影片
以上資料只供參考, 請與餐廳確認詳情
招牌菜
前文係.....早排去新潮(請睇另一食評)食咗個沙嗲牛肉麵，挑起條食沙嗲牛肉麵引，結果去咗三間餐廳食沙嗲牛肉麵.三間餐廳分別係新華源，佳餚坊同新樂.新樂嘅沙嗲牛肉麵，係三間餐廳味精最重，牛肉麵一上枱，味精即時撲鼻！牛肉鮮嫩，但有少少奇怪味道，好似係肉鬆粉味.不論牛肉麵同奄列，都係三間餐廳裡最普通嘅出品，凍飲最細杯.新華源同佳餚坊嘅食評請見另文.
繼續閱讀
新樂茶餐廳其實好耐歷史，都好多街坊幫襯，不過今次真係要反映下，叫咗個豬潤米特餐，成碗得4「粒」，仲要係柴個腳皮，同阿姐講，佢同水吧個廚反映，個廚仲要阿之阿左，話不嬲都係得咁多，煮完會收縮架啦，你當我第一次食豬潤？阿姐話轉頭補番，之後冇咗回事，個廚師仲要一直係到講不嬲都係咁，呢個豬潤米，真係冇下次😤
繼續閱讀
近年年紀越大，越是喜歡食得清淡。從前餐餐吃公麵的日子已成過去，現在只是非常偶而地才在茶記吃一次，而且還是以月甚至年來計，基本上可算是介掉了這一個出了名壞的飲食習慣了....不過剛說過，如遇到有好吃的地方，或癮頭起時我也會忽然會想吃一次的。今次來到這一間裝修老舊，時間好像仍停留於幾十年前般的屋邨茶記，點的就是出了名邪惡之極的撈丁麵....平常我倆是不會讓小友吃這些絕對邪惡又不健康的食物的，但他始終是小朋友，對這一類的junk food，他就最愛了。有時越壓制他就更想吃。故此非常偶而地我這個不合格的父親也會讓他放縱一下大吃公麵....說回眼前的蔥油雞扒撈丁，丁麵稍嫌處理得有點太軟身偏濕；豉油亦有點平凡，可以調得帶甜少許就更對口味；雞扒皮煎得帶微脆，肉軟淰夠味不油膩，不俗；舖面的蔥粒是最出色的，咬下去不會太鹹又滿有蔥香，鹹鹹哋用來撈丁甚至來撈飯都是妙極....這樣惹味但又邪惹不健康之物事，真令人邊食邊心覺矛盾呢....
繼續閱讀
一間充滿人情味既懷舊茶餐廳，食物又有水準，真係好值得黎食。今次帶幾個朋友再黎食，食物水準仍舊無變，真係好正。今次同朋友黎食雞扒蔥油撈丁 — 雞扒又滑，撈丁又大份，朋友都大讚蔥油好香，麵身煮得岩岩好，又爽又滑。不過，個蔥油真係香到無得輸，香到無得頂。 叫左個咖哩豬扒飯，福建炒飯，同埋蕃茄雞翼福字麵。因為太好味，食哂先記起唔見得影相 ＞＜咖哩豬扒飯： 咖哩又濃，撈飯一流，豬扒又淋又有肉汁。福建炒飯：飯炒得有鑊氣，飯又香，配料又新鮮，汁又唔會太稀。正！蕃茄雞翼福字麵：蕃茄湯底又香，雞翼好味，福字麵唔係周圍都有，童年的回憶同味道。如果唔係太飽，一定會叫炸雞脾，呢到既炸脾係生炸，外脆內爆汁。配埋港式薯條真係無得輸。老闆娘認得我，送左中湯俾我地飲。中湯真係無味精，好正！呢到果種人情味而家真係買少見少啦。老闆娘仲介紹我下次食椒鹽豬扒飯，佢話超正，好多人都會特別叫黎食。雖然呢間茶餐廳係比較上偏貴，但係你會ｆｅｅｌ到佢用料唔係用ｃｈｅａｐ野。同埋真係無味精！ 唔會食完好口渴。佢既格局真係好愈來愈少有，令我記起以前會同屋企人一齊去茶餐廳食野，加上，老闆娘又好人，呢種感覺係其他連鎖式既餐廳唔會俾到。
繼續閱讀
確實充滿傳統風味的茶餐廳，你會發現很多顧客都是常客，他們會清楚對方的飲食喜好，也是的士司機的聚腳點，聽到他們與侍應的熟悉語氣，不期然感覺到小時候與鄰居打招呼、碰面時問好的感覺！另外，常餐、午餐也比一般的同類型茶餐廳略貴，但食物味道很不錯，尤其午餐的炒銀針粉、例湯更是沒有味精，非常新鮮！餐飲奶茶也很香濃！不錯、不錯，可以一試！
繼續閱讀