新樂火鍋 (新樂飯店) (已結業)

有一段時間沒來了, 晚上二坡坊這裡總是人頭湧湧今次去吃新樂小廚, 於是四個人叫了五個餸我最喜歡的是咸魚煎肉餅，超超超脆啊，非常的咸香, 如果唔係怕太高鹽分，我可以吃下一整碟其他的也超好吃，豬膶浸莧菜，菜很嫩，豬膶不會有根避風塘炒蜆，那些調味又辣又香，送飯一流還有那裡出名的鹵水鵝做得好好，平常我不太喜好鹵鵝，總覺得鵝片很靭但這裡的又入味又嫩滑，食多多都得啊！哈哈，呢度晚晚都人山人海，要食要早到啊!

前幾晚同左女友同十幾個fan去左呢間店幫朋友門慶生,我地叫左十幾樣野,有大眼雞,炒聖子,者者雞煲,紅燒豆腐,羊腩煲,炸墨魚咀,炸大腸,老水魷魚,鴨舌,雜菜煲......講真所有野食既味道係一般,不過咁,佢d野食都算有鑊氣,而且分量都算多了,一定要試下羊腩煲,因為都幾羶,唔錯,而且佢會比好多腐乳你地,真係o岩曬.我地仲叫左個蠔餅,好大碟,但冇乜蠔所以唔太好食.呢度d小二服務一般啦,你唔野佢地,佢地都唔會黑你面既,但如果閣下激嬲佢地,你會好惕law.如果你住呢頭o既,都可以試下既.

與友人一行三人去完醫院探病，之後就過荃灣搵食。落車之後，友人見橫行有間大排檔，所以就入去喇。因為個個都未食過，所以由友人話事，叫咗一個四人餐。鹵水鴨︰本人一向都唔太好食鴨，但估唔到呢度個鹵水鴨又整得好好食喎，而且仲有成半大隻咁多添呀！正...白灼蝦︰蝦好新鮮，而且仲好彈牙添，我食咗好多隻。只係覺得個辣椒豉油唔夠辣囉... 豉汁蒸倉魚︰唔會過咸，好好味，而且又唔腥。草菇炒時蔬︰呢個就普通咗啲，不過好在啲菇有出過水，所以唔會有怪陣味。避風塘豬扒︰其實呢碟豬扒係好好味咖。不過友人就覺得啲肉好『韌』，所以食咗一舊就冇食喇。總結︰估唔到誤打誤撞都食到一間正嘢，下次一定要與友人再去試埋其他嘢至得。

一家五口想去三坡坊晚飯，平時經過呢度都見到呢條街好多野食，於是今日一家特登去食。去到路口，被從未光顧過的「新樂飯店」一班女兵排出人牆攔截，大叫大嗌，又拉又推，終於屈服，姑且一試，但恐怕亦是最後一次！坐得又迫...又嘈....又烏煙脹氣....服務又唔好....問多兩句都唔得~~我叫野食果陣, 個阿叔粗聲粗氣!! 問佢有咩靚, 佢好粗聲氣咁話 : 吓？ 乜嘢靚？你想睇定係想食？簡直不知所謂！所以投訴都無用！！！樓面已經唔夠，舉手起碼5分鐘，無一個侍應過來 ( D 人出晒門口同路口拉客囉！)廚房又做唔切，所以食物質素好一般~ 食物黎錯咗，個女人硬要放底，然後馬上走開唔再理你！無計！！！咁樣做生意，食物又唔算出色，又唔系好食，所以以後都唔會去呢間嘢!!!

一行五人黎晚飯，比普通更普通，唔係特別好食．１．西檸雞：炸到好粉，唔掂！但個汁又較得幾好喎．２．胡椒咸菜豬肚湯：唉，普通湯就係既，無黎味道不特止，仲要係有ｄ怪味．３．蒸豆腐帶子：喱樣係全枱最好味既野，帶子甜，豆腐滑．４．炒芹蘭５．潮州拚盤：一般喇．

家姐話有日行過三陂坊，見到成條街都好旺，等我都去見識下先~真係成條街放滿枱啵…都唔知去邊間好，我選擇大牌排啲唯一方法…就係去有啤酒妹果間~(呢個方法係唔work架各位，哈哈~)點鬼知佢間間都放幾個啤酒妹響到，咁就是但啦~室內冇哂枱，淨番一張近廚房啲…照坐! 因為出面好多人食煙，返而近廚房好些少；坐落就先至上網search下有咩好野食，點知結果係…黑店!嚇得我呀，心唸…明碼實價，唔怕你，照坐!去大牌檔食飯就喻左佢地D環境嘛嘛架啦!室內坐底既食客大多數都響到食煙，更離譜既係連D伙計都明正言順邊做邊食!唉…咁就唔係咁好啦~因為坐近個open kitchen啲打冷檔附近，見到個廚都…煙絲成吋長…我地牛咁眼吸住我地果2碟打冷野，好彩冇事~講番D餸菜，都係叫D小炒野，因為比”黑店”呢2個字嚇一嚇，海鮮就唔叫啦~九菜豬紅情意結，每次打冷都必叫啲菜式，好難煮到難食；係驚D豬紅一夾就散啫，佢啲質感OK啵；味道方面，辣辣地咁啱啱好，不過就好似油左少少。紅腸墨魚一上枱，只覺碟頭細，D紅腸啲樣子又嘛嘛地，可能比D滷水汁影響左佢啲外觀啦…顏色似乎深左少少，切到又”薄切切”；份量小，味道一般。潮式蠔餅佢個名叫潮式

同朋友夜晚黎呢度諗住打邊爐睇左陣menu，order左二人餐($168)冇耐waiter拎左3碟野黎，有酸薑,花生等放低就走左，我地再問先知要收($1x)，算啦唉之後黎左二人餐，同朋友o左咀囉碟野整得超求其，份量仲要勁小同勁雜碎咁就收我($168)，唔係阿嘛!!!!!!!!我地食食下又黎左碟雲吞水餃，以為個餐有既，冇為意到，到食完，就有個阿叔問我地係咪食左雲吞水餃話要收番我地錢($38)，唔通吉碟一定係雲吞水餃????好明顯有心"裝"我地啦，有冇搞錯huffy個幾粒雲吞同水餃仲要超鹹，超難食囉!!!埋單成二百幾 好貴好貴!!!又唔飽，又要比人呃錢，呢間野永遠blacklist呀!!!!

今日約左幾有個好好朋友係荃灣行街﹑食飯。難得我地五個女仔撇低男友，五條A實在難得偷得半日閒，冇旺管。咁梗係行盡街，狂買衫﹑買鞋﹑買褲啦!!! 點知買過左“龍”，買到成十點幾，諗左好耐都唔知食咩好，傾左一輪，有個岩岩係星加坡做野番黎既FRIEND提議去食打冷，因為佢好掛住個度D潮州粥同埋海鮮喎!!!原本本人想反對(因為夜晚食咁多好肥架!!!)，但係行到佢地門口，嘩!!! 全場起碼有八成﹑九成滿座咁濟….勁!!!!! 跟住我被朋友極力推薦下，就試試啦!!我地睇左陣餐牌，望下周圍D人食咩(梗係望埋D份量得唔得先啦)，之後我地每人可以決定一個餸，首先星加坡番黎既FRIEND就先黎點左灼中蝦，佢話哩到D”海鮮好好味”，好新鮮。我就掂左”鼓召炒聖子” (因為本人愛好食聖子), 其餘既FRIEND就分別點左 “咕嚕雞球”, “上湯芥菜膽”, “炸虾丸”, 五碗白粥﹑三罐汽水﹑一支啤酒。先黎 1. ”鼓召炒聖子”……真係好正，好耐未食過D炒聖子係咁多聖子肉，炒得幾香，唔錯，唔錯!!! 跟住 就黎 2. “灼中蝦”………嘩! 真係超正，之前仲驚佢咁大隻蝦D蝦肉會唔會”鞋” 添，點知佢味道之餘，D蝦肉質感

上星期五媽子生日, 原本想帶佢去酒樓食得舒服 d, 不過佢又話唔想去酒樓, 幫我慳錢, 想去三陂坊! (?) 佢話有次同朋友經過見到成條街都係人, 想試下。既然係咁就壽星女話事啦! 去到三陂坊, 條街真係放滿枱, 都唔知去邊間好, 個個都話自己抵食, 咁就唯有搵間多d人架啦! 新樂見佢擺到出街口, 就試下啦~我地四個人俾左張方枱, 幾逼下! 叫幾次先有人應, 都有d 火! 叫左炸乳鴿、咕嚕雞球、清蒸海斑、薑蔥田雞煲、腐乳通菜。 田雞同魚見佢係新鮮捉上來入廚房整! 食落呀媽就話新鮮唔會煮過火, 我就唔識分喇! 我o既至愛係咕嚕雞球, 送飯一流! 至於炸乳鴿都ok, 有肉夠香, 而通菜就略嫌少左d腐乳。呢餐飯都算叫又平又好食, 不過無咩服務可言, 鬼叫無俾加一咩! Hehe……

今日一行十多人到新樂食晚飯，始終成條街都係呢間最多人，隔離食店相比起食客極之少，之前已經幫襯過此店數次，食物不過不失，今次吃的食物反而充滿驚喜！我地左叫左好多海鮮，因為好耐都無食過啦，有椒鹽賴尿蝦，避風塘炒硯，仲有清蒸石班，全部都好鮮味，其他小菜有生炒骨，薑蔥田雞煲，紅燒乳鴿，炒蝦丸，仲有兩個菜，味道都唔錯！特別係個炸蝦丸，食落好彈牙，因為落雨．．我地都無坐到好耐就走啦，埋單計落每人都係六七十蚊，都真係幾抵食！

見餐牌好肉幾多野食就試下啦,點知坐底左之後就知入左黑店,室肉坐底既食客大多數都在抽煙,點知發現原本連伙計都明正言順係度邊做野邊抽煙更離譜既係攞碟餸埋嚟既時候都照食住支煙, 好似入左間黑店,連d伙計都好似黑社會咁諗住食完餐飯都算啦,都唔會有下次一坐底就對兩碟酸姜,同花生嚟,當然要計錢啦,咁既大排檔feel既地方都要比埋d咁野,有d過份,再加埋又室內抽煙,明明店內張貼 "嚴禁吸煙”連ｄ伙計都照吸已經好燥，又唔出得聲，點知佢地會唔會係ｄ餸到加料我地點左啫啫雞煲，絲瓜炆魚肚，同埋火煵鱔煲點知ｄ餸嚟到重燥，啫啫雞煲同埋火煵鱔煲好油根本係超級難食個隻，啫啫雞煲裹面ｄ豬潤又鞋又硬，ｄ雞重離譜全陪都係雞胸，又係又鞋又硬個隻，再嚟絲瓜炆魚肚，ｄ魚肚重衰過ｄ豬皮，碎濕濕，絲瓜得幾舊，重有就係佢放左好多肥豬肉碎去整跎味餸，唔知想點，差到貼地仲有火煵鱔煲都係一樣勁多油，鱔就得幾舊，枝竹好多，又肥又硬既火煵一大堆呢餐真係背脊骨落，碟碟食淨，真係劣劣劣劣劣!!!!!!!希望呼籲各方好友切忌唔好去呢間黑店，重有如果禁煙辦睇到呢篇文章，唔該請去檢控佢地ｄ所作所為

同老公及女女去打冷, 叫左椒鹽鴨舌/九菜豬紅/乳鴿2集及抄白菜,我覺得椒鹽鴨舌真係好好食. 其他一般貨色, 但成條街都比佢地擺晒.佢地又有2味, 128元, 3味148元等, 都好大眾化架. 我應該會有下次, 但會叫多d人去食, 見到好多人叫煲及打邊爐, 我想應該都唔錯呢!

係荃灣混了10幾年, 一直都唔知原來三陂坊有一堆咁熱鬧的大排檔. 好有出火炭食宵的感覺, 同屋企人食大排檔好少有, 4個人叫了3個餸都飽哂, 因為碟碟都份量十足.滑蛋炒蝦仁: 賣相雖不討好, 但食味一流, 蛋炒得剛好, 唔乾之餘重有蛋汁, 蝦仁粒粒大大隻, 依家d餐廳點會比咁多蝦仁你ar, 重要收你$40就大大碟la wor~~~潮式煎蠔餅: 依度do野食都要等ga, 但絶對值得, 因為熱辣辣, 蠔餅脆卜卜, 超大底, 又唔會得粉wor, 有好多蠔仔ga, 又夠味, 唔點魚露都Ok!!!!豆腐班腩煲: 你以為佢好普通就錯哂la!!!!! 普通先見真張ar, 一開煲蓋, 出哂煙. 豆腐超滑, 班腩炸漿超薄, 啖啖肉得o黎又脆脆地wor, 唔會好似普通餐廳咁食到食口粉!! 連細細粒o個d都係肉o黎ga!!!!!全家人食得好飽足, 重話要逐間試tim ar, 如果唔介意衛生差少少, 絶對係"平靚正"之選@荃灣!!!!

食過兩次火鍋, 第一次食它的手切肥牛, 非常美味, 雪花分佈平均, 又有牛味又新鮮, 令人回味無窮. 但第二次食, 等了差不多一個鐘才到, 還要肥牛的肥膏一舊舊, 好肥, 顏色又不新鮮, 很難食, 以後都不想再去.員工服務欠佳, 客多不是服務差的藉口, 肥牛追了一次又一次都愛理不理, 還有員工一邊"擔"住枝煙, 一邊落單, 衞生情況可想而知.

此店在我新屋附近,每晚都見人山人海,於是有一晚我連同朋友一行三人到此店食晚飯,眼見外面已經坐滿人我地就揀左入去其中一間鋪坐,裡面環境尚可接受,亦唔算特別太污糟我地叫左椒鹽鴨舌,炸乳鴿,豆苗,同埋粉絲蟹煲, 雖然客人多,但等菜既時間亦都唔算太耐(起碼唔會等到唔耐煩要向伙計問幾時上菜),先到左椒鹽鴨舌,我覺得呢味真係好好食,其他食物上到台時係熱辣辣應該都係即叫即做, 整體上都ok 但就有小小偏咸!