新源興燒臘茶餐廳

營業中

休息中

黃昏來了中環探班，㨂了這間茶記食dinner，這裏晚上很有大排擋feel我們點了三個小菜，炸baby 鴿很鬆脆，啫啫芥蘭煲落了蝦醬超惹味，白菜豆腐魚頭湯香濃，餸菜很適合送飯

來過好幾次啦，每次返中環都差唔多要來呢間中環中心旁邊嘅茶記食嘢。今次係晚上七點幾，都唔係好肚餓，咁就嗌咗鮮茄牛肉蛋飯來食。出品都幾好嘅，番茄都酸酸d，紅色的湯汁好濃，牛肉亦都好有嚼勁好彈牙，都算係食過之中最佳嘅茄牛飯！

雖然公司係附近,但次次都係去隔離果間食粥,依度一次都未去過.依間舖頭伙記得幾老實,我點咗個梅菜扣肉飯,話要跟湯.佢話唔記得開爐,所以湯唔熱架喎,使唔使轉飲品.因為天氣熱,湯涼少少都無所謂啦,我咪照要湯囉.湯送到既時候我都預佢係涼甚至係凍既,點知完全無問題喎.同我係出面飲既一樣吖,唔係熱到大滾咁解啫. 好彩無轉飲品,菜乾湯有淡淡菜乾香味,微酸,但我覺得對菜乾湯嚟講係正常既.可能因為肉少,湯唔夠甜.梅菜扣肉飯到喇,先唔講肉,終於午飯時間食到唔係黐埋一舊舊既飯,原來粒粒分明唔係必然,但係好多地方都做唔到.梅菜吸晒汁既味道,好滋味.扣肉好蝦人整,肉既部份好易煮得過乾.其實舊肉一夾上手已經知道乾乾地,但係離柴皮仲有好遠,已經算係中上.我食過太多扣肉都係肉既部份乾到柴皮.食扣肉一定預咗好肥膩,依份扣肉有差唔多一半都係肥膏,油份好多,索晒啲汁.中意食梅菜扣肉既人應該會非常中意.

中環翻工四圍行過見到呢間幾大既茶記，試下嗌過外賣試試水溫。（其實係見到今日既lunch a係枝竹火腩飯)外賣落單，5分鐘就已經有啦枝竹火腩飯($43）點解會介紹呢個火腩飯呢，我去親茶記都一定係食火腩飯既，以呢個雖然唔係話最好食，但係我覺得有心去做，首先唔講外賣會比少d餸（個人心理上覺得）同埋當然無係現場食咁原汁原味啦。逐樣講 ：枝竹 爽 有口感，唔會有陣怪味冬菇 唔係冷凍左又死死實實無味道既冬茹，因為好多地方會比呢d你。佢係新鮮似炆左，咬落仲有汁有冬菇香，呢個真係難得！重點當然係火腩啦，無一般食到咁咸，口味岩岩好，唔會食完想飲野，火腩既份量就少左d，不過外賣就由佢啦。汁，適中，同食開既一樣無太大特別總括，細節決定勝敗，雖然我只係嗌左一碟小小既火腩飯，唔可以話全部野都好食，但係呢間茶記比到我既係感覺係一間 良心茶記

明知晚上要去打邊爐,中午梗係要食清啲啦.塵世間最清淡,最下火嘅莫過於皮蛋瘦肉粥.喺呢間食過幾次飯,貪佢喺正街頭夠就腳,今次就試下佢嘅粥啦.首先呢度係最舊式嘅設計,唔會有卡位,人多嘅時候要預咗同隔離坐得好親密.但係逼還逼,呢度從來都唔使等位.可能因為人手不足,坐低到點餐用咗幾分鐘,點完粥又過咗好耐先至上枱.粥唔係應該就咁不出嚟嘅咩.粥唔綿,味道好淡,而且感覺上粥同埋水好似分開左咁,好奇怪.皮蛋本身細隻,切左粒之後顯得更細粒,但係其實分量唔少.但係有少少澀味,少少喇喉.瘦肉當然係切粒既,好懷念以前有成舊瘦肉係粥裏面既真-皮蛋瘦肉粥.聽講瘦肉切粒係為咗更易出味,但點解碗瘦肉粥都係冇乜味既.唔緊要,淡粥,肉粒,澀皮蛋,一切都係為咗下火.呢度仲有個特色,夥記出菜似乎唔會睇枱號,好多時都會大聲問"邊個要A?邊個要凍啡?切雞邊個既?"就算2分鉝前落完單都係咁. 順帶一提,依度食粥超平.上環區近大街既舖頭,一碗粥只係$18.

中理係個好特別既地方, 新式的食品, 舊式既食品, 都有齊晒. 而豬仔一向都追求舊式的店鋪, 唔單止佢地既食物夠正宗, 同埋佢地獨有既招呼方式都好值得香港人愐懷既豬仔果日咁岩行過橫行, 眼見店鋪貼滿名人既合照, 相信餐廳吸引唔少嘴饞既食客豬仔一於試一試, 入到去發現燒味係佢地的拿手食品可惜豬仔今日食唔落啦叫左個公司三文治(HKD$25) 價錢相當市民價豬仔本以為會將貨就價, 無什麼餡料.仲唔到餡料十足, 而且不馬虎, 午餐肉2面都煎香, 香脆! 火腿也略略煎香, 而且蛋跟菜的份量不少👏👏👏！最重要的是豬仔一向對牛油都一般, 而呢到既牛油咸香十足, 加上麵包烘香脆度十足, 互相的作用美味十足豬仔推介

價錢完全專登亂寫，絕對有心扼人錢，講比佢地聽完全意料之內無反應，大家小心!  記得對單！環境欠佳，成地甲甴。1:乳鴿熱的但林。2: 海味什菜煲8成是粉絲，好恐怖原本甘既價錢食呢啲質數係正常，但亂寫價錢就唔正常。

上環happy hour完, 我們四個還是想吃小炒所以朋友提意到新源興, 真沒想過上環較高級地方仍有小炒店生存暗黑小巷, 沒有環境衛生可言, 但這就是風味一格先叫蠔仔肉碎粥蠔仔份量足, 四人份量剛好, 但不重蠔味。反而肉碎較甜, 瘦中帶肥, 口感爽彈蒜蓉牛仔骨大大碟, 肉質非常鬆軟。略帶蒜味, 與洋蔥共同發揮, 令醬汁更惹味牛仔骨脂肪較多, 食到最後發現碟底有大量油香辣雙葱滑雞煲雞件份量適中, 醬汁帶點麻辣, 洋葱辣椒爆過很香,可是偏油而雞件好滑, 有些位置像未熟...而且無味雖然食物只達嘗可接受級別, 但這個地段這個價錢就不要要求太多了而且店員禮貌態度都得好, 每次店員送餸都會跟我們說: 「慢慢食」

係附近返工，本身打算係隔離粥店食粥，點知果間粥大排長龍，所以入左黎呢間餐廳，冇諗過咁就中伏！見到餐牌寫住有「生滾靚粥」咪諗住試下囉！個呀姐一聽到我地叫粥，樣都變埋，嫌棄我地係佢餐廳叫粥，喂咁你餐牌又寫？如果唔想人叫，係咪應該寫明供應時間呀？唔使咁樣黑我面喎！之後粥黎喇，個呀叔一野勁大力放低碗粥，勁大聲講左一句「粥呀」！咁算係咩意思？你一碗粥大大話話都要$32，我又唔係唔畀錢，唔明點解入黎畀錢食野要受氣！我果碗艇仔粥，d料好似之前d人食剩既料咁，求其加d豬皮魷魚生菜就完，又勁多油，仲有奇怪味；朋友果碗雞粥，如圖，先唔講味道，食飯都係想飽肚，放低碗粥見唔到可以食嘅野都已經心感不妙，拎起匙羹，筆極都筆唔到米粒，得d水，再者，成碗都啖而無味，好似飲水咁，成碗雞粥好似白焯雞件，加少少生菜咁，可能係我地唔識食，不過對於我地黎講，呢兩碗野係我地食過最難食嘅「粥」！完全係hea我地，完全冇誠意，唔想做生意咁，唔想做生意就早D講啦！一定冇下次！一定唔會再黎！

見完醫生行過這店，位於中上環交界，就入去食過早餐，可能已過了早餐繁忙時間，所以十分鬆動，得兩三人，坐下後阿姐才送上已剛收起的早餐牌，匆忙叫了一份麵食早餐，品質都不太差。這天點了時菜雞扒太陽蛋出前一丁配鴛鴦走，在這些茶餐廳吃東西，食物質素的要求自然需要降低一點，菜是芥蘭，一般新鮮，都算爽脆無渣，雞扒算大件，當然是雪藏貨，入口無雞味，肉質有點木，但不算太鞋，尚可接受，太陽蛋算是煎得有靈魂，有蛋香而入口嫩滑，麵也算淥得不差，入口沒有太淋；杯鴛鴦走也做得不差，茶啡比例算是洽到好處，沒有太大偏側，入口順滑，味道香濃。

其實我自己是相當喜歡吃炒飯，有時去到茶餐廳唔知叫乜，一碟炒飯有齊餸又有飯，都幾爽，可以快食快閃！隨便上網查資料，原來炒飯相傳源自隋朝越國愛吃的「碎金飯」，即是蛋炒飯。其後經過時代的變遷，中國不少地區均發展出不同種類的炒飯。吃炒飯我喜歡到中環的「新源興」，飯炒得不油膩，即叫即炒熱辣辣，飯粒分明夠乾身，仲要開得夜，宵夜的好地點。一坐低，侍應就會給你熱水洗碗筷，非常衛生：「生炒牛肉飯」$37一道家常到不得了的炒飯，吃的時候我喜歡伴辣椒醬，炒蛋加牛肉粒的香氣，就已經可以提供營養及活力給我！「西炒飯」$37用茄汁作基底，加上腸仔火腿雞蛋，材料簡單到不得了，但就可以組合出一份滋味。你呢？你又喜歡那種炒飯？:-)

5點多去了上環的一家茶餐廳吃下午茶不得了..$27一個下午茶餐只有那麼一點點東西...3隻咖哩角--->即炸，先咬一口，雖是熱辣辣的，的確，外皮酥脆，但可惜內餡極少，咖哩角亦迷你的，弄得咖哩味全失.....用生菜乘著的一小小團沙拉.---->很酸，沙律醬偏多而水果量少.....味道使得無從下口最正常還是我那杯熱巧克力了，不過杯子底部不大平，搖來搖去的，飲品也不夠滿，量少碟子很污穢，有黑色的跡....不大乾淨喔服務態度又不好，肥姨姨很惡的...怕怕了上菜又久，明明只幾個顧客，就我倆點了菜，可不提醍他們是不上菜的..氣

在中環夜蒲之後， 以往都會去卑利街的萬花紅酒家吃點心， 可惜它在一個月前已經結業， 那怎麼辦呢？翠華實在太悶，竟然有朋友發現了這家通宵營業的新源興。這裡不只是一間茶餐廳， 更有小菜及火鍋供應。於是凌晨 4 點我們便在吃醉雞鍋了！醉雞湯底非常香濃， 花雕藥材， 十分足料，點了一隻雞， 肥美新鮮， 還跟一碟菜。豉油王炒麵也是一贊， 乾身， 入味， 不油膩， 炒蜆夠鑊氣， 蒜鹽九肚魚又鮮魷也惹味， 唯獨鵝腸沒甚麼味道。原來有不少夜王也知道這個好地方， 幸好現在發現這裡也不算太遲。會不會再來？會啦。

八點半起床，胡亂青理一下就跑出門口。早餐當然得在外解決。來到機利文新街，一排排在買早餐的打工一族亂中有序，看到大家未訓醒既衰樣回正事，叫了腸粉外帶，打開麻，辣，甜三醬跟醬油已全加腸粉彈牙爽口，看來不是拉的，有點點米香食得開心想起小時候～

今晚OT到9點幾..BF黎接我收工!!之後佢話帶我去食dinner…佢帶我由永樂街一直過去...大約10mins多d,經過條巷仔~個度有間茶餐廳,好似食打冷野~BF就話""今晚就係度食LA!!!間野開左好耐下.."店舖入面5算太多人食,得幾台客,而出面亦都有幾台~一坐低,有個潮侍應就拎d menu過黎....話咩都有得食,仲有泰國野食~Ha…唔知點解佢一講,搞到我好想食泰國野食~打開個menu睇,d價錢都5平下...最後揀左” 碳燒豬頸肉+菠蘿海鮮炒飯”等左10mins度,我地d野食就黎la!!!碳燒豬頸肉大大塊,熱辣辣的,但伴碟既醬賣相一D都唔吸引lo!!呵呵,千奇唔好俾賣相呃左,你要試左先知...好唔好味!!點左你就知豬頸肉配埋個醬,味道係=唔錯!!個醬,帶點麻~食完你會feel到個口會有輕微既麻辣雖然比5起正忠個d…但質素也不錯!!菠蘿海鮮炒飯半個菠蘿裝住左滿滿既炒飯,但聞落去味道好似唔太香!!食落去就覺得d飯炒得5夠火喉..~炒飯入面d菠蘿粒幾甜下…令到成個飯偏甜左d~而鋪係飯面既肉鬆係實既,一舊舊咁..或者食茶餐廳5應該試e d….食泰菜都係去返正宗泰國餐廳好d