新本眞茶餐室 (已結業)

今次是第三次光顧這間素食茶餐廳，發現比之前一點進步也沒有。今天點了素海南雞飯套餐，湯是還不錯的，但個菜和餸和碗飯都不夠熱，味精也多，吃完要不停飲水。總的來說，來這裡吃飯別期望太高，同時可免則免。作為素食一位素食者，也不建議素食朋友來這裡用餐。這裡唯一的好處是人流較少，午膳時間不用迫人和排隊。大概是其他人試了也感覺一般吧！哈！…查看更多

新本眞茶餐室 (English name: Ben Zhen Vegetarian Cafe) isn't your usual cha chaan teng. Like the name states, it offers vegetarian food.Menu is in English and Chinese. There is no 10% service charge. Offering a variety of cha chaa teng classics along with vegetarian Hong Kong style baked goods.I decided to give it try with a classic cha chaan teng item: the all day set ($62). This includes char siu with noodle in soup, scrambled eggs, slice of toast and a drink.For the noodles, you get a choice of macaroni, instant noodles or rice noodles. I chose macaroni. A generous enough portion was provided. The soup tasted like a vegetable broth and there was no MSG. The macaroni was not too soggy. The char siu was basically sweet and savory wheat glutten.The slice of toast was ok with a generous spread of butter. The eggs were over cooked and a bit tough. Slices of button mushrooms were mixed in.The food was ok with not MSG detected. Service is a bit slow. But  it's nice that there is a vegetarian option for those that don't eat meat.…查看更多

步行經灣仔去金鐘方向，途經一間白色小餐館，被店名吸引－新本真，我正在想是清真食品嗎？店員步出來態度友善地介紹著，他們的菜單雖然同茶餐廳沒有什麼大分別，有焗豬扒飯，酸辣粉等等，但卻是一間純素餐廳。素豬扒對我來說不算新奇，反而對素酸辣粉感到好奇。就進店試他的酸辣粉。酸辣粉，竟然咁大碗。有好多餸，豆卜好多，有芽菜芫荽，全部都是我喜歡食的。但酸辣湯的味道，不及真正食酸辣粉餐廳的豐富，的而且確跟名稱相同有酸及辣，但卻沒有花椒及其他香料的味道，整體湯底比較單調。但對我來說，還是可以的。另外這酸辣粉的粉面，坊間多探用較粗情透明狀的番薯粉。但這酸辣粉的粉，我覺得比較似粉絲，幼而且沒有番薯粉的煙韌。埋單前，我見他有麵包賣，經店員誠心介紹下，了解他們出品的麵包，除菠蘿包外，全部都沒有加牛油及沒有雞蛋。由於菠蘿包上的菠蘿酥皮必需以蛋製作。既然這樣，就多幫襯了一個菠蘿包及雞尾包。因為沒有牛油，口感的而且確比較乾身，不及傳統港式麪包鬆軟，味道有點像法包。至於菠蘿酥皮，味道一般。雞尾包內𥚃的餡料，亦一般。如果喜歡食港式麵包的，就無謂嘗試。除非你是一個純素素食者，或追求健康食品者。其他食物我會再幫襯，但是麵包就未必了。…查看更多

唔知OpenRice係咪太多人話佢地無禮貌依家佢地都會唔該前唔該後聽到最多就係唔該但都係聽得出唔係用心講 簡單啲講 講得真係好假講野無尾音 呼呼喝喝 其實無禮貌 唔係同人講唔該就叫有禮貌有同理心就會明白 個客想要咩試過嗌外賣 叫你出舖頭門口等感覺係趕你出去 唔聽佢講唔得大佬我係你個客 唔係你個仔好聲好氣唔得嘅講嘢態度同語氣好似鬧仔咁其實有禮貌 個語氣都好重要希望佢哋會認真改善 唔係識講唔該就夠咁樣搞法 你哋同日日趕客冇分別除非頂得到你哋嘅態度同埋脾氣好好先食得落你餐飯啲野食真係唔錯 但啲服務態度真係惡頂如果我唔係食素 我真係未必會揀呢一間…查看更多

一直很渴望可以去間素食茶餐廳，今次回港發現了新本真，今天去試試，吃了個素羊腩煲，足料，味道好，再追加咗牛油脆豬仔飽，好食。奶茶亦好夠味👍👍，下星期亦會去試另外啲嘢，或者每星期都去試吓其他嘢。地方雖然不大但勝在潔淨舒適，選擇多，食物好好味，價錢非常合理。兩位工作人員態度誠懇有禮又友善。…查看更多

聽過”新本真素食茶記”很多次, 始終末有機會一試!! 加上最近此家多了一些負評, 昨天慕名前去, 對於從來末發表過食評的我, 確要為此小店來一個平反😁味道:  食物夠熱, 奶茶味香, 以茶記標準來說很不錯👍服務: 店員服務態度親切,  有禮貌.  Vegan如果要走蛋, 在落單前揚聲就無問題✌環境衛生: 環境舒適, 乾淨 (對比其他茶記)抵食:  這個就見仁見智 (在這個百物騰貴的世代, 要平就回家自己煮最化算😜…查看更多

嗌咗個早餐有多士，等咗一陣聽到隔離枱有客叫走牛油，我就叫佢走牛油，佢一開始話唔走得(太遲講），咁我話我唔食得喎，最終佢走咗畀我。臨走畀錢時我提出menu要寫清楚多士有牛油，要純素就要走蛋奶，佢話呢牛油係植物牛油，如果啲人「好鍾意健康」嘅話要走咪走囉，又話如果係vegan嘅話自己應該清楚自己要咩，又話間餐廳唔係for你哋vegan嘅，廚師已經好好咁設計咗有啲vegan嘅選擇，你呢啲第一次嚟嘅可能唔知啦，但其實我都唔係第一次嚟，最終阿姐都係認為自己啱晒，話下次再嚟就溝通清楚啲喎。…查看更多

同事介紹，第一次光顧，環境舒適，唔逼，枱與枱之間距離適中，在那個地區嚟講係一股清泉！其他食客都安靜，唔會好嘈，整體非常放鬆及舒服。看到一些應該係熟客一個嚟食，呢度好啱休一休息叉叉電。店員推介乾炒牛河，本身擔心好油膩及食唔晒，但係又好想試，一試之下發覺很美味及驚喜。色香味俱全！難忘那份猶如大牌檔的鑊氣！我成碟清晒😆 個感覺係唔滯所以誠意推介！店員提醒乾炒牛河唔係日日有，如果真去想去試，大家要留意當天有否供應。…查看更多

上年十一月時我寫咗個處女post反映呢間餐廳嘅服務態度差...大半年後我再度光臨, 於平日的非繁忙時間入座, 見到樓面轉哂人, 坐落後兩位侍應非常有禮貌地招呼, 我食完後亦好有禮貌地問咗先收盤過程中聽到佢哋同其他客人的對話都非常有耐心, 所以令我改觀, 亦令我覺得要上嚟寫返個update俾佢希望update嘅資訊能夠幫到大家, 合十感謝…查看更多

某節目講到這餐室嘅乾炒牛河係自家製素肉，又話點樣好食。礙於疫情，減少堂食。今日喺附近咪去買個外賣試吓啦。價錢跟同類食店差不多。試咗真係好失望，估唔到係色香味俱無！（興奮試食，忘記影相。）還有，侍應態度嘛嘛哋。總之，冇下次！註：灣仔區服務和出品好嘅素食餐廳，我心目中最少都有5間。…查看更多

茶記好多香港人成日都食架啦但今次介紹既並唔係一間普通茶記😝係而間餐廳叫到所有野都係素😮就咁表面睇, 都完全睇唔出係素😮😮 仿真度極高!!!除此之外, 味道都好似👍🏻👍🏻👍🏻常餐-叉燒通粉拼蘑菇炒蛋餐 ($59)素叉燒既質感同真叉燒真係好似, 因為佢既調味係跟足港式燒臘做法, 超香蜜味, 正!!😋鮮茄濃湯螺絲粉拼沙爹牛炒蛋餐 ($68)茄湯好清甜, 蔬菜粒大大粒, 唔錯~最驚喜係沙嗲牛肉!!!雖然佢係用大豆纖維整既, 但味道同真既沙嗲牛勁似!!🤩🤩沙嗲醬汁都做得好似, 香味濃郁😍👍🏻個人覺得而間素食好有創意,而且同平時茶記食到既野都好相似,又平又健康又特別又岩香港人口味~ 💯!!…查看更多

以素食茶餐廳為題 本來佢做嘅乾炒牛河或其他食物都算唔錯 但叫女員工可唔可以凍奶茶少甜 佢話師傅唔得閒 一係有甜 一係冇 但係當時店內並唔係坐滿 我都唔係去過一次先至作出咁嘅評論 呢位員工 應該要考慮吓顧客嘅感受 叫佢另外比甜 又話唔得 叫我哋繁忙時間唔好要佢哋難做 其實喺張單上邊寫個少甜 佢覺得對於一位茶博士來講 有幾難呢 再係咁落去 我哋班食素同事 都越來越少去 有時見啲客攞隔離枱張凳 啲夥計就好大聲咁話啲客 事關佢哋有五個人 想坐喺一張枱 唔想佔用佢兩張枱 其實真係唔需要咁大聲喺舖頭度渴嗰幾位男士…查看更多

第一次食素食茶仔，選擇比我想像中多！今次試咗沙嗲牛肉炒蛋+蕃茄湯螺絲粉沙嗲牛肉味道唔錯，無乜平時素食扮肉果種味，沙嗲味調得唔錯，感覺似食緊平時茶仔嘅沙嗲牛一樣～蕃茄湯底好好食，勁夠味！而且飲晒成碗湯後一啲都唔口渴，證明應該係自家製無落味精，正！我會因為呢個湯底想再嚟食多次😎另外想講吓啲姐姐，佢哋好有禮貌又親切，見好多熟客都返轉頭食而佢哋都認得，感覺佢哋好開心多啲人嚟嘗試素食～下次再嚟開呢頭都會想去試埋其他食物😋…查看更多

本身都冇諗過星期六可以嚟呢間餐廳食飯，可能真係緣份，本身約朝早幾個朋友嚟呢度食早餐，但係因為上晝突然要返工，於是改咗食lunch。朋友約喺灣仔呢間茶餐廳食飯，我本身都不以為意，佢哋話呢間唔係一般嘅茶餐廳，而係一間素食茶餐廳，仲要話真係好好食。喺香港食素菜嘅餐廳已經唔算多，仲要係茶餐廳，應該真係全香港首創。入到餐廳已經覺得好舒服，店舖光線充足，而且仲有一條好靚嘅旋轉樓梯上樓上。星期六嘅下晝，樓下已經座無虛席，我地要上樓上先有位食飯，咁多客人幫襯，我估呢間茶餐廳都有返咁上下質素。食過之後就知道呢度啲嘢真係幾好食，好彩我哋總共有四個朋友，可以叫多啲唔同嘅嘢食。先飲杯本真紅豆冰，用咗好香豆味嘅淡豆奶，冇咁甜之餘，仲有點香滑，同一般飲到嘅紅豆冰好有分別，飲完唔會飽飽濟濟，仲好回味。朋友叫嘅星洲炒米先上場，呢個可以話係當日嘅第一個驚喜，老實講，就咁食個星洲炒米又有「火腿」又有「肉絲」，味道真係唔似食緊素，而且仲要好有鑊氣，炒得非常之好食，絕對贏過唔少出面嘅茶餐廳。我自己就先點咗個牛油果三文治，呢度嘅麵包特別挺身，最重要係牛油果夠香，而且佢哋餐廳係自家製蛋黃醬，整體感覺優秀。然後叫咗個酸菜魚，用素食可以做到同出邊酸菜魚味道一樣咁出色，都真係幾考功夫，湯裡邊仲會有薯粉，少少辣之餘仲要有酸菜香，送飯一流。另外，朋友話佢嘅最愛係焗豬扒飯，呢個用上好多豆嚟整嘅「豬扒」同出邊食到嘅最大嘅分別係，呢度嘅焗豬扒飯好好味，而且由於件「豬扒」好多蛋白質嘅關係，食完係一啲都唔會覺得漏，而且每粒飯都焗得好均勻，仲好多芝士添，點可以錯過。叫得焗豬扒飯就一定要食埋肉醬意粉，因為兩個都有異曲同工之妙，肉醬意粉做得同豬扒飯一樣，多芝士之餘仲焗得勁靚，條條意粉都彈牙，你真係唔覺得自己係喺一間素食店入面，因為感覺同平時食嘅意粉冇分別。我哋每人食一個主菜之後，坐喺度繼續傾偈，坐到下午茶嘅時間，然後員工話俾我哋聽呢度都有唔少嘅下午茶選擇。我哋幾個人share就叫咗個西多士，因為頭先嘅麵包好食，西多士就順理成章，西多士依然用嗰隻非常好嘅麵包，不過最特別嘅係佢配煉奶同蜜糖，煉奶我唔特別多介紹，但係個蜜糖非常高質，配西多係非常合襯。另外叫咗碗仔翅同咖喱魚蛋，坦白講碗仔翅同平時食嘅分別真係唔大。呢個相對來講冇咁特別，但係個魚蛋就真係非常出色，咖喱味好惹味，最重要係粒魚蛋，用上蒟蒻做，成粒都非常彈牙，好精彩，我相信如果佢一串串好似平時街邊檔買，一定大排長龍。講真，試咗咁多樣嘢基本上冇乜嘢可以挑剔，呢間素食茶餐廳絕對可以成為我喺灣仔嘅飯堂，尤其係初一十五呢啲日子，我相信你食個早餐都好開心。出奇地餐廳唔多宣傳，頭先問起喺灣仔住嘅朋友都唔知道呢度有得間咁高質嘅素食茶餐廳，希望真心介紹俾大家知，多多支持高質小店！…查看更多

全港第一間素食茶餐廳已經開業五個月，不過我一直無時間去試，又覺得茶餐廳太麻甩好似無咩好野食，點知今日一試先發現走寶，原來新本眞茶餐室係一間高級餐廳質素的茶餐廳，隨便叫幾個菜式都吃到用心製作，並唔係隨便煎素肉俾你食咁簡單！快跟我去看看有甚麼必吃之選！新本眞茶餐室位於灣仔莊士敦道近金鐘方向，由灣仔站A3出口行過去8分鐘左右。雖然話係茶餐廳，裝修絕對唔麻甩，仲幾少女心可以影相-able。餐廳以白色為主調，乾淨企理又闊落，坐得舒服過好多茶記，都吸引好多本身唔係食素的打工仔架。茶餐廳一早就開始營業，來吃早餐都可以，吃的都是一般港式茶餐經典，最健康有個粟米小米粥配自家製蘿蔔糕。午市餐牌都同一般茶餐廳差唔多，中間有兩款經典茶餐，亦有一系列王牌套餐，套餐都送老火湯或飲品，價錢平過好多連鎖店。最特別係有川式麻辣系列，午餐都可以食水煮魚酸菜魚架！店內用的都是無蛋無奶的純素麵包，每日新鮮。牛油果蛋白三文治 HK$34 (圖中為半份)一般茶餐廳應該無牛油果食，這間果然是新派高級茶餐廳，牛油果蛋白再加自家製純素沙律醬，加埋烘左底的純素麵包又真係幾好食，想吃輕巧可以來一份。叉燒治 HK$32 (圖中為半份)叉燒治這個配搭也很新穎，入面有滿滿的蜜汁叉燒，咬落令人感覺滿足。鮮茄濃湯螺絲粉 C.沙嗲牛炒蛋 HK$68平時都好鍾意食番茄濃湯，不過素食版唔係好多地方有得食，這裡就吃得放心！番茄湯仲係無五辛羅宋湯Style，淨係飲個湯都覺得抵！沙嗲牛都唔係望落咁簡品，素牛肉片係自家製，沙嗲醬又係自家製，食落真係零舍唔同！這個我覺得係必吃之選！食王牌套餐的話就會奉送老火湯一碗，口味每兩日換一次，飲落發現真係好足料，唔係平時去茶餐廳飲果d淡如水的清湯！老火湯無油無味精，仲會用靚料用心煲，平時屋企無湯飲的寶寶，不仿拎個暖水壺去買兩碗返屋企飲。鮮茄焗豬扒飯 HK$81之並有連鎖店推出焗豬扒飯，素食者都一窩蜂去試，可見經典菜式係魅力十足。這裡用的素豬扒蛋白質含量豐富，「啖啖肉」之餘我覺得最正係個脆皮做得剛剛好，焗完都仲食到個薄脆感。番茄醬和炒飯底都仲得好好食，芝士仲有得拉絲，蛋奶素食者必定要試。乾炒牛河不在餐牌上的乾炒牛河係是日精選，食唔食到睇你彩數！炒牛河用的素牛片同樣是自家製作，真係好花心機！食落真係鑊氣十足，調味亦同真既乾炒牛河一模一樣，甚至更好食！水煮魚跟白飯 HK$88雖然午餐食四川菜有點 Hardcore，不過川菜係店內招牌名物，點都要試下！這個辣度可以請師父調節，這天吃少辣版都覺得好刺激，入面有豆腐、豆卜、幾種菇、窩筍和白蘿蔔，我覺得最勁係白蘿蔔都煮到勁腍勁入味，撈埋個飯真係正。川式擔擔麵 HK$65特別使用上海麵底，整碗都是純素無五辛，湯頭香湯好味，條白菜都浸到入晒味，上面的脆花生更係點睛之處，確實川味十足。出年新年要買蘿蔔糕芋頭糕的話也可以來這裡，全部自家製作無味精無五辛無素肉，我覺得兩款都好足料好好食，完全唔會食到成口粉，調味也剛剛好真接食也OK。估唔到素食茶餐廳其實唔係茶餐廳質素，食物全部都用料實用兼且認真製作，素食者可以帶食肉的同事來試試看，唔講真係食唔出係素食架！…查看更多