2
1
0
所有分店 (2)
電話號碼
54988772
營業時間
今日營業
18:00 - 23:30
星期一至日
18:00 - 23:30
付款方式
現金
其他資料
電話訂座
食評 (8)
First thing first:* 我食過全香港最抵食嘅任食火鍋,無加一,$100 有找* 任飲啤酒汽水、海鮮(蜆、螺、獅蚶、蠔、青口任食,蝦同蟶子一份份比你)、肥牛、鮮滑牛肉、雞、菜etc* 丸嘅種類多到好似去左街市買丸既鋪頭咁* 即包新鮮韭菜餃,正!* 熟食中心入面,坐得闊落,姐姐好好禮貌呢間餐廳真係平到不得了,我唔知仲可以係邊度搵到一間$100有找任食海鮮嘅火鍋店。坐低即刻揀湯底,冇記得晒湯底款,但肯定有胡椒豬肚、沙嗲、麻辣、清湯、鴛鴦(沙嗲加清湯)。任揀其一就唔需要加錢,如果要雙併嘅話只需要加$10,係成個煲只需要加$10唔係每個人都要加$10!👍🏻 我哋叫咗清湯同埋麻辣,個麻辣湯底非常之得,老老實實有幾多間任食火鍋店個麻辣湯底係真係麻同辣?而呢間個麻辣湯底係越食越麻!👍🏻😋😋上咗個麻辣湯底之後,佢會跟人頭配蝦同埋蟶子俾你。每人大概會分到幾隻蝦同埋幾隻蟶子。我本身對呢兩款海鮮都冇特別嘅喜好,所以佢份量多同少我都唔係好介意。我今次黎嘅目標係蜆!之前試過其他餐廳嘅卜卜蜆煲,而呢度嘅蜆係任你攞仲要基本上每一隻蜆都係無沙、大隻、鮮甜同飽滿!我其他餸真係食得唔多,但係我一個人差唔多食咗50隻蜆~ 丸嘅種類多到好似係街市買丸返屋企打邊爐咁,唔係淨係得個三四款等你係張紙到慢慢剔,係成個area 任你攞。最驚喜嘅就係擺喺丸隔離嘅新鮮即包韭菜餃,見到有個職員現場不停包餃子。新鮮包嘅餃子係唔同,食落去嘅韭菜就知道fresh 好多~ 我作為一個對餃子有要求嘅人,真係肯俾錢買呢度嘅餃子返屋企打邊爐!肉嘅種類又係多到傻。唔係間間任食火鍋店都會有雞腎豬肚鵝腸,我唔食內臟,朋友試咗豬肚同鵝腸,話鵝腸非常超班,唔係漂都白晒嗰種,係爽同有脂肪~~~ 啤酒有幾款,有Hoegaarden 、Blue Ice 同SKOL;汽水有玻璃支裝可樂、雪碧、芬達,亦都有罐裝椰子汁、蔗汁。侍應姐姐服務態度真係好好。食到最後我唔想再飲甜野,問侍應姐姐可唔可以俾杯水我。姐姐居然拎左杯加咗冰嘅水比我!我喺譚仔叫杯水,d 姐姐淨係會比滾水jar,呢度居然會比杯有冰既水我!😍😍👍🏻 仲有我掛住周圍影相,唔小心擋住侍應姐姐嘅路,佢完全冇黑面。當我發現同佢講唔好意思時,佢仲要調返轉頭同我講:「多謝你」。天呀,呢度真係一個熟食街市入面、任食火鍋店嘅服務態度?😂😂👍🏻總括而言,呢間鋪真係可以無限encore!已經推介左幾個鍾意食火鍋嘅朋友去試~~~ 希望佢保持到質素同埋唔好加價加得咁快😂😂👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-09
588 瀏覽
$90一位任食,開爐費和湯底$24。四人,每人加多$6以前在沙角村食了幾次。搬去聯和墟熟食中心,升level呀,有冷氣食物質素一般,不過咩都有得食。海鮮要問侍應,有蝦,蟹,螺,蜆,聖子。我本人覺得蝦和螺食得過任飲飲品,樽裝汽水,好正。仲有玉泉的產品,好懷舊呀!湯底唔明無味,唯有己加配料吧! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-04-13
461 瀏覽
同朋友一大班人黎食火鍋放題 每人$90 再加湯底錢 每人都係$90幾蚊 好抵食!於是就試下佢!首先湯底一定要簡鴛鴦鍋 我地叫左皮蛋芫荽加麻辣 麻辣湯底唔算好辣 但好有麻香 好正一黎佢就送左大大隻蟹同埋蝦上黎 味道不錯不過蝦蟹數量有限 想食多啲就要早啲黎 呢到肉類只要手切肥牛 另外魷魚都係特別推薦 飲品任飲咁平就食到咁多種食物 係一大班朋友聚會之選 抵啊 繼續閱讀
(以上食評乃用戶個人意見 , 並不代表OpenRice之觀點。)
等級2 2019-04-13
357 瀏覽
我朋友好鐘意食麻辣湯底邊爐,又推介呢間平價火鍋,一終就試咗佢嘅晚市火鍋。我地8個人,每人都只係$90,真係好抵食。我地試咗沙嗲湯,比我想像中更香辣,好有驚喜。野食野飲都有好多選擇,海鮮、肉同菜嘅選擇都幾多。野飲就有啤酒、清涼爽、菊花茶、支裝氣水。老闆仲好好人,幫我地換位,態度100分。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-04-13
277 瀏覽
呢到相當抵食,人均$90 左右就可以任食邊爐! 有數款湯底簡,我簡左鴛鴦湯底,有皮蛋芫荽湯同埋麻辣湯底。麻辣湯底的確幾辣下。呢到既邊爐配料係自助式,自己出去拎,店員都好好服務,仲拎左d蝦同埋蟹心我地食。 繼續閱讀
(以上食評乃用戶個人意見 , 並不代表OpenRice之觀點。)