭,又爽又甜沒有渣.只是個豉油沒有甜味,一味得個咸.如果換上聲哥另一道主打,生炒糯米飯,或者會更好.單說環境也是無敵,望著窗外的景致,有點君臨天下之氣勢,在此請客,也夠體面.下一次來,應該會在兩個月後,家母大壽,到時有勞聲哥了.

記得首次被朋友帶到這間新皇朝酒家，會以為一定很貴，因為地點在灣仔合和中心六十樓，而且實在景觀一流，可以飽覽灣仔一帶及對面九龍尖東的景色，但已經在早、午，時段吃過那裹的食物，覺得價格適中，而有些點心亦很特別，很喜歡那裹的甜品，可以一邊吃一邊欣賞景觀，實在是一間不錯的酒樓．

友人吃過幾次，極力推薦，趁著有飯局要搞，便乘機提議到這裡。事前已請友人幫忙，找大廚聲哥訂好了菜，坐低等齊人便可以開飯。酥炸靈芝菇拼煙鴨胸－－酥炸類的菜式向來非我所好，我只能說炸靈芝菇幾特別囉。鴨胸味道不錯，吃得出有煙燻味，淋上蜜汁更易討好，不過皮厚而肥，宜少吃多滋味。豬腳仔拼盤－－豬腳仔據報偏腍；叉燒就要睇彩數，看師傅斬哪一個部位給你了；還有燒鴨、海蜇及燻蹄，相對其他菜式而言，這味只屬一般。杏汁白肺湯－－未見湯先上一大碟湯渣，有豬肺、豬展和白菜，連湯渣也給我們這班蝗蟲吃了一半。豬肺湯現在不易喝到，加上杏汁，非常滿足。一帆風順－－即魚湯浸龍躉肉、粉皮和芽菜，以挖空了的大冬瓜上，看得大家嘩嘩聲。魚肉厚得來很滑，最適合我這種不吃魚骨的人，而口感一腍一爽的粉皮和芽菜，配合魚湯來吃，應該無人會不喜歡。記緊把冬瓜肉也刮下來浸魚湯吃，也很精采。這道菜一致讚好，最後被我們吃光至只剩瓜皮～～八寶扣原條大海參－－海參很軟腍，餡料非常飽肚，有意米、蓮子和原粒咸蛋黃等，還有花菇及西蘭花。可怕的是，飽肚還飽肚，一樣被我們清了碟！蟹黃竹笙扒豆苗－－這道菜上檯時，是看不到有菜的，皆因個蟹黃芡完全蓋過了豆苗。初時擔心

The food too bad and expensive

論飲茶食物質素，這裡也許不及陶源般受歡迎，但是這裡沒有陶源那種大陸味，招呼恰當有禮貌，以為自己回到90年代的香港。點心有懷舊風味。正！好XO醬蒸魚雲-- 份量夠，不過魚雲無乜雲薑汁奶撻仔-- 正！絕非一般蛋撻仔，值得推薦黑椒蒸爽肚-- 竟然有肚尖！好味香芋鯪魚餅-- 又係好好味，芋頭口感撞鯪魚，後來要加單外賣金銀蛋瘦肉粥-- 粥頗杰，金銀蛋肯定好早放，而且有果皮，也是驚喜之作，不過不及自家的金銀蛋瘦肉粥^^沙嗲蒸土魷-- 一般貨色帶子菜苗餃-- 也是一般貨色香茜牛肉腸-- 皮略厚，少許失望，好在沒有狂加味精天晴，外邊的美景配上良好的食物，細心的招呼，雖然過了12點沒有半價，二人埋單加埋一只係$170，都係食得過！

原來開開心心黎食餐飯, 結果好失望囉!我地book 左一間房, 以為會好靚啦間房, 點知殘殘舊舊咁, 唉~~ 都算啦! 唸著可以打下麻雀, 睇下夜景! 點知間房冷氣凍過乜咁! 原來壞架! 一係就開晒, 一係就要close, 激氣! 最嬲係d 待應成日行出行入, 搞到心都煩埋!! 又成日係門口裝裝下咁, 好討厭囉!野食就一般! 最老土埋野我地簽咭已經比埋tips 佢地, 估唔到佢地會走入黎叫我地比cash 做tips, 真係啋佢地都傻丫!!