新曼谷泰國菜館 (已搬遷) 新店位置

朋友來香港，今晚當導遊來這間泰國菜品嚐，這幾天沒有吃飯麵的味道，便吃些飽肚的東西。冬陰功湯河酸辣味足，有小蝦、蕃茄仔、香菇等用料足，湯河吸收冬陰功的味道，蠻好吃。河粉滑，湯水濃，價錢相宜，是不錯的選擇。香蒜炒芥蘭芥蘭帶點甜味爽口，味道不錯。菠蘿海鮮炒飯海鮮也多，味道帶甜味份量足夠，炒飯乾身不油，廚師功夫不錯。這裡的服務態度很好，要求什麼亦盡量協助。綜合味道很好，值得推介的餐廳

今次6個人食晚餐簡左尼間泰國菜，之前食泰菜都系系九龍城個頭，都幾滿意，但今次尼間有D唔抵7點幾去到唔洗等即刻有位，尼個dinner time都坐得幾滿，餐廳幾闊落坐得幾舒服我地6個人簡左6樣野，冬蔭公湯、生菜包、炸蝦餅、燒豬頸肉、青木瓜沙律同埋咖哩，仲有4碗飯野飲我就簡左青檸梳打個冬蔭公無乜辣，好重芫茜味，料都見到三四隻切半既蝦同D菇，我就唔太中意佢陣芫茜味所以飲左啖冇飲個生菜包都一般，生菜比得少同有D大有D細塊，6個人唔夠食有剩肉碎，D肉都冇話特別好食尼個沙律量就可以多D，但酸酸辣辣幾開胃，仲有D花生粒咬下，不過不失豬頸肉、蝦餅同咖哩就咁多樣之中最好味個幾道，兩碟大概有十件咁上下，個咖哩就冇影到相，確系幾香撈飯一流、料入面D豆就多過D肉粒，我覺得可以比多D蝦餅D粉唔多入面幾彈牙，豬頸肉都好香配埋佢地比既醬，我就覺得同麥當勞隻泰式辣醬差唔多而杯野飲我就覺得太酸，朋友既椰汁紅豆冰好飲好多尼個價錢其實系九龍城都有更多好既選擇，我覺得系到食就貴左D同味道一般，下次咁多人未必食尼間

每次黎到尖沙咀想食泰國菜，呀媽都會提議去呢間泰國餐館，只因3個理由：老闆親切、食物穩定、地方闊落 所以今日我地都特意黎探一探老細，再試下佢手勢有冇退步因為今日係平日，所以店內人流不多，店員安排座位都分隔得好開，夠曬私人空間  雖然好多香港人都覺得多人先好食, 但我反而鍾意1D隱世小店, 可以慢慢食慢慢傾計, 因為唔忙所以店員自然比較好, 就算不斷問佢地「呢道菜會唔會好辣呀? 會唔會好大份食唔曬?」之類無聊問題都好細心, 好詳細咁答我地, 呢點就係小店嘅好處! ------------------------------泰式炒通菜 炒得勁惹味, 火侯掌握得好好, 通菜冇因為炒太耐而變灰  少少微辣, 岩岩好唔會搶走本來嘅味道 咖哩炒大蜆 咖喱汁超好味, 咸中有少少甜同辣, 再用蛋漿埋獻, 蛋香同咖哩嘅味道係口腔發揮神奇嘅化學作用 , 即時胃口大增, 用黎餸飯或者蒜蓉包簡直係一流冇得頂呀!!! 不過可惜係蜆有沙, 而且有D熟濟, 建議叫其他食物例如大蝦/肉蟹, 更加好食 泰式鹽燒盲鰽 必叫食物!!!盲鰽燒得岩岩好, 魚肉嫩滑, 味道鮮甜, 水份

成日行過灣仔見到都無入過去食，今日就同朋友去咗試下，原来系幾好食。一直都好多人，好似有一段時間要排隊添。下次去食嘅朋友可以去book位。三個人嗌咗5樣嘢，豬肉生菜包，甜酸魚，生蝦刺身，蒜蓉包同埋雞肉串燒。掛住食冇全部影相哈哈。我最鍾意甜酸魚，酸酸甜甜好開胃！蒜蓉包唔係好夠熱啲豬肉好惹味，辣辣的。生蝦好好食，個汁溝得好好。整體好滿意，service都算係幾好，係最後因為有人排隊冇得坐耐啲傾下計。

係尖沙咀食一個午餐閑閑地都要$50-＄60，今日發現左呢間抵食嘅泰國菜午餐😇一上到去見到座無虛席，十分受上班一族嘅歡迎！價錢有＄36至＄48不等，每個午餐仲送一杯泰式特飲，而且不設加一！但係呢度嘅服務就麻麻地，好難先會叫到侍應落單！我叫左泰式鮮蝦金邊粉，呢碟金邊粉炒得好有鍋氣、唔會好乾、仲好夠味、色澤均勻而且都有成六隻蝦，可惜蝦就冇咩味餐飲我揀左椰汁西米冰，味道正常發揮，西米足料！

隨便搵一間泰國野食，見評分ok就黎左，入到先知9 點後85折，入到先知isquare 有舖，早知晏d 過i square 食，舖頭好大油煙，食物叫左鳳爪沙律，小食拼盤，通菜，炒金邊粉。小食拼盤 個豬頸肉好食！金邊粉有d 太甜，另外2 樣ok, 飲品一般，如果有芒果沙冰就好！總括黎講 OK!

今日再來食個lunch,1點左右到人吾算多，好食野先！ 泰式豬脾飯-豬脾好淋入味，吾會太濃味，酸辣汁好醒胃 冬陰公湯河-冬陰公湯酸左D，如果辣番D會更好！材料有大蝦，吾錯！包飲品都算OK!如果下午茶時段更抵

幾丁友去食生日飯, 尖沙咀區想平平地食泰菜應該唔易搵! 忽然醒起平時灣仔食平靚正lunch果間新曼谷好似尖沙咀都有分店, 一於就食番呢間都幾多人, 好在地方夠大,好多枱提供都係揀食泰泰菜果幾樣主打, 生蝦,獅蚶,生菜包,咖喱蜆,冬蔭功果d....個生蝦勁好新鮮,肉質好爽,遂隻打埋個結口感更彈更實在,有encore泰式炒粉絲都唔錯好多料,幾乾身,自己再勁落辣粉,正! 其他食物都合格, 唯獨個咖喱蜆略嫌唔太夠味都貴咗dd! 今餐都食得開心

我朋友約o係哩間泰國野食lunch, 我完全唔知哩度有間隱世泰國菜而且食評都唔差.我仲要行過龍完全miss 左間餐廳, 因為間野係冇招牌... 不過樓下有個易拉架.上到去, 門口同餐牌都係冇餐廳名...我地4個人點左4個set lunch, 每個都只係$4x 仲配埋椰汁冰, 真係好抵食.個侍應黎落單, 個樣係泰妹但係講純正廣東話.要左個豬脾飯, 青咖哩豬, 炒金邊粉, 蝦醬炒飯, 另外叫多碟炸蝦餅$8x個豬脾飯d 豬脾好淋滷得好入味, 我自己就鍾意食層皮多過d 肉, 不過d 肉都好淋肉下面仲氈住d 芥蘭, 好綠好爽口! 正!青咖哩豬係預設左, 如果轉雞要加$5, 所以最後都唔轉, 反正唔係一定要食雞我仲諗住佢地咖哩流流地, 點知辣到阿媽都唔認得! 但辣得黎又好鬼好味所以都係咁食係咁食蝦餐炒飯好正! 有d 油但炒得好均勻, 蝦醬味道適中唔會過鹹! 推介!碟炒金邊粉一上台嚇親, 份量勁大. 味道都係咁, 同其他店冇乜咁大分別.炸蝦餅好好好, 炸出黎唔太油膩, 蝦胶彈牙而且有蝦味, o個日我個咀有傷口都有少少發, 證明真係有蝦唔叫個炸蝦餅其實幾抵食架, 不過個炸蝦餅真係好好食.

到離島玩完後，就出返尖沙咀搵野食，求其就去左寶勒巷呢間泰菜食野。之前瘦身女食話都可以架，但今次真係好失望，真係唔會再黎食。 呢個生蝦中規中矩，蝦唔彈牙，鮮味亦唔夠，但個醬汁加返唔少分 呢個自選拼盤都係可以既，蝦餅彈牙香口，係普通泰菜餐廳質素，串燒雞味道唔濃烈，重有啲硬添！瘦身女覺得可以蘸耐啲，味道先更突出 瘦身男女到越泰餐廳必點就係海南雞飯，對我地黎講，呢一道菜可謂對每一間餐廳既評語有莫大既關係，而呢一間完全唔合格  ，油飯同白飯冇分別（根本就係黃色嘅白飯），而雞一啲都唔滑，重要雞無雞味，真係好失望ga 瘦身男飽到食唔落，瘦身女就負責呢一度菜，呢個特式炒金邊粉合格，略嫌配料乾身。 服務環境都係普通，叫做乾淨企理啲，但侍應要叫好多次先有反應 總括，揀食泰菜，九龍城求其揀一間或者會穩陣啲，呢間普遍菜式係合格而已，海南雞飯係大敗筆，呢個價位真係有更多更好嘅選擇

泰國菜餐廳在尖沙咀的數量不少，試過許多間而這間絕對是平靚正的選擇。午餐價錢由40到50多，不用加一。海南雞湯河：雞巳去骨，很嫩滑，醬汁惹味，湯粉大大碗，清湯清甜，粉也滑滑的，一定食得飽。友人的青咖喱牛肉有濃濃的椰汁味道，吃的時候甜甜地但從後而上的after taste 的確有點辣，一碗咖哩有滿滿的肉片和配菜，大滿足！

如果想食泰國野我地一定來新曼谷，今日又來食番餐！6點幾到吾係太多人。先來個芋頭焗飯材料有雞肉、芋頭、蝦、雜豆、肉鬆。。。雞肉滑芋頭香夠林吾會硬，吾太淡又吾咸！豬肉濕炒河差左好多！河粉一餅餅未炒散，汁略咸肉少芋菜多！泰式甜酸魚 魚肉起出來炸左再炒，魚肉滑吾油，魚身炸到好脆好干身！配菜有青瓜、蕃茄、菠蘿、洋蔥。。。整體上好食抵食！

第一次來呢間泰菜餐廳，因為是朋友介紹，所以就試下。我們先叫了一份<<泰式生蝦>>，生蝦新鮮又有口感，配上辣汁一流。不過個人覺得生蝦比較細隻。再點了<<半隻海南雞>>，冇骨，雞肉嫩滑又油膩。最後點了份 <<芒果糯米飯>>。說真的，本人都是第一次吃黑糯米飯，不過熱熱的，甜甜的，幾好吃，芒果又鮮甜。

丁丁和我都是電影痴，所有荷里活的猛片也不能不看，尤其是Tom Cruise 的職業特工，我正是期待己久，真的没令我失望，實在拍得很出色，如果還有時間，我一定會再看一次!看完電影，我們不若而同的說要吃泰國菜，我們到了尖沙咀的老店新曼谷泰國菜館，大家口味一致的点了泰國獅蚶，酸辣青檸明爐魚，青檸梳打和龍眼水!獅蚶真的很新鮮，也很大隻，味道超鮮，海鮮的味道在口快要滲出來，真的一讚!酸辣爐魚熱辣辣由服務生拿到我們面前，烏頭魚質彈牙，很鮮甜，加上酸辣汁的烹調和香草，蕃茄，蒜頭真的很惹味，令人停不了口!今天的泰菜没令我們失望，既新鮮又出色，下次一定再光顧!

同一班舊同學聚餐，選了這間泰菜，上來試試… 一踏進店裡燈光昏暗，冷氣亦不夠，我們一行8人，一早訂好位，卻安排我們坐張六人枱 >< 當晚座位好多，亦有大枱，但在中間位置及長方枱，夾餸唔方便，還是坐張六人圓枱吧，大家容合d, 都ok……坐底同朋友商討好菜單：泰式生蝦、泰式小食拼盤（大）、芒果炒牛柳粒、青咖喱雞肉、泰式豬肉醉生菜包配蒜茸包、明爐魚、泰式蒜茸炒軟殼蟹，馬拉盞通菜，芒果黑糯米（如圖示）；飲品點了：三色冰，珍多冰，椰青，青檸七喜；總括來說，每道菜味道ok, 但碟碟太油膩，同埋個芒果黑糯米，貴而不新鮮，侍應們較遲鈍（似在發夢），清碟清得慢，客已經唔多，仍有漏單情況，呆等條明爐魚成個鐘，衛生環境亦差，廁所亦冇人清潔，但如果要傾計，呢度夠靜，人唔多