影片
以上資料只供參考, 請與餐廳確認詳情
荃豐中心商場早前有間食店受筆者注意，這店新開張試業時已試過，之後因為他們的豬潤吸引，以荃灣區來說，它會令筆者回頭⋯⋯早餐由8:00am-11:00am 平均以$39-$43，還可以另加兩個項目，配粉麵類也算多選擇，都幾有彈性。另外餐牌也有火鍋配料提供，筆者由於被他們的豬潤吸引，家中火鍋時試過專程過來買:豬膶、雲吞及水餃，還有炸魚皮，這四款都幾好，只是略嫌水餃太大粒，家中老人家未受吸引，相反對小朋友又很喜歡喎！筆者在火鍋配料中就很喜歡他們的炸魚皮。另外早餐中，他們的辣椒油及辣菜圃配粉麵，相當夾檔，筆者並不是嗜辣之人，但也覺得辣度適中很惹味。由於筆者早餐很少飲奶茶的，所以多數點了齋啡，但以茶餐廳的齋啡來說，已是合格之選，後來才知道他們的奶茶也受歡迎，下次不妨一試。豬潤通粉$39~喜歡他們的湯底有陣陣的薑味外，更有粒粒韭黃，豬膶配薑絲，還可以加煎蛋及火腿，一次過三款不同口味，開心滿足。整體來說早餐配熱飲$40有找，所以吸引到筆者久不久到來。
繼續閱讀
前日（26-4-2025 Sat）朝，同老公食早餐，重有半個鐘都就到lunch time，但都要食早餐先， 我哋經過呢喥⁷睇下出面早餐餐牌，見到有炸醬麵，好耐冇食炸醬麵喇。老公話係微辣，但我其實記得以前中學時代食過炸醬麵係唔辣，但今次試下啦。我哋坐最後一張圓枱，我就揀$39.00嘅炸醬河，要香腸紅腸，飲熱豆漿。老公就要$43.00嘅南乳豬手，加$10.00要撈粗麵，揀咗煎蛋同香腸飲熱檸茶。冇耐兩杯嘢飲到嚟，豆漿有少少偏甜但接受到，亦有豆味，但只係暖豆漿；我冇試到老公嘅熱檸茶。3分然後我嗰份到嚟，睇見份量都唔係多，湯係熱騰騰夠味，河粉係滑嘅，炸醬就唔微辣同酸酸哋，可以話係中式免治牛肉，不過啲豬肉唔係肉碎，香腸同紅腸都正常冇乜問題。4分老公嘅南乳豬手撈粗麵到嚟，我試咗佢一件豬手，夠腍夠味冇肉膻味，唔錯嘅，老公就話啲麵食到鹼水味。5分服務：好好，好有禮貌。當上南乳豬手撈粗麵時，同老公講都已加咗啲南乳汁，重問老公要唔要蠔油？老公答唔使。佢話如果要再出聲。環境係3.5分， 抵食係2.5分
繼續閱讀
#小秘書 一向對 #雲吞麵食 有種 #情意結❤️ 簡簡單單用 #蝦籽、#大地魚 熬製嘅湯底，再加上 #鮮蝦雲吞，有時甚至可以比美 #珍饈百味 😉呢日因為約咗整指甲未夠鐘，誤打誤撞嚟到 #荃豐中心！兩點幾仲未食lunch嘅我，本來諗住去拮串魚旦頂住先，行一陣再搵食！點知以往搵幫襯開嘅小店都執晒笠😅 咁啱比我見到商場新開咗間 #麵店「新占記」，佢個裝修都幾特別，以舊式茶檔為藍本，而且裡面都幾多食客，一於試吓師傅嘅手勢！餐牌上都以雲吞麵食為主打，當然仲有其他食材做配搭！我嗌咗碗 #雲吞河，另加$10要咗碟 #蠔油芥蘭，目測份量都幾豐富！勁大碗嘅 #河粉，配上大大粒 #鮮蝦雲吞，餡料非常豐富，不過原來只有三粒 #雲吞 做餡... 唯有用湯底同芥蘭做陪襯😅 坦白講，佢哋嘅湯底真係唔錯嘅，飲落口有淡淡蝦子嘅香氣，就算唔加料都可以送碗齋麵落肚😉小店的確有佢吸引之處，大家有機會過開嚟荃灣，都可以去試吓呀！#荃灣美食📍#新占記麵食 (荃灣)青山公路 - 荃灣段144-172號荃豐中心1樓B03號舖
繼續閱讀
今日叫了淨雲吞外賣，這間的招牌雲吞皮薄餡靚，是原隻蝦加少許豬肉做餡料，大大粒，好有口感且好抵食。湯底方面，味道適中，不鹹不淡。價錢方面，39 蚊有四粒雲吞，以原隻蝦做餡料的話，這個價錢算是合理了，期望下次再試其他食物！
繼續閱讀
您可能會有興趣的...