新明記肥牛豬骨煲

營業中

休息中

呢間火鍋店真係好值得推介一下🤩！佢係正宗地道港式火鍋店，食材好新鮮👍。最特別係每次我都要專登book早啲去，去問事頭婆叫佢整碟🤤靚牛肉，如果你好彩，就有一個叫做腩包嘅部位可以食倒🎊，呢個部位唔係度度有得食！重點我試過自己喺街市買返呢個部位，喺屋企打邊爐，係完全不一樣的感覺。換句話嚟講，即係呢間嘅呢個牛肉部位，真心係呢度食 先係最好食☺️。口感非常軟滑，牛味極濃，記得聽事頭婆講，唔好淥咁耐，淥幾秒，一轉色就搞掂🎀。當然佢除咗牛肉之外，其他嘢水準都好好，簡直係港式火鍋界性價比之王🏆！P.s.地方係有啲嘈雜嗰種，同埋嘢食都好大碟，最好就係三五知己，同埋都鍾意飲下大啤，粗曠型嘅朋友仔一齊去就會比較啱啲🤣

最近同兩個friend去慶祝生日，選咗佐新生明記豬骨火鍋。入到去，環境算係幾輕鬆，啲位都幾舒服。我哋叫咗啲牛肉，真係幾好食，肉質唔錯，唔會太柴，吃下去有啲咬口感。至於啲海鮮，蝦同魚片都算新鮮，加埋啲青菜，整體搭配得幾好。豬骨湯底味道算濃郁，但又唔會過油膩，飲落去唔錯。雖然環境唔算特別靚，但同friend一齊食個火鍋，大家邊食邊聊，都幾開心。總體來講，呢間火鍋店係一個合理嘅選擇，慶祝或者放鬆時都唔錯，唔會令你失望。下次有機會再約人黎

即興約食飯唔知食乜好就決定大包圍打邊爐烚下烚下！朋友推介呢間港式邊爐，於是夜晚時間就直接walk in一坐低先揀個湯底，要左個招牌豬骨煲，個湯底本身已經好足料，有多舊豬骨，仲有蘿蔔、粟米等等，試咗啖湯都好鮮甜。打邊爐料方面叫咗本地手切肥牛、鮮蝦手工水餃、魚皮餃、鮮鵝腸、肉眼筋、白膳片、花皮片同油麥菜另外再叫左個小食麻辣皮蛋本地手切肥牛肉味香濃，不過脂肪分布就較少，所以無咁重油香但就食多幾片都唔會覺得漏！水餃建議必叫，蝦好新鮮彈牙，水餃調味做得好好，不禁令人一粒接一粒咁食。鮮鵝腸超級肥美，係膽固醇之選🤣好耐無見啲咁肥嘅鵝腸啦！肉眼筋又係必叫，口感爽口，食落有啲似豬頸肉，唔係好多地方有呢款肉叫，建議黎到要試一試。其他材料都係新鮮，味道正常，整體偏好。麻辣皮蛋個人就無食，但同行朋友表示譚x嘅做得好食啲。要試地道港式風味一定要試港式邊爐！而新明記就做到非常港嘅味道～

新明記 打邊爐真係好食，每次去到必叫象拔蚌刺身，就算得我地2個人去都會開一條食，真係好新鮮，擺盤有心機，食完後開始打邊爐必叫豬肺湯底，夠足料，湯黎到先飲一碗潤下先，豬肺好好食，然後開始落花竹蝦，蝦好大隻，最鍾意食咁大隻蝦，同埋無黑色腸，最怕食蝦有黑色腸出現，另水餃係店內新鮮包好，餡內嘅蝦都較大隻，我比較喜歡食素，故每次都會叫竹笙食～台灣蠔都大隻厚肉有蠔味，～淮山麵每次都會叫兩個麵，一個堂食，另一個麵會煮好後打包返屋企宵夜啊…

價錢就中規中矩啦，海鮮貴啲，我見到象拔蚌都有$1000.1隻，啲人叫海鮮（見到有蚌、鮑魚、蝦）同埋刺身拼盤都係$1000左右幾大兜。不過我哋冇食啦，淨係叫啲牛肉$250蚊一碟，蟶子$40.1條，三個人total食咗$1000。我諗都係街坊生意都幾多人幫襯。可以一試，唔食都冇蝕底😂咗幾多日呀？幾多次啊？

今日約左朋去佐敦打邊邊。溫馨提示book左位穩陣啲。佐敦地鐵站A出口行5~7分鐘就到。中途要經過廟街牌坊再行前多2條街就到。都方便🤭去到叫左個新明記一品鍋。佢都係豬骨湯底。不過多左d 海參花膠咁。好味😋🥩必叫的。叫左手切霜降牛。好有牛味。好好食🤤🤤黑豚肉🐷雖然有肥膏但唔流同埋淥幾耐都唔會韌黑柏葉🐮難得有黑柏葉當然要叫啦。唔係間間邊爐都有。正鵝腸🪿好邪惡嘅肥膏。但唔係肥膏又過癮😂牛王喉🐃爽。脆桂花蚌，炸響鈴必點邊爐配料豬粉腸拼豬潤🐽紙沒有。要問下侍應哥哥姐姐比唔比拼☺️胡椒豬肉丸🐽估唔到又幾好食wo.d胡椒就咁耍喺面以為入邊冇餡會唔好食。點知淥完之後好大浸胡椒味。辣🌶️架。👍🏻

🥰 話說廿年前 特務學堂 畢業後, 飛機隊隊友 帶我見識 真.打邊爐 - 新明記, 年少無知, 一試難忘, 自此成為打後十年打邊爐嘅主戰場!😱 食嘢講緣份, 大約十年前, 喺某個時間點, “新明記” 喺我嘅世界裡面消失咗. 聽講後嚟轉咗老板, 手切肥牛不復當年勇.🥢 早前谷友講起 “新明記”, 好似發現新大陸咁, 神推鬼㧬, 決定搵埋老友 “傻肥” 舊地重遊. 餐廳喺佐敦炮台街地舖, 格局充滿香港特色, 就係冇乜裝修, 比大排檔高半級. 🤗 今晚點咗谷友推介嘅火鍋配料:新明記豬骨煲 (小), $128象拔蚌刺身, $680手切鮮肥牛 (大), $358白鱔片, $88脆鯇骨腩, $82墨魚滑併蝦滑, $92鮮蝦水餃皇, $58竹蔗茅根水, $40🤗 新明記豬骨煲 (小), $128. 新明記主打豬骨煲, 梗係點豬骨煲, 湯底有幾舊用鹽㼽過嘅豬骨, 白蘿蔔等等, 算係高質. 個人喜好吧, 我覺得黑椒味幾重, 搶咗牛肉同埋海鮮嘅味道.🐚 象拔蚌刺身, $680. 服務員建議點 “一份”, 大概係半條, 肯定唔抵, 不過要留肚, 算係鮮甜.🐂 手切鮮肥牛 (大), $358. 入口即溶, 係

新年期間每日都有聚會，食盤菜年糕食到驚，今晚同朋友聚會，一行八人，圓枱永遠係首選方便傾計吹水，係唔想食中菜前題下又要坐圓枱唯一諗到就係打邊爐🤟🏻加上天氣凍，啱哂大家口味！前一晚先訂枱，好彩餐廳安排到大枱，當晚座無虛席。先講一講環境同服務，非常簡陋地道，食嘅係本地風味，我吔坐近廚房位，有要求嘅朋友要先考慮呢一點🙂我哋當晚有大人有小朋友，嗌左花膠雞腳湯底同豬骨湯底，方便一鍋專淥野俾小朋友，另一鍋食啲海鮮內臟🤟🏻 先講湯底，花膠偏硬，要淥耐啲先食，雞腳是本人最愛，淥到皮肉分離嗰下最滋味。豬骨湯底好足料，嗌呢個煲已經包哂蘿蔔粟米，唔駛分開嗌。豬骨大大舊，淨食湯料已經飽左4分1。跟住就上生料:象拔蚌 - 每次去新明記都一定會叫，明碼實價，今次唔係個個食，嗌左條中size，師傅刀功一流，刺身食法最好味，蚌頭我哋就會淥一淥，不消5分鐘已經食哂。手切本地牛 - 必叫！我哋要左兩碟，牛味濃，唔油膩但口感軟滑。訂位時最好一早預留，因為好快買哂，我哋叫完第二碟就聽到樓面話停本地牛。本人心水推介必叫嘅仲有牛胸油，魚卜，雞腸，粉腸，脆肉鯇，鱔片，桂花蚌，海蝦。另外不得不提係佢啲餃子類: 韭菜餃，鮮蝦雲吞，西洋菜

大概有年幾無黎，襯天氣凍左，一行5人整個mantalk 十下十下，叫返個招牌豬骨煲，6:30入到去，已經超多人，天氣凍打邊爐真係好爽，叫到成枱都係嘢食，水準每樣都好平均，真心冇得輸，價錢非常相宜，性價比超高，手切牛水準還是跟以前的一樣好好食，太心急食，所以唔記得咗影相😂😂老闆娘亦都非常Nice同細心，真係難怪咁多人食，但各位記住，叫招牌豬骨煲，配菜千祈唔好叫蘿蔔同粟米，因為本身個煲已經有好多，再叫就真係一定食唔晒，同埋食完真係一啲都唔口渴，味精真係唔算多！我一罐可樂都飲唔晒，水樽keep到嘅舖頭，真係超讚！滿足

🔸朋友嘅介紹吓來到新明記食火鍋，係一間地道的火鍋餐廳🔸佢有一個隱藏餐牌，就係「腩包」，熟客先識得叫。佢比一般火鍋店吃到牛頸脊更加諗，更加有牛肉味🔸另外都好推介佢個胡椒豬骨湯底，就咁拎黎飲都覺得好正😋🔸加拿大象拔蚌亦都非常鮮甜，性價比OK🔸不過格局同埋衛生程度就港式少少😆同朋友簡單食個飯一流🔸我都見到好多人叫呢度嘅海鮮，例如海蝦等等。大家有興趣嘅話記得要來訂位啊，因為通常都滿座，特別係而家秋風起嘅日子🔸呢度嘅服務都唔錯，可以同啲夥計傾番幾句🤣

即興約朋友食飯咁朋友就話想要打邊爐咁約咗幾個朋友 本身唔係食呢間其中有一位朋友就話呢間好食佢食開咁就去試吓平日去到都爆場 成場冇一張吉枱咁我哋有兩位朋友食辣兩位唔食辣咁就叫咗一個蕃茄薯仔豬骨湯底同埋一個麻辣湯底個蕃茄湯底真係好蕃茄成個煲都係紅色而個麻辣湯底都好夠辣據我所知呢間火鍋店佢哋旗下有一間點心舖所以佢哋啲水餃係好好食因為係點心師傅包嘅果然真係好好食 我打邊爐從來都唔食水餃啲魚皮都好夠脆肥牛我哋分別嗌左牛胸膜 同手切肥牛 都好好食 墨魚滑嗰啲味道都好好最驚喜嘅係買單人頭每人都係$321好抵食 下次可以再去

第一次寫食評，因為今日真的好有驚喜！手切肥牛真係好正，新鮮、有口感、牛肉味濃、滑但係唔肥。街坊舖、街坊價但係超水準！真正推介！其他食物都有水準，招牌豬骨湯底一定要試！

呢間邊爐成日都坐滿人，walk-in 有位十分好彩。突然好想食醉雞，於是叫左個醉雞鍋。味道其實唔錯，可惜d藥材太碎，好似越食越混濁甘，蓋過左酒香。雞件份量多，又夠滑，整體唔錯。象拔蚌好靚，兩個人食唔到一條，好在可以要半條（$680），fit晒，切片厚度剛剛好，爽脆新鮮，唔錯唔錯！另外再加兩隻蟶子，淥完仲係好大隻，好似大約$30隻，抵！手切肥牛每次必點，維持到水準，夠新鮮、牛味十足唔會韌。魚卜有七件大大條，落水縮少少，不過好滑好彈牙，口感一流。自家雜餃第一次食，係意外驚喜，新鮮上枱唔會雪到硬晒，調味唔錯，估唔到餃都做得甘出色。其他竹笙海帶木耳生菜都幾好，成餐都好滿足，飽到捧住肚走。

突然之間好想打邊爐，就揀咗呢一間屋企附近嘅打邊爐，佢附近都有好幾間都係打邊爐嘅鋪頭咁就是呢一間啦今次，二話不說我哋都帶咗個湯底啦，肥牛啦，墨魚滑，手打牛丸蝦丸，肥牛一到嘅時候我哋都忍唔住話一聲估唔到個份量都幾多二百零蚊可以食到咁新鮮嘅肥牛仲要係好紅嘅紅嘅肥牛，真係好值得推介，每一樣食材都好新鮮最緊要係呢一樣野所以下次打邊爐一定唔會再揀返呢一間。

朋友食飯，訂左枱8點食，去到坐下，已經聞到陣陣豬骨煲既味，伙記都推介比我地，之後叫左手切肥牛同一些火鍋配料。煲黎到飲左少少湯，feel到非常足料，試埋佢個手切肥牛，因為每塊都唔厚，碌兩碌就食得，放入口，重重既牛肉味，因為脂肪比例均勻，有少少入口即溶既感覺👍🏻朋友聚聚既好地點