1
0
1
港鐵朗屏站 E 出口, 步行約12分鐘 繼續閱讀
電話號碼
25803633
付款方式
AlipayHK 支付寶 現金 八達通 微信支付
以上資料只供參考, 請與餐廳確認詳情
食評 (4)
等級3 2024-11-05
68 瀏覽
今日在元朗新宏泰燒味餐廳買了半隻豉油雞外賣,味道非常出色。雞肉鮮嫩多汁,醬汁濃郁,恰到好處,令人回味無窮。配上香噴噴的白飯,簡直是絕配。屋企小朋友食到舔舔脷下次一定會再光顧! ‎ 繼續閱讀
(以上食評乃用戶個人意見 , 並不代表OpenRice之觀點。)
又係嗰種唔老實、唔友善嘅經營手法: 掛出嚟好靚,跟住畀啲好差嘅你,買叉燒,白賴曬! 好似冇燒過咁,拎返去同佢哋講,睇都唔睇自己畀咗啲乜嘢食物客人,就收銀串人一句、斬叉燒嗰個又串人一句,自己出品唔得仲要鬧人,離譜! 同區大把燒臘舖,搵間有信譽去幫襯。街坊生意,都幫襯過唔少次,間中都有遇到燒得唔靚,人工手造嘅食物,明白呀,間中會失手不出奇,但起碼態度唔會好似今次咁差囉,今次真係好離譜,唔換貨咪算數啦,自己睇都唔睇下畀咗啲乜嘢個客,仲要鬧客人,而家係真金白銀付款消費,唔係免費派㗎,畀啲咁差嘅食物個客,仲要鬧人,真係好離譜。點唱好香港故事都冇用啦,有啲咁嘅舖頭! 繼續閱讀
(以上食評乃用戶個人意見 , 並不代表OpenRice之觀點。)
等級1 2024-01-18
101 瀏覽
第一碟黎到 有曱甴 🤮同呀姐講要求更換 (有勁重大陸口音)呀姐仲話「咩呀 邊度有呀 」態度勁差!跟住話系咪要影底相 先死死地氣拎走 廚房環境極污衊叉燒勁鞋 仲衰過啲$25雙拼!超級難食咬唔到 燒鵝得2舊系有肉 其餘3舊都系得塊皮!🤢🤮🤮🤮啲飯質地又過淋 反正超級難食 食左2啖成碗冇食 大家千祈唔好再幫襯 要$65連凍檸茶🤮🤮🤮垃圾 繼續閱讀
(以上食評乃用戶個人意見 , 並不代表OpenRice之觀點。)
等級4 2022-10-31
331 瀏覽
孤獨的美食家又出場,中午放飯一條友搵食,呢間新宏泰燒味行過幾次都想試,門口又見到有乳豬,就入去試試啦。餐廳環境算可以,d枱拍埋1邊留返條路俾人行,坐位唔算好多10張枱唔夠,但見有樓梯上樓上唔知係咪仲有上層坐位,同埋可能食物太香坐底有d小飛飛飛來飛去,睇下餐牌,除左燒味之外都有豬排雞排果d飯食,咁黎燒味餐廳正常唔會食果d掛,比較吸引我就係乳豬,乳豬飯只需60蚊,拼埋燒鵝都係68蚊,呢個價錢包例湯,唔飲湯轉飲品就要另加錢。乳豬燒鵝飯先講賣相都幾好,乳豬份量都幾多,係乳豬皮燒得燶左少少,乳豬都唔會太肥食落幾嫩滑,皮都好脆,係可惜皮燶左d有燶味扣少少分,燒鵝分到胸位有d肉食,就不算高質,皮唔夠脆但肉質都算鬆軟,皮下都有少許油脂食落唔會好鞋口,不過鵝香味都爭d,普通啦,飯就算軟硬適中,加埋d汁食岩岩好,份量都好足夠。例湯跟餐送例湯,材料都幾多有d豬骨雞腳西洋菜,仲飲到d陳皮味,飲落都幾順口似無落味精,唔錯。整體黎講我覺得食乳豬呢間餐廳係幾好既選擇,1黎唔貴2黎係元朗好多燒味店都唔係成日有乳豬食,其他燒味飯既價錢就同一般既燒味餐廳差不多,鍾意食乳豬既我都間唔中過黎再食下。 繼續閱讀
(以上食評乃用戶個人意見 , 並不代表OpenRice之觀點。)