新味道 (已結業)

第一次在openrice寫食評，就是最後一次了。寫新味道應該是最後一次了。新味道 由佢第一間舖頭在寶盈開張，就開始光顧了。它的早餐、午餐、常餐、茶餐、晚餐都食過無數次了。你話佢超級好味又談不上，正正常常吧！當以為找到自己既飯堂時，寶盈店就突然結業。最後發現它在富康重新營業，那種失而復得的心情喜上心頭。到今天，新味道又宣布要休息停一停了！😢 將軍澳既茶餐廳越嚟越少了。再見了👋🏽新味道你既味道永遠在心中！

新味道茶餐廳職員態度惡劣，明明已掃安心出行，不信客人又要多掃一次，食品又非常一般，難怪經常有空位。早餐選擇不少，但味道就是一般般，只是街坊沒有選擇下的就腳之選。

很少會去將軍澳站那邊打滾，就算去，都只是會去POPCORN﹑將中﹑將廣這幾個商場。是日表弟就從富康花園那邊外賣午餐給我吃，就是從新味道這家茶餐廳買回來，沙嗲牛肉公仔麵配奄列及牛油方包！沙嗲牛肉公仔麵，牛肉大塊，肉質鬆軟，份量足夠。外賣回家，公仔麵的麵質也不會太稔或發漲，仍算爽口～～～沙嗲汁夠香濃惹味，連公仔麵都吸收了醬汁味道！好食！奄列及牛油方包的質素普通，沒突出之處。雖然用發泡膠盒，但盒內不會有倒汗水弄濕或弄軟方包！奄列是偏熟的狀態，沒有蛋汁，火腿絲份量尚可，奄列的調味恰好。熱檸茶，味道不會澀，檸檬味剛剛好！區內大商場的冰室或茶餐廳多是連鎖經營，街坊茶記將來或會買少見少吧！既然食物味道不錯，偶爾也會光顧一下這些街坊茶記丫～～～

我最喜愛港式早餐既combination 係沙爹牛肉+炸菜肉絲 但唔係咁多茶餐廳可以揀呢個組合而呢到早餐menu 有好多野揀而我揀呢個係全日都有孖寶餐 （三寶+$5）我好貪心 早餐叫三寶 加埋雞翼🤭老公就揀沙爹牛肉通心粉 腸仔 太陽蛋 （燶邊架😍）配多士牛肉有咬口 唔係拿到無晒味果d牛而沙爹我係鍾意沙爹味重多過花生咪重 又唔會咸到洗腎呢間好岩我口味同埋我好鍾意呢間既辣椒油🌶 話明港式早餐 點小得一杯熱奶茶 呢杯做到奶滑茶香👍🏻 比例好好 唔會奶味太重cover晒d茶味，又唔會𠝹口。早餐飲杯靚奶茶 成日都會好心情😌

今日突然行過將軍澳，諗住搵間茶餐廳食個午餐，點知一食有驚喜，呢度位置算太大，但係服務員點餐同上餐速度10分快，今日叫咗個沙嗲肥牛通粉，同埋餐肉炒蛋，講吓個沙嗲先，味道好濃郁 同出面食開既真係無得比！唔好睇好似好簡單咁，要整得好食真係考功夫，完全比得上舊式茶餐廳嗰種風味，炒蛋都好好食 唔會太熟太老！杯熱奶茶真係要讚一讚佢，茶香濃滑，我飲完都忍唔住買咗杯外賣俾屋企人試下，連佢哋都大贊！呢間茶餐廳算係比較新式，地方乾淨，食物不錯，價錢$40左右包涷飲有交易，見隔離枱食個碟頭飯都讚不絕口，下次有機會都想黎試埋佢！

今天在附近爬山，下山後在附近走走，累了剛好看到它，就進去了。雜會炒河 $56一來，熱辣辣的~看下去，火喉很好~~牛雜豬肉都很嫩，而魷魚就很有口感~~其實都很滿意~~~而河粉跟料是分開弄的~~~食前要先混和~~蠔仔肉碎湯飯 $48蠔仔很多，而且很鮮甜，不想多食可以試一下~~

同屋企人近近地，Weekend食個早餐，去左富康花園 geh 新味道，環境就麻麻啦，不過都預左geh，無咩所謂  但人流非常多，要搭枱，咁我諗應該都係好食geh! 唔係邊個咁多人呢  雞扒+太陽蛋+多士+凍奶茶，呢個係我去邊度都叫的combination hahahaha ! 個雞扒真係非常非常有驚喜！嘩！！會唔會蝕本架，真係成半隻碟咁大塊wo！自問都好食得，但都分左一半畀屋企人：ｐ而佢就叫左牛公仔麵，基本發揮啦。但呢兩個餐先係$70埋單，淨係塊雞扒已經好令人surprised，一個唔錯的早餐experience lol 

點解我咁靚仔，但係就冇晒啲頭髮。咁又真係幾慘既。點解佢唔係特別好食，裝修又唔係特別高檔。佢要收多你幾蚊？因為佢......獨市囉⋯⋯係呢條唐明街，富康花園既角落，得街市，醫館，五金鋪，同埋呢間餐廳。你係隔離將軍澳運動場或者單車館做完運動，附近最近既，應該係呢間餐廳。雖然我話唔係特別好食，但唔係差既。不過你要我講有乜好呢，我真係講唔到囉⋯⋯餐廳入要冇廁所，要行十幾個鋪位，搵廁所好唔好呀？就係冇話唔好格，咁你有冇得用廁所呀？有喎！咁既然有得去，你可以寫負評咩？我下次會唔會幫襯呢？我去單車館玩既話，我一定會幫襯。

行行吓見有啲肚餓咁就入咗去食望落去都幾大間鋪面都幾乾淨企理卡位都幾多下入到去就坐左落個卡位度睇咗一陣Menu猶豫不決因為茶記實在太多選擇啦最後同朋友分別叫左兩樣嘢椒鹽雞中翼 配飯同中湯 ($72)一黎到個小炒好香好惹味🤤 顏色豐富 份量十足 大概有八隻雞翼 佢啲雞翼炸到鬆脆 咬落去仲有少少肉汁 啲椒鹽令到雞翼更加出色 辣辣地幾過癮 送飯食一流 仲要幾開胃個中湯係粉葛赤小豆黑豆豬肉湯 冇落味精 好難得有間係唔落味精嘅中湯值得讚許仲要煲到同媽媽煲嘅味道差唔多一樣 勁大碗湯渣都幾豐富下間唔中飲下啲湯都唔錯雞扒煎蛋通心粉 熱檸茶（$36）煎蛋係荷包蛋一咬開全部蛋汁爆係你個口入面好正雞扒有啲乾 肉質比較硬身少少算係不過不失啦

新一年第一天開工日，最不想上班的日子竟然有人駕車送自己上班，真是一件幸福事時間尚早，於是我倆在公司附近吃早餐坐底見到檯上有宣單寫住用QR code落單於是就試一下， 原來現在的科技真發達，連店員的人手都可以節省研究好怎樣下單後，最後我選擇了「榨菜肉絲公仔麵」清清地都唔錯，以往係食開沙嗲牛肉麵佢榨菜肉絲都唔算好鹹配埋煎蛋多士，雖然沒有烘底但再夾火腿同蛋一齊食，味道都唔錯喔食完整個早餐，真係一個Good-morning ～

我開始沉迷那一個捉精靈的遊戲了，令本來在好地地在坑口轉地鐵的我，會好無聊地走到去將軍澳站才上車。第一次行，穿過了將軍澳運動場，面前的屋苑，叫做富康花園，而富康花園也是將軍澳區少有的地舖銜市。而想尋找早餐的我，一眼就見到這《新味道茶餐廳》，咁就一於試試新味道。我的早餐，食來食去都是公仔麵，好少會變，所以都是一碗雞扒麵，選兩個餸的話就加了一片煙肉，因為少有嘛。麵的味道是不錯的，因為湯底夠味，而且這是祛皮的雞脾扒，入口夠香滑，加配煙肉後，整體味道更香口，成個麵給我的感覺是十分好。奶茶有足夠的奶香味，入口也夠滑，是一杯真正的香滑奶茶。不錯的早餐，我食得好開心。

小妹每次最期待男友車自己番工因為每次都會係依度一齊食早餐早餐多選擇，份量都幾多食左都可以飽到晏晝飯唔駛食每次黎都係必點沙嗲牛麵果個餐因為佢牛肉都幾大塊其他都好足料所以都值得每次咁黎食早餐不過見佢午餐餐牌就有少少貴但因為我地食開係早餐，所以無所謂呢

放假約晒肥髀啲同學仔去嬉水池玩，點知暑假改了場次時間！要1930先夜場，打亂晒大家嘅程序！唯有先去食啲嘢打發時間，泳池附近都無餐廳，要行到去單車公園附近屋苑先有！揀茶餐廳大家都可以揀到食物！地方幾大，橙色裝修好搶眼！坐最入方枱！因為剛剛過了下午茶時間，所以叫了個晚餐！餐湯：忌廉湯，好杰身，忌廉榚咁！味道似罐頭，又無乜配料！一般！咖哩薯仔雞飯（$42）可以揀意粉，本來無祈望，點知上菜好驚喜！咖哩好濃好香，唔係黃色醬汁！味道微辣，薯仔入味，雞肉係雞髀切件，肉質好滑！咖哩入味！白飯鬆軟幾香！茶餐廳來講，好好味！凍檸茶：夠凍，茶底濃而唔澀！正常！雞翼紅腸出前一丁：朋友食脆豬仔：朋友食食物唔錯！店員阿姐就比較粗心，我味一杯凍檸茶，一杯凍檸水，結果變兩杯檸茶！通知佢雖然即改但黑面！街坊生意茶餐廳！

是日跟朋友在茅湖廢堡行山，終點在靈實醫附，由於沒有吃午餐，所以出到市區就找個地方吃個下午茶。其中一個同行朋友較熟這個區域，他說這茶餐廳價位親民，我們就一同試試。茶餐有十多款選擇，輕食和飯麵都有，價錢由$28至$36。炸雞脾配薯條+凍檸茶($31)行完山雖然有點肚餓，但又不想吃飯麵或麵包，所以就選了啖啖肉的炸雞脾。雞脾份量都算大，雞皮不像舊式快餐店的生炸般脆卜卜，只是帶點微脆，不過幸好雞肉嫩滑得來，也夠味。薯條是波浪形比較多肉的那種，帶點微脆，也不會過鹹。雖然凍飲要另加$3，但行完山正感口渴，最需要的就是一杯凍飲，茶色雖較深，但入口沒有澀味，甜味和檸味都適中。總結，屋村茶餐廳食物不大講求質素，最緊要是性價比高，以三十元能吃到一個茶餐，在這物價高漲的年代都算是合理。

這間是我的飯堂，不是因為很美味，而是因為近、較商場食肆便宜...這次來吃下午茶，叫了炸脾薯條，竟然有驚喜！吃了這麽多次，第一次有衝動為自己飯堂寫食評。(亦是我第一個食評)