影片
港鐵觀塘站 B2 出口, 步行約5分鐘
繼續閱讀
電話號碼
31042200
營業時間
今日營業
11:00 - 00:00
星期一至六
11:00 - 00:00
星期日
18:00 - 00:00
公眾假期
18:00 - 00:00
以上資料只供參考, 請與餐廳確認詳情
新匯聚餐廳小廚位於觀塘，這裡是一個充滿懷舊氣息的餐廳，專注於提供地道的粵菜和小吃。餐廳的環境舒適，裝潢簡約，地點觀塘方便大家同朋友小聚。芝麻雞真的是這間餐廳的招牌菜式，外皮炸得金黃酥脆，撒上新鮮的白芝麻，散發著誘人的香氣。每一口咬下去，外皮的脆感與雞肉的鮮嫩形成了完美的對比，雞肉的肉質鮮嫩多汁，完全不會有乾柴的感覺，配合芝麻的香味讓人忍不住想一口接一口。芝麻雞半隻 $170椒鹽九肚魚拼椒鹽鮮魷的炸粉皮適中，既不會過厚，也不會因為太薄而失去脆感。九肚魚的肉質細膩，搭配椒鹽的香氣，而內裡嫩滑。魷魚同樣炸得金黃酥脆，彈牙的口感讓人難以忘懷。這道雙拼菜式非常適合與朋友分享，可以一次過試哂兩款炸物。椒鹽九肚魚拼椒鹽鮮魷 $165啫啫通菜在瓦煲上菜，保持了蔬菜的鮮嫩、原汁原味和溫度。啫啫通菜 $90主食簡左豉油王龍鬚炒麵，炒麵的麵條炒得非常入味，麵條的口感韌性十足，與各種配料如魷魚、蔥及芽菜的搭配，讓整道菜的層次更加豐富。每一口都充滿了香氣和滿足感，難怪咁多食客都有叫這道菜。豉油王龍鬢炒麵 $90點了一杯清甜的蘋果雪梨水，解渴又能中和油膩感，讓味蕾得到了完美的平衡。蘋果雪梨水 $20
繼續閱讀
#20250718 🤍📍 #新匯聚餐廳小廚 觀塘成業街15-17號成運工業大廈1樓101室➖➖➖➖➖➖➖➖➖➖➖➖➖➖➖➖➖#紅燒豆腐 $90💭 晏左收工諗住同啲同事係附近搵下咁夜仲有咩食啦，難得搵到間開到凌晨，呢個紅燒豆腐擺盤有啲西蘭花又有啲菇咁睇落幾高級😂不過味道偏咸，如果要叫呢個就建議叫多碗飯撈尼食🥦.#滷水拼盤 #小 $180💭 呢個有分size，4個人尼食個細既都夠晒，入面有鵝片、大腸、墨魚、豬耳、紅腸、豆腐、花生，真係乜都有，樣樣都好入味，個豬耳尤其好食，外淋內脆仲充滿膠質，的確唔錯👍🏼.#上湯粉絲蝦米什菜煲 $85💭 好豐富既什菜煲，雖然啲芥蘭又少少苦，不過唔岩仲有白菜仔、莧菜、小棠菜、芥蘭等等可以揀，清清地得尼帶有啲蝦乾既咸咸地，再配埋啲爽口既粉絲就無得彈🍲. #避風塘茄子拼椒鹽骨 $165💭 其實食完都分唔出避風塘同椒鹽既分別，總之係惹味既，個骨有少少柴口搞到食個茄子果陣都無咩期望，點知有驚喜，佢個茄子釀左啲滑入去一齊炸，令佢食落口感彈牙，推薦單叫茄子🍆. 🥢 #甜品💭 本身無打算叫甜品，但可能真係太夜未賣晒所以店員哥哥大贈送🤩啲馬豆真係可以用海量去形容，味道就無咩特別，不過感覺非常良好，佢地9:30後仲有折tim，算幾抵食🤭.#觀塘美食 #🐷在觀塘 #🐷_食
繼續閱讀
適逢爸爸生日，爸爸都比較鍾意食中菜，點心呀酒樓呀小炒大排檔個類，所以就揀咗觀塘呢間小炒嗰日我哋六個人叫咗一個羊腩煲，因為老闆大推羊腩煲呀，叫咗芝麻雞，一個鮮魷炒豆苗，再有一個冷盤，跟住老闆就叫我哋食住先，因為呢羊腩煲好大架，都怕我哋食唔晒但我就唔食羊，不過我屋企人都食到舔舔脷話真係幾好食，芝麻雞嗰皮炸到脆卜卜，然後同埋芝麻一啖擺入口，真係好好味，炒豆苗有鑊氣，見到隔籬枱有碟大腸到炸到好香好似好好食，不過我哋冇叫喇因為已經好飽😆😆然後再嗌咗一查佢哋嘅自家製雪梨茶，都係老闆大推㗎，然後我哋切埋個蛋糕，開開心心走人嚕整體我都會比85分呀💙💙
繼續閱讀
由返工時期食到而家次次去都坐滿人，環境熱鬧，員工雖然聲大大，但有人情味，會介紹你食乜好，多人叫得多又會叫你一間再叫，怕食唔晒，幾好👍🏻今次有未係度食過嘅椒鹽鮑魚，$100三隻，好抵整得好惹味，微鹹，口感彈牙，送酒相信仲正～今次食埋蠔餅，因為老闆不斷介紹呢個招牌菜蠔餅，即炸，見好多枱都有叫，好多蔥花、芫荽粒，有胡椒粉、魚露，幾夾薯仔牛柳粒次次都食，最鐘意，有鑊氣，薯仔同牛柳粒都好腍好入味，好好食
繼續閱讀
如果問呢間大排檔同其他有咩分別，其中一個最明顯嘅我會覺得係人情味🥺呢度啲員工全部都好好，會主動過嚟問有乜要幫手或者啲嘢好唔好食。有次同小朋友嚟食，佢哋仲會關心小朋友坐得舒唔舒服，要唔要搵嘢墊下張凳，所以好多時想食小菜，都會諗起呢間！加上佢嘅嘢食普遍都幾好食，特別係薯仔牛柳粒同埋炸蠔餅，薯仔加蜜糖甜甜地，牛柳粒又好嫩好岩送飯！而蠔餅勁大份，入邊好多粒蠔肉，炸得啱啱好，唔會好粉。佢有好多款唔同嘅菜式，基本上大人細路都會搵到自己想食嘅嘢。
繼續閱讀
您可能會有興趣的...