新哥廚坊

營業中

休息中

平時食開晚市已經覺得好好味🤤唔單止嘢食好味～老細佢地都好有人情味～地方細細但係同屋企人簡單食餐生日飯都係唔錯嘅選擇😏❤️去咗你就明！今日lunch食咗個「四川回鍋肉飯」👍🏻唔會太麻辣，味道剛剛好～不過食就有啲油🥹希望改良下🙏🏻唔想食紅油撈飯🥲

用餐最吸引的處都是人情味，伙計們熱情好客，用心介紹小菜，又不時過來寒暄幾句，又幫忙換碟、斟酒茶水，整個用餐氛圍都十分舒服，有賓至如歸的感覺一間充滿人情味的小館，價錢相宜，今日天氣轉冷來一個羊腩鍋，好好味，羊肉不韌，最愛吃皮😙⋯⋯還有鹽焗雞（全隻）🐔店內招牌之一, 份量十足, 雞件有鮮味啖啖肉, 肉質鮮嫩, 口感醇厚、味道鹹香, 每枱必點推介👍🏻，還点了著名的杏仁白肺湯，美味到飛起。👍鲜味到不得了，豬肺處理的好乾淨一点腥味也沒有。真材實料呀～融合杏仁的鮮香和豬肺的甘甜。真是令人唇齒留香～湯底奶白奶白的～火喉充足，材料豐盛，軟綿綿的白肺，炖至入口即化。濃郁的杏汁香，十分養颜，入口柔順，喝一口非常窩心😍

食評 ✨新哥廚坊✨今日同朋友去新哥廚坊食lunch，簡單點咗個鹽焗雞飯配熱飲（咖啡）。呢間餐廳環境幾舒服，簡潔又整潔，氣氛輕鬆，呢餐食得幾開心！鹽焗雞飯+ 熱咖啡 ⭐️⭐️⭐️雞肉夠滑，鹽焗味道剛剛好，唔會太重手。飯煮得鬆軟，配埋雞油汁幾香口，但整體味道比較中規中矩，冇太多驚喜。熱咖啡表現正常，唔會過苦或者過淡，夠熱夠精神！價錢 ⭐️⭐️⭐️⭐️$53蚊呢個價錢，呢個質素算係抵食，加埋環境幾好，完全值得。總結：新哥廚坊係一間好正路嘅餐廳，鹽焗雞飯表現穩定，配埋咖啡係一個舒適嘅午餐選擇。下次會再嚟試其他菜式，希望有更多驚喜！食品評分：⭐️⭐️⭐️（3/5）總體評分：⭐️⭐️⭐️⭐️（4/5）環境舒服，價錢合理，值得再訪！

11月13日揾食肥華和靚媽，滿心歡喜，到此店出席親友飯局， 此店在openrice好評甚多 肥華亦一早諗定，今晚此店嘅幾個名菜，準備好好品嚐，可惜今餐在此店食到嘅，小菜水準，真喺強差人意。最早上枱嘅，嗰煲㗎喱牛腩，份量似是一人套餐內，嗰煲牛腩嘅份量，好彩味道極咸，冇乜人食。另一碟小菜，蒸鱔，亦祇有六片鱔片，味道又喺咸到同個，㗎喱牛腩，有得揮，而啲配料，荳卜及荳腐，更有朕酸味，呢兩個小菜可以講喺劣食。而此店三款名菜，脆皮咕喱肉，椒鹽鮮魷同埋蠔餅，亦未見突出，衹喺坊間，一般茶餐廳，飯餐出品水準，而縱觀今餐最好食嘅，食物，就係椒鹽鮮魷，用來伴碟嗰啲蝦片，其他都不值一提。雖然此店收費確喺親民，今晚呢個9人飯局，食咗八款小菜，加埋五碗白飯，埋單都唔使八舊水，雖然肥華認為今晚，此店表現甚差，但喺仍然要多謝，這個親友飯局，兩位爭住做東啲，姨甥！

收工同朋友食飯順便去樓上打桌球,決定隨意搵間就腳餐廳坐低食飯。一入到去睇Menu我都有D驚喜，眼前一亮，因為我比較鍾意食打冷小菜之類，一開始睇門口以為for上班族快餐米線之類，原來呢度晚市仲有一道道道地大排檔菜式，實在出乎意料，收工食小菜再加飲下啤酒真係一流享受。最吸引我既就係呢盤入味爽脆嘅蠔餅。外皮金黃酥脆,炸得恰到好處,入口即溶,好似大排檔嘅既視感。再加埋配料精彩,仲有新鮮爽脆嘅小青椒,令到整盤蠔餅更添色香味俱全。真係唔只有好味,重點仲有份量實在，另一道啫啫雞煲,肉質嫩滑,飽滿多汁,醬汁濃郁不膩,同埋仲有幾款應季蔬菜伴着,可謂是既養胃又健康。一口一件咁大塊嘅雞肉,令我一口接一口停唔低嘴。若果單係依呢盤雞煲一個人食,亦絕對食得曬，雖然餐廳的環境相對簡單,但服務態度卻是十分周到。職員不但為我們解答了不少問題,更細心地為我們推薦合適的菜式。整個用餐體驗,不但食到好料,服務水平也是無可挑剔。雖然我地隨便搵間餐廳,但最終竟意外發現一間大排檔風味十足既好去處。不單價錢相宜,而且分量十足,更帶有濃厚既家庭風味,令我地不僅食得飽,仲玩得high。絕對係我地既意外收穫!

我都知我衰明明係食雲南米線嘅地方我偏偏點紅麵牛肉麵結果……當然無好結果雖然說是紅燒牛肉麵但係湯底沿用返佢嘅雲南米線湯底不是預期中的湯底只有牛肉(牛腩)是紅燒紅燒味道是有的但不是一咬就散，就是咬極都咬唔開我也不明白同一碗牛腩如何做到兩個極致至於麵就是普通的白幼麵條沒有煮得太腍已算不錯可是這個米線湯底我不太懂得欣賞由於走辣味道偏清淡沒香味是預料之內不過配料是津白配大豆芽菜則不太懂欣賞可能因為我坐近廚房門口被一陣陣怪味所影響由可能是上至廚房樓面，下至顧客都是充斥普通話所以更加深了格格不入的感覺

昨晚幫襯左個酸菜魚二人餐，野食係唔錯，但服務太慢，等左成10幾分鐘先有人落單，上菜不算快，本身二人餐內有2碗飯，到我地買單都冇來到，我地又叫左個單點通菜，成$88，咩d通菜咁貴既咩？？？因為menu冇，我地就問有冇，佢話有，但估唔到貴成咁，仲貴過其他有海鮮既餸！另外因為我地多人，佢話送一杯野飲比我地，但就来食完都冇來，咁我地就再點過，點知最後係有計埋$，其實唔介意比個$10野飲，唔想送冇所謂，但整體感覺唔好！明白做生意難，但都不好咁

新哥煮的咕嚕肉是我食過最好味的！名正言順的皮脆薄肉滑多汁呀！下午茶時間黎食只係58元有套餐，抵食！除了咕嚕肉，其他小菜都好有鑊氣架！佢做的水煮魚都係一流，喜歡食辣的朋友值得一試。

夜晚諗唔到食咩，就近近哋試吓呢間小店睇咗咩料一陣就決定咗叫二人套餐 $248揀咗酸菜魚 口水雞 雞翼 同埋麻辣皮蛋套餐有兩碗白飯 ，個酸菜魚比想像中大份 本身驚太辣所以叫咗小辣，不過下次都可以試吓中辣 ，味道正正常常 夠酸 雞翼炸得好脆 ，外脆內軟，唔乾 不過覺得太淡 ，加返少少鹽應該會更加好食個碟口水雞我係幾欣賞佢嘅青瓜😂 好入味口水雞味道就正正常常啦叫咗杯凍檸茶同埋檸樂先係 $262 兩個人係絕對夠食得飽 仲要唔洗加加一但服務態度幾好 👍🏻 會再encore

來到觀塘，唔想食連鎖店嘅出品，所以就行下行下去左這個商廈，這個商廈有幾間小店，我求其揀咗這間，因為見到有米線😅因為今日唔想食飯。午餐有飯亦都有米線餐，我點咗酸菜滑牛豬腸米線配凍檸茶走甜先上凍檸茶，檸檬2片，茶味係有👌🏻🍋等咗陣唔算耐已經有得食，米線軟硬適中兼且份量唔少，配料有香芹、豆腐泡、大豆芽、荽茜、酸菜、蔥，滑牛和豬腸都好多片，滑牛冇乜牛肉味，豬腸正正常常冇異味，酸菜都係冇乜酸菜味，但係個豬骨湯真係好濃豬骨味，全靠這個豬骨湯底，整碗米線就好好食，不過真係成碗食唔出酸菜湯味，如果當係豬骨湯米線的話就真係比較適合。店面唔算大，店員企向店門推介，入到店都有店員好親切走埋嚟問我想食什麼和介紹一下午餐，枱面整潔，唯獨是油煙比較大，我已經坐近門口離廚房頗遠，都成日一陣油煙味，這個希望店主注意一下。

🐟🥢🍚惹味煲仔菜小廚☑️藤椒煮龍躉 -$98食龍躉Again，今次係好似酸菜魚咁用酸菜湯上，龍躉片幾滑，份量ok, 配料有芽菜、豆卜、娃娃菜，仲有啲薯粉。晚市套餐配左碗白飯同飲品。☑️xo醬茄子蝦球煲 -$98用煲仔上熱辣辣，煮得超好味😋個汁好惹味，滲入晒蝦球同茄子肉裏面，淡淡香口，撈飯一流。而蝦球大大隻，有五隻甘多仲好彈牙。呢個都係包白飯同飲品嘅晚市套餐。☑️酥炸鯪魚球（4粒）-$32炸得香口，好大粒，幾好食，比左豉油點，但覺得吾係好夾，最後撈左茄子煲個汁食🤭☑️熱菜蜜晚市套餐包熱飲，凍飲+$3，沖得幾濃

落雨系公司樓下食lunch，新哥算唔錯的選擇。雖然有少許偏貴，以茶餐廳來計。不過咕嚕肉非常出色，外皮薄脆內裡嫩滑， 甜酸適中。酸菜魚個魚肉幾多，魚片都滑，但湯底稍嫌欠缺酸菜魚應有的香味，酸味也唔夠。個粉絲煲都OK好食，夠味。小食方面，凌魚球都出色，拍青瓜辣雲耳不過不失。有一個問題，店鋪環境來講比較擠逼，而且空氣中彌漫一股豆瓣醬發酵的類似臭味，同辣到嗆鼻的味道，形容唔上來，望可改善。

和男友来观塘买chiikawa，刚好路过这家店，男朋友想要试试。点了招牌的麻辣鱼和水煮牛肉米线，中辣，吃得超级爽。汤底很够味，用料也足，店里姐姐也非常友善，两人吃得很开心，性价比很高，推荐大家来吃!

門口招呼 夜晚九點入坐 幾枱客無搭枱 無限時 無催鐘 無趕收工有禮貌 有推介 有紙巾 有八達通一人雞煲餐 可調辣 賣相好 味道好雞件肉多 四五隻鮑魚仔 份量夠連特飲 性女價 物有所值香港小店 高質難求 希望保持到要寫二百字有d難 明白以防有人亂寫食評 但亦可能阻礙有心人報評論 好似我咁好少出評論 偶然遇到一間小店非常唔錯想鼓勵一下 你又搞到要小學生作文咁 平台雖大但都應該要合乎人性 如果唔係就越黎越無公信力 請考慮把字數要求減少 方便想鼓勵香港小店但又無時間既人 thx

唔係好餓 返工等到14:30先落街食飯下午茶時段減$10😍吸引左我去食$46麻婆豆腐飯 送埋熱飲 抵到爛份量係正常lunch份量 感覺無變細份到叫左小辣🌶️相當於譚仔10小辣啖啖豆腐同肉碎 份量都夠哂撈飯辣多過咸 如果咸返少少就好個汁都多紅油 同有啲「結」身唯一不足係 有啲米飯大小嘅軟骨 食嘅時候要小心啲見下午茶減$10 下次會想試埋其他餐Btw 呢度收現金 仲可以轉數快🤙🏻