新嘉旺火鍋菜館 (已結業)

公司聚餐，一行十多人黎打邊爐預先訂左章紅魚刺身一條已足夠我地食啦！ 爽滑彈牙手切安格斯肥牛 好大碟！好有牛味！ 西班牙的黑毛豬花紋好靚，肥瘦適中響鈴係即炸難怪同街市買現成的差咁遠，好脆呀！脆脘又係必食！爽脆又新鮮！ 豬頸肉都好爽，有豬味！好食過黑毛豬烏冬好吸味！ 不錯！小菜 椒鹽三文魚一出 大家都搶 又幾好味喎環境乾淨，場唔算full, 人多可以要求獨立房！服務態度不錯！整體幾滿意，好懷念條章紅魚，但人少真係食唔晒！

平時打邊邊都會去任果d. 今次難得全部人都想食一碟碟叫. 經朋友介紹就去左呢間舖，19:xx到都唔洗等位真難得。我地分別叫芫茜皮蛋湯（湯底好好味～），安格斯牛（好有牛味），脆肉鯇魚腩，黑柏業⋯⋯

同老婆突然想打邊爐，咁啱行過就入去試下，座位算鬆動，員工服務好到不得了，好到會主動過黎幫你畢走湯面雜質，每次收碟都唔該前唔該後，食物質素ok，2個人食6百幾找數，唔算太貴，下次再想打邊爐一定會再去

今時今日，有好多放題，又好多任食嘅火鍋店，一百幾十就可以食餐飽，但食物同服务嘅質數，就未必可以令每位客人满意。新嘉旺，係一間食材好新鮮嘅火鍋店，三五知己。吹吹水。開支大啤。嘆個雞煲，正是relax 之選擇。。。先嚟個深圳辣雞煲$198再嚟個三文魚，帶子。赤貝刺身，每點68元，雙併108元，4拼188, 多人可以叫4拼，計落著數好多。。。本地手切牛肉，係呢度嘅主打，好多時都會沽清，點解？？？肉質脂肪分佈平均。只要一十，放入口中。妳/你會感受到肉質嘅鲜美，必選！！！響聆，必選，新鲜炸起嘅響聆，再配酸甜汁，我相信，你必定會再Encore !!! 炸大腸手打墨魚丸，，正！！新鲜海蝦2點赤貝刺身。新鮮度一般牛百葉。好爽！提一提大家，9 點後，所有火鍋配料都有特價呀，平均每碟平10至20元，而鍋底低至28元起！如果2個人，叫個鍋底$28。三支细藍妺$36，一碟美國牛$18,一碟響聆$38,，再叫多2至3碟配料。加一,都係$150元左右姐。計落都唔叫贵呀

宵夜 冇食火窩 點小菜 啤一啤細店 老細侍應都好招呼收茶錢 & 加一友人出力推介 “金沙鮮海虾“ ~ 底食68元 鮮虾大隻 旦黃炒得夠乾身沾滿虾身 咸香脆口嘉旺小炒皇 ~ 88元一般般 好味有鑊氣 材料切細細 分唔清有乜腰果脆 虾干 九菜花嫩 ....炸大腸 ~ 脆香 冇異味 切得好齊整 冇多餘嘅肥羔 但墊底嘅菠蘿就雪味竹笙羅漢上素 ~ 份量足 但過咸過傑 順帶講吓 餐牌冇嘅就問吓價 有啲貴材料嘅菜式 都高價㗎

尋晚逐住回暖前同家人黎到打邊爐，之前聽過朋友講依度啲嘢好新鮮，所以專程黎試下，果然無令我失望，象拔蚌刺身非常新鮮切得好薄，肉質好爽同滑，十分好味！淨返既內臟都吾會浪費，可以叫待應椒鹽炒，味道帶點微辣，非常香口，價錢亦都吾貴，最適合飲酒既朋友手切肥牛亦都係必食，非常新鮮，師傅亦切得好薄，拖一拖水已經食得，其他好似墨魚丸，魚雲等亦都好新鮮，家人都食得非常滿意，下次打邊爐一定不做他想！

我老公係邊爐達人，一星期食兩三次都嫌少，我地叫咗個鴛鴦湯底，沙嗲都幾濃鍾意呢度d牛肉有𡁻口，但份量略嫌太少，掛住食中途先記得影相 老公鍾意食八爪魚刺生，不過不失 我就最鍾意食手打墨丸，夠新鮮，雲吞大大粒都好足料 仲有叫咗d瓜菜烏冬等等都ok，地點都算就腳，可以再幫襯

上星期三一班兄弟相約出嚟食飯，順便幫小弟慶祝牛一，真係要多謝咁多位兄弟既照顧同體諒，畢竟近20載的情誼真的得來不易。經過一番商議，大家決定去太子一間朋友相熟的菜館滾滾吓打邊爐。該菜館位處花園街近花墟附近，離地鐵站5分鐘腳程，都幾近便。當晚一張大枱10人，先試了馳名重慶辣雞煲，雞煲有分大中小辣，而我哋有半數都是嗜辣之人，所以要了中辣。雞煲熱辣辣上枱，煲內還燒得唧唧作響，花椒麻辣香氣四溢，令人聞到垂涎三尺，雞件與辣椒花椒香料拌炒得乾身入味，香辣嫩滑非常，個人認為辣度剛剛好，亦有兄弟覺得有點過辣，當然明白口味一定各有所好。食完雞件後，倒入上湯至煲中，讓剩低的佐料同滾成邊爐湯底，延續香辣惹味嘅精髓。原條細鱗魚刺身，新鮮即叫即劏，肉質鮮甜Q彈。本地手切同美國安格斯肥牛，油花分佈均勻，本地手切肥牛肉味較濃，肉質亦較鮮美煙韌；安格斯肥牛則食落較鬆化嫩滑。雲吞內D蝦大大隻夠爽口，自家手打墨丸亦十分彈牙。- 超Q彈蝦滑- 有膏的鵝腸，現時真是一腸難求，很少有供應，這種超級邪惡的食物，亦係我最喜歡，那種爽脆加上鵝油的甘香真是一試難忘，耐唔中一次唔怕嘅…- 自家包製菜肉雲吞- 自家手打牛丸，夠筋性爽彈。-

打邊爐從來不分季節，冬天更是唔打唔得，一星期打三次都是等閒事，剛過去既一星期就是這樣，先嚟既係大堆頭火鍋。此火鍋店是朋友既朋友開的，除了火鍋，也有小菜及仍然大熱既雞煲，雞煲也有分重慶雞煲及深圳香辣雞煲。火鍋配料選擇也多，本地手切牛﹑海鮮全是等閒之輩，更多人點既有龍蝦刺身﹑原條鱆紅魚刺身，不過今日好踏實，沒有特別點這些(查實係我唔吃魚的)，最特別既竟然有西班牙黑毛豬，初時以為像巴馬火腿就咁食，用嚟作火鍋配料真係第一次；而家就俾大家睇下當晚一行六人點左啲咩啦！其實湯底有多款選擇，醉雞鍋﹑冬蔭功都已經唔算特別，要食得豪既有疑似雞煲翅既湯底，夠補既又有唔知咩藥材魚湯，都係先飲湯後打邊爐既。不過都話今晚好踏實，只係點左個日式海帶螺頭湯。不過這個湯底嚟左一陣時都讓大家有點議論紛紛，因為一陣間個湯底變成紫色呢！全因一件紫芯蕃薯，就有呢個變色效果，有點兒怪怪咁，不過味道就越滾越不錯，唔會過濃蓋過鍋料味道，又唔會過淡。本地手切牛頸脊，擺盤靚，厚薄剛好，而且牛味肉汁俱夠，很好。美國安格斯肥牛同樣有賣相，味道較手切牛淡，但仍有牛味。西班牙黑毛豬同平時淨隊既不同，有點點脂肪，雪花紋很平均，大小切得像平時既豬頸

朋友帶路搵食，而且仲訂左位！呢到位置唔會好迫，坐得好舒服！先點了一些小食，包括脆炸豆腐，小小的一塊，外脆肉軟，而且很香滑。炸大腸，不是不出色，但勝在乾淨唔油膩。花竹蝦刺身，鮮甜，食完個蝦身之後，蝦頭以豉油皇煎香，正！！！象拔蚌刺身，鮮，甜，爽！最後我地仲點左個皮蛋芫荽湯底，點左d餃子同丸黎打邊爐，食物品質好好！