新斗記 (已結業)

為乜咁多人話唔好呢？！其實都仲係好好食呀！而家仲人又少， 又清靜， 冷氣又足，啲食物都算係保持到水準， 招呼都唔係咁差， 可能啲夥記係炒散卦！ 出面油麻地閂咗， 今日入咗嚟呢度食！我就覺得好ok啦， 唔知其他啲人點解話衰！

▪量體溫量D唔量D，形同虛設▪冇隔枱坐，枱同枱之間距離好近 ▪樓面員工經常手掂口罩，之後又掂食物茶壺▪見到廚房員工行出來甚至唔戴口罩▪樓面／傳菜極度不足，serve yourself pls▪燒味極難食，得個咸字，完全冇肉味 總結：冇下次！

外賣乳豬超差質素本人於12月22日晚外賣乳豬1/4隻做節HKD 208，回家發現盒內全是骨和肥肉，沒有1件可食(如圖)，品質超差，真糸好嬲，打電話去投訴更換，接線 女人答留低電話經理得閑先覆，而家好忙，拒絕俾經理接聽，咩餐廳可以甘差!? 成盒掉左!😡!!!!!!!!!!!!!!!!!!!!!!!!!!!!!!

新斗記曾獲米芝蓮星級，以粵菜馳名的新斗記，一直想試下，昨晚終於有機會。一行四人，在八點入座，因為八點後指定餸菜有八折。據說平日能在門口，欣賞師傅親手燒乳豬，但昨晚沒有。下完單，仔細打量餐廳，空間不大，但桌子間不算擠迫，舒適感不錯。上菜速度不慢，先試招牌菜燒乳豬，188元¼隻，皮脆肉嫩，肉味極重。白飯魚煎蛋，小時至愛，這裡的白飯魚則較大條，可食到魚骨，味較重。銀山鎮江骨，店家推薦之一，酸酸甜甜，味道調教得很好，很平衡。啫啫鮮潤滑雞煲，香氣四溢，味佳，肉嫩，量足，折後只需80元，不貴。有肉當然要有魚，清蒸細沙巴仔一條，168元，肉質具口感，時間可拿捏得更好，亦可更鮮味。鹵水豬腳仔，小食之一，皮爽肉嫩，豬臊味明顯，女朋友連食了四件。四人共食了822元，人均消費只需要2百多元。食飽，再去下一場，宵夜！新斗記 (屯門)屯門屯隆街3號屯門市廣場一期2樓2190A舖簡單的飲食隨筆，有興趣請follow～緣食魔宮。抵玩指數最高為三星，所有不用自掏錢包者， 將不給予任何指數。如果大家看完本文，請讚好及分享出去。

今日同男朋友加佢父母食點心飲茶慶祝中秋節， 排長龍的中式點心茶樓，相信都應該唔錯！我同男朋友先取票等位，行了一陣回去剛好等多2-3張枱。入到去要自己找坐位，如果侍應可以幫忙就更好了；一張4人位，可惜比較冷一點的冷氣位置。中秋節無優惠，但有1主食加4點心的套餐。可惜點心不是太適合，所以最後我們散叫。是公雞的碗碟及茶壺，都幾乾淨感覺不錯。點了鐵館音及熱水，正常的茶。（燒賣、北菇棉花雞）燒賣一籠4粒，肥肥飽滿的，賣相側了一邊，上面有大大隻爽脆大蝦，中間都有蝦及豬肉，燒賣皮好軟滑！北菇細細粒香菇味、魚肚好入味多汁好軟滑、雞柳無骨都滑溜！（蝦餃、鮮蝦菜苗餃）蝦餃中央是爽口大蝦及筍片，外皮香軟煙韌，透明的外皮剛剛好，男友讚；鮮蝦菜苗餃3隻，菜苗好香軟又健康，配爽口蝦的口感（叉燒腸粉）腸粉是香滑，叉燒也軟腍，自行加豉油，但凍凍的（雪山叉燒包）雪山叉燒包好好味，外脆是以墨西哥包皮，中間是甜甜的叉燒配上醬汁！很喜歡喔！（福建炒飯）炒飯香口有金黃蛋，醬汁入味，又足料，好正又豐富

琴日諗唔到食咩～ 行屯門市廣場見到呢間排晒隊等開門嘅酒樓，我哋就去試吓，叫咗幾個點心個外貌都幾令～ 味道都唔錯啲汁好濃不過我就覺得個排骨有啲雪味，同埋呢間酒樓冇果D 鳳爪排骨飯～

今天的晚餐，選擇了一些中餐!我們就是去食新斗記，一進門口就看見寫著新斗記​紅色大新招牌​，側邊玩開用柴火燒的大乳猪由於我們只得五個人，所以叫了一些小菜~坐位​挺舒適，還有他們一些特色的公雞圖案餐具，帶點懷舊的感覺!們我們結了一條清蒸石斑,鹽水莧菜，和一個魚香茄子煲~魚很新鮮和很鮮味，肉質很嫩，很好吃，鹽水莧菜不太鹹味道剛好，菜也很鮮嫩,魚香茄子不會太油膩，離遠已經聞到陣陣鹹魚香味,很開胃，送飯一流

細佬話呢度有特價餐想黎試試我就真係未黎過😗黎到先記起係星期日😂仲話特價餐😅星期日邊有架傻仔左🤭原先想話要個冬瓜盎竟然7點就賣哂😱係咁易影兩面餐牌俾大家參考下實在太多😅呢個牛柳粒堅係好味既又唔鞋又唔韌👍金銀蛋莧菜👍菜爽足料雞煲也要讚👍👍惹味得很💕蒸魚無過火，啱啱好👍海鮮組合仲有呢個蒜蓉粉絲蒸扇貝👏絕配💕大大隻扇貝🥰蛋白瑤柱炒飯有獲氣味道👍總括黎講食物質素整體唔錯價錢我就覺得唔算抵可能少左啲驚喜😂😂🙈最後一人有碗紅豆沙，堅難食😗唔要都罷🙄

呢日放假平日好少陪呀媽決定同佢去食下野呀媽話飲茶平時放假行過屯門新斗記會見到勁多人等位成日都想試下係咪真係咁好食趁今日係weekdays 就去睇下有冇位啦十二點去到話要拎籌兩點先入得於是行陣街再兩點返去等個場都好大完全唔會迫枱同枱之間都隔好遠下點左蜂巢炸芋角香煎羅白糕新斗得意腸鮑汁鮮菌炒伊麵唔講野食著講服務舉極手d侍應都好似見我唔到咁係咪我隻手生得唔夠長呀係既話等我隻手生長d先會再黎囉想飲啖茶要三催四請先開到壺茶比我🚬上餐時間耐不在話下D野食黎到真係愈食愈冇癮呀真心唔推薦食新斗記圖我都慳返唔使upload 個蜂巢炸芋角賣相就唔錯個蜂巢望落好鬆化唔會油林林既但一拎上手凍既😔想問炸好左幾耐？係咪早市果批黎ga?都算啦照食點知食落有宿味叫個侍應埋黎同佢講佢拎黎聞下佢話：係咁ga， 呢d係芋頭味黎ga🙄原來係咁原來芋頭係宿味既咁原來我食咁多年冇宿味既芋頭係有問題既芋頭黎既羅白糕黎啦又係凍既不過味道唔錯好香燒臘味同埋都算實淨因為我隻手唔夠長所以又係叫侍應拎甜醬都叫左好耐腸粉凍既唔滑完到伊麵終於係熱既個麵煮得岩岩好都算好食但成餐都好冇癮會唔會比機會佢再試多次？不了。我寧願去食稻香冇咁嬲呀

放假，當然要帶埋屋企人去飲茶啦屯門新斗記平日早茶要11點先開門，啱曬我訓到自然醒先去攞位，不過，你唔好睇少係平日，一樣係要排隊㗎！入到去，每次都叫流沙炸煎堆，你地睇下，我個寶貝仔即刻伸手去拎，唔洗講都知好食第二必叫嘅係蝦餃，大大粒，真材實料，爽口又彈牙，塊皮煙煙韌韌，真係好好味。牛肉球蒸完出嚟脹卜卜，加埋喼汁，真係絕配不過今次嘅燒賣，跌咗粒蝦肉，賣相差少少，不過一樣都好味食咗咁多年，一直keep住水準，抵我做長期客人，不過，d蒸籠開始舊又污糟喇，係時候換下

一家人食生日飯，真係好差，1百蚊一只鮑魚，用刀都切唔入，咬到怕隻牙都爛，仲話係澳洲鮑！仲衰過街市買10蚊一隻嘅鮑魚仔！其他送菜都好一般，價錢貴，唔值得再去幫襯。！砵酒煮蠔就幾好味，夠大隻，粉絲蒸勝子都可以。幾搞笑，叫左幾支啤酒，佢地係俾個大碗你喝，真係第一次見。最尾叫左一籠蟠桃包，服務員話要等20分鐘，點知等左成半個鐘都未有，個阿姐見我地on居居咁等先幫我地入廚房拎包出黎，係咪個個諗住就收工，唔想做呢？

星期日食了一個8人餐，餸唔熱，海鮮完全冇味鞋口，貴妃雞灰灰的，衰過一蚊雞。奉勸大時大節不要叫餐！十萬個伏！唯一得生炒骨保持水準，難怪咁易訂位，當晚仲有好多吉檯，以後唔再去！

今日放假同媽媽飲茶,諗住呢間野食都OK,所以排隊等開門開位點野食,到第一個點心黎都冇咩大問題,部長都好好禮貌之後第二個點心黎,個男侍應一野"劈"落枱,轉身就走但個點心黎錯,我地想叫佢都叫唔切就走左之後通知左女侍應A,佢既反應好似覺得我地好奇怪咁好唔願意咁拎走籠點心,然後好似視眾咁,最後唔知佢點樣處理隔左幾分鐘,聽到隔離枱又向女侍應A反映黎錯野,啱果樣又未黎女侍應A仲質疑枱客,話會唔會係之前果張枱叫架喎! 痴根!個客都即刻一句: 我唔知你講咩之前果枱客,總之依家就係黎錯野!原來從頭到尾係我地兩個點心掉亂左,但幾個在場部長,侍應都冇溝通就咁拎去掉左就算數,呢樣都算,都係酒樓浪費左食物,我地控制唔到到後來我地仲爭一個點心,女侍應A埋黎斟水,順便話佢知我地都未講想做咩,佢已經秒回話: 幫你追緊架喇!好野喎,都未講你都知? 擺明hea我地,我睇住佢行開就企埋一邊打牙較完全冇聽到我地問既野,咁即係點? 之後我再叫女侍應B,呢個好快處理左,點心亦黎左好啦,到最後埋單,明知女侍應A都唔係做既,咪同女侍應B示意埋單,女侍應B點頭表示知道,咁咪等佢拎張單埋黎囉~結果等左好耐,見到遲過我地叫埋單既都埋完走埋

假日新斗記就一定好多人黎飲茶既，因為啲野真係好食！所以今次特登平日黎飲，都等左幾張台先有位啊！不過咁好食，等一等又真係無所謂既✨✨我特別推薦個腸粉！真係好好食！好滑！

我覺得屯市飲茶的選擇不多，新斗記是不錯的選擇，雖然點心選擇不多，但標榜即叫即蒸，有個套餐包四個貼心，一個飯或麵，才一百多蚊，都幾抵食。我最中意食的是長春卷和牛栢葉。