新森林焗之專門店

營業中

休息中

今次一家大細去左灣仔新森林食下午茶餐總共叫左三個餐：吉列豬扒 配 奶油豬香滑溜心蛋配焗免治牛肉飯 配 羅宋湯鮮茄焗豬扒飯 配 鹽味薯條(即係薯仔條上面撒左鹽)飲品：一杯凍檸茶，一杯凍華田，一杯奶茶羅宋湯，一啲酸味都冇，完全係唔合格焗芝士流心蛋免治牛肉同焗蕃茄豬扒飯一樣冇蕃茄嘅酸味 好難食吉列豬扒，唔知係咪炸耐左，有啲苦味奶油豬同薯條最好食，不過薯條冇跟茄汁上两杯凍飲就中規中矩，熱奶茶茶味唔夠濃，有啲失望真係各人口味唔同，我哋去埋單嗰陣都仲有好多食客

個侍應勁黑面一嚟到坐低咗，個侍應已經黑口黑面企咗喺度，我朋友未諗好食啲乜嘢好，但係個侍應企左喺度，於是我就話不如我落咗單先，反正我都要早走。我落左單之後，佢行開咗跟住又行返埋嚟黑住面咁企喺度，結果佢都係等埋我朋友先一齊落單。因為我見到我地4張單個落單時間係一樣。落完單之後，餐牌仲放左喺枱面未收。然後個侍應以命令式口氣叫我「收返好d餐牌！」意思即係，叫我哋將個餐牌放返落個餐牌假度。上菜係快嘅，但態度真係出奇地差。以後唔會再黎。

好耐以前參加過一次義工活動，下午係去新森森灣仔店同班公公婆婆食晏。原來每一個月嘅第一個星期六，老闆都會贊助呢個義工活動，係咪好似平時都有派飯。我覺得呢間嘢好有善心，都希望佢啲生意越做越好。尋晚去食晚餐，好少人，但係其實佢啲焗飯真係好好食，杯杏仁箱好好飲！！夠哂濃！！我覺得係佢個位置，同埋成間嘢個感覺好似好凍冷冰冰，所以夜晚咁少人。但其實佢好好食！我覺得呢個鴛鴦焗飯，大家真係可以試吓！啲肉醬好好食！夠汁，撈飯一流！唔知佢係咪知我鍾意食蛋，所以見到加$6就可以有一隻蛋好開心焗葡汁雜菜就唔啱我，因為佢好多青豆。。。

放lunch去到下午茶嗌咗個温泉蛋焗飯 羅宋湯(送蒜包) 同埋凍檸茶(+3)一去到個格局係經典嗰種港式茶記feel又有餐紙提供 不過都係有嘢飛吓飛吓 坐到入去已經拍死一隻 嗌嘢上菜都算快嘅 但啲嘢食一嚟到就feel到唔多對路…個焗飯個底仲係凍嘅 隻蛋又有蛋殼 個肉醬食到後面仲要係苦嘅未喺香港食過咁難食嘅焗飯🤢羅宋湯又淨係得啲頭頭尾尾 得個酸字勁難飲咁多嘢入面得個蒜茸包係熱嘅不過又係尾嚟 勁硬 得薄薄一層蒜茸凍檸菜係用外賣杯裝 好似擺咗好耐咁呢間嘢真係冇下次枱面仲見到佢哋招義工派飯整好啲嘢食唔好害街坊好過啦🙏🏻

新森林焗之專門店七月某一個晚上，在灣仔區辨完事肚餓，搵地方醫肚仔，見到呢間餐廳即刻行入內坐低。已經聽朋友講過呢間餐廳經濟抵食，以為專門提供焗飯/意粉餐。打開餐牌， 重有扒餐供應，林林總總，真係有選擇困難😐最後揀咗鐵板羊架，選擇困難又來啦！頭盤都有幾樣選擇，最後揀咗青菜沙律，羊扒配意粉，仲有凍飲，成個餐都係$99沙律菜幾新鮮，配有芝麻汁，好好味！羊架質素幾好，有3件，少少肥邊，配黑椒汁，正！意粉同埋凍飲就唔使講啦， $99真係超值😋餐廳環境整潔，卡位幾好坐，侍應服務態度良好，下次會嚟吃其他扒餐。

*迷你焗之選 Set B $55佢呢個迷你焗之選有得間set A/B， set A就得焗飯+前菜，set B有焗飯+前菜+小食。我揀咗鮮茄焗豬扒飯+豚皇野菜煎餃子+一口蝦多士（4件）-迷你焗豬扒飯確實比普通豬扒飯要細啲，但絕對冇偷工減料，依然係炒飯底，而且仲有兩塊厚切豬扒，味道就係正常焗豬味，好味！-豚皇野菜煎餃子同想像中一樣係急凍餃子，熱食嘅時候脆，放咗一陣就淋咗。比較有趣嘅係佢配豉油而唔係醋，但我鍾意醋多啲-一口蝦多士呢個真係好好味，炸得好鬆脆，咬開係真係見到入面有蝦肉！如果有得比埋沙律醬我點就好

Lunch 經過，見到個餐牌幾吸引，就入段試下，坐企再認真望，一眼嵐比個芝士安格斯牛肉漢堡吸引坐左，野食黎到，果然冇失過，香噴噴，咬落去芝士係流心的，又唔油膩，價錢都唔貴，抵食

最喜歡中午食新森林嘅AB餐，有迷你焗飯/意粉，再配小食/沙律，再加飲品，都係$46，性價比高，坐得尚算寬敞舒服，食物上菜快，侍應服務不錯有效率，會常常來光顧。。

先講套餐，佢既選擇真係多，價錢又平，女仔食一個迷你焗飯加個前菜都夠飽ga la ~ 焗飯又快，唔似其他餐廳要等，不失為一個快食既選擇。我叫個迷你雜箘焗意粉，水平一般啦，唔難食，同一般茶記差不多，個芝麻醬雜菜沙律賣相唔錯，食落ok的，奶茶夠濃。所以要求平、快、多選擇既話，呢間就岩你啦，但唔好追求味道了。

灣仔抵食下午茶之選，選擇配搭多😌今次嗌咗沙嗲🐂牛肉+台灣貢丸+🦐蝦條公仔麵，配雜菜沙律，半隻🐷豬仔包，飲凍奶茶少甜=$46公仔麵🍜，爽口（落單時可要求），湯底好濃郁，絕對係杯麵味精湯🤣（預期之內），少量沙嗲牛肉，一粒貢丸，一條🦐，下午茶嚟講好夠😌雜菜沙律，正常發揮，小食份量，幾啱中和返公仔麵嘅油膩👍🏾奶油🐷仔包，外表香脆，少少燶邊，熱辣辣，最後食埋好飽肚😆😆，已經唔止一份下午茶既份量。最後飲埋杯凍奶茶，正常發揮，幾鍾意佢奶味重☺️☺️

Hello 大家好👋🏻！今日我嚟到位於灣仔道嘅「新森林」，一間以焗物出眾嘅茶餐廳。今次同大家分享一下佢哋嘅早餐。 佢地早餐優勝之處係多選擇之餘又可以自由配搭。首先，佢哋有一啲set好嘅早晨套餐， 配搭簡單。佢地有呢款可以自選追加嘅早餐， 想健康啲三文治餐可以加粟米或麥皮， 想份量多啲麵餐可以再加多個通粉/ 米粉。 而追加種類都多， 有脆豬包、 粟米、 薯餅… 等等。美食攻略：今日我點咗「牛油多士+嫩滑煎雞扒+煎雙蛋+熱奶茶+追加鮑汁火腿通粉」。多士夠熱😋，烘得外脆內軟👍🏻。雞扒真係夠嫩滑， 配埋燒汁，味道好好。煎雙蛋真係要讚， 係燶邊太陽蛋👏🏻👏🏻👏🏻。有蛋味夠認真。火腿通粉加咗鮑汁唔會太咸，當中加咗齋鮑魚絲，令到口感豐富，有𡁻口而唔會韌。佢哋杯奶茶比例都可以， 味道平均。美食指數：5🌝最高味道：🌝🌝🌝🌚🌚環境：🌝🌝🌝🌚🌚服務：🌝🌝🌝🌚🌚賣相：🌝🌝🌝🌚🌚

今日開會冇時間出去買lunch所以就成班同事一齊嗌新森林焗飯外賣套餐包括左飯, 餐湯同飲品, 比平時堂食單點大約貴20蚊.不過好彩外賣送到黎無論賣相同份量都同堂食差唔多.我叫左芝士鮮茄焗牛脷飯, 餐湯冇得選擇一定係跟羅宋湯. 牛脷係大大件厚切嘅版本, 仲要有成五六件咁多. 基本上飲完湯食完牛脷已經半飽, 飯都只係食到一半🫣不過唔知係唔係外賣既關係, 飯底比平時濕左啲有少少糊口既感覺, 仲一餐半餐外賣黎講可以接受啦😌

Lunch唔駛等就有位，但店員態度奇差，明明有5-6張空枱，都要食客同人搭枱。我食左30分鐘，果幾張枱依然係吉既，咁你仲迫我同人搭枱你話我要一個坐卡位就話啫，我只係唔想對面坐住個唔識既人，萬一中左肺炎都唔知佢係邊位，想追查都難，你搵多塊紙板隔住，令食客安心啲都得掛？野食方面上菜算快，味道中規中矩，叫做不過不失。唔知係我錯覺定點，由落單到上菜只係用左5分鐘到，煮得幾快希望佢哋有所改善，短期內都唔會再幫襯住。

因為工作嘅原因成個星期都會喺灣仔同銅鑼灣中間岀沒，咁每日做嘢最緊要就係有餐飯食，行行下見有間食焗飯，五十幾蚊就有一大碟飯，睇落唔錯就決定咗係呢間。餐牌上有成二十款焗飯，岀奇地仲有素肉添，不過就對素肉呢樣嘢冇乜興趣，我覺得如果你係諗住食素咁點解要去食啲模仿肉嘅嘢，有種本末倒置嘅感覺。我因為好肚餓嘅關係最尾決定咗嗌個經典鮮茄大胃皇飯。個焗飯唔駛等好耐就有得食，望落雖然唔係特別吸引，但係聞落好香，而且都幾大份，肉有四種，分別係豬扒、雞肉、漢堡扒同脆皮腸，每一款都好大份，而且咬落去都好鬆軟同入味，茄醬嘅味亦都好濃郁，非常開胃。平心而論，係咪超好食？唔係，但係呢個價錢嚟講叫做非常抵，比起大家樂嘅焗飯好食幾倍。

有時朝早黎開灣仔，都見到入邊有唔少食客食緊早餐，今日心血來潮打算買份外賣三文治。點知一等等咗成20分鐘，搞到做嘢都遲到🥶🥶不過食物質素都可以，餐蛋治都幾厚，唔係嗰啲呃人嘅超薄切！咖啡就一般，係普通茶餐廳咖啡，下次喺茶餐廳都係嗌返奶茶好啲🤣價錢黎講26蚊都可以接受(不過而家快餐店啲早餐真係仲平)。收銀姐姐態度都未係其他人講到咁惡劣，我催過佢一次，佢記得我等得耐，好似都有真係去廚房幫我望吓，之後就真係咁啱出咗份早餐俾我🤣