5
1
2
招牌菜
食評 (11)
今晚要去做運動，食飽點才有力氣（哈哈這是不錯的原因~），晚餐首選當然是牛腩麵！我通常在大埔墟吃粉麵，大埔中心附近較少，所以隨便選一間入去，下單不久就上麵了。咋眼一看會感覺是瘦肉，但吃下卻不黐牙，肉質並不粗糙。由於每塊都跟少許脂肪，咬下去牛腩油香味漸漸浸透出來，平衡整塊牛腩的口感，完全感受到到牛腩的嫩滑。整體來說，湯頭有淡淡牛肉味，不會太鹹；麵條都不錯，夠彈牙。
繼續閱讀
自從轉手之後,這間店已非昔日,成為專做自由行生意的食店,價錢加得厲害,質素更每況越下。今次一去,更令人失望。牛腩面牛腩無味,湯底如水,要靠辣油才可以勉強下嚥。多士就更精彩,牛油少不在話下,連面包也薄過人,服了。如此出品,卻如此價錢,我寧願幫襯連鎖食店。做食店應該有的熱情,在這店完全感受不到。寄語老闆娘,與其埋怨年青人搞亂社會政局秩序,不如思索自身價值,如不再適合服務社會,早下決定,歸隱田園,可免無謂煩惱。
繼續閱讀
牛肚河，忘記影遺照添。牛肚腍劈劈，質地可怕，味道又怪怪的，感覺似比清水浸過。淨魚蛋，微爽偏咸欠鮮魚味，麻麻地，無下次。牛筋腩撈伊麵走蔥，撈伊麵加少少蠔油好好味，千奇唔好多，太多就好咸喇，依家剛剛好鮮甜美味。麵質夠嚥韌彈牙保留蛋香。滷水汁已完全佔據牛筋每一細胞，非常入味清香而不濁，質數係我預料之外！伊麵捲埋軟滑綿綿牛筋一齊掃入口超好味，比起分開食口感同味道更多元化更有層次，食到慾罷不能！牛腩就不過不失，味濃鬆化無漬。辣椒油香而微辣，免強食得過。繼太興燒味雙髀飯要叫兩碟髀飯其中一碟走飯、澳門茶餐廳咖哩牛腩飯炒底要加 $25 蚊、紅磡快餐店叫炒飯底係齋油炒飯無蛋都加 $3 蚊後，又一大陸計算傳奇！撈麵轉撈伊麵加 $20 蚊！都痴筋架 ！大小姐終於露四點，仲要話食完趕買餸返屋企打邊爐！唔想出黎熟早講，唔好浪費我寶貴既假期！咁就無左大半日，聽日要飛美國工幹，成個月都無假放喇！
繼續閱讀
外出食飯，最開心是不用限時交枱，尤其光顧茶記時，食完蛋治後才施施然邊看手機邊嘆熱奶茶，再間中跟店員閒聊，製造寫實生活。如斯情景只可在街坊店出現，新潮記是其中一所實現工場。她的食物雖非一試難忘，湯底偶會過喊或太淡，品質絕不穩定，環境衞生亦可做得更好，但老闆娘自家製的菜肉餃，配以好姐調製的香濃凍奶茶，從不叫人失望，永屬首選。餃子系列中還有水餃，它較菜肉餃更爽口。由於個人偏愛吃菜，還是鍾情前者多一些。（碗中菜要另外加錢點選）這裡另一特式是早餐供應至中午十二時，確是不尋常的街坊店才有呢。除了常見的ABC餐，另有雙併粉麵加飲品餐，簡單如紅腸煎蛋米當然可在自家廚房烹調，但為了美味奶茶，為了與多位辛勤工作兼醒目的侍應嬸嬸打個招、吹吹水，樂意外出消費喔。
繼續閱讀
第一次入去食牛腩，其實都覺得幾好食，不過HK$31蚊一碗，加埋熱飲要HK$39. 就比蔡潤記還要貴。 既然貴過人，一定有自信好過人啦。但係，真係唔多覺味道好過其他有名既牛腩店，不過量就真係比其他有名既店多D。到第二次我再去食， 竟然見到佢地用微波爐翻叮D牛腩，好少見傳統牛腩麵店會用微波爐翻叮牛腩????!!!其實我生平最不喜歡就係微波食物， 一見到咁，再好食都扣晒分！ 【牛腩魚蛋河】﹣ 牛腩夠味夠淋，不過肥瘦不均勻。所以有點美中不足， 加上用微波爐翻叮牛腩，所以要扣分！！ ﹣ 魚蛋，佢地打正牌頭係手打魚蛋，但係口感OK，但魚蛋味不夠。﹣ 河粉，不夠扎實。﹣ 湯底，沒有特別。【辣椒油】﹣ 不夠香，不夠辣。【茶水】﹣ 熱奶茶： 夠滑，但不夠香。﹣ 熱阿華田： 不夠濃味，但可接受。大埔好食既牛腩，魚蛋粉店非常多，我不明佢地憑什麼比他們家好食的店收費為貴呢？！
繼續閱讀