新口味

營業中

休息中

玉崎部落格 ～ 美食篇 120725 今日午餐去荼餐廳名叫”新口味” 位置在荃灣廣場附近也相當便利 之前有試過下午茶餐, 今天就點了午餐F 焗鴛鴦汁豬扒飯 $66餐湯點了西湯羅宋湯, 第一次見餐湯會給一大碗, 而且份量很足味道也不錯, 難怪附近的食客也是選西湯😅焗飯有2款汁, 不過白色那邊味道很淡吃不出是什麼味道🤔, 而紅色番茄那邊味道比較好汁料配上炒飯底很好吃 豬排有4件也很軟滑整體份量也多, 我還點了凍檸檬茶總結：$66配凍飲 價錢可以,，味道不錯，份量也多,，我還會再光顧呢!😊#荃灣#新口味#玉崎部落格

曾經的珠三角自由行，四圍找豬雜粥吃！之前揸車經過沙咀道144號這茶餐廳，看到只限早餐時段的“豬雜米”，今天（2025/04/06）總算本地“自由行”找午餐，過了1200也碰碰運氣！正餐也有豬雜米，正價是$65，而且是套餐，包任飲羅宋湯及一杯餐茶。羅宋湯，湯味濃郁，好多蔬菜，還吃到黑椒粒；豬雜米，豬雜及米粉兩大碗分開上枱；雖然沒有“豬肺”，其他如粉腸處理得非常乾淨，豬潤當然沒有深水埗那豬潤店的厚身及那麼大片，都絕對可以接受，還有豬雜碗內有幾粒豆腐和幾片生菜；加埋家庭式管理好招呼👍超出我的預期！

平日食飯時間，想去荃灣搵個泊車位食飯都比較難咁啱咪錶位附近有間餐廳坐底嗌咗兩個餐芙蓉煎蛋飯，入面都幾足料芽菜，哈，火腿，蔥煎得幾香口，仲有啲豉油汁好快就清晒成碟呢個就係朋友食嘅鴛鴦汁豬扒飯，佢話夠熱，其餘都好普通另外值得一題嘅佢哋碗例湯係紫菜魚蛋湯（三粒魚蛋🤣）幾特別～～仲有佢哋餐廳可以坐出面食下煙感覺有啲似大排檔🤣不過最緊要嘅就係方便睇車👍👍

先前經過荃灣新口味餐廳幾香，今日一於嚟試。叫左兩個下午茶餐，黑椒牛柳意粉同芝士豬柳漢堡配薯條。芝士豬柳漢堡配薯條為中伏嘅開端，賣相唔錯，一打開個包，嘩嘩嘩，得一塊一包tempo紙巾咁細嘅豬柳由上圖可見，塊豬柳係個包嘅三份之一咁大，其餘就食牛油配空氣。中大伏呢個Size嘅豬柳，市面難尋，經過一田見到18蚊4塊既豬柳都仲大過佢。而且個包唔係漢堡包，係豬仔包然後薯條中下水準，唔熱，無特別。跟餐嘅華田，落好多奶，似飲奶多啲。然後，再上黑椒牛柳意粉，大細都不需多講，見圖味道方面，黑椒汁，牛柳，意粉，三樣嘢各自為政，倒埋一碟，Hea到爆。黑椒汁重黑椒味，然後無其他味啦牛柳都算軟林，但無牛味意粉正常啦，食完仲餓嘅份量。總結，可作晚餐開胃前菜，播緊無線新聞

單點招牌豬扒包是$30 ，下午茶餐是$34連沙律和熱飲，我們當然是選較化算的下午茶餐。招牌豬扒包果然很不錯，麵包是雙面烘過的，咬下去外脆內軟。豬扒大大件，肉質鬆軟，不會乾，有肉汁而且香口，啖啖肉。雜果沙律的份量足，有桃、菠蘿、車釐子和蒟蒻，口味清新。最後慢慢喝熱菜蜜和熱檸水，非常滿足飽肚的下午茶。

噚日(7-10-2019 Mon)重陽節假期,老公一人早起睇早場,我就差唔多時間去會合佢一齊食嘢,我哋唔喺荃灣廣場搵嘢食喇,走出大壩街,茶餐廳嚟講,紅茶冰室排長龍,於是行去享和街,原來享和街冇食肆,再向沙咀道行,見到呢間,咁試吓啦.入到去,啱啱都有兩個位,睇吓menu,好特別,成本colourful嘅書,已經好罕見.我就要$34.00嘅美式庵列配牛油多士,飲熱奶茶.老公要$38.00嘅公司麵轉米粉,要熱檸水.落單時,老闆話美式庵列要等耐啲.兩杯餐飲到嚟,熱奶茶口感滑,奶味重啲,但唔濃嘅茶都飲到未撈勻嘅澀味.味道:1.5分之後老公嘅公司米到嚟,餸嗰方面有紅腸,餐肉,火腿,腸仔同煎蛋,而睇見湯底有如清水咁清澈,老公一食條腸仔就大叫好鹹,我問佢個湯係咪好淡?佢答係,咁啱啦,撈勻嚟食就啱啱好.而我嘅美式庵列配牛油多士,足足要等多10分鐘至到嚟,即由落單起計,等咗15分鐘.美式庵列大大份,切開睇有咩餡先,有腸仔,火腿絲,番茄同…冬菇,竟然有冬菇.庵列蛋煎到全熟,完全冇蛋汁,味道清淡,都啱嘅,仍同冬菇夾埋鹹腸仔食,又未嘗唔係一件好事.味道:2分牛油多士嘅牛油份量啱啱好,唔會太少,而且熔到滲咗入多士