新強記燒腊飯店

營業中

休息中

每次吃燒味飯，都會好小心選擇燒味店，擔心隨時“中伏”，Openrice就可提供參巧資料，減少中伏機會，但今次仍然中伏❕首先是店内環境，以一個字形容：“劣”❗ 特別要小心地面上的油漬及水漬，店內亦有四個大字“小心地滑”❗算了吧，坐低點飯❗但飯未點，一碗例湯掉在我面前，驚死我走咗去；算罷，點一客燒鵝切雞雙併飯。 坐了一會，雙拼飯上枱，但碟上還貼着一張“落單紙”，食得嘅咩？甚麼服務態度呀？ 另外，雙拼飯賣相奇差，切雞比隻雞翼就算，燒鵝的皮失咗蹤? 如何分辨鴨肉還是鹅肉呀？飯底又乾硬，點呑呀？ 大佬呀，收我六十蚊㗎，俾啲咁嘅嘢我食，有冇搞錯❗劣評❗

我去個日係星期二，接人收工...尚有時間，一直下大雨！選了一間友人公司附近的地方吃燒味飯等本來想切雞拼腩仔，但坐一陣師傅話腩仔無哂轉叉燒好不好！話仲平D。無所謂啦，於是就食叉燒。好多叉燒，肥瘦適中，叉燒燒得很香！蜜汁鎖著肉汁，保持肉的鮮嫩！外層是燒過的肉香，內層是嫩瘦肉，口感味道甚佳至於切雞師傅仲比左隻雞肶我！好大隻，滿心期待之際⋯⋯噢！！！隻雞肶d肉粉紅色既！反一反真係有少少生...有點望！叫得切佢唔好落咁多鼓油就唔記得叫唔好落咁多薑蓉！而且薑蓉勁多油...食完個飯成個碟底都係油，立立令要讃是例湯節瓜章魚豬骨湯。有好多料湯頭零舍甜啊。有住家湯feel.地方很迫，環境衛生俏差！同兩個唔識的老人坐埋一齊。三個人都互不相識⋯⋯

夜晚七點幾細佬先去斬料，買咗最鍾意食嘅燒肉同埋叉燒！估唔到咁夜都買到咁好食嘅燒味！燒肉好食啲皮都仲脆，又唔會話太肥，肥瘦適中，好食！佢今日買嘅叉燒呢係瘦叉，啲肉都好淋，連公公婆婆都食到，佢個味好好味又唔會太咸，好食！

响上海街嘅最強燒味 😍😍😍😘 叉燒好lum 又香🎉 乳豬皮超脆😎 燒鵝好正皮脆肉嫩👍🏻 油雞肉滑，薑蔥好香其實佐敦上海街新強記已經好出名👍🏻成日都嚟買叉燒做餸😋 門口好多時都排滿人買燒味外賣。叉飯卅蚊正👍🏻 星期六決定嚟食堂食😋 決定要個肥叉燒鵝脾飯 😆 honey要乳豬油雞飯 😆😆 仲送大大碗真材實料例湯 👍🏻 好飲仲冇味精，飲完一d都冇囗喝 ^^ 鵝脾大大隻，皮脆肉嫩 d 油撈飯！嘩😍 正！ 而且每碟都送新鮮油菜 ❤️ 廣東燒味都係香港地道文化一部，買少見少。 我地食到咁又鵝脾又乳豬，都係埋單二百唔駛。其實真心好食又飽過好多貴價餐廳，仲貨真價實👍🏻

I went to temple street with my western friend then he wanted to have chinese food. We picked this restaurant as there were lots of people queuing up. The staff and atmosphere are really old fashioned. The staff was a bit rude but I think it’s normal for those local restaurants.

大碟夾抵食既燒味飯，價錢親民🎊質量不錯之前成日經過都見到大排長龍，難得今日無咩人咁就要試下啦入到招呼就欠缺架啦😂😂店員態度麻麻，不太友善但勝在夠街坊感覺🤔🔸燒肉燒鴨飯 $33燒肉幾脆口，大大件，肉質同脂肪比例足夠鴨肉佢雖然比左個脾我地。但鴨肉完全係凍既。無味加鞋口，沒有鴨肉的油香😖好失望😞不推薦再點燒鴨🔸乳豬飯 $60斬得好大件，個皮真係好薄好好脆口，幾靚仔😂但味道吾夠😱沒有豬醬配。要另外叫店員比。但豬醬味道有點奇怪。但應該沒有下次了

作為一個學生哥想食平嘢又想夠飽肚燒味飯就算係一個幾唔錯嘅選擇呢間燒味舖嘅雙拼飯都只係＄25而且啲燒味睇起上嚟同太興呢啲好出名嘅燒味店都有得鬥吓平已經係一個優勢啲飯食起上嚟唔會好濕而且都保持一粒粒咁啱要咗個瘦叉好夠蜜汁味啖啖肉至於啲燒鴨亦保持濕潤而且個皮唔會林啤啤。食起上嚟都好脆亦都唔會太油，配合埋薑蔥簡直一流。如果係學生嘅話仲會送一包凍嘅檸檬茶作為一個貧窮嘅學生你個絕對值得推介。。。。。，。。，。，

想多飯、大嚿肉，平平地吃一個 Lunch，大多數都會選擇燒味、叉燒飯都燒味碟頭飯。這種粗獷又帶點男人的浪 漫今天又來到強記燒味下午三點居然有外藉人士光顧佐敦一向都係遊客區特別晚上整個廟街都是外國人今天叫了切雞脾燒肉飯例湯先到，飲不到五分鐘雞腿燒肉飯登場囉雖然沒有聞到什麼香氣，但看這賣相就讓人口水直雞腿也滿嫩且帶點汁，口感十足真的很好吃。燒肉皮相當脆口，燒肉有四件大大啖每口一件，相當有肉味飯粒乾爽配薑蓉送飯一流來到強記吾需要話多飯次次都是滿滿一碟環境同衛生就比較麻麻不過食物算有水凖

每次經過這間位於佐敦上海街的「新強記燒腊飯店」都會被買燒腊的人龍所吸引著，長長的人龍再加上駕車來買燒腊的人，真的有點水洩不通，可惜我每次都有事在身不能一嚐，今天終於有時間入內試試他們的燒腊，是否真的那麼出色，值得那麼多人在門外排隊購買「燒肉切雞飯」燒肉切雞飯 - 燒腊的份量真的不是講笑，份量多到差點見不到飯，燒肉的沙皮十分香脆而且燒肉的肥肉平均加上鹹鮮味真的一流，至於切雞雞味濃郁嫩滑，真係雞有雞味燒肉有燒肉味，跟飯再加一個例湯真的超值。

佢個樣係唔差既 味道就真係唔惦兩樣都柴一樣硬 又冇味😐最大問題係點解飯底會咁多油既😒唔係蔥油滲落去 係真係擦油係底咁😤發現之後好內疚食左咁多油🤦🏻‍♀️冇下次

真心嗰句呢一間燒味餐廳堅係好食又平 今次我 大蟲再生 係真心推介 ！如果我亂噏24 一定5雷轟頂 ！舊式嘅燒味舖 地方就一定唔會係靚啦 勁有麻甩佬氣氛 但地下都算係乾淨 有少少油立立但唔會滿地骨頭嗰種 要搭枱就一定㗎啦 淨係識得食high tea嘅港女and偽文青就最好唔好嚟呢度 ！鷄鴨飯 + 例湯 $31 碟飯好夠大碟 雞肉嫩滑又入味 雞肉係啱啱煮熟嗰一種 鴨有鴨香味而且肉質好軟滑 加埋啲蔥油同豉油 好味到停唔到口 雞肉鴨肉都好大份例湯就係冬瓜骨湯 一飲落去就係老派燒味舖嘅味 咁多少骨一定唔使落味精啦 所以飲起上嚟好正又大碟又好食又有湯送 超抵食 ！重複一次 ！淨係識得食high tea嘅港女and偽文青就最好唔好嚟呢度 ！because you don't belong here！

舅父介绍的烧腊铺，他说以前婆婆就一直到这家购买的。今天为了从爱尔兰来的姨丈（他特爱烧味）特地过来买给他吃。姨丈赞不绝口！我也特爱他们家的琵琶鸭！叉烧、烧肉也不错

今日年初四，好多店舖都未開，啱啱經過佐敦，朋友推介去呢間燒臘，見門口有好多人買外賣，我們就入去坐低叫左叉燒油雞飯，和燒腩仔飯，叉燒和燒腩肉質乾，前者欠缺蜜味，雖然叉燒半肥瘦也鞋口， 燒腩肉真的還好，就係食過一次就算，無話想再嚟既感覺，其實我樓下近勝利道的燒味更好食！

今日返工只可以食飯盒, 成班同事又叫左最平精選–新強記不得不提, 呢間餐廳佢既飯盒真係好扺….呢個咁多餸既外賣食盒都係23蚊, 味道唔差, D 叉燒又半肥瘦, 味道同口感都OK, 非常足料, D油雞都好有少少肥, 但都可以接受, 飯都唔係垃圾大陸米, 當然唔會話超好食, 但同其他茶餐廳差唔多, 仲好多料, 一個女仔係一定食唔曬

今日落左佐敦, 只係找一處地方食一餐簡單晏入左新強記燒臘飯店我呢個星期有十餐都係茶餐廳渡過一個人簡簡單單要叉燒切雞飯一碟雞色澤鮮明皮香肉嫩滑肉,仲有少少咸咸地個蔥油野味 ,半肥瘦的叉燒只得六塊左右感覺唔夠喉,的肉質唔韌蜜味又夠碟頭夠大, 蔥油好香,飯撈蔥油食好好味飯量對男士們一定食得飽!奉上例湯係青紅蘿蔔豬骨,味精都有落不過唔算多,但係都幾甜是是但但揀間燒臘店品質居然不差服務沒有,不過食物有水準價錢都唔貴.三十幾一餐超抵