新宏利粥麵

今天中午2點左右去，過咗食飯時間冇咁多人。食第一嚿，個油炸鬼淋到好似隔咗唔知幾多個夜晚。同個姨講，我話「都唔脆嘅？」佢話「個個都係咁食㗎啦」，跟住我話「如果我俾多啲錢會唔會有夠脆呀？」佢冇答我啦。我放低20蚊。同佢講話”唔使找啦!” 我就走啦，成碟原封不動留返俾佢哋。上年返香港，細妹帶我去荃灣一間老字號粥檔，上2樓食。又係咁樣，跟住個阿姨話「俾多少少錢，先至會現炸現包」。我細妹好嬲！我都係！又唔夠膽得清清楚楚，做生意做到咁。…查看更多

This place is in proximity of MTR Tsuen Wan with several restaurants around. You‘ll see from outside already that they „make a lot of dough“. We ordered the deep fried dough, fish congee, pork congee, hk milk tea and lemon tea. Try to eat the dough with the congee together. It was very tasty and fresh. We ordered for takeaway but there were also seats available at afternoon.The food was still hot after around half an hour. The decor of the restaurant is super nice. It makes you feel like you are in a different time, but Stil in Hong Kong. Hopefully those places remain open. Check it out when you are around in Tsuen Wan.…查看更多

📍🇭🇰咁啱去到附近要食早餐見到好多人喺度食緊，就試試佢🧐 💡環境 半露天嘅感覺外面嘅行人經過都近到好似喺隔離咁🤔枱同座位唔太乾淨，有種油笠笠嘅感覺😣 🥢食物 1.雞蛋生菜腸粉🥚 雞蛋味好濃郁！生菜都食得出係新鮮嘅👍🏼不過外面嘅腸粉就唔夠滑，比較乾身同埋非常之吸鼓油，變相唔太夠味初初食都仲OK，食到後來就覺得好難入口 2.炒米粉🔥一啲味都無嘅炒米粉😣完全係食緊用水烚完再落鑊炒兩炒嘅米粉而且一啲鑊氣，一啲香味都無配料同米粉嘅味道非常之分離我個人真係唔太鍾意🤌🏼 🙋🏻‍♂️服務服務唔錯，幾熱情❤️感覺良好！ ✨推薦分數 : 2 / 10…查看更多

今日約會左同朋友係荃灣果邊食晚飯，咁由於朋友話佢4點半左右同事請食下午茶，因此都唔係好肚餓，因此我地就選擇左食粥，而粥店就想起路德圍嘅新宏利粥面，最愛佢嘅油炸鬼。咁坐低之後就極速落單了，點了個生滾牛肉粥及艇仔粥，再加上特別好吃的油炸鬼。艇仔粥就好快到啦！勁足料，特別喜愛豬皮及魷魚，我自己的食法是先食完油炸鬼，這個店的油炸鬼特別脆，他們每天都是自家製造，吃完油炸鬼那些粥的溫度都低了，而我朋友都大讚生滾牛肉粥非常足料。…查看更多

呢間鋪由路德圍搬左去眾安街的，都搬左好多個月，點解仲未更新地址🤔？今天趁涼涼地，我和老公就去食粥啦！好多選擇，出名係豬潤、魚粥，叫了膳球粥、炸両、咸肉粽同埋艇仔粥。🌼膳球粥：其實係膳片，都有4-5片大大片的，鮮甜，但好多細骨🌼咸肉粽：都係自己包好食啲，呢個冇咩餡料，只有綠豆、肥豬肉及咸旦，食唔到其他，如果自己包的會放好多材料，好似栗子、瑤柱、花生等等🌼炸両：正常，但係醬料唔得，甜醬好鹹，麻醬太稀，其實醬料係靈魂，好重要‼️…查看更多

唔洗講咁多！！！呢間嘢永遠唔會再幫襯！！叫碗外賣艇仔粥，食食吓入面居然有鐵線，唔係話無理取鬧定咩，呢啲嘢可大可小，仲要俾老人家食， 好彩食食吓見到啫，陣間唔覺意咬到，小則食到篤損口，大則吞咗入肚入內臟，呢壇嘢點樣處理而家唔係食食吓見到有小昆蟲，性質完全唔同，呢啲嘢係會傷害到食客，如果大家真係去呢度食嘢真係要睇清睇楚，唔建議再幫襯諗住好心打電話去提吓佢上網睇 完全搵唔到電話號碼根本唔知點處理 都食環都冇證據!…查看更多

一向都有食開呢間見價錢平，D粥算係正正常常所以有時都會去食下粥但最近去食，發現一次比一次問題多有一次叫叉燒腸，層皮厚過自己面皮咁可能佢地d腸粉唔係最拿手掛，算另一次叫雙丸粥，仲要隻鯪魚丸臭既真係唔知係放得落都冇人叫定點至少係處理隔夜食材上，一定有D問題先叫做好D既係佢有換過碗其他粥比我啦今次去就堅燥底個阿姐擋住條路，我坐唔到唔位仲要比第二個坐左本身都冇乜野，搵過個位坐就得點知個阿姐仲好似喝返你咁「你係度做乜呀」「果度咪有位囉」明明係你阻住條路，仲搞到好似我唔岩咁真係冇下次…查看更多

荃灣多野食就係人都知今日黎到呢邊玩即興🤪行到邊有feel就食到邊小店睇落都應該有返咁上下歷史開放式既設計 其實地方唔算大天氣熱應該幾係野😅座位之間有小小逼 所以基本上食完就走😌呢到玩親民 玩人情味 玩貼地感覺大部分都係熟客仔⍥ 牛脷酥卷腸粉 ❙ $23第一次見牛脷酥腸粉 都幾期待可惜牛脷酥一啲都唔脆😪腸粉偏厚又凍冰冰而且可能食慣左炸兩係鹹既雖然都會比豉油 但主要都會食到甜味先感覺就會少少怪😯下次都係唔好貪新鮮喇⍥ 炒米粉 ❙ $13粗身米粉 有少少蔬菜一齊炒😚加啲甜醬撈埋實無死食落幾乾身 唔油膩⍥ 鯪魚球粥 ❙ $34五六粒鯪魚球 我覺得有啲腥 加啲胡椒就好啲啦幾鍾意仲有唔少生菜絲成碗生滾粥係粥水多🤣食完唔會脹胃⍥ 凍豆漿 ❙ $8甜度適中 天氣太熱 整杯凍豆漿就岩岩好啦😌…查看更多

懷舊粥店，白色瓷磚牆、鐵枱摺凳、掛在牆上白色嘅膠餐牌～甚至食物🍵都係我嘅小時候🔸 #白粥 平時我屋企唔會有白粥食粥通常係唔舒服嗰時～工人姐姐好驚啲粥冇味，通常都會擺好多瘦肉煲，咁佢又唔係錯嘅😌 佢都係想我食好d…..所以今日見到有白粥，立即點一碗好香嘅白米味、淡淡嘅白果味啲粥煲得好綿、好滑，加少少油鹽已經好好食🤤🔸 #蝦米腸 我對腸粉有好大嘅情意結日日食都唔厭但係呢度嘅腸粉好搞笑，太多蝦米同蔥一嚿腸粉裏便有三粒蝦米🦐，太重料我想要多啲腸粉通常蝦米比較硬，反而影響我食滑嘟嘟嘅腸粉😆#臨走買多個牛脷酥#食唔晒都要夾硬買走…查看更多

記得之前剛出來社會工作，就係荃灣返工，成日幫襯呢間粥店，平，靚，正。。。。。自從轉左工作後就好耐無食過了。。。今日經開荃灣路德圍，就重拾當年味道😜🏠店鋪裝修同當年一樣無點變過，座位與座位之間都係逼逼地，但咁先有香港既味道。。。講返正題今次叫左碗肉丸粥，叉燒腸粉肉丸粥🍚好綿，肉丸🍡彈牙，夠晒大碗叉燒腸粉個皮好滑，叉燒好新鮮，配搭剛剛好全單5X元，比幾10年前貴左。。。都正常既下次再食🤭🤭🤭🤭🤭…查看更多

今晚見唔肚餓，諗住出去買碗粥食就最穩陣啦，就去了荃灣近地鐵站附近，呢間粥店應該有好耐歷史，以前唔覺有好多人會幫襯，今日見到咁多人咪去試吓啦，點知Omg中伏了！回家先知道我買的粥似減肥人士尊用的baby size ，唔知外賣會係咁細碗㗎，總之叫多兩碗啦，皮蛋瘦肉粥24元，外賣加1元，味精粥，冇咩特別，其實咁細碗我覺得好貴囉，又唔係糖心皮蛋，瘦肉唔多，又唔係好好食，唔知點解呢間都會有咁多人排隊買，勁奇怪，無可能。😓我唔會有下次啦，16至18元先算合理囉！就算女士們食兩碗都唔覺飽啦。…查看更多

走過呢家粥店嘅每一次，個肚都會自動放聲呼喚！今次試咗家傳戶曉嘅皮蛋瘦肉粥，個粥滑得嚟綿得，皮蛋微苦香濃，瘦肉咬落去咸香彈牙，一碗粥落肚，嘴巴溫暖嗲到不得了🥣😋。順便叫嗮最搶手嘅油炸鬼同牛脷酥，油炸鬼外脆內軟，加埋醬料一咬，呢個香辣嘅match真係正👌🏼！牛脷酥嘅脆度夠晒勁，甜鹹得嚟不膩口，真係喺咀裡邊騷舞。至於炸兩，啊～嗰熱辣辣腸粉包住鬆軟油條，配合嘅醬料完美提升咗口感個層次。食落去嘅每一啖，都係在地平民美食嘅真摯味道，告訴晒你咩叫做貨真價實。在這裡食飯嘅每一刻，都似乎拉近咗我同荃灣嘅距離，真心推介啊！👍🍚😄…查看更多

晏晝肚餓睇下周圍有咩食啦 突然有啲想食粥 所以就搵呢一間嘢 第一次食呢一間嘢 一見到個收銀個時 佢個樣西到好似差佢錢咁樣買外賣個時咩指示都冇 你比個號碼都好呀 如果唔係個餐比人攞走左都唔知啦！到攞餐啦 又唔提前講話會一次過比晒我 你唔講我點知個程序係點 仲要個態度係非常之差 講到係我錯晒咁樣！食物同出面啲粥舖冇咩分別 就算你幾好食都好 以後唔會再食呢一間嘢🤬人地出面舖頭啲服務態度好過你咁多 啲嘢食又好食過你 我點解仲要繼續幫襯！…查看更多

荃灣有兩間粥麵老舖很相似，一間徳龍，另一間就是這間，鄰近路徳圍的一個小角落，新宏利⋯⋯每逢秋冬都會光顧一下這間小店，喜歡他們的鬼炸鬼、牛脷酥、鹹煎餅等等的油器。也喜歡看著他們牆上面的餐牌，每每太多選擇，都會心大心細諗食乜⋯⋯由於今天喉嚨有少少唔舒服，決定點生滾粥及腸粉算了⋯⋯混醬豬腸粉~雖然腸粉未算很滑漏，但自己落醬滿滿的，多滿足。生滾豬膶朱紅粥~落單時筆者說: 豬膶肉片粥，店員聽錯是豬膶朱紅，我更正佢，最後店員都係落錯單，端上來見了一些豬紅，笑了，冇所謂啦！反正很久沒有吃過豬紅了。整體來說一向都覺得這些食店很有懷舊風情，味道思念回憶，想起很多童年往事。…查看更多

平常寫新餐廳的食評多，突然想寫寫一間由細食到大的懷舊老店。這間新宏利粥店，可說是荃灣一間最具歷史的粥舖，也是我認為最好食的粥舖。這間粥店有好多不同類型的粥賣，例如生魚片粥，艇仔粥，及第粥，牛肉粥等等。但我每次吃這間粥舖也會點我最愛的皮蛋瘦肉粥。這間店的粥特點是綿滑，而且味道鹹香十足，用料份量也十分豐富。除了粥品，它的油器和炸兩也整得很出色。它有提供牛脷酥，油炸鬼，煎堆。而我最愛是它的油炸鬼，是傳統的味道。除了油炸鬼，炸兩也是一流，值得推薦。…查看更多