新東榮火鍋私房菜館 (已結業)

這次已經是我第2次到這裡用餐，但並沒有沈悶的感覺，反而每次都有驚喜！😱我們一行十人到這裡farewell 朋友既然是farwell，定必要食得好，食得滿足！🤤🍴首先來一個豬肺燉湯，我本對湯品沒什麼大興趣，但今次的燉湯鮮甜不油，有滋補的感覺。接著便到冰鎮鮑魚出場，在炎炎的夏日，冰涼又爽口的鮑魚令人胃口大開！每次必食的椒鹽剝殼懶尿蝦，最適合我這種懶人食，不用剝殼又能食到新鮮彈牙的懶尿蝦！清蒸海斑，魚肉剛剛好熟，魚肉夠滑，配上大量葱絲加上熟油豉油，鮮味無窮！這味蘆筍炒帶子是常見的酒樓小菜，不過師傅加入象拔蚌，口感更見豐富。咕嚕肉用上梅頭豬肉，食落口啖啖肉，不會滿口肥肉，加上有炸得剛好，連平時不吃咕嚕肉的朋友都讚！大辣雞煲，一出菜便聞到辣味強勁，適合食得辣的朋友。袐製東坡肉，我本不太好豬腩肉，但都嘗試了一小塊，果然入口即溶，瘦肉部分亦好腍身，不會太韌。奇味蟹飯，朋友極力推介！蟹肉鮮甜，飯粒分明帶點蟹的鮮味，如果喜愛飯焦的朋友一定可以吃上幾碗飯！最後一道菜以酥炸芋蓉球作為完美的句號，入口有綿密的芋頭蓉，加上size適中，不會太飽滯。而且不會太油，所以不知不覺便會一口接一口！…查看更多

今次朋友介紹這間私房菜聚會晚飯有新驚喜，我們6位朋友對食物都頗有要求，叫了10款菜餚都清倉！特別推介兩款下酒菜，豉油王我腸和避風塘三寶必食，其次東坡肉也十分推薦口感層次一流，其實款款都好好味。…查看更多

有驚喜之地，湯底味道好，皮蛋及麻辣鴛鴦鍋底非常足料。海鮮新鮮爽口！從來沒有想過隨便進入一間都可找到有誠意的店家！而且地方整潔，食物質素與服務態度也非常不滿意，價錢公道合理，一定再encore！…查看更多

終於搵到夜晚新浦點兩個女仔係九龍城，收咗工想食啲嘢飲番杯酒。入咗九龍城廣場一樣野都唔吸引，出去慢慢行下，行經Tony Wong 望一望對面突然間想打邊爐！入到去老細同員工都好好招呼，直到我哋食完大家已經好熟啦最鍾意食嘅牛肉，叫老闆推介，老闆問我地鍾意食生定係熟啲，識食嘅我哋梗係唔好淥咁熟啦！老細即刻推薦左牛頸脊。新鮮又好味，好咬口重牛味真係要推薦頭盤有芝麻醬秋葵，我哋真係秋葵精去到邊都一定要食秋葵，生同熟都叫左。可能你覺得咁樣好普通，但係呢一款涼拌秋葵用咗比較大隻嘅秋葵，真係覺得好好食仲想叫多一碟。其他火鍋菜式就唔特別講啦，因為招呼一流，而且大部份菜式都中上，我哋開始食咗一半先記得影相希望下次可以多啲人嚟，因為老闆極力推薦我哋試吓小菜。…查看更多

今日Farewell好朋友，揀左呢間位於九龍城的私房菜館。菜館環境舒服，招呼熱情周到，氣氛愜意。菜式方面亦沒有令人失望：青芥末鮮蝦：wasabi的香味濃郁，但不攻鼻，蝦殼鬆脆微辣，蝦肉鮮甜彈牙；拔絲咕嚕肉：醬汁酸甜平衡，十分開胃，咕嚕肉面衣厚薄適中，外脆裡嫩，食得出係用新鮮豬肉炮製👍豉椒聖子煎米粉底：聖子鮮甜爽脆，豉椒汁惹味，撈埋煎脆的米粉底一齊食，連吃幾塊；砵酒焗桶蠔：桶蠔新鮮大隻，砵酒香甜；椒鹽鮮魷：魷魚新鮮，面衣酥脆；上湯浸皇帝菜：爽脆無渣，連平時不吃皇帝菜的朋友也食得津津有味。今日的窩心小菜食得十分滿意，下次再來要試下火鍋。…查看更多