新中華飯店 (已結業)

收到日理萬機的朋友來電，竟然是約飲早茶?! 有得食，我當然樂意奉陪，只是起初並不明白為何要山長水遠去西環飲茶，原來這舊式酒家將於月底結業，我真是孤陋寡聞。比平時返工更早起身，準時到達目的地。好不容易才找到兩個唔使搭檯的位置，坐落四周圍看看，談談近況，便開始覓食。依我所見，客人大都是上年紀的公公婆婆，跟我預期的景況沒兩樣。若不趕時間的話，可以劃點心紙，阿姐會逐樣的送上來。想親力親為的，拿張點心卡出去自取，也可以。我們選了一些大路點心，一兩款懷舊的，湊成了豐富的早餐。時菜牛肉球，吃得出有陳皮香，味道亦都對辦，但係三粒牛肉之中只有一粒混入了馬蹄，很不均勻。我還是喜歡有陳皮香又有爽口馬蹄的牛肉球，口感會較為豐富。所謂的招牌蝦餃皇，皮是勁厚，吃起來也是乾巴巴的。蝦不很大隻，但味道尚算可以，還加入了筍在內。說差嘛，不是，卻肯定算不上好吃。稱之為「招牌」，似乎有點牽強。蘿蔔糕的蘿蔔份量很足，可是腊味的成份太少，感覺不合比例，而且煎得不夠香口，只屬中規中矩。叉燒酥相對好得多。送上來時仍是熱呼呼，看上去很豐滿的，咬落亦十分鬆化。雖然餡料的叉燒唔係好多，但不會太甜，感覺不錯。但原來，這已是全日最出色的一款

西環的新中華,是其中一個"老字號",起碼坐西環小巴,一叫新中華有落,個司機會明白.上一次到新中華是外賣燒味,如果要數到上一次在新中華堂食,要回到千禧年頭,與幾位朋友在此晚飯.早前曾經有好幾次入來想找個位飲茶,但每一次來,不論平日假日,早上也是坐滿人.找個位搭都難,是日早上剛好找到近門口的空位.即刻坐下,無須調頭.點心不花巧,沒有點心紙給你,只有走出去點心車,看到有什麼就吃什麼.結果,拿了珍珠雞,鳳爪,蒸粉果,棉花雞回來.沒有蝦餃燒賣,也沒有相干.鳳爪夠惹味,珍珠雞內很足料,糯米不是黐立立,粉果外皮厚薄適中,包著的蝦肉爽甜,棉花雞的吸引力,永遠是魚肚.四味點心加濃茶,報紙送點心,非常阿叔格,事實上時下年青人,很少會獨個兒,或與同輩朋友上酒樓品茗,因為感覺老土,要吃點心,不如去點心店?要看報紙,上網用iPAD睇都得.但我很守舊,還是享受拿著報紙,去嘆茶的感覺.自己用茶壺沖茶,拿報紙拿到一手墨,感覺始終比較實在.埋單時女掌櫃好奇一問:{我見你拿住部相機左影右影.你係咪在外地回來?}我:{當然唔係啦,係十年無來過,上次都未裝修............}說

i had been to lin heung for too many times and this week, we had decided to seek a new location for our sunday morning yum cha. my ma and i noticed this outstanding chinese restaurant when we visited 'cheung heung' for breakfast. she said it has a long history and my grandma used to visit it too. we had little problem finding a seat, although we had to share a table with other eldery people - matter of fact the average age there was around 60, and i was the youngest at that place until a young c

成家人出街,發現搬到西環兩年有多後,都未食過佢.就決定黎試一下.班頭腩, 煲他上, 好夠熱, 火腩過咸, 班頭腩足料, 但味道普通. 可以 脆皮蒜香雞, 好細隻, 肉幾滑但冇乜味!鮑參翅肚鯗, 88數窩都預左係平料. 正常水平.冇特別記憶. 介蘭炒臘味. 唔算夠鑊氣, 又係不過不失.咕嚕肉,冷冷地,太淋唔脆,唔多得.送糖水, 紅豆沙稍可以.但都好稀, 西米露,怪味冇椰汁服務:樓上轉角位經理服務不錯, 野食係一次過黎晒, 但每味都唔特別亦唔叫好食但又唔難食. 不過以依個價錢,西環新開既嚐喜, 舊有既德記, 會比依間所謂老店更值得食. 基本上都唔打算再回頭.

星期六去咗西環新中華飲茶，點心整體味道一般。凰爪唔夠入味；叉燒包餡料少唔好食；粥品味道麻麻；燒賣、蝦餃、排骨等OK。叫了一客海鮮炒飯，飯粒略為硬身，海鮮有魚、蝦、帶子等，全部細細粒，份量尚算合理。要飲茶，應唔難揾到更好選擇。P.S. 洗手間好污糟，要扣衛生分。

I have been there a few times for dim sum, only because it is by the bus stop where I get off and it is very visible from the main road. However, each time I visited I was greeted with rude services, esp. by the head waiters and the grumpy ladies behind the till. The food was so so even though it is cheap after 2pm, it was not enough to put up with the bad services and attitude. I have also found a better alternative nearby and swore never to go to Sun Chung Wah again.

尋晚老婆嘅姑姐姑長叫到，嗌咗一個套餐，飲咗幾枝啤酒，加咗一碟燒腩．燒腩皮脆肉嫩，瑶柱羮味度適中，乳鴨稍勝沙田火炭嗰邊，西蘭花帶子吊片火候剛剛好，西芹炒班片及豆腐班煲同檥美味，而且樣樣都無添加味精．不過，ｄ嘢來得太急，搞到成枱都係又食唔切！服務算ok，起碼換換骨碟．總結，順道就值得一去，但特登遠到而來，就不大值啦．

又係過期食評。新中華是街坊老店，間中都會來這裏共聚天倫，因為貪佢價錢公道，質素尚算穩定。但今次就有d失望。是晚一家五口在此開餐，由於是周日，訂左6點準時到達。點了粟米魚肚羮、燒乳鴿、西蘭花帶子、枇杷豆腐、生炒排骨。基本上d餸都算過得去，但批杷豆腐就太多粉，失去了應有的軟滑，沒也有魚肉和豆腐味。生炒排骨也炸得太乾，肉質都流失了，變了柴皮。吃了幾件，那天晚上便喉嚨痛。吃完差不多7:15分，待應催我地埋單交枱，仲話有人訂左7點，等住我地張枱。嘩，由我們坐底至催我們交枱，只係1小時15分鐘咋喎，訂枱時你又唔早講？攪到好似係我地遲交枱比佢咁。好，既然都食完，我地就走。但咁既服務，咁既食物，下次都係去第二間。

年初二晚經過呢度，見到有人喺出面等緊位，湊吓熱鬧，順便入去問吓有無兩人檯。好好彩，唔使等位，算係意料之外。老字號飯店，有質素保證，大大碟，算抵食。天氣咁凍，叫咗個熱辣辣煲仔菜- 茄子班頭腩煲，一上檯已聽到“咋咋”聲，食完成身滾熱辣，暖晒，不過呢個煲略嫌鹹咗d。仲有金銀蛋浸菠菜，大大碟，味道不錯。最喜歡呢度送既糖水，水準絕對不俗，要咗兩碗不太甜既麥米粥，連男友都大讚好味。

3/11/2007 早因為明知今日好busy無時間食lunch~起度buy左個點心外賣豆苗餃~個水晶皮唔會太厚，個餡仲有隻幾大gar蝦，豆苗同肉gar份量剛好~不俗雞包仔~一向都好唔好~因為成日食到有怪味，因為想食包，又得番呢種，所以都照叫~好少見雞包仔個餡有蝦，食唔到有怪味，仲好好食~難得難得我過左45mins後先食味道亦不錯~咁都係$16

當我讀幼稚園的時候,我爺爺嬤嬤經常同我去新中華飲茶,但後來,新中華是關閉了一段長時間的.但亦在很多年後從開,所以專登同男朋友去一下我小時候飲茶的地方.我們上了閣樓,好多好多茶客,男朋友說這裡好特別,他從未去過咁舊式的茶樓.點心依然熱騰騰,蝦蛟燒賣大大粒,用的材料絕不馬虎,絕對好食過現在新興的酒樓.但是星期6一到下午茶時間,點心很快便賣得77 88,再落單都冇得食.還好,保證食物新鮮,怪不得茶客那麼多.

今日康哥找我吃飯..咁有心..當然要坐得舒服d 啦!!同朋友一齊...三條友最後到這裡..泠氣夠..十分企理..差不多九時,,都要等了等..叫了粟米班塊...excellent..吃到最後一件也是脆的..不會太厚粉..沙爹牛肉煲..味道好好...可惜.好像是粉絲金茹煲..不見牛肉..魚湯雜菜煲..好多款菜..也鮮甜10元3支blue-ice ..叫了2 round...看著2男子不停..飲酒..食烟..吹水..其實都好開心!!!一定會再來...十分抵...宵夜特價..138元

朋友同我吃晚飯..坐得好一點..就試下...8時..都算人多..但也可以直入..好光猛下..不太肚餓..叫了酥炸生蠔..我的最愛....好好食..真的好好食...食到最後一隻都是脆的...可見師傅技術好強!!!翠塘豆腐...這個完成唔掂...沒有味道..得個旦白獻..幾片超淺菜心片..二隻雪藏蝦仁..真的2 隻..一d雪藏雜豆....最後要自己加辣椒醬.....too bad啤酒10元3支...一碗白飯共120元

15 Jan,2006 星期日一家人食lunch,爸爸先到搵位。1時多到達,很多人,要撘枱。我們食了:馬拉糕、叉燒包、蝦餃、綿花雞、鯪魚球、金錢肚、豆苗餃。每款點心的水準依然很好。媽咪還點了煙鴨胸:落單是侍應說午巿不知有沒有。幸好有。上枱時很熱,應是即燒的。肉質軟滑,煙味不算濃,值得一試!!埋單: HK$168提外話:坐樓上是劃點心紙。今次第一次坐在地下一層,要出去拿點心。我和二家姐出去拿了5籠,已"出手"準備拿回位,阿姐很親切又好笑容,替我們拿,服務很周到呢!!媽咪本想再點食物,但因為撘枱安排混亂,最後食完點心就走了。我和媽咪到收銀處埋單時,收錢的阿姐對我們說:"你們真係好,肯讓位俾佢哋。"因是我們主動讓位的。我對她說:"唉..讓又唔係,唔讓又唔係..!!"下次不要撘枱!!還要坐樓上!!(服務4分是給點心阿姐及收銀阿姐的,安排撘枱的侍應及部長就...唉..!..~_~;)

7 Jan,2006 星期六回到屋企附近時已是7時多,所以我和二家姐直接到新中華先搵位。酒樓已滿了約8成客有多,等了5-10分鐘。人齊後點菜。我們共7人,點了一個4人餐–有白灼蝦、蒜香雞半隻、三絲豆苗、蒸石班仔、是日例湯一煲及糖水。還加了一個糯米蒸蟹。因我們坐近魚缸,見到侍應撈起蝦及蟹,真的很新鮮。白灼蝦:味道幾鮮甜,而且不是"蝦毛仔"或死蝦。蒜香雞:皮脆及薄,不油膩,肉滑,炸得不過火,好味。值得一試。三絲豆苗:三絲獻頗杰身,太有豆粉獻的感覺。豆苗翠綠。始終不太喜歡在外吃豆苗,一定會很油膩,這裏算煮是不錯。是日例湯:粉葛、豆、魚及豬骨湯。略為咸了些,但應沒有味精。石班仔:蒸的時間控制剛好。魚肉很滑,有鮮味,不腥。糯米蒸蟹:家人常說好味,來了幾次吃晚飯也無緣吃,今次終於可以一嘗。賣相不錯。蟹肉新鮮甜美。糯米飯軟糯,伴著先炸後蒸的蒜茸及少許醋同食,真的非常不錯!!!糖水:紅豆沙及番薯糖水。紅豆沙,杰,明顯是豆粉獻,而且不熱,只是暖。雖然不太甜,但不吃也罷!番薯糖水夠熱,但不夠薑味及甜了少許。埋單: 約HK$420連加一, 抵食。