新潮發海鮮菜館

營業中

休息中

放假就決定搭下船，入下長洲走走，海傍一帶有很多海鮮菜館行行下就睇中新潮發海鮮菜館，落船沿海傍路行5分鐘就到！ 室外望住海景環境很舒服，不過現在夏天太陽實在太猛烈菜館有很多合乎不同人數 套餐選擇我就$278/3款 小菜選擇全海鮮也是可以的， 跟湯羹 是粟米魚肚羹，還有炒菜 不過送完即止！椒鹽鮮魷大大碟～～食落熱辣辣唔厚粉入口彈牙夠新鮮黃金蝦開左邊，咸蛋黃包得緊緊零死角都幾惹味！菠蘿生炒骨大大粒啖啖肉，酸甜度剛好！

生日來一個快閃長洲之旅，趁小朋友返左學。搭船出發去玩囉，午餐時間我地決定去食海鮮。邊行邊搵酒家，向碼頭左邊一直走沿路都被個Banner吸引住。［任選小菜/海鮮套裝］兩款二百都唔洗，五款餸五百蚊有找。淨餐牌食物相夠晒吸引，仲可以按需要自選二至十二款餸！加埋店員既落力招呼。當然要入去試試。 揀好座位，已有一大碗粟米羹同蒜蓉炒生菜送上（原來係送架，數量有限先到先得～～）我地點了蒜蓉粉絲蒸扇貝🐚蒜蓉粉絲蒸扇貝🐚蒜蓉開邊蝦🦐海鮮炒飯🦑🦐🍛豉椒炒蟶子🌶🫑🐚新鮮肥美帶子加埋蒜茸粉絲墊底再淋上甜豉油，香氣撲鼻十分滋味。蒜蓉開邊蝦🦐蝦雖然細隻但好新鮮同樣用蒜茸粉絲非常入味。海鮮炒飯🦑🦐🍛大大碟炒飯粒粒金黃粒粒分明有魷魚仔蝦仁。 豉椒炒蟶子🌶🫑🐚蟶子肉質鮮嫰彈牙用左洋蔥紅椒青椒少火喉十足非常惹味。 可選擇戶外/室內用餐，邊欣賞海景邊嘆海鮮一流👍👍👍 食飽飽我地就繼續生日之旅。大杯芒果沙冰，糯米糍大大粒魚蛋，我地黎喇😋😋🦐🦞新潮發海鮮菜館🥢📍長洲北社海旁路13號地下C號舖

去長洲玩玩，海鮮餐廳都非常多。今次就食左新潮發海鮮菜館，價錢優惠，而且用料都好新鮮，有in door and out door, 望住海食海鮮都別有一番風味呢。送既粟米羹,呢碗粟米羹清甜爽口,粟米粒清爽。佢可以作為前菜食,亦都係一道健康又好飽肚嘅湯品。再講白灼海蝦,嗰啲肉質又鮮又嫩,新鮮既先可以白灼就咁食。佢自然嘅真味,配埋啲蒜油,辣椒,好好食哦~蝦頭仲有好濃郁嘅蝦味喺口中流瀉開。第三樣就係蒜蓉粉絲蒸帶子,相信大家都好熟悉呢道菜。新鮮嫩滑嘅帶子,配埋香濃鮮味嘅蒜茸,同埋米粉絲嘅爽口感,真係天衣無縫。帶子個肉質鮮滑,而米粉絲又能夠吸埋蒜茸嗰啲汁,一樣唔能錯過!最後一樣就係椒鹽鮮魷，外酥內軟,特別入味。再加埋啲撈起嚟嗲嗲嗲嘅椒鹽,個味道真係非常之好,實在係鮮到爆, 一口就停唔到嘴。

閒日見無乜嘢做，決定去離島行吓，啱啱過完佛誕假期，應該無咁多人，所以決定入長洲，今次利害差唔多行晒成個島主嘅主要景點，接近日落，緊係要揾食，然後歸家。 行過「海鮮街」，見佢個餐牌幾吸引，所以決定嚟呢度～新潮發海鮮菜館，點解話佢餐牌吸引？因為好多時套餐係set定幾多人，幾多隻指定餸，係無得揀，同埋食海鮮，大家一定最怕俾人「劏」到一頸血，佢呢度任你選幾多樣餸菜，就幾多錢，心諗係咪咁正？可能係份量大小之分呱。 我哋二個人揀「4款」$368～避風塘鮮魷，沙爹粉絲蟹煲，蒜蓉粉絲開邊蝦，同埋蒜蓉蒸班頭腩（呢味寫明加$30）。 避風塘鮮魷～我認知嘅避風塘炒乜炒物係有好多金蒜辣椒之類炒得好野味，呢度味道係夠，魷魚亦新鮮，但多咗好多葱同青椒（最尾張相），早知叫椒鹽鮮魷，無咁多「配菜」。 沙爹粉絲蟹煲～通常係粉絲多過蟹，俾人人都係正常諗法😅，但呢度係蟹多過粉絲，雖然係成煲蟹仔，肉唔多，我唔係「蟹民」，志在過口癮，叫做過嚟食過海鮮咁，味道一般，無我諗嘅沙爹味，勝在份量夠，我記得曾幾何時去西貢海鮮街話「米豬蓮」果間食二人嘅海鮮套餐，果碟薑蔥蟹～一隻仔，細到我都唔好意思夾

每幾個月就想遠離一下煩囂🌿五一黃金週 全個九龍區被人海淹沒 所以所以所以 又搭船入長洲 避下世⛵️如果有時間既話 入長洲指定動作 都會食埋晚餐 打個冷食個大排檔先出返香港😂因為都真係幾抵！$278可以任揀三餸 仲送粟米湯同埋菜！🌽粟米湯一入坐 就指定送一碗大大既粟米湯 🥣🥬炒時菜🦑避風塘鮮魷同椒鹽鮮魷其實差唔多 只係多咗少少辣椒 唔會好辣🐖生炒骨唔會太酸 唔會太甜味道啱啱好😂🦐黃金蝦鹹蛋黃完整地包圍着全隻蝦

週末去到長洲郊遊玩樂，其中一站指定動作——食海鮮！選擇一間近碼頭海鮮餐廳，可以任選小菜/海鮮套餐！🏠餐廳： #新潮發海鮮菜館📍地址： 長洲北社海傍路13號地下C號舖兩個人品嚐3款套餐$278，整體感覺調味味道十足：#豉椒炒蟶子豆豉青椒非常出味，味道濃郁配合蟶爽彈口感。#避風塘鮮魷炸到脆皮變黃色鮮魷再配搭避風塘脆辣口感，炸粉內鮮魷都保持咬口，送酒都唔錯。#香橙骨感覺香橙骨比海鮮更出眾，食出香橙開胃酸溜溜感覺，而且豬扒都大大塊，份量非常足！另外仲會附送湯及菜，品嚐 #粟米羹 、 #蒜蓉炒生菜 ，2個人食都滿足，而且選擇海鮮套餐的餐廳感覺價格均真，價錢對應海鮮質量，不會有一種給人海鮮價的感覺。

最近聽講香港人放假全部唔係返內地同就係去旅行，所以依家長洲都少咗好多遊客。今日難得放假就同女朋友入去周圍行吓食吓嘢放鬆心情，中環碼頭坐船九個字左右就到咗，一落船我同另一半都有啲肚餓，所以大家就沿着海旁行，喺海旁見到有一排大排檔。大大話話大概都有十間大排檔左右，揀咗呢間比較多顧客幫襯嘅 “新潮發海鮮菜館” 任選套餐呢個設計相當唔錯，而且菜式種類都好多，叫咗豉椒炒蟶子、椒鹽鮮魷、豉汁蒸白鱔，另外餐廳仲送咗油菜同埋粟米羹。椒鹽鮮魷沾上薄薄炸漿，炸至呈金黃色，口感爽口彈牙，而且份量亦好多。非常惹味嘅豉椒炒蟶子同樣都係大大碟，每隻蟶子都無沙洗得非常乾淨，而且肉質飽滿彈牙。最後呢味豉汁蒸白鱔，鱔肉非常新鮮，半點腥味都無，而且肉質爽口又有營養價值，就算要另加 $30 都合理。

難得假期入長洲除左掃下街，呢日仲食埋海鮮先走一出碼頭向左行過去就有好多餐廳價錢都係大同小異，最後我地揀左第一檔因有海景位坐最平有任選2款小菜 ＄188，我地當日揀左3款小菜＄278，另外仲送左炒生菜同粟米羹叫左椒鹽賴尿蝦，避風塘魷魚，薑蔥炒蟹避風塘魷魚份量多到兩個人食唔曬魷魚炸粉好薄炸得香脆肉質煙韌 好有口感椒鹽賴尿蝦估唔到有咁多隻，惹味可口薑蔥炒蟹有成2隻蟹都有肉地，慢慢食都幾好望住個海食飯的確幾寫意

黎到長洲食海鮮，一經過就被店員熱情招待～ 兩個人揀咗個3選小菜套餐。包加1再送埋粟米羹同油菜，埋單都不用300。幾抵食。今日見唔太熱就坐外面～ 可以望住個大海景食飯呢🥢黃金蝦份量剛剛好，一口一隻嘅size。勝在味道實真係好得，炸到又啱啱好。好邪惡但嘅咸蛋黃黃油包住成隻蝦，啖啖都食到蛋黃同鮮蝦嘅香味。而且最鍾意就係可以連殼食，脆卜卜，唔係度度整得咁好🥢蒜蓉豉汁粉絲蒸蟶子雖然唔係用蟶子皇，但細細隻都別有一番風味。簡單蒸好可以保持蟶子的原汁原味，蟶子肉鮮甜又爽口。再配上粉絲吸收材料的精華👍🏻🥢蒜蒸扇貝都係正常必點之款式。扇貝4隻～ 上面鋪上蒜蓉粉絲，望到都吸引。扇貝肉都可接受，入口新鮮肥美~最鐘意既係佢地放面既蒜蓉超多, 真係特別滋味!!🥢粟米羹 / 油菜兩個人都飲到兩碗以上，湯係黏口杰身的，而油菜都ok~ 兩款都夠味

不管是在戶外還是室內用餐，都能享受到長洲獨特的風味和渡假感覺。尤其是坐在戶外，還可以欣賞到那美麗的海景，實在太正！我們點了豉椒炒蟶子，這道菜非常開胃，蟶子的鮮甜配上豉椒的香辣，口感十分爽脆，真是下飯的好選擇！還點了避風塘炒花甲，這道菜的花甲鮮嫩多汁，配上避風塘的特殊調味料，口味鮮美，讓人回味無窮。不得不提的是蒜蓉蒸扇貝，這道菜的扇貝鮮嫩豐潤，蒜蓉的香氣瀰漫在口中，讓人垂涎欲滴。這道菜的簡單做法卻展現出海鮮的美味，絕對是一道不能錯過的招牌菜。除了海鮮，我們還點了香炒生菜，這道菜的生菜綠葉鮮嫩，炒得剛剛好，保留了蔬菜的原汁原味，清爽又營養。最後，他們還送上了美味的粟米湯，這碗湯熱騰騰，濃郁的粟米味道令人陶醉，加上豐富的配料，真是一道完美的結尾。

今日跟朋友一起長洲半日遊🤭專程入到嚟長洲，當然食海鮮啦⋯⋯朋友就帶我去位於海傍路嘅「新潮發海鮮菜館」出咗碼頭轉左手邊…直行一段路第一間就係🤭海鮮套餐三個餸….餐牌任選$278.. 另外有一個粟米魚肚羹同埋一碟炒油菜…粟米魚肚羹味道都OK！個油菜係用咗生熟蒜去炒生菜好香蒜味👍薑蔥炒蟹，薑蔥好香，而且隻蟹都唔細隻，蟹肉也很多，好惹味！蒜蒜蓉蒸扇貝有四大隻，好鮮！蒜蓉開邊蝦呢個係店主推介真係幾好食好正，啲粉絲超入味😜

復活節連清明的長假期快要結束了，趁今天還是假期，我跟朋友到了香港的其中一個離島--長洲，度過假期。很久沒去長洲，發現開了很多新餐廳，還有最近修復後重開的長洲戲院園區！逛了這麼多地方，我們在長洲避風塘附近的一間酒家用膳：新潮發海鮮菜館。餐廳對著海旁，吃飯時可以看到停泊在避風塘裏大大小小的漁船，十分有特色！既然是來到近海邊的餐廳，當然要叫一些海鮮小菜來品嚐一番。我們叫了兩款餸：椒鹽鮮魷和咖喱炒蟹，餐廳還附送湯和菜，而我們也叫了一碗飯。椒鹽鮮魷炸得脆脆的，很夠熱，吃起來一點都不覺得油膩。咖喱炒蟹用鍋上菜，咖哩清甜微辣，裡面有洋蔥等配菜。蟹的數量多，我跟朋友一隻接一隻努力地把蟹剝開後發現裡面的蟹肉也很多，而且吃起上來有鮮甜的味道，瞬間把剝蟹時的疲憊都忘了。在餐廳吃了一頓滿足的海鮮餐後，我們補充了體力，繼續長洲之旅。

餐廳：新潮發海鮮菜館 (長洲)地址：長洲北社海傍路13號地下C號舖除咗芒果糯米糍同大魚蛋，海鮮都喺黎長洲必食食物之一😋。復活節長假長洲都有啲多人，一落船先去醫吓肚，由碼頭向左一路沿海行，就見到呢間坐無虛席嘅新潮發海鮮菜館🐟，店舖佔咗好幾個area，大部份都喺戶外座位⛱️，趁唔喺太熱，吹吓海風💨，望住海天一色嘅長洲美景食海鮮都幾chill🍃除咗餐牌上嘅菜色，你都可以喺隔離嘅魚檔買生猛海鮮，再直接叫餐廳幫手煮嚟食，清蒸、紅燒、熱炒等各種風味任你發揮✌️，仲有啲肉類小炒、蔬菜類同炒麵飯等午市嚟食套餐由$188起，可以喺幾十款海鮮小菜當中任揀2-12款📝，當然有啲喺要另外加錢，今次叫咗2款小菜承惠$188，仲包埋送完即止嘅粟米魚肚羹同油菜，星期六日同公眾假期另外加一服務費，不過不失👍🏽 ✝️海鮮豆腐煲如果你想一次過食到幾款海鮮，呢個海鮮煲就啱曬😉，有蝦仁、魷魚同魚柳，上枱就有陣陣鮮味🌊，豆腐外層輕炸過，內層依然幼滑，配上西芹、草菇同薑蔥等份量都幾多✝️薑蔥燜雞用熱鍋盛上嘅雞件香氣四溢，雖然有啲未喺好熟有少少 血🤏，但經過醃製同炆煮肉質尚算鮮嫩細膩，非常入味🍗，將洋蔥、薑、蔥爆香再加入煲中令成道菜更加

長洲食海鮮嘅有好多檔，一出碼頭向左行過去到差唔多尾嘅位置有好多餐廳。價錢都係大同小異，我地當日揀左第一檔既新潮發。最平嘅選擇係任選2款小菜 $188，我地當日揀左3款小菜$278，分別嗌左黃金蝦、避風塘炒魷魚同椒鹽九肚魚。另外送左炒生菜同粟米羹，兩個人有五樣嘢食，除翻勻都只係一百幾蚊一個人，已經食到好飽。啲海鮮份量都幾多下，個椒鹽九肚魚好熱辣辣，椒鹽好香口😋黃金蝦好脆口，鹹蛋黃嘅味道冇想像中咁濃。避風塘炒魷魚食落感覺都係同椒鹽炒既差唔多，魷魚係彈牙嘅。整體嘢食質素叫係唔錯～

椒鹽鮮魷一啲都唔椒鹽，麵粉漿過厚，唔熱冇鑊氣，蒜蓉粉絲蒸扇貝，微暖，粉絲硬，扇貝唔似新鮮，似急凍扇貝似擺落去隻殻度，兩個餸$188仲要+1，埋單$207，一啲都唔抵食，味道唔好