影片
今日係紅磡呢個foodcourt食個快餐晚飯，見呢間都算多人排隊所以試下～我叫左個菠蘿魚柳飯少飯，飲熱檸水～呢間舖頭啲野應該除左海南雞其他全部都係即叫即炒，望入廚房見到幾有鑊氣👍等左大約五分鐘左右就有，賣相算吸引～第一舊食既魚柳得塊皮，有啲失望😅試埋第二舊同其他，魚柳幾滑但略嫌有少少太淋，皮唔算厚但食落去亦已經唔太脆，味道酸酸甜甜幾好送飯既～啲菠蘿有種奇怪既酸味，我食左一舊就唔敢再食落去🙈青紅椒同洋蔥都爽口～總括黎講其實我覺得即叫即整既水準應該可以比宜家高，不過呢個價錢配合呢個味道同份量都算合理，下次可能試下佢啲炒河，因為見到其他人叫望落都幾吸引，而且見到廚房幾有鑊氣👍
繼續閱讀
我自己係讀PolyU嘅，大學四年入面，除咗食學校canteen之外，最多人食、最方便嘅一定係「都can」。「都can」即係置富都匯商場嘅food court，入面有好多餐廳揀，然後坐喺中間嘅枱櫈食，形式同學校canteen差唔多。而且呢度大部份餐廳都有特別優惠比學生。而喺咁多間餐廳入面，我同男朋友都係掫鍾意食新埡加坡南香風味館嘅。佢鍾意食海南雞飯，我就最愛喇沙。雞翼喇沙米線✨機本上，十次黎我姷九次都係食呢個喇沙嘅。佢除咗份量大，仲好好食，麵入面本身已經好多餸，仲有得揀雞翼/海鮮等等，都係$40零蚊，好抵食。而且佢嘅辣度唔太高，啱曬鍾意食少少辣但又唔係好食得嘅我😆我以後黎都會繼續叫呢個麵咖❣️
繼續閱讀
係紅磡火車站附近做野，果度係得呢個商場good court，諗住係food court 應該無奇望，但竟然都好食，姐姐服務都唔錯，性格比都算高雞肉質滑，油飯香，值得一試！！
繼續閱讀
海南雞飯一人餐海南雞肉質唔算鞋，但又未到好嫩滑既level，佢做到有小小啫喱，不過雞肉味就無乜，食到小小冰鮮既味道，但雞皮有彈性，整體都可以接受！醬汁有辣醬同薑茸，醬油要問佢拎先有！個人覺得辣醬同醬油最夾！娃娃菜份量算多，幾好味，新鮮，唔會話啲菜爛爛地！飯就落左雞油同香茅，唔會好油同好濃味，但食到油香，唔錯！份量都多，差小小食唔晒！野飲叫左熱檸茶，糖係佢會幫你加埋，細心位加分！foodcourt黎講質素都ok! $52 都可以接受！
繼續閱讀
今日黎到都會food court食飯，揀左個乾炒牛河，想食返啲有鑊氣既炒河～點知，好失望，碟河粉炒到碎晒，斷開一截截，好難夾黎食，得個鹹味，好後悔係呢間店揀左乾炒牛河！啲牛肉又極少，又碎，都唔知係咪無晒材料，隨便炒出黎既河粉！十分之失望，完全無晒食欲，望住碟油淋淋既河粉碎，食左唔夠一半就停口了！杯凍檸茶又係失望，極甜，好似飲糖水咁，好難飲！之前食其他炒粉面飯都無咁伏，今次既乾炒牛河真係令我對呢間店起左戒心了，要小心選擇食物！！
繼續閱讀