新景園咖喱小廚

營業中

休息中

小店門外有兩條隊, 一邊外賣, 一邊堂食, 人流不絕。小店環境乾淨企理, 只有約28座, 搭枱是必然的。店員不多, 即使繁忙, 態度仍良好親切, 且十分有效率, 排了約半小時便可入座。小店牆上餐牌選擇不少 (只能拍攝到部份), 只見出餐仿似只有咖喱豬扒飯和乾炒牛河般, 甚受歡迎。咖喱豬扒飯 $96咖喱豬扒飯份量頗大, 咖喱醬汁香辣惹味, 內有薯仔1大件, 不會煮得過腍。白飯乾身, 粒粒分明, 細嚼有飯香。豬扒有2大件, 已切件, 方便食用。豬扒肉質鬆軟, 不乾不柴, 部分更有 juicy 口感, 外皮炸得薄脆, 剛炸起熱辣辣的, 不沾汁也很惹味。豬扒邊只有少少骨, 啖啖肉, 吃到一半已有飽腹感, 1人吃實在太撐了。小店冷氣不弱, 食物冷卻得快, 有邊吃邊凍到振的感覺。其間聽到有堂食食客想多叫一盒咖喱豬扒飯作外賣, 要等50分鐘, 生意真好。P.S. 每人最低消費$80, 中段設落場時間

身為港島街坊今次一定要大推呢間隱藏喺春園街嘅神級茶記——📍新景園咖喱小廚！平時經過都見到條打蛇餅嘅大長龍👫今日專登提早收工殺過去，終於試到傳說中嘅 鎮店雙寶 真係一試難忘啊😍【豬扒咖喱飯🍛】🐷塊豬扒一上枱就知冇得輸！金黃色嘅炸衣咬落去，咔嚓一聲脆到似食緊薯片，更加神奇嘅係完全唔會油膩啲肉仲厚過我本passport，一啖咬落去滴肉汁仲會爆曬出嚟😋咖喱汁 就用個細碗分開裝嘅，可以自己調味~咖喱汁就夠晒港式風味—— 鹹香帶少少微辣🌶️仲有啲沙嗲嘅甜味，入面嘅 薯仔🥔就煮到起沙，加埋滴汁撈飯食到我lamlam脷～👍【乾炒牛河🍝】枱果陣係熱辣辣嘅夠曬鑊氣🔥河粉炒到油令令但唔會黐埋一嚿嚿 🐮牛肉片醃到入味又唔韌，入口帶住焦香，仲有啲芽菜同蔥吊味份量多到兩個人都食唔嗮！碟頭仲大過我塊面！！果然夠晒「大件夾抵食」🤭⚠️千祈唔好貪方便叫外賣！個豬扒一定要趁熱食先keep到個脆度，堂食仲可以免費添汁添飯，抵到爛啦～😎

我等咗半個鍾，就到門口見到外賣原來只係 58。咁點解要排咁**耐**去入去**迫**又要俾多 $40？有無人明白？份量有分別？嗰 1x1呎嘅枱好有feel？最後我都係放棄去咗附近間咩咩家食日式咖喱雞排算。$66 有埋沙律，可樂，座位有合理空間亦唔會有時間上嘅壓力。當然係快餐味道。至於新景園，下次試下一早電話叫個外賣再同大家報告下。其實半年前試過呢間野，當時叫乾炒牛河，印象中算係咁，但未去到要排大半個鍾咁神聖。當時旁邊個人叫咗咖喱豬扒，攞嚟時我爭啲嘩咗一聲，好大份，佢最後都食剩三分一。

嚟咗第三次啦，之前兩次都大排長龍今次都唔例外，但係今日有時間等大概排咗30分鐘左右終於入座呢度最出名就係咖喱豬扒飯同埋乾炒牛河同朋友share一齊食$98一碟份量十足乾炒牛河真係好出色，炒得好乾牛肉鬆軟咖喱豬扒飯咖喱有點辣，但係豬扒炸得好出色好香好脆好軟熟排隊嘅時候已經點定餐，所以上菜速度都好快

星期六中午時間嚟到，排咗大約半個鐘。基本上每枱都有嗌乾炒牛河同咖喱豬扒/雞扒飯，我就嗌多咗碗中湯。乾炒牛河 （$90）超巨型，份量足夠兩位成年女士食😂好多牛肉，炒得好好，河粉條條分明👍🏻河粉冇想像中咁濃味，主要係牛肉帶出味。另外油光十足，不過乾炒牛河就係要多油先炒到。咖喱豬扒飯 （$98）有足足三大塊炸豬扒！趁熱食時豬扒外脆肉嫩、有肉汁。咖喱好香好夠辣！一碟飯夠食兩餐😂老火靚湯 （$15）大碗足料，裏面有好多雪耳同豬肉。堂食有最低消費$83，份量實在太大，食唔晒可以打包。食完大約兩點幾，已經冇晒乾炒牛河。

終於有機會去灣仔朝聖呢一間出名港式咖喱嘅茶記排咗超過40分鐘隊 真係不能低估佢嘅人氣🥹咖喱豬扒飯 $96豬扒炸至金黃色 外面酥脆 內裏保持鮮嫩肉汁 的確出色 咖喱醬味道香濃惹味 帶微辣 撈飯食一流 份量大得誇張 幾乎每一枱都食唔晒要打包🤣 除咗豬扒飯之外 仲可以揀其他菜式 例如雞扒､牛腩､魚柳等等 乾炒牛河 $88除咗咖喱飯之外 乾炒牛河都值得一試 河粉彈牙 夠鑊氣 牛肉份量好多

1點左右去到，門口已經有勁多人等緊除左堂食多人等，連外賣都有勁多人等位，人流簡直係絡繹不絕鋪面都算幾細下，得8張枱左右，所以等位都要等幾耐下，前面得3group人但係都要等左半個鐘多啲一入到坐低已經有侍應黎落車，勁快手，所以係門口可以諗定食咩，一坐低就可以落order📝同埋侍應姐姐同老闆都好有禮貌🍛咖哩豬扒飯 嚟到無理由唔試下個招牌菜啩😍😍成碟飯嘅份量超級大，塊豬扒同我手板一樣大🖐豬扒即叫即炸，皮薄多肉，好淋一啲都唔韌，炸粉唔厚但係好香脆咖哩係偏水嘅質地，微辣，帶有微微香料味，入面仲有舊薯仔，不過就唔係好淋個隻咖哩嘅黃係超染色超重個隻，食完記得清潔下啲牙😆🍅蕃茄豬扒飯 相比起咖喱，蕃茄汁係透透地明，而且係杰啲，但係蕃茄味唔重🍛咖哩魚柳飯 魚柳一樣都係勁多同勁大塊，同埋都係炸粉唔厚同埋夠脆價錢都幾貴下，而且飲品要散叫，凍飲＋$18但係如果係附近返工／住買外賣仲抵，外賣比堂食平一半

早幾年先聽到呢個名，想當年黃到英國開分店，到今時今日，餐廳每日依然大排長龍，人氣不減。① 咖喱豬扒飯 $96② 咖喱雞飯 $96兩碟飯一上枱會嚇親，因為豬扒同雞扒大到就嚟遮晒個白飯！每碟各有兩大塊新鮮炸起的豬扒同雞扒！！炸雞扒酥脆肉嫩，豬扒亦夠厚身，咬落完全唔柴。咖喱係港式果種，唔算好辣，仲有舊好腍既薯仔。③ 干炒牛河 $88另一餐廳招牌就係干炒牛河，同樣大堆頭，牛肉算多，而且好大塊，河粉炒得有鑊氣 ，係幾好食。.餐廳有最低消費，但3個人叫3碟真係太多，我淨返成碟咖喱雞扒飯接近無食過要打包。如果三人同行有女士，建議叫兩碟，然後叫飲品或小食比較適量。

長期都排長龍嘅新景園咖喱小廚😆 呢一日忽然好想食！排左一個鐘隊🥺 今日條隊好多遊客，平時嘅話可能40分鐘都會排到！入座之後，諗都冇諗就揀咗咖喱豬扒飯同凍檸茶😙 唔使5分鐘啲嘢食就到🤩 超級香，豬扒咬開好Juicy！咁厚都做到咁Juicy真係好難得🥰 成份差真係好大，眼見得好少人食得晒！食到好飽好飽，再飲凍檸茶真係好fresh🤗 開心滿足的一餐♥️飯$98 + 飲品$22職員仲係一如以往咁nice☺️ 真係好鍾意呢度🥳

新景園咖喱小廚的咖喱豬扒飯(港幣96元)，不是因為咖喱醬好吃，是豬扒的份量簡直豐盛到讓人瞠目結舌，又厚又大塊，而且在超大的盤子上還疊到了兩層。白飯也給得十分大方，滿滿一整盤。咖喱是分開放在另一個碗裡的。份量和CP值真的很讚。

講到豬扒，新景園嘅炸豬扒係小編內心佔一席位，每次出灣仔都總會諗起🤤但奈何佢店面太細，去得食都要排好耐🥲同埋份量太大，就算叫咗少飯冇一次食得晒（建議嚟食最好帶個食物盒😂）。另外要注意嘅係會設有每人最低消費：$80🙌🏻怕份量太大而想share食嘅朋友就可能要叫啲飲品去湊夠數啦～咖哩豬扒飯🍛🐖$96（＋$10配焯青菜一碟＋湯/汽水）嚟到新景園必嗌嘅嘢我覺得一定係咖哩豬扒飯😍豬扒厚身又juicy，薄薄一層幼麵包糠包住外層炸得金黃香脆，一淡淡炸麵包嘅香味😌咬落感受到肉嘅纖維帶嚟嘅微微爽脆，整體調味亦到啱啱好，就咁食都已經好好味🧡再配埋港式咖哩又另一風味，咖哩質地比較稀但味道香濃惹味偏辣（小偏食辣程度BB級別），咖哩入面會有薯仔，薯仔粉感較重。性價比 🌕🌕🌕🌕🌕干炒牛河🐂🥢 $88牛河有鑊氣帶啲微焦香，每條河粉都有層油包裹住唔會黏住一舊舊，但碟底唔會有多餘嘅油流出嚟🫡芽菜同韮菜亦冇出晒水～上色亦好均勻，醬料味唔算重，如果鍾意重口味嘅朋友會覺得落未必夠。牛肉片先唔講味道，佢嘅份量係❗好多❗😧仲要切得又厚又大片，保守估計起碼有十幾片。但牛肉味冇咩，勝在唔鞋冇筋又多。新景園呢兩碟名物，小編仍然覺得咖哩豬

我猜也不用介紹，這間灣仔小店, 下午午飯時間必定大排長龍，就像今天我排了大約45分鐘, 入到店內從點菜開始，起碼要等20分鐘才上菜. 就是因為這個原因，今天才第一次幫襯這間小店😅只點了 他們的招牌 ：乾炒牛河及咖喱豬扒飯, 乾炒牛河著實不錯, 只是油膩了一點, 但明白好吃的牛河, 都要下多點油去炒. 而他的炸豬扒, 真的冇得輸! 入口鬆化香口, 在小店能吃到這樣有水準的炸豬扒已經很大滿足, 也很很驚喜, 難怪這麼多人排隊! 只可惜他的咖喱比較辣, 家人吃不到, 點樣很好，提我下次可以叫少少辣. 值得一讚的是份量很充足, 若果一個人去, 可以帶定外賣盒分兩餐食😋喜歡吃炸豬扒的朋友必定要試這家店喔👍🏻

位於灣仔的 新景園咖哩小廚，由灣仔地鐵站A3出口經莊士敦道入春園街步行幾分鐘就到，位置方便且容易找到。除非比繁忙時段早來幫襯，否則一般都要排15-30分鐘，這次還是照舊乖乖排隊等食招牌咖哩豬扒飯。我推的咖哩豬扒飯 🍛•咖哩汁：咖哩汁嘅香氣濃烈，每次碗內都必定有一舊大薯仔，狀雖稀而味不稀，帶有南洋風味，偏辣但不過火，能夠恰到好處地滲入飯粒，令整碟飯更加惹味，味道層次豐富。•豬扒：每碟會有兩塊大豬扒，豬扒用酥皮炸的方式處理，沒有厚厚的炸漿，自然更不會有成灘油，但外皮每次都金黃酥脆香口。帶有輕盈嘅脆度，每一口都係香而不膩。肉質非常鮮嫩多汁，不用標榜甚麼厚切不厚切，咬落去都帶俾人啖啖肉嘅滿足感。酥香嘅外皮完美襯托咗嫩滑嘅豬肉，食感非常突出。•白飯：飯粒粒粒分明，配咖哩汁一流！。新景園嘅咖哩豬扒飯喺我既心目中係世一，無論係咖哩醬嘅香濃，定係酥皮炸豬扒嘅處理，都顯得用心十足。豬扒外皮酥香薄脆，內裡肉質鮮嫩，絕對係愛好炸豬扒人士嘅首選。賣單盛惠HK$96，如果食唔晒既可以叫外賣，會平好多，但得一塊豬扒，又或者可以加1蚊要個外賣盒帶走。餐廳氛圍：懷舊茶餐廳嘅裝潢，帶有濃厚本土情懷。小店空間雖然唔大，但

豬扒酥脆香軟，餘韻有點甜，豬肉本身很入味，完全不會乾柴，汁水很多，即便不沾咖哩吃也很香。咖哩是港式咖哩，竟然還蠻辣。把醬汁淋在豬扒和米飯上面，又是另一種風味。一個人吃雖然會有點撐，但因為它好吃還是能吃完所有的肉的。我旁邊的男生連飯都吃完了。

我不知道大海的盡頭，會是世界的倒影？我只知道排隊的盡頭，那個人會是我。🐖(1) 咖喱豬扒飯港式咖喱辣度不刺喉，並帶椰香後勁。薯仔會形容是healthy potato，沒有經油炸，純粹煮熟用來陪襯。但沾上靈魂醬汁則變成magic potato 🥔 咔嗞咔嗞⋯⋯堂食兩塊帶骨豬扒，外脆內嫩。成功的炸豬扒離不開優秀的麵包糠，就如咖喱一定配白飯。麵包糠有別於日式那種輕盈鬆脆的質感，反而顆粒小而密，緊緊包裹著豬扒，口感厚實。5cm厚的豬扒，份量奇大。最後，我捧腹扶牆而去。ദ്ദി˶ｰ̀֊ｰ́ )