新海合美食 (已搬遷)

🍊 餐廳名稱：新海合🐝 味道：6/10環境：6/10整體分數：6/10/💰人均：$55———————————————————位置係一條巷仔入面既茶記，店面既位置唔多，每次午餐時間都幾基本上會full晒。今次食左佢地既麻辣肉碎雞扒飯，個肉碎同雞扒整體都偏鹹左啲，一啖肉要配兩啖飯先balance到個味道。頭個兩三啖都覺得okay的，但之後會愈食愈唔對路。同埋分量黎講唔算大份，胃口細既人應該會有7分飽，但大食既朋友仔應該得5分飽，所以有時我會叫多份奶醬多食。雖然咁啦。但小編之前食過佢把既手撕雞飯係好食的，啖啖肉之外仲要撈埋啲青瓜絲落去。大家有興趣可以試下！…查看更多

如果想速食呢間新海合係唔錯嘅選擇，麵餐出餐快！-自選麵餐(兩餸)$42.00韓式辣醬炒豬肉+墨魚餅扭扭粉有好少見茶記有韓式辣醬炒豬肉，裡面有薑、泡菜、大蔥？、冬菇。豬肉醃咸左，唔韌，辣汁同個湯底混合埋一齊，好惹味。墨魚餅裡面有粟米，甜甜地，但就唔算好彈牙，表面亦唔係炸得好脆。扭扭粉唔會煮得好腍，夠彈牙。凍奶茶少甜+$2.00比例OK，有港式嘅味道！個短頭髮呀姐都粗魯，但對住啲熟客就滿面笑容，有傾有講！…查看更多

唔知食咩好，冇期望冇失望，試下好少早餐有既麻辣肉碎+韓式辣醬炒豬肉。賣相吸引，隔住個盒見到已經流晒口水，味道有驚喜，果然刺激味蕾，同米粉絕配。多餸，入味，下次有機會會再encore…查看更多

今日行過趕時間是但入左黎呢間餐廳諗住快快趣食個飯醫肚，餐廳面積好細，要同其他人搭檯。餐廳9成既食客都係比較麻甩既男人，地方感覺上都唔係幾衛生，不過但求填肚，我其實都無乜所謂🤫餐牌上選擇唔多，都係一d 麵餐飯餐。我叫左個雞排煎蛋飯。雞排雖然比較油膩，但都煎得幾香口，個太陽蛋就無咩煎過咁，生生地，飯比較乾同硬，唔會話有飯香。本身行入黎都唔會有咩期望，以民生小店黎講食物其實都係正正常常，不過唔會推薦黎食🫣…查看更多

同公司唔算近嘅呢一間新海合，雖然坐得異常咁迫夾，但係如果嗰日返工有早久唔久都會去幫襯吓，全因為佢個生炸雞翼，叫得生炸當然係即叫即炸，真正做到皮脆肉嫩，上枱之後如果唔攤凍係會辣咀嗰隻咁新鮮滾熱辣，味道方面醃得啱啱好，係我最鍾意嘅港式風味，呢度最抵錫嘅係用咗出前一丁之餘，餐廳仲非常之濶佬，將嗰包跟機嘅麻油成噸咁放喺枱面任你落，麻油呢樣嘢唔係人人好，但係鍾意麻油嘅我通常都會偷偷地落兩三包，喺現場阿姐嘅監視底下真係相當之有罪疚感，不過除咗雞翼好食之外我真心係為咗啲麻油而嚟架。…查看更多