新濠茶餐廳 (已結業)

想不到有些公共交通工具，竟然在動盪的一天，坐地起價，簡直過分，幸好，平時人流都不少的新濠餐廳，也沒有加價。工已被罷，沒有寄托，就買兩個外賣。🤷🏾‍♀️沙嗲牛肉麵，即使拿外賣，麵條也不算浸到非常之軟林，還保持少許彈力，沙嗲不算太辣，而且亦都不會放太耐因而變冷。沙嗲湯底夠香夠濃，亦都不覺得吃完太過口渴的感覺，牛肉都有四五片，不算醃得太林，味道還好的。另外可以揀火腿、腸仔、煎蛋、或是餐肉；還有一份黃金多士，黃金多士跟平時的厚多士不同，它除了好像普通厚多士一樣厚之外，面頭有薄薄的牛油，然之後烤到香脆，脆得來不會太乾，但又夠厚身，甚具質感。另外的央走，有奶茶、咖啡、以及煉奶香混為一體，味道也還是不錯的。的確，以茶餐廳外賣早餐來說， 30多元，份量也非常之多，夠飽得來也不算貴，因此還是不錯的選擇。:)…查看更多

今朝要過中環做嘢, 就食個早餐先至出發 見到呢一間嘢好似冇乜點幫襯, 就入去碰下運氣啦!其實佢早餐都多選擇嘅, 不過我就叫咗一個簡單嘅三文治餐!圖中嘅蛋牛治令我有啲喜出望外!! 啲蛋好滑, 一啲都唔老, 仲有係好厚好大分! 其實對於一個女仔嚟講, 食咗半分都已經夠飽喇! 但係佢杯奶茶嘅茶味比較重, 同一般嘅茶餐廳好似有少少唔一樣, 如果對奶茶執著嘅朋友就唔好去呢間啦! 服務嘅話, 有位叔叔都唔錯, 其他都係黑口黑面!! 不過我去食嘢啫, 理鬼佢啦!! 清潔方面可以改善下嘅, 周圍都好似濕糴糴, 污糟邋遢咁, 可能係因為比較舊啦!!是但啦, 大埔小區 大家開心就得啦…查看更多

入到茶記就想食焗豬扒飯，而且聽聞呢間嘢嘅焗豬扒飯都唔錯嘅。都唔係等咗好耐，焗豬扒飯就送到，一見到碟焗飯就滿心歡喜，因為個樣真係唔錯。跟住就立即兜勻嚟食，跟住就發覺有啲唔多妥。咦！ 焗豬扒飯竟然係白飯底！食落口啲飯又乾又硬，點搞呀！暴龍哥話齋：焗豬扒梗係要配炒飯底，呢D定律黎家嘛！焗飯個鮮茄汁都還ok嘅，面頭嘅芝士都算ok多，拉冇乜問題，塊豬扒雖然薄但係都算叫做正正常常，唔會太淋又唔會過硬，唔掂就係個飯。中國人嚟㗎！嗰飯好重要㗎！其他食物有幾好食都好，個飯唔掂，就係唔掂！…查看更多

新濠茶餐廳 (大埔廣場)我敢講，依個係全港數一數二既茶餐廳雞扒飯！冇得輸！以前$20蚊一個早餐，此情已不再.....相隔幾年，再次黎到大埔，緊係入去以前既飯堂新濠茶餐廳食番個靚Lunch啦，本身想叫個雜扒餐，依家原來要$6X蚊…最後都係叫番個咖哩雞扒飯算…佢個到d咖哩一向好食，椰香有，咖哩味有，兩者配合得岩岩好，保留一貫水準!!抵讚!!雞扒夠晒香口，仲要打孖兩塊，超滿足，d咖哩汁撈飯真係無得輸，正呀!!!…查看更多

出街前見肚餓食個早餐先，就係大埔中心巴士總站隔離有一間新濠茶餐廳非常之方便就走入去食個早餐，叫咗個五香肉丁公仔麵 加腸仔煎蛋同牛油厚多士，還叫左杯凍檸茶， 五香肉丁公仔麵個麵煮到非常非常之淋唔好食， 個湯底都非常之淡好在有啲五香肉丁喺到好啲，不過是五香肉丁都唔係好多， 腸仔炸到非常之乾同好咸， 煎蛋都還話可以， 牛油厚多士普普通通牛油好少， 不過我杯凍0茶都ok唔太甜， 茶味同檸檬味都好分明唔錯…查看更多

今朝去左新豪茶餐廳食早餐，要左個蛋牛治，平時返工食開早餐，D蛋治薄過張紙……嘩……呢件蛋牛治厚到呢，唔知係咪用左2隻蛋，好大件，有D蛋汁，不過牛肉就小左D！食左半件加埋杯奶茶就已經好飽喇！一個早餐 $26, 咁大件，交到貨啦！呀！無影奶茶添！…查看更多

午餐突然想吃港式All Day Breakfast , 故便跑進大中僅有的幾間茶記之一- 新濠，來一個常餐吧!本以為常餐這東西，來來回回也是那幾樣東西，也錯不了多少，可惜，往往事與願違!雪菜雞絲米內竟有雜豆 雖然好像較健康，但我是不吃雜豆的! 而且吃了那麼多次其他茶記的雪菜肉絲米，也從未發現雜豆足跡。所以一上菜，我已對此米粉大打折扣。米粉過份軟腍，應該是浸泡太久的原故，失去了咬口。這個搭配，這個質素，真的令我大感失望!幸好厚吐司及奄列挽回不少分! 厚吐司配一大盒牛油，烤得香脆的白麵包塗上厚厚的牛油，不得了! 表面香脆，內裏鬆軟。而奄列煎得剛好，內裏的蛋汁仍然存在，配上一點點火煺絲，好味!雖然雪菜雞絲米不行, 但其他東西還可以的!  但是否會有第2次? 看來未必了! …查看更多

公司附近有一間名為新濠茶餐廳。同事通常叫這個聚腳地係水舞間。佢地個招牌菜係海南雞飯。個餐加埋凍飲係$40。我叫咗凍奶茶。因要參加全馬，叫了少飯。等咗3分鐘就有得食。個飯呈黃色。單看個賣相已經係好正。邊有海南雞飯係黃色。但入口同其他飯類差唔多。無咩特別。杯凍飲太多碎冰。杯凍茶比D凍搞到無哂奶茶味。敗筆之致。碟雞好爽口。D雞肉好鮮嫩。肉質係用上等食材。尤其個薑蓉汁造到十分滿分。個薑蓉汁係白切雞靈魂所在。汁加入雞肉就好正。個飯如果加入香港烹調就更好。…查看更多

是日，因為不用第一時間回去公司，不用趕死趕命地衝巴士，就拉了太太去大埔廣場，對著巴士站的一家茶餐廳坐，輕快地食返個靚早餐先走。早上的我，食力同精神是成正比的，精神得非常的一天，食力也十分之充沛，於是也叫一個公仔麵餐一吃。可是，這兒沒有我喜歡的類型，而以前喜愛的五香肉丁也大概因為自己的口味變了而沒有興趣去點。於是，來了一個簡單的雞扒拼香腸公仔麵。幸好不是沒味的光身邊，是一個帶有丁點雞精味的湯底，配上雞肉是對襯的，不過那個所謂的雞扒，切碎了，煎/炸得過熟過脆，而且雞肉只有油味而沒有肉味或雞味，不行。腸子，煎香了才落麵的，算是可以。而麵，就煮過火了，大腍，不太接受。如意的一天，可是早上的一餐卻不如意，這樣的一個車站餐廳，沒有一個能令我滿意的地方。…查看更多

它係我公司附近''茶記''，通常早午市大都滿座但我覺得下午茶選擇比附近好食Ｄ最愛炸雞脾薯條，我覺得全大埔最好食''炸雞脾薯條''中''新濠''一定名列三甲內！:) 表皮炸得香脆,肉還保有肉汁醃得剛好又不會太咸另外''xo醬肥牛炒公仔麵''都唔錯，好香口順帶一提下午茶同宵夜一樣 …查看更多

經常經過這家茶餐廳，但走進去吃都是頭一次。這個大胃王餐比起餐牌上其他食物都要超值，因為普通一個客飯小菜也要＄40－＄50，但扒餐只需＄37，凍飲＋＄2～湯可選中湯或羅宋湯，羅宋湯足料味濃，我選了穩陣雞扒，朋友的牛扒餐也有兩塊牛扒薯菜的份量適合女兒家，因為選飯或意粉的話份量也很足，醬汁方面都有幾款任君選擇。以前我認為要吃便宜扒餐就要去連鎖快餐店，但原來茶餐廳也提供了這種地道香港風味的西式扒餐，經過的大埔人士不妨去試一試！:)…查看更多

實在太擠迫啦!:(通道已經夠窄D卡位窄得更過份2個人坐一邊的話握住餐具的手一定會碰到身旁的人坐圓檯的話伙記更會捧住碗碟在你頭頂經過食物味道尚可但係太擠迫感覺周圍又唔太乾淨真的不太開胃…查看更多

無服務、無品質、價錢貴、等候時間長、坐得唔舒服，一次致命 ﹗無下次 ﹗招牌太燦眼喇麻？白色污染呀 ﹗門口放滿招牌、摺櫈、雜物同單車，好阻街架呢。一個小菜加凍飲要成五十幾蚊，貴左啲喎，睇您有幾好食。侍應阿姐比得三支筷子，兩個人得三支筷子？裝香咩？﹗連羹都慳返。我一入門口就揚聲兩位，收銀阿姐話等等啦。點知我見啲人係啱衝入黎自己搵位，見位就坐。既然唔洗排隊，咁阿姐您點解叫我等等呢？﹗是晚例湯，飲完都唔知係咩湯，淡而無味，飲水一般。中式牛柳，好膠硬喎，靭到要用埋手先撕得開，味道無特別，合格啦。帶子蝦球炒西蘭花，劣 ﹗蝦又霉又咸、帶子同西蘭花都腍劈劈，成碟野暖暖地無鑊氣 ﹗等左好耐，催左幾次先到，阿姐仲要串話係要等架啦 ﹗…查看更多

今日番大陸，一早起身落街食早餐，叫左吞那魚、蛋、三文治好厚既三文治。蛋好厚，吞那魚都好多，有小小菜同蕃茄，好清新！加埋杯凍奶茶，有個咁滿足既早餐，不錯。但個冷氣唔係好夠！…查看更多

成日經過都覺得佢個招牌好討厭…好光！對上一次去係農曆新年…返工放飯，好多食店都休息，所以黎左li間.食左個吉列豬排下午茶.叫好耐先有人理我，又等勁耐（可能我無咩耐性）果度地方都幾窄下.野食味道好一般…但果日賣單要45==…查看更多