新新酒樓

營業中

休息中

南瓜肉片粥有好多南瓜🎃，同埋佢啲油炸鬼好香脆。炸鮮奶都是外脆內熱的，裡面的牛奶都是甜甜的。炒米粉都比較香口乾身。紅棗糕做得唔錯，有紅棗味又不會太甜。雪山叉燒包裡面是叉燒咸料，外表雖然不太好看，但味道整體都可以。黑金流沙包的流沙都比較多，包體鬆軟，整體都好食。鮮蝦菜苗餃粒蝦同啲菜都好大，個皮稍微厚咗啲啲。

個樣似喪屍，9:23分親自拎去櫃面比收銀入，等到10:19分先出，早晨孖寶（$33.8）9:43話冇迷你排骨飯，但可以叫正常有（$36.8）茶水係溫熱，並非滾熱，腸粉又厚粉，蘿蔔糕又多粉，全部都係好難識，再次證明香港酒樓生意咁差係因為自己造成，劣評👎👎👎👎👎👎👎👎👎👎👎👎👎👎👎唔建議去， 一星都比多，以後唔會再來，坐喺靠窗完全唔夠冷氣好彩自己有帶風扇，出餐咁慢，D野又難食，都快執笠

酒樓裝潢保留老式酒樓風情，乾淨舒適。 服務員態度親切，上菜速度快，性價比不錯。懷舊金錢雞金錢雞唔係雞，點了每人一件試吓，第一次試這經典懷舊菜，充滿期待。金錢雞由三層組成，層次分明，底層肥肉透明爽口甘香不膩，中層雞肝綿密甘香，上層蜜汁叉燒香甜美味，夾埋一齊食完全冇違和感，風味十足。 錦鹵咕嚕肉咕嚕肉外脆內軟，醬汁酸甜適中，搭配彩椒、菠蘿，以香脆炸雲吞皮盛著，懷舊感滿分。 翠肉瓜芥末牛柳粒味道驚喜，微微的芥末味，好適合夏天食。牛柳粒嫩滑，芥末蓉微辛帶甜，翠肉瓜爽脆解膩，加上薯仔粒同埋黃椒粒，鑊氣足。翡翠花菇燒豆腐煲點了好多肉食菜式，點返個素食。花菇厚實多汁，豆腐外微焦內嫩滑，醬油汁鮮香，搭配青菜，健康美味。 酒樓最後仲送我哋每人一碗熱辣辣糖水，臭草海帶綠豆沙，真材實料，夠晒清熱。

踏入酒樓仿如穿越回舊香港的懷舊酒樓，紅色燈籠高掛，金色屏風點綴，木雕椅背散發濃濃復古味。新新懷舊金錢雞將4種不同食材 - 肥豬肉、肝、一片叉燒、一片冰肉，疊成一個圓柱狀古代金錢大小，用鐵枝串起來去燒，一上枱，香氣撲鼻，望落光澤油潤食落蜜甜油香、層次分明，懷舊滋味滿分！上湯加拿大龍蝦龍蝦肉質彈牙鮮甜，上湯清而不淡，湯汁濃稠，拌上伊麵底，絕對係龍蝦控必點！海皇燴燕窩這道菜高貴得來不失親民，燕窩絲滑細膩，配以海鮮如瑤柱、蝦仁，入口鮮香四溢。湯羹濃而不膩，暖胃又養顏。碧綠炒龍躉球龍躉肉爽脆，炒得恰到好處，配上青翠西蘭花，醬汁清爽，保留食材原味。清蒸龍躉頭腩龍躉頭腩肥美，蒸得軟糯入味，入口滿是膠質的滿足感。簡單烹調，卻盡顯食材功架！蒜香脆皮燒雞皮脆肉嫩，蒜香濃郁卻不搶味，雞肉嫩滑得令人驚喜，脆香與嫩滑的完美碰撞，超推！福康蟠桃蟠桃內餡綿密香甜，帶點蓮蓉的細膩，甜而不膩，為這餐畫上圓滿句號。新新酒樓以懷舊情懷與精緻菜式，帶來一場味蕾與視覺的盛宴，值得一試再試！

去香港旅遊 當然要去新新酒樓試一試香港的傳統懷舊粵菜 必試✨懷舊金錢雞雞潤、叉燒、肥肉梅花間竹經大火燒香 加上麥芽糖製作而成 中間有個窿 形態似古代銅錢加上味道鮮美似雞肉 所以叫金錢雞✨上湯加拿大龍蝦伊麵龍蝦鮮味彈牙 上湯汁唔會蓋過龍蝦嘅鮮味伊麵底都吸滿龍蝦嘅香氣✨竹笙海皇燴燕窩好足料 有好多海鮮、竹笙、蛋白味道清甜 口感豐富 又滋潤✨碧綠炒龍躉球✨清蒸龍躉頭腩魚肉好嫩滑 龍躉魚皮彈牙爽口 充滿骨膠原清蒸可以食到龍躉嘅鮮味 炒龍躉球啖啖肉更加香口✨蒜香脆皮燒雞表皮非常香脆 燒雞肉質嫩滑 味道鮮味✨瑤柱蛋白炒飯炒飯炒得夠乾身 加上瑤柱蛋白口感豐富✨福康蟠桃最後食返個壽桃包 為呢一餐完美作結

平時睇電視成日都見到這間酒樓的廣告，酒樓主打懷舊小菜，好岩阿爸阿媽口味。而且這間酒樓位於佐敦站附近，位置方便，晚市更有多款優惠套餐選擇，亦有散點海鮮、小菜等.🔸懷舊金錢雞 $38/件 這道經典傳統菜造型吸引，用上叉燒、雞肝、肥豬肉整成，層次豐富，焦香鮮味，充滿特色，是必點菜式。. ✨鹽擦鮑魚餐（四位用）$738(星期五、六、日假期 $788).🔹鹽擦6頭南非鮑魚（四隻）南非鮑魚彈牙鮮美，用上蒜鹽調味，令味道更提鮮惹味。.🔸濃湯雞煲翅 - 四位用料十足，有新鮮雞、大排魚翅，味道清甜又香濃，充滿口感和味道層次。.🔹招牌燒鵝拼叉燒皇招牌燒鵝肉質細嫩，肉味濃郁，香氣十足；叉燒肥瘦適中，肉質嫩滑，味道不錯。.🔸翡翠炒花姿蝦球西蘭花翠綠新鮮又爽脆，配上彈牙蝦球和花姿，感覺清新。.🔹咕嚕黑豚肉黑豚肉肉質結實富彈性，外脆內嫩，肉味香濃，味道酸酸甜甜，配上菠蘿、洋蔥、雜椒等，十分豐富。.🔸濃湯灼時蔬蔬菜新鮮爽脆，用上濃湯白灼，更清甜入味。

每一道菜都很失望！金錢雞，又油肥肉油膩，叉燒好硬的！完全無法下嚥！牛肉粒，好鹹，分量很少，配菜土豆還是酸的。士多啤梨排骨，好硬咬不動，士多啤梨根本看不到在哪裡的，主要是肉類就是硬的。一共消費了500多蚊，真不如去食兩送飯。菜肉海鮮隨便選！每一道菜的菜量都好少，菜色也好差，睇了沒有食慾真的是不推薦！不會再來！週末晚上食飯可沒有一道菜食的好，也還沒吃飽！真是浪費，菜單也根本選不出什麼東西，東西很少，價格也不便宜，根本不想再點主食和湯。真是在港吃的最差的一餐

成日睇電視見到個廣告講"金錢雞唔係雞"，已經覺得好吸引今晚就約埋屋企人去食返餐懷舊中菜全包宴中菜廳環境寬敞，別具雅緻，特設VIP房，非常適合大班朋友歡聚懷舊四人全包宴有齊金錢雞、燕窩、龍蝦、龍躉，相當抵食食物方面 : 新新懷舊金錢雞 : 金錢雞唔係雞，其實係由肥瘦豬肉和雞肝，提前醃漬一夜，再將雞肝、肥肉、瘦肉串在一起，用叉燒汁慢火燒制，再塗上蜜糖和麻油，焦香帶甜，必食懷舊傳統粵菜燒味上湯加拿大龍蝦伊麵 : 龍蝦肉質結實，飽滿多汁，伊麱底吸收曬龍蝦嘅肉汁及上湯，鮮味又惹味竹笙海皇燴燕窩 : 海皇羹份量十足，啖啖都有爽脆竹笙及彈牙蝦肉等配料，加上口感細膩爽滑嘅燕窩，夠曬滋潤補身碧綠炒龍躉球 : 將龍躉肉切出來爆炒，夠曬鮮味，夠曬啖啖肉，再配埋碧綠嘅西蘭花，係最完美嘅配搭清蒸龍躉頭腩 : 龍躉頭腩肥美，簡簡單單用蒜蓉、木耳去清蒸就食得更原汁原味蒜香脆皮燒雞 (半隻) : 燒雞上枱熱辣辣，外皮燒得香脆，雞肉保持嫩滑多汁瑤柱蛋白炒飯 : 有大量瑤柱絲及蛋白，炒飯炒得粒粒分明，夠曬鑊氣，好味到要食多兩碗福康蟠桃 : 即叫即蒸，新鮮熱辣辣，蓮蓉微甜又有蛋黃，質地鬆軟嘅蟠桃包甜品 : 是日甜品係海帶綠

今晚和朋友去新新酒樓食晚飯,我哋揀咗4位用的晚飯A餐。套餐已包茶芥和加一。🔸新新懷舊金錢雞金錢雞由一層瘦肉、一層雞肝、一層肥肉組成。瘦肉和肥肉嗰兩層爽口肥美,雞肝軟嫩,金錢雞味道焦香帶甜,有玫瑰酒香。🔸上湯加拿大龍蝦一隻龍蝦的份量都幾多,龍蝦肉結實彈牙,伊麵爽口索汁。🔸海皇燴燕窩呢個湯羮很足料,燕窩又多,每啖都食到湯料,蝦肉爽口彈牙,魚肉嫩滑,湯的質地順滑。🔸碧綠炒龍躉球龍躉球的肉質結實,而且魚的油分多,膠質豐富,最喜歡是啖啖肉。🔸清蒸龍躉頭腩龍躉頭腩的肉質很嫩滑,魚皮充滿膠質,味道鹹鮮,蒜蓉的味道都很香。🔸蒜香脆皮燒雞燒雞的皮香脆可口,肉嫩多汁,蒜香味濃,配上醬油味道更豐富。🔸瑤柱蛋白炒飯炒飯質地乾爽唔油膩,米飯粒粒分明。🔸福康蟠桃壽包熱辣辣,質地軟熟,蓮蓉唔甜又有蛋黃。酒樓仲送埋紅豆沙,超滿足呀！

今日去咗佐敦嘅新新酒樓度食晚飯 呢度有幾個套餐 我哋唔想煩就叫咗一個四位用嘅晚飯A餐 呢餐食物質素整體都唔錯**新新懷舊金錢雞四件** 一上枱就聞到蜜汁嘅香味 金錢雞層次分明 肥瘦相間嘅豬肉夾住蜜餞雞潤 入口先係焦香後有甜味 油脂慢慢溶化嘅感覺真係邪惡到極點**上湯加拿大龍蝦一隻(伊麵底)** 龍蝦有肉地蝦肉鮮甜彈牙 上湯濃郁得黎唔會蓋過龍蝦鮮味 伊麵吸盡湯汁精華 每一啖都係滿足**海皇燴燕窩** 一啖飲落去覺得好舒服 燕窩滑溜得黎有口感 湯底鮮甜帶點海味香 裏面仲有蛋白同埋蝦肉增加層次 飲完成個人都暖笠笠 **碧綠炒龍躉球** 龍躉球炒得剛剛好 魚肉厚切夠晒有口感 外皮微微焦香 入面依然保持嫩滑 配埋炒香過嘅西蘭花 顏色同味道都滿分 **清蒸龍躉頭腩** 頭腩蒸得啱啱熟 魚肉結實爽彈有鮮味 魚皮膠質滿滿 仲有啲雲耳撈埋一齊蒸 **蒜香脆皮燒雞半隻** 皮脆到好似玻璃紙咁 一咬落去喀嚓聲 雞肉無需過多調味 肉質嫩滑多汁 **瑤柱蛋白炒飯** 炒飯粒粒分明夠晒乾身 瑤柱絲同蛋白嘅配搭好高級 每一啖都有淡淡香氣好夠鑊氣 食到尾都唔覺膩 **福康蟠桃** 作為甜品真係完

TVB廣告間唔時都會聽到呢間酒樓個名 今日去咗一試佢既晚飯套餐新新懷舊金錢雞呢個懷舊菜已經好少見 係叉燒雞潤同埋一層肥豬肉相間夾成 一咬落去先係蜜汁嘅甜 跟住係肥肉嘅油脂 雞潤嘅香 最後係叉燒瘦肉嘅嚼勁 層次豐富 上湯加拿大龍蝦伊麵龍蝦已經斬咗件 都有幾舊肉食下 蝦肉爽彈鮮甜 伊麵吸晒龍蝦嘅精華 每一條都掛滿濃郁上湯 仲要份量十足 幾個人分都夠食 海皇燴燕窩湯底鮮味 飲咗兩碗都食到幾啖燕窩 另外仲加咗蝦肉同蛋白 口感滑溜得黎又有咬口 飲完成個胃都暖笠笠 碧綠炒龍躉球龍躉球切得厚薄適中 啲龍躉球魚皮仲QQ彈彈好有骨膠原 魚肉亦保持到應有嘅彈性 外皮煎得焦香 配埋圍邊嘅西蘭花 有菜又有肉 清蒸龍躉頭腩頭腩部位魚油香濃 蒸嘅時間掌握得好好 魚肉一啲都唔老 最正係個魚皮 充滿膠質 蒜香脆皮雞個皮薄而脆 雞肉面頭淋上炸蒜 蒜香味唔會太搶 雞肉依然保持嫩滑多汁瑤柱蛋白炒飯炒飯炒得粒粒分明 瑤柱絲同蛋白嘅配搭 味道清淡得黎又有鮮味 食完咁多餸之後再食都唔會覺得滯 福康蟠桃最後仲有壽包 蓮蓉餡唔會太甜而且裏面有半隻鹹蛋黃 個包又夠鬆軟 埋單$1488價錢已經包咗四位茶芥同加一服務費 性價比唔錯

係電視廣告買得多，我都忍唔住同呀媽泥食下菜式多選題，仲有好多特價小菜，唔卦得每晚都滿坐前菜-香口花生清蒸沙巴龍躉班-即劏活魚，新鮮肉嫩，又滑，肉質爽口，特價超抵燒汁野菌牛柳粒-牛柳粒外焦內嫩，燒汁香濃，同牛柳一齊完全配合。野菌同青椒件菜，整體好味仲叫多碗白飯黃金鮮魷-好驚喜，魷魚新鮮彈牙，濃郁蛋黃醬，口感層次豐富，咬一口都即溶簡直回味無窮香芒布甸-布甸柔軟，入口多芒果肉，甜度適中，上層有滿滿花奶，尤其滋味啤酒-呀媽話特價好抵，要叫整體不錯，每碟餸都好有獲氣，價錢合理

今日，我就同另外一位靚女媽咪去傾計飲茶，飲茶對我嚟講已經係一種習慣、一種慢慢歎嘅享受😋可以一邊歎靚茶，一邊食多款精緻嘅點心.我哋去了佐敦新新酒樓，佢仲有銅鑼灣店呢度多款點心好抵食架，味道啱啱好又好適合港人奄尖嘅口味，食材要新鮮既要夠味又要食得健康如果平日上午8至11點前嚟食飯，仲有早市優惠自選孖寶$36.8(任選兩款點心)我仲叫到成台都係好好味嘅點心添埋單只係二百零文，真係好抵食啊🙊.⭐迷你鳳爪排骨飯>個排骨醃得好入味，我永遠最鍾意佢豉油撈飯。⭐蒜蓉蝦春捲>香濃嘅蒜蓉配上好鮮嘅蝦仁，春捲個皮仲炸得好脆。⭐瑤柱香煎韭菜餅>我好鍾意食韭菜，竟然配上矜貴嘅瑤柱，真係會令人食唔停口。⭐山竹牛肉球>新鮮嫩滑嘅牛肉配上爽口嘅馬蹄，牛肉味香濃，非常軟糯又有口感，我會加喼汁，配底部嘅腐皮係好好食😍⭐香煎蘿蔔糕>呢個令人食出有驚喜，佢唔會太鹹，柔軟度剛剛好，唔會太散，有種鮮嫩嘅蘿蔔香味，我想另外散買一底蘿蔔糕返屋企同家人食。⭐鮑汁鳳爪>我每次都會點嚟食，因為自己炆唔到個鮑汁咁入味，鳳爪又唔會太過淋，好容易咬，飽汁花生都俾我食曬。

這家酒樓是位於佐敦站附近，交通方便。酒樓的內部裝修保留了懷舊色彩，食物為傳統粵菜，侍應服務親切。平日晚飯時段也有很多顧客光顧，人氣旺盛。餐前小食花生香口。芥蘭炒牛肉，芥蘭新鮮，顏色翠綠，口感爽脆，味道鮮甜。牛肉厚身，肉質嫩，牛肉味香濃。配菜是主要包括三色椒、蘑菇和薑片，有助提升味道層次。桂花炒魚肚，牙菜多汁，雞蛋味道正常，魚肚口感爽脆。忌廉汁珍菌大蝦球伊麵，份量多，蝦肉彈牙。忌廉汁綿滑味濃，伊麵軟硬適中。配菜是主要包括珍菌和西芹，飽肚美味。晚飯時段送甜品，每位客人一碗紫米露，微甜，很啱我口味。

原本想向尖沙咀飲早茶，點知好多都係十一點先開門，最近都要揀到佐敦，呢間響佐敦尖沙咀交界，交通方便，又開早上八點咁早，就去試一試。地點交通方便 裝修就普普通通 勝在夠光猛 酒樓服務員算多 而且兩個人都不用搭枱 坐得算舒服 點心冇乜特色 但性在味道不錯 而且星期六早上亦有特價 四個點心埋單都係120蚊 算係好味平價之選， 值得一試嘅酒樓。