新深粥店

成日坐車經過灣仔都會望到呢間新深粥店，今日有機會試下佢地既出品。早餐時段到店，坐滿8成食客，揾到個位坐低睇下個餐牌，佢地有好多款粥品選擇，我最後點了一碗艇仔粥同一碟牛肉腸。好快兩樣食物一齊送上，都係熱辣辣的。粥底係用一粒粒米煮成既，配料有碎牛，水魷同埋豬皮，味道偏淡，至於牛肉腸就得個豉油味，一d牛肉味都冇。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚[糖果]性价比：🥚🥚🥚…查看更多

依間位於灣仔嘅粥店啦就好近灣仔地鐵站嘅 都 裝修簡單乾淨企理呀 啲生滾粥都好好食嘅 佢呢度最出名係嗰個一品粥啦有鮑魚帶子同瑤柱啦雖然係生滾粥啦但係都食到啲食材嘅鮮甜味 另外佢個炸兩啦都好大碟今次就食佢嘅皮蛋瘦肉粥加蛋呀 啲粥底都好綿密…查看更多

一品粥，吃了五分之一的粥，吃鲍片的时候发现鲍片是酸的。炸两十分油腻而且已经绵软。蠔仔粥里的蠔仔非常腥，不是那种自然的腥，是腥到咀嚼了两下就吐出来。跟员工反应了一品粥里面鲍片坏了，换了一碗瑶柱粥。付款时员工要我付一品粥的原价而不是瑶柱粥的价钱（瑶柱粥更便宜），我不肯，员工大声嚷嚷着甩脸走人还要我自己去叫老板来，还怪我们为什么吃了。好笑，我不吃我怎么知道它坏了？？而且吃到坏的食材之后整碗粥都没有再吃。后来我和一起吃饭的友人都拉肚子了，句句属实，千万不要来！…查看更多

今晚天氣凍咗又落雨，見啱啱走咗架巴士，所以走咗入去粥店諗住食碗熱粥暖吓，坐低嗌咗艇仔豬紅粥同炸兩，艇仔碗粥算係正常熱嘅，但係個炸両係又凍又淋嘅，食咗一舊炸両覺得好難食，一睇條油炸鬼根本係未發酵好，完全好似鬆糕狀態，極度難食，冇下次👎🏻👎🏻👎🏻…查看更多

買粥同豆漿，個垃圾收銀裝完杯豆漿就求其放個蓋喺上面就隊比我，倒到我成手濕哂，問佢有冇紙巾可以抹，佢態度極差咁話呢度咪有枱布囉咁少事都要問。而家一月，天氣凍，比佢搞到成件褸連入面成件衫都濕哂，佢仲要咁惡劣嘅態度，真係食屎都唔會再幫襯…查看更多

員工十分無禮貌，都癲嘅，外賣炒麵炸兩，想要豉油，話五俾，我點樣食法，使唔使你哋教？買蘿蔔糕想要少少胡椒粉，佢夠膽死講粗口話個蘿蔔糕已經用胡椒粉炒過，要咁那多胡椒粉做乜，最後仲掉喺枱面，極之冇禮貌嘅員工極度冇家教…查看更多

今日下午茶時間，天氣好凍想食吓粥，見到新深粥店，末試過便入去試吓，見到入面冇人，心諗唔通唔好食，但係都入咗去便叫咗白粥和炸兩，點知炸兩又淋又凍😱問店員可否換其他嘢，佢話你旺巿嚟食咪好啲囉，而且你宜家又食過點換呀！我話唔食點知咁差！店員態度極差，佢話老闆都係咁比人食啦！佢係伙記咋，可能老闆對佢哋好差，咁樣倒老闆米😱最後，我都食唔完白粥，炸兩一啲都食唔到，就走了！咁嘅嘢食都可以攞出來賣，真係好差囉，下次一定唔會再來幫襯😡😡…查看更多

食物係一般既平價粥店質素，粉面係公仔面/米粉(大家落單時留意, 唔好見到係面就以為係幼面)。店員落單既方法係，近門口個位勁大聲叫你個食物名，然後近廚房個位又勁大聲重覆一次。然後！居然會叫錯！門口個位又勁大聲叫更正佢。尤其係如果客人叫多款食物既，睇住佢地大聲叫又keep住錯🫣🫣🤡…查看更多

呢個星期出咗兩次灣仔，兩日都順便食埋個早餐，一日食豆漿加炒麵，承惠$23；另一日叫咗碗艇仔豬紅粥（相片係兩張，一張係嚟到時拍，另一張係我撈底將材料翻上嚟拍），承惠$26。記得上次食嘅炸兩質素一般，最大問題係凍，油炸鬼唔夠脆，但我認識有人唔喜歡食脆炸兩，而係喜歡食腍身嘅炸兩，不過我相信呢類人係少數。呢次叫嘅炒麵，$15，絕對有驚喜，煙煙韌韌，即国內或台灣人所講嘅Q彈，好好食。咁當然，同我食過最好食嘅豉油王炒麵仲有距離（我食過最好食嘅係起溫哥華嘅唐人區酒樓，而且已經廿幾年前嘅事，間酒樓起唔起度都未知，我亦唔記得個酒樓名，想去到食返都難），但絕對係水準之上。豆漿，夠凍🥶，雖然無驚喜，但水準絕對合格，$8一杯，仲起條咁旺嘅軒尼斯道，唔會畀杯稀水你，起咁熱嘅天氣，絕對係超正👍。豬紅艇仔粥有碎牛、豬皮、水魷、豬紅、炸花生及蔥花，味道一般，無咩驚喜。廿零蚊個早餐，今時今日，仲要係市區旺地堂食，絕對係抵，如果畀你揀，你又會點揀？…查看更多

1）炸腸2）炒面推介食炒麵😍炸腸既腸粉好滑，正👍🏼👍🏼粥店同一般粥店無分別，冷氣夠凍，有生滾湯飯，芝麻糊亦有客人落單；腸粉滑，可以一試。一個人食一碟炸腸有點多；兩個人分享就very good 😌 …查看更多

今日出灣仔，原本打算去檀島食個午餐，但一望門口價錢，要$68～70一個餐，即縮，去咗行前多幾步，有超過廿年歷史，之前間中都有幫襯過嘅粥店食嘢，印象中呢間啲嘢一般，無咩印象深刻嘅食物，但勝在員工服務友善，而且價錢相對地經濟。呢間舖頭唔算大，但午飯時段仍有二成到一半係空位，所以坐落舒服唔會迫。由於無咩印象深嘅食物，所以叫咗我去粥店試食嘅必叫食物：及第粥、炸兩。唔好以為我咁大食，叫咗兩碟炸兩，留心啲睇，兩張相嘅炸兩，只係落醬前後嘅分別咋，由於太肚餓，所以起粥嚟之前，夾咗一嚿祭咗個五臟廟先。落單時，發生件趣事，話說我見到姐姐同緊另一檯落單時，示意我落單，咁我同佢講咗話要及第粥同埋炸兩，轉頭佢嚟我張檯度問我係唔係要豬雜粥，真係一時反應唔切講咗話要及第粥，講完之後，個人醒咗改返話係噃，及第粥即係豬雜粥，真係畀佢差啲考起。講返食物先，炸兩，大家有眼見，賣相完全唔吸引，咬落只有少少脆，但畀我感覺係好有家庭feel ，芝麻無炒香（話實，依家仲有幾多間舖頭會用炒香嘅芝麻畀客自己隨意摻？），腸粉雖然係涼（唔係冰凍）但唔嚡有質感，整體嚟講不過不失，唔食無損失。及第粥，單就賣相嚟睇，無葱絲無薑絲亦無炸花生，只有生菜絲，食咗有粉腸，有豬肚，有肉片，有豬膶，但係無滑牛亦無及第粥常見嘅豬肉丸，留意佢哋個餐牌係有豬肉丸，但唔知點解唔落。味道方面，每一樣都算腍，但若果豬膶可以生番啲啲，會更滑，粉腸硬身少少會煙韌啲；肉片夠滑，佢同粉腸一樣，食到鮮味出嚟，加上碗粥夠熱，食唔到有重味精嘅味，算係唔錯，埋單計$53，食得過。後記：呢間嘢出餐嘅速度算係快，基本上5分鐘內，所叫嘅已經到齊，即使係生滾粥，都好快送到你面前。亦唔好以為最多得8成滿，以為無乜生意，查實好多外賣單。雖然餐牌又飯同麵，但由我坐低到埋單呢段時間，無人叫麵食，叫飯嘅都只得一個客，所以都係叫粥會穩陣啲。出到門口，望見佢哋嘅油器，尤其是油炸鬼，支支好似老人家咁姿勢棟起度，乜食慾都冇埋，或者會再有下次，但一定唔會叫油炸鬼。…查看更多

灣仔的新深粥店位於地鐵站附近，距離出口只有10秒的步行路程。這家粥店提供的食物份量十分大，價格也非常實惠。一碗生滾皮蛋瘦肉粥再加上油炸油和豆漿，只需要花費40多50元就能夠品嚐到，非常划算。這家粥店的味道也非常不錯，絕對比那些連鎖粥店如海皇、一粥麵等等要好吃。不過，這家粥店的桌面有些亂，整體的整潔程度也有待提高。此外，坐位也有些擁擠，但是考慮到這樣的價格，這點小缺點也是可以忍受的。總的來說，灣仔的新深粥店是一家非常值得一試的餐廳。雖然這家粥店的設施和整潔程度有些欠缺，但是食物的味道和價格卻是非常優秀的。如果你正在尋找一家便宜又抵食的餐廳，不妨考慮前往這家粥店品嚐一番。…查看更多

在灣仔工作多多少少都做了3,4年，好多時都會想食返碗粥。這間在灣仔僅有的粥品店，各位，真係千萬個留心！食物質素差都不在話下，地方污糟，服務太態真係差到一個點！話説早前同同事去食，兩碗生滾粥，一點也不滾，炸兩，腸粉都係凍的，就連最簡單的豆漿，都可以做到完全無味！今日，我老闆一時興起下想食件咸煎餅，迫不得已的，只好又再走去這店。點知那位上了年紀的店員，取了個穿窿的給我，我立即跟他説，這樣我如何給老闆吃。他完全無視我下返回店內，我只得走入店內再追問可否作出更換，點知換了個店員來處理，細語説著：「無所謂啦，橫掂一陣就會賣晒。」你意為佢換比我，原來佢係收返！那我都一肚氣下收回之前便的錢，轉身走！各位，真係奉勸一句，無必要，真係唔好嚟這店了，你只會貼錢買氣受！…查看更多

最近因為天氣凍，比較想食粥，所以今日午膳時間就到公司附近一間粥店用餐。但係餐廳嘅食物質素同員工服務態度實在令人不滿。餐廳送上食物速度好快，我叫咗一碗皮蛋瘦肉粥，大概一分鐘後就送上。但係碗上面有一舊生牛肉黐住，食物衛生情況唔太好。另外，令人奇怪嘅係喺午飯時間，食客通常叫嘅油炸鬼、炸兩同炒麵，粥店一欠奉。當我因為冇油炸鬼而改叫炒麵時，店員竟然強行拎一碟炒米粉要求我代替炒麵，做法實在令人費解。當炒麵缺貨一段時間，其他食客進入食店要求炒麵時，店員竟然無即刻通知佢哋炒麵無貨， 都係令我對佢哋服務質素印像變差嘅原因。 隨後廚房將油炸鬼炸起後，店員並無主動向食客跟進要求係需要再點油炸鬼。講番食物質素：皮蛋瘦肉粥味道偏淡，唔係好食得出豬肉鮮味或者皮蛋嘅味道，反而胡椒粉味較特出。最後補叫嘅油炸鬼雖然啱啱出鑊，但係略嫌炸得未夠脆身。油炸鬼中段質感偏腍。整體而言，試過今次之後應該唔會再光顧。…查看更多

前果排肚濟濟唔舒服，想食啲清淡嘅野，但灣仔美食雖多，味淡食物選擇其實唔太多；有一日行過公司樓下嘅新深粥店，試過一次之後覺得實在發現得佢太遲啦！應該要早啲嚟幫襯，因為佢個味道完全係我想像中果種粥品水準，味道唔算濃亦唔算淡，"結結地"之餘又份量適中，我最鍾意食佢嘅豬紅皮蛋粥，喺食慾麻麻嘅時候真係好對胃口架！除左一般嘅粥品，喺小食方面，新深粥店亦同時有賣白糖糕、油器、腸粉、炸兩同少量麵食，都幾多款式架，唔淨止得弼。我食左幾次都係外賣自取，暫時未試過堂食；不過我行入去店內嘅時候發現佢鋪面都企企理理嘅，唔使擔心衛生問題！最值得一讚嘅係，落單、收銀以至出品速度都係極快，我每次去買粥，幾乎一俾完錢就有得攞野食咁濟，對於生活節奏快嘅香港人嚟講係一大賣點！…查看更多