新威 (已結業)

平時返工冇機會係屋企附近食早餐，如果朝早買麵包作早餐總會經過新威然後去巴士站搭巴士返工。新威食晚餐我試過，早餐則是第一次。一如晚餐經驗，早餐時段員工都是有禮貌的。想過食老麥、海皇、一粥館、新發、大家樂。。。想吃點特別的，但早餐其實來來去去都是通粉+牛油方包等。最後決定到新威看看餐牌，居然發現十月醒神早餐B的通粉並非火腿通而是雞絲通，還有並非大部分茶餐廳的火腿奄列而是煙肉碎蘑菇，決定試試這個。雞絲通其實配以榨菜的，平常我不吃榨菜的，但因雞絲通的關係我要了這個餐，當然我食埋榨菜青椒紅椒等配菜啦，雞肉唔鞋，奄列也很滑，配埋杯茶走，perfect。員工勤快又有禮，值得再幫襯。

This is one of those unremarkable-looking neighborhood restaurants that I'm glad I finally got to try. The place looks warm and inviting, with huge glass windows looking out to the street, and always seems to be near capacity during dinner hour.  The menu is very diverse and contains very interesting and unique items.  For example, there's a full page menu offering just different types of steam fish--you can choose the type of fish as well as the type of spices. There's also a full page menu off

離公司行去都要大約8分鐘，所以一個月先去3，4次，不過佢d食物又幾好，水準keep得幾好，個碟飯一定夠飽，例湯少味精都夠味，上次去食，佢哋成個籠上，以唔洗$50梨講，有驚喜啦，份量好飽，如果女仔去，兩個叫一個餐都夠食，次次去食都滿意佢地d水準

舖頭有賊穿櫃桶十幾萬，唔報警已人至意盡！要急急搵個新師傅頂替，走到黎西環新威挖角。咁大個仔第一次黎西環差點盪失路，原來無咩街燈、無咩大招牌無咩霓虹燈，而且條條街都比較暗，光污染非常少，感覺舒服，行下行下最後都到達目的地。似乎差不多收工喇喎，食客剩得一兩個，眼看職員都開始收拾清場，部份已換好衫打咭離開，好采趕得切 last call 叫野食。地方光猛寬敞，感覺乾淨，求其係卡位坐下。一邊食、一邊等師傅收工。奇香雞煲，睇錯左係奇味雞添，以為係辣雞煲，原來係醬爆雞。無緊要，最緊要好食。非常靜態的演繹，侍應搵柔地將煲仔放下。沒有吱吱作響、沒有白煙輕飄，只瀰漫著香香醬爆雞氣味。用筷子左挑右撩，檢查下有咩配料先。只見大量青蔥、芹菜及薑片，就這樣簡單？不過就非常香噴噴喎。雞肉居然嫩滑多汁，雖然沒有激情，煲仔沒有熱到咋咋聲，但味道出眾，醃味香甜而豐富，溫柔含蓄地表現惹味。真材實料無欺場，有髀有翼有胸，唔會好似大埔常相聚次次都雞翼雞胸雞背脊。雞髀滑彈、雞胸滑腍，好味好味。搭上乾爽香噴噴白飯，真係食得乾乾淨淨。

第一次開post,因為真係不吐不快。今日約阿媽去西環山市街既新威飲下午茶，因為佢一早落左街所以佢去搵位坐住等我，我就推埋bb車去，入到去坐低有個女侍應好以不滿咁睇住我地，咁我問佢係咪bb車阻到而我可以抱起bb收車的，點知佢冇彩我就行左去，跟住我阿媽先同我講頭先呢個後生女侍應拎住碗熱湯面撞到，但佢完全無講對唔住,之後佢換去卡位坐，嗰個女侍應拎茶俾佢時好大力放低仲講左句'd人咁鍾意坐卡位'餐都唔落就走左去，聽完佢講我火都黎即刻同收銀阿姐講我想搵你地經理，佢問我咩事我照講佢聽，佢地一路都维護住嗰女侍應，又唔肯叫經理，嗰個女侍應知我投訴佢都冇同我地講唔好意思，仲繼續黑面，因帶住bb費事再嘈落去，但真係好想投訴佢高層但唔知可以去邊度反映，所以想俾西環友知道呢個女侍應的惡行，咁既服務態度真係好有問題！P.S 呢個後生女侍應係紥馬尾的

今天同同事過咗嚟西環送文件，頻頻撲撲咁早餐都無扒到兩啖，行到中午已經感覺肚仔大唱空城計喇，拿拿林穩間飯店解決咗自己先，剛好嚟到lee頭發現有間飯鋪都幾新凈下，人流還算可以，暫時唔使等位排長龍，就決定食佢喇，入嚟之后先發覺真係執到寶啊，店內陣陣嘅飯香聞到都流曬口水，伙記好好招呼，睇下菜單仲發現價格都幾OK下喔；我哋兩個人要咗一個臘肉滑雞飯同埋羊腩煲，等咗無幾耐就熱氣騰騰上枱有得食了，份量睇落都好足喔，兩個人可以食得飽飽了。人哋話秋風起食臘味最正，不過依家咁嘅天氣食臘肉我覺得都係一個唔錯嘅選擇，佢嘅臘肉食落有d煙熏肉嘅味道，咸咸地，幾有特色下，滑雞嘅份量好多啊，鋪滿系飯上，雞肉嘅鮮味滲到飯入面，食落好香，雞肉蒸得唔算太老，食入口還算嫩滑；羊腩煲賣相雖然麻麻，不過味道好正，羊腩已經煮得又爛又軟，十分入味，支竹吸收埋羊腩汁同蒜香，用來餸飯就至巖喇！

每日OT已經唔再係咩一回事！但我個人就應為一定要食飽先有氣力作戰到底，於是今晚就拉埋d同時去左呢間靚靚地既茶記食飽先再同佢死過一如以往又係一人叫一款下，所以我地好快就點晒菜侍應第一樣持黎就係B女叫既馬拉盞炒時蔬，味道咸香濃郁，蝦乾又有嚼感，菜身炒得爽口，又唔會太咸，味道不俗！接住就有惹味既走地口水雞，肉質鮮嫩多汁又夠滑，辣度又適中，食得我地都好滋味~主食方面係由黃同事揀選既福建炒飯，濕濕地好開胃，醬汁鮮香味濃，飯亦鬆香有口感，加上蝦肉又好鮮甜，配埋爽甜既菜粒下，尤是美味另我地亦叫左個薑蔥魚腩煲，咸度適中，味帶魚鮮香味，食落啖啖肉，完全唔會有腥味，讚最後由於大家都太想食薯條關係就叫左香茅雞翼拼薯條黎食，薯條比M記厚身，更有口感之餘又更香脆，雞翼就烤得極香口而唔會太油，當中更保留了鮮甜肉汁，真係做得唔錯！經過我地幾條友係咁狂食後，枱面上既食物就完全被我地掃清，個肚就最滿足！食飽之後.....當然就係又OT喇

臨近新年關係，於是就走左去西環附近睇下有無d靚海味買，行左一陣已經好肚餓，於是就同左三妹及阿媽入左呢間餐廳食午飯入到去後由於太肚餓，所以咩都想食，於是都叫左幾樣野食咁首先就有我地都鍾意食既欖菜肉鬆四季豆，味道香濃，口感軟甜中帶點爽，又唔會太咸，用黎伴白飯食就最正！之殷送黎既就係我最鍾意食既西檸煎軟雞，呢度調教既味唔會過酸，雞件切得大小適中，食落仲好嫩滑，加上檸檬既清香，及淡淡的芝麻香下，一點油膩感也沒有，反而就很清甜美味，食下食下就好快被等食左半碟有多係驚唔夠飽下又叫左個楊洲炒飯，炒得乾身唔太油，飯粒鬆軟有嚼感，加上菜粒、鮮蝦及火腿粒下，味道層次感極之豐富，又清又鮮甜又有口感，以茶記來說，確係有水準之作！接著拎黎就有三妹叫既腰果雞丁，樣貌顏色鮮豔豐富，雞粒切得小巧之餘又完全吸收晒青椒紅椒既清香，食在口中美味濃郁，更重要係唔會太咸，同時腰果亦炸得香口，用黎伴飯食確係不俗！係好飽既情況下都叫左香茅雞翼，因為由一起身已經好想食，諗住食唔晒就打包走既心理下就叫左，呢間茶記炸得真係好，因為上碟時碟身乾爽你油跡，咬一口後更發現外脆次餘，內裡仍留著鮮甜肉汁，口感熱辣辣之餘，更是嫩滑脆口，所以係飽到暈

今日淨係食咗個自製奄列，到咗下午茶時間都幾肚餓，於是去咗呢間喺屋企附近嘅半新茶餐廳。喺而家下午茶餐成日都要三字頭嘅時勢，佢仲有二字甚至一字頭嘅餐，都幾抵。我哋叫咗芝士黑椒蘑菇批($22)跟熱好立克同四寶米($28)跟熱奶茶。先嚟奶茶，茶味夠，但係有d苦澀味。合格嘅，不過唔係最top。跟住個批，睇佢價錢都知唔慌大件，事實亦如所料，比我掌心仲細少少。咬一啖，暖而唔熱，不過個批身脆而有餅味，餡都算幾足料，芝士蘑菇同黑椒都各有各突出，而互相亦好夾。如果熱嘅應該會好好食。四寶米，四寶(墨丸、牛丸、魚蛋、片頭)只有每樣一粒，稍為失望。有炸蒜、冬菜、蔥喺面，都做得幾足，俾返少少分。一飲湯底，佢話係魚湯但係我又唔覺得係，應該都係半味精湯。好在四寶粒粒都唔錯，尤其魚蛋同片頭，彈牙有魚味，以乜都做嘅茶餐廳嚟講係好過我預期。總括嚟講，質素算唔錯，價錢抵，可encore。

朋友於去年年底於士美菲路購入了一個小型單位，一直都沒有時間 house warming，本來打算新年時一次過向他恭賀，可惜他新年不在香港，所以這天便提早向她拜早年，順便與他們一同吃飯。 大約8時左右，我們一行數人便浩浩盪盪的來到新威，準備開飯，朋友表示這家餐廳非常抵食，小菜不但夠鑊氣，而且茶水全免，平日若太太沒有準備晚飯，他們都會到這裏開餐。新威的格局與一般餐廳無異，但餸菜款式就出奇地多，加上新年就到，餐廳亦順勢推出了多款意頭菜式。新一道菜就是嘻嘻哈哈 (黃金蝦碌)，單單聽這個餸菜名，已經覺得好意頭了，黃金蝦碌的味道非常好，大蝦用油炸至甘香，再加入鹹蛋黃炒香，味道充滿著一般鹹香及蛋香味道，而且蝦碌早已把蝦殼，入口啖啖肉的非常彈牙，而旁邊放有口感爽脆西蘭花，能有效中和蛋黃的膩膩感覺，整個餸菜都相當好味，值得大力推介。 近日極愛吃香口食物，所以特別點了一客肉絲炒麵來吃，說實，這個炒麵挺好吃， 麵底做得非常香脆，上層淋上大量的嫩滑肉絲，加上韭黃、銀芽及草菇等配料，令口感層次大大提升，而且整個芡汁不太濃稠，值得一試。另一道菜就是三鮮炒年糕，不過，相比起之前兩款餸菜，這個就變得有點失色，除了因為

今日去左西環搵表姐拎佢旅行既手信，想便又去同佢個囡囡玩下，於是就過海去 一場黎到就梗係要食餐飯先走人，今晚我地就去左較平民既新威餐廳食飯 係一輪唔知食咩好後，就叫左個羊腩煲 黎到個樣唔太差，仲有好多我鍾意食既支竹，同埋有生菜跟埋，未開始食都已經感覺良好 跟住細味羊腩下，發覺肉質嫩滑又唔騷，每絲羊肉都充滿肉香，真係幾好食 而支竹就梗係吸收晒唔會過咸既羊湯精華在內，完全入晒味之餘，亦好有咬口，整體層次豐足，味道不俗 咁淨係食羊腩煲就梗係唔夠喉，於是表姐就點左佢都幾like既黑椒咸豬手，侍應黎到黎時有d驚喜，因為一直都係諗住應該你乾身的，真係十萬個估唔到會有汁~不過一d都唔緊要，因為我最鍾意就係汁汁汁！淺嚐一口醬汁咸度適中，豬手煙燻得咸香撲鼻，食在口中甚為滋味，同時肉質更是十分彈實，甚有口感，加上漿汁中更有不少新鮮爽口的洋蔥蔬菜，能有效中和肉類的膩感外，營業就更是豐富，真係好味之餘也很健康的感覺 屬於澱粉怪的我就點都要叫d粉麵飯先會安落，今晚就叫左我都幾常食既沙嗲肥牛炒稻庭烏冬 呢碟烏冬炒得甚有穫氣，烏冬質感炒得剛好，唔太淋唔太硬，沙嗲微辣中很是香口，加上切得厚薄適中

週日在西環吃午飯，地點選了一間定位介乎中菜館及茶餐廳之間的餐廳新威。餐廳裝潢光猛簡潔，屬茶餐廳格局，食品選項則由多士粉麵到小炒皆有，又似中菜館多一點。一行兩大兩小點了一份午餐，兩款小炒及一客三文治。紫菜四寳湯河粉內含魚丸、墨魚丸、牛丸及魚片頭四寶，當中以牛丸最彈牙可口，魚丸及墨魚丸屬一般水準，魚片頭較實身。河粉口感滑溜。午餐湯粉跟上是日油菜一碟，選材是翠綠的生菜，清甜帶爽。 餐廳有十大推介，菠蘿咕嚕肉是其中之一。咕嚕肉選材普遍鬆軟見彈性，炸漿外層做得很薄，甜酸汁濃稠味道恰宜，有一定水準。另一名物荷葉籠仔蒸鴛鴦雞，以鮮雞及田雞入饌，雙雞肉質皆夠嫩滑，醃製亦夠入味，尤其欣賞荷菜香氣能平均充分沾上每件食材之上，有名有實。一份鹹牛肉蛋治烘底很明顯是為細周生而設，鹹牛肉蛋餅填塞得甚飽滿，香滑鹹香。烘底治新鮮出爐有預期般的香脆，更滿意是每件多士均塗滿香口的牛油絶無欺場。要知道這份誠意在今時今日絶對不是理所當然的事，只是馬虎塗沫兩下牛油便侍客的餐廳實在有太多，見微知著，其餘食品水準大多好極有限。整體來說，餐廳的食品水準比預期佳，可列作家常小菜常吃之選。

西環地鐵開通後, 來了一個大轉變, 豪宅呀, 食肆呀, 健身中心呀…無一不分一杯羹. 奏個熱鬧. 對我來說一定支持, 因又多一個好地方揾食.得悉山市街有間親民餐廳, 有我喜愛的乾炒牛河, 肉絲炒麵之類地道菜式, 一於前往尋回香港特色.******************************餐廳装潢明亮乾淨, 閒適自在的感覺. 看見店員不時逗小朋友玩, 又幾親民喎.看過餐牌, 選擇頗多, 還有照顧到素食者的素菜, 非常窩心.出外用膳最好點些在家甚少烹調的複雜菜式.今天選了走地口水雞, 清蒸盲曹, 豉椒排骨炒河走地口水雞雞肉保持清爽嫩滑, 配以秘制的醬汁, 香味撲鼻, 令人有吃之而後快的美味享受清蒸盲曹火喉到家, 肉質鮮嫩, 食個不停豉椒排骨炒河熱辣辣的上枱, 傳來陣陣豆豉香氣, 誘惑 !炒河粉最怕茨汁太厚, 有如放一團漿粉落口.這個炒得非常了得, 茨汁恰到好處, 配菜惹味可口!本想要個老火湯滋潤一下, 誰知沒有一碗叫, 要一煲上, 太多那怕喝不完, 唯有放棄之際, 老板奉上雪梨蘋果豬骨老火湯一碗, 哇啦啦…是免費的, 實在太窩心了.地道而又親民的餐廳, 香港需要你啊!

今天入西環探親戚, 剛剛好在1點45才到達.午餐又太遲, 下午茶又未到, 真係夾係中間.剛好見到這家茶餐廳門外的電子MENU,加上剛好有位, 於是全家馬上入座.但職員表示, 有几款已賣完,所以先點了廚師好介紹 N餐蔥油霸王雞套餐.再多等10分鐘, 會轉下午茶的餐牌了,咁就可以選价格較抵的下午茶.蔥油霸王雞午餐 HKD40雞和白飯是分開上, 唔係一碟過呢! 其實這樣分開上更好.試過某餐廳叫油雞飯, 職員直接把薑蔥淋在雞件上(没有分開上), 浸著薑蔥的油完全向下滲, 即是客人食飯, 就食埋D油, 超唔健康囉!現在好了, 白飯還白飯, 雞還雞.雞件頗大碟, 有雞胸, 雞翼, 雞上肶.面有大蔥, 下方有豉油.我喜歡的雞翼尖.雞胸正常.雞上肶肉質無得輸.但個人最喜歡鋪面的蔥絲, 沾上豉油撈飯食, 一流.只是蔥絲太粗, 如果變幼細, 會更方便沾豉油.HKD40套餐, 整體OK.白飯碗下方的圓碟可作骨碟下午茶-鮮魚湯四寶湯河HKD 28一大碗, 有4粒不同的丸:牛丸 + 白色潮州魚蛋 + 墨魚丸 + 魚角淡黃色的湯底和白色河粉, 面有炸蒜及蔥花.河粉幼細如筷子.湯底的味道: 除了炸蒜及蔥花的香, 主

之前已經在新威餐廳食了幾次下午茶，黑咖啡真是十分好飲，夠濃之餘又沒什麼酸味。有時候亦會叫冰凍黑啡配炸脾。不過這一次試食是新威的早餐。西環的新威裝修比起其它茶餐廳十全新、光線充足，令人十分精神，伙計亦十分熟手。食物更是快、靚、正，每人每位早餐平均竟然只要$25，實在難得。而且坐得十分舒服，享受時間朋友傾計一流。今日是假期，當然不飲黑咖啡了，今次早餐餐飲大家都點了奶茶，三位的奶茶香濃而且細滑，的確不錯。先上的是鮑魚火腿絲通粉配上厚多士。鮑魚當然是彷鮑魚了，但厚切的關系，令到感覺十分有滿足感、且香味十足。比起其它餐廳少得可憐的鮑魚絲實在不同。之後再上的的餐是抄滑蛋加炸薯餅。炸薯餅也是我很常叫的小食，炸薯餅伙計多會問我要否茄汁，但我一般不會。因為薯餅本身已經香脆、我比較喜歡不加其它汁。新威的滑蛋亦是一贊，蛋味香濃而且超滑又不會太油，很明顯是下足料的。第三樣上的是芝士辛辣麵，這道芝士撈辛辣麵配了火腿，麵絕不節省新威用了農心韓國版辛辣麵，香噴噴的辣麵跟芝的確是絕配!聞說韓國人都是這樣吃辛辣麵的，的確非常識食。新威餐廳一字總結: 正!