影片
營業時間
今日營業
24小時營業
星期一至日
24小時營業
以上資料只供參考, 請與餐廳確認詳情
叫了外賣平台外賣，好快送到。每次都選豬骨湯手攪麵。好多餸選擇，每樣都好想食，最後選了豬油渣東坡肉水餃手攪麵。豬油渣一定選，好食份量足，正到爆。東坡肉好少食店有，半肥瘦適中，入味，好味，水餃大隻不錯。送了包好正辣菜莆撈住的麵食 。
繼續閱讀
今日落雨，就費時再搵野食，見裡面有位就隨便入左去呢度食。去到叫左碗雞扒米線。出餐個時比我見到我碗米線上面浸住張飛！個啊姐拎出黎可以見到張飛係浸濕左三分之二！重點係佢仲若無其事照出碗米線比我，我唔知張飛係咪收銀姐姐出既+掂過，收錢對手幾污糟啊⋯但無論點都好，有張飛浸係米線湯裡面已經好噁心！而我都費時出聲照食⋯ 難食到呢⋯ 塊雞扒咬落去係淋啤啤，好明顯唔係新鮮，米線又軟淋淋，一啲咬口都無⋯ 小辣亦都完全唔辣，湯底好淡⋯ 下次唔會再入去食！
繼續閱讀
真係o左咀，一上枱見到唔對路，話唔要，只可換其他野食，唔可以退錢，仲同我講做生意係咁，我唔知真係我離晒地，食米唔知米貴定係點，41蚊得5件雞連雞翼尖，即係一隻全翼加2件雞
繼續閱讀
星期五晚，放工之後就同阿哥系觀塘買野，晚餐佢就話想去附近的新之食食。呢間店算系茶餐廳來，一坐低，睇左餐牌陣，就二話不說咁叫左兩道菜-十隻煎韮菜餃同埋一碟芝士焗石斑炒飯。韮菜餃系間店熱賣菜式，入面包的都系瘦豬肉，味道剛剛好，吾會太咸，入面的料都包得好充足，煎得亦都十分香口。餃子配上泰式甜酸醬，非常好味，每次食，都要嗌呢款菜。除左韮菜餃外，都有白菜餃選擇。另一道菜-芝士焗石斑炒飯。呢個飯系炒飯底，石斑都有兩大塊，加上上面有芝士，好好味。呢個飯都算大，如果兩個人去食，又吾太餓，都可以嗌呢樣share食。
繼續閱讀
第一次黎大家食食飯，見到價錢吸引，而且選擇好多就入左去。最平$29蚊就有一碗麵:茄蛋牛肉手攪麵！我地叫左咖哩豬扒飯同自選餸手攪麵。依度d咖哩夠香夠入味，夠辣，而且仲比好多咖哩汁。d豬扒雖然薄，但都大塊既，又煎得幾好食！送埋薯仔食一流！而手攪麵係煙韌口感，好食。蘿蔔好甜，而餃子係人手包既，依碗麵叫清湯都好好食，清得黎又夠味。總結依間餐廳真係旺角抵食之選！唔係得個平字，食物水準已經超越個價錢。下次再黎！
繼續閱讀