新天地杭州人家 (已結業)

試了幾個菜餚, 整體上味道平平, 有改善的空間.烤麵: 好入味, 好味. 龍井蝦仁: 清潔光亮, 白雪雪, 有龍井味, 蝦仁新鮮, OK.醬油炒飯: 顏色好深, 每粒飯都有醬油, 但是太多啦, 味道SALTY, 不好味.小籠包: 豬肉質地"鞋口", 皮太厚, 不好味.這裡可一邊食一邊睇電視, OK.

新都會唔使等位既食肆之一，食完終於知道點解唔使等位...午飯一行五人，點了午市孖寶同$368 四人餐:砂窩雲吞雞 - 雞很老，雲吞和湯一般小籠包: 皮厚同硬，墊底張紙可能仲軟d 薄d干煸四季豆: 送飯都嫌咸楊州炒飯: 有燶味宋嫂魚羹: 少少腥同埋冇乜味服務: 服務態度麻麻，侍應黑面絕對不能再黎的一間餐廳﹗

上次來吃午餐送了2張20元的贈券, 下午來了2個大陆客要請吃晚飯又要赶返深圳, 近近哋新都會廣場除了大酒樓外都沒什麼可以請客吃飯的地方, 又來呢間杭州人家吃飯. 湖南人能吃辣, 點了個酸菜桂花魚, 麻婆豆腐飯, 榨菜肉末, 上湯白菜仔. 這家有包房, 是晚生意麻麻哋, 所以就給我們入包廂了, 包廂三張台其余兩張都沒客, 我們四個人可以很清靜的聊天, 最近股市頗旺, 大陆人都在香港有開銀行帳戶, 网上投資斬獲不少來問投資移民到香港怎麼搞, 告知新的施政報告出台投資移民不包括房地產股資時, 都表示沒有什麼太大影響, 能來移民的又點止650萬身家, 沒說完菜很快己上了.酸菜桂花魚酸中帶辣, 可以連湯汁一起喝, 味道不咸, 酸菜放得有點過多了, 有點搶了桂花魚的香味, 不過魚切得薄薄的, 味道又把握得很適當, 在湖南人吃來就覺得不夠辣.麻婆豆腐飯值得一贊, 有點像石锅飯熱騰騰上台攪拌番底還發出滋滋聲, 香喷喷, 這道菜連飯客戶就吃得停不了口, 夠香夠辣夠味, 看來湖南人吃東西都比較重味. 榨菜肉末跟叉子餅三條切成六截, 把榨菜肉末填充到叉子餅去, 我最欣賞這道菜, 叉子餅烤得脹卜卜, 一口咬

收工約9:45pm食晚飯, 兩人叫了幾樣餸, 1) 雲吞雞+梅菜扣肉伴蒿麥飽2) 餃子(做緊另一款 $28, 唔記得個名)3)蟹粉小竉飽第一樣上的是蟹粉小竉飽, 都OK, (雖然蟹粉少D), 勝在夠熱.餃子雖然較油, 但都算脆.雲吞雞不錯, 蒿麥飽幾香(有D紅糖/黑糖味?)夠熱和軟熟, 不過扣肉不夠淋, 梅菜較清, 但總括來說, 我都會再下次惠顧的.最後叫了個鮮肉鍋貼外賣比老公食.老公話皮邊較硬.

第二次食, 第一次都ok, 今次六點零鐘唔太多人, 二個人叫咗 "東坡肉" - 上次食過汁濃, 唔太肥, 但今次較為肥同太甜 $48"餃子" - 皮太硬 $28(特價)"流沙包" - 一d都冇流出嚟, 但好香咸蛋味同奶黃甜味, 並不是坊間一般咬落去全都係砂塘既甜可以一試$24"蒜泥白肉"- 淡而無(肉)味, 全靠另上既汁料,$40荼錢$7/位, 小食$10四樣嘢埋單都要$197(返到屋企計唔返條數出嚟) 唔太化算但環境算舒適

同客吃飯, 新都會廣場中午間間都要排隊, 見到四樓新天地人家上海菜不用等直接可以入座, 得2個人, 叫了個$168的二人套餐:冷盤醉轉彎份量幾足, 但就一啲酒味都無, 完全無上海菜的特色; 螺頭墩雞湯值得一贊, 湯墩得幾夠火喉, 味道很鮮甜, 雖則像廣東墩湯, 不過都值得一試; 小籠包不要抱太高期望就不過不失, 但以上海招牌菜來講皮不夠薄, 包內湯汁不夠多不夠濃, 有點奇怪是小籠包上台時熱騰騰應該是剛剛出籠, 但即時點醋入口包內的湯汁居然不燙口只係溫溫地真怪; 百頁小棠菜很差, 啲百頁成舊嘢痴埋一齊, 碟回窝肉吃剩一大半, 未吃過上海菜的回窝肉炒成錦的, 好咸, 用青椒炒又見有辣椒絲吃落無辣味得個咸字, 肉炒得很過火, 菜還ok賣單$198元, 給了200元不用找, 給回2張20元的贈券下次來吃夠100元可以用1張, 服務質素幾好, 但味道就真係同馳名上海菜有頗大距離了.

叫左個糖醋桂花魚. 味道普通, 得 d 粉. 條魚都唔知有冇八兩! 收我$168仲有個外婆xx肉 (忘了名字) - 好咸, 成兜得果幾粒肉.流沙包 - 同幸福樓果 d 差唔多.瑤柱蛋白炒飯 - 唔好食. 不過都叫做入到口.仲有兩碟炒菜都係一實出街食的好多油咁啦.我坐個位坐洗手間, 一路食一路聞到 d 洗手間香精味.三個人埋單 $550 .早知去食KFC!

不知所謂,訂左位但去到比walk in 0既客入去坐,訂位0既人要係到企6個人安排坐卡位?? 無野呀??? 點坐! walk in 人話走就即刻有台,我都嗌走啦,洗咩訂台呀!!櫃台小姐.6個人叫左個$518 0既set ,味味都細碟都算,味道都ok,d 待應好似唔係做野咁,叫個樣漏個樣,叫3碗白飯又漏,叫個set 遲足成粒鐘都未黎晒d 野.問佢又話追梗,入面煮梗,套餐0既野都可以漏,我吹左半粒鐘先上晒d 野,離晒譜!!!我唔會再黎0既呢間野,d 服務差到極點,d 野食ok都無用,我一定唔會再黎!!!

約人去新都會食lunch, felt like 上海菜。 My options were either 杭州人家 or 湘川滬。 Found out that the latter was in fact located in the next building so I decided to check out 杭州人家。 入到去見到人頭湧湧, 心諗都唔會差得去邊。 兩個人 ordered 了 烤麩 (味道好濃, 而且甜到出奇), 搾菜肉末 (味道有點怪, 又係好甜), 這個菜就 Times Square 's 金滿庭 就好出色。 另外有青菜煨面 (一pat o野, 杰撻撻, 又係怪味), 春卷 (好咸), 小籠包 (檯上惟一食得落o既o野)。咁o既水準, (價錢又一D都唔平) 竟然有咁多人幫襯, 究竟係我要球高, 還是依家D人食o野冇要 ?

其實一直都覺得, 夠膽賣上海派菜的店都唔會好差的, 特別係價錢其實並唔係真係好平, 點知?! 哈哈!! 就係估你唔到!!! 兩個人諗住食好d, 於是叫多d, 諗住大不了拎走, 點左1. 糯米蓮藕 --- 好普通 ($$唔係好記得)2. 乾燒明蝦球 --- d蝦唔算新鮮, 個汁杰到似鼻涕, 個味又唔出, 但係夠膽收 $158!!!3. 蔥燒海參 --- d海參腥嘅, 已經算係最正常個餸 $984. 蒜香骨 --- 呢個真係食到火都嚟, 食左兩三件後咬咬下發覺d肉裡面有d生, 於是問d waiter 攞把刀, 切開埋淨番個幾舊, 中間都係8成熟, 嘩大佬呀!!! 呢d唔係和牛呀, 容セ易生虫架?! 好明顯就係個廚掌握唔好火喉, 外面燶裡面生, 都算, 多一事不如少一事, 食左d食得嘅部份, 剩番大約1/2, 就叫個姐姐收走, 但就唔想佢地下次再係咁食壞人, 就同個姐姐講(指住果d紅肉): "有d係生嘅", 點知個姐姐二話不說, 就拎左去擺垃圾位, 另外d姐姐就收左入去. 大家當冇事發生... 嘩有冇搞錯?!!!!!! 呢d叫賣野俾人食嘅地方咩???? 知唔知自己係度做咩架?!?

第一次黎，由於唔洗我比錢 (haha)，而且餓扁了，所以食乜試乜我都無所謂。佢地做緊八折，幾抵！我們點了 ---鎮江肴肉：雖則唔係難食，但我未食過咁差既鎮江肴肉，太瘦太多食，又唔滑，切得又唔靚，無可取之處。燻魚：麻麻地，唔夠滑，好大條骨。小籠包：算好的了，雖然皮不夠薄。蔥爆羊肉(跟薄餅)：羊肉份量較少但不錯，薄餅係北京填鴨果隻，我地五個人，所以佢就比五塊！不多不少，cheap~炸銀絲卷：ok，但唔夠脆。上湯小棠菜：好似食緊次等菜咁！因為每條菜都好唔完整，好似被人食左少少咁。梅菜回鍋肉配包：算好味，包不錯，但梅菜回鍋肉似用叮叮翻熱。高力豆沙：外層好厚，第一次食咁厚既高力 xx，似食緊包咁。平時食高力 xx，外層又薄又鬆軟，食左都唔多覺果隻，lee 度超唔掂！高力雪糕：同樣外層好厚。失敗之作，應該改名做高力朱古力醬，仲要係無乜味既！酒釀小丸子：小丸子超細粒！酒釀甜到爆！又"杰"喎！食完上黎睇返 openrice，唔怪得咁多人都彈啦！哈哈！我唔係擦鞋，不過試新野前睇下 openrice ，至少可以避免去劣質餐廳！雖然市道唔好，但好味既野依然可以客似雲來，唔好食既野有八折都無用！這家餐廳遲早摺

琴晚同o左女友去o左呢間店到食晚飯,入到去唔係太多人,d杯碟都有d污糟,同d小二阿姐都冇乜禮貌.講番d野食啦,叫o左個素雞拼小排骨,冇乜特別,可以不理,跟住係一碟回窩肉同雜菌扒時菜,時菜都可以一試,味道ok,回窩肉就唔得啦,佢最奇怪之處係用豉椒炒,難道上海人會用豉椒炒野咩,真係神奇!!跟住係一個燉津白,味道都仲可以,但個小籠包因為太普通,可以不理.呢餐飯埋單一人要百二蚊,但質素麻麻,而且d分量真係唔多,我就覺得唔係太值啦.

星期五晚7:30pm去到, 一行3人要等位, 無問題, 等下囉.. 點知等左15分鐘, 遲過我地都入左去.. .. 問佢咩事啦, 佢話搞錯左, 下一個到我地, 都好啦, 等多一陣, 點知佢走左入去成5分鐘招呼客人又唔理我地, 要我走入去問佢先幫我地安排坐位...好喇..坐低左, 睇下餐牌啦, 個伙計好似好心急要我地落單咁, 我話睇睇餐牌先, 佢至行開, 一睇都係普通上海菜, 但價錢就唔係好抵食, 咪點幾樣穩穩陣陣既, 銀絲卷, 鱔糊, 獅子頭, 小籠包, 肴肉, 炒年榚, ... 點知叫伙計點菜時, 佢就忙其他枱, 都無問題啦, 搵第二個點, 佢就叫我等等, 又搵番個個, 即係點呀? 又要等囉... 等到差唔多想走啦, 佢先斯斯然走來問食咩?..已經一肚氣, 好飽啦! ok..點完菜, 等左20分鐘, 仲無菜來, 問佢有無落單, 佢話去check下..點知又係一去無回, .. 又過左10分鐘, 想大聲鬧, 佢先上到菜比我地..好啦, 食物方面, 其實比出面味道一般, 咁既價錢完全唔值, 小籠包未夾d汁而經洗流晒出來, 夾鬼起既裡面是乾爭爭, 完全X唔合格..獅子頭一夾就散, 好似肉碎

4/10朋友仔大肚為了遷就她,所以去葵芳,她又話這處坐得舒服.我們一行6人就在此聚會.我們6個人叫了1銀絲卷,炸同埋蒸,我無食,生煎包也沒有試呢.2.小籠包2籠.味道不錯有湯汁,豬肉唔算死實.3.糖醋魚塊,酸酸地幾開胃,份量也頗多4.紅油抄手6粒:味道不錯,只是甜多過辣.5.豆腐窩:豆腐幾滑,可惜唔夠荳味,有磨菇和火腿配落去幾夾,清清地的一道菜.芡汁都唔算太杰,但切記要快食,凍左唔好食6.炒鱔膳:好韮多菜,鱔真係寥寥可數.同埋又係炒得油,個汁勁杰,唔合格7.排骨上海粗炒,好多油,食完個嘴滿口油.排骨切到好多豬扒咁,太大件啦8.上海年糕.幾多菜,同埋整得清清地,又唔會太鹹不錯服務幾好,都有收下碟,還有,幾適合朋友聚會,我們可以悠悠閒傾了2小時,坐位也十分舒適,枱與枱都算太近,唔算擠迫6個人食了11碟,每人86元也唔算貴了

14.06.2008 星期六見人多, d人提早慶祝父親節, 2丁友去攞飛排隊嗰陣已經同我講要等耐少少, 但都係10分鐘度! 見有位就走咗入去食! 點咗雞絲粉皮, 金牌南翔小籠包, 紅燒豬肉, 醉乳鴿!招呼唔係好好, 簽咭付款時壞機又唔早响?? 無帶現金點算吖??雞絲粉皮- 冷盤點解只係暖, 唔凍嘅! 雞絲唔多, 麻醬好稀似水. 無味! 只係油淋淋....!!醉乳鴿 - 得d花鵰味, d肉又"鞋"兼無鴿味!!金牌南翔小籠包(5隻)$22 - 一般啦!!另外一個用沙煲上嘅紅燒豬肉茶樹菇, 醬油帶甜, 傑撻撻, 成口油!!