新中華海寶漁港 (已結業)

点心虽然麻麻地，但是态度非常之差下次不会再来了，呵呵问有冇纸巾，冇啊，自己落街买要催单，催⑤到的，自己慢慢等等多半个钟仲未来，去查，果然漏单，要求快点冇得快，最快都要半个钟，呵呵

一班人諗住新年好地地飲茶，點知係食過最差嘅酒樓。首先，食物黎得好慢，催左三四次都未到。小籠包好難食，未熟，有啲人直頭要lur返出黎，食唔落口。醉雞好似用vodka浸住咁。只可以話，咖哩土魷都還可以。再講，餐具好唔乾淨，好多飯漬、汁漬。最緊要係服務態度真係好差，食完啲野又唔收碟，揮極手都唔理。叫佢加水又要黑面。問佢有無辣椒油又要好寸咁話收返個豆瓣醬... 平時大家都鐘意飲茶，但搞到無曬心情無曬胃口。以後都唔會去！

家姐一早打黎訂位一家人提早食團年飯，黎到樓下個人話無我地名訂既台，家姐好肯定話一定有，個牙姨又話等等之後又話有😅搞左一輪搭電梯上樓，7點幾未有好多人，餐牌都無話得套餐，我地6個大人2個小朋友就叫左個6-8人新春賀歲$1988一上台緊係乳豬啦，隻乳豬營養不良咁，數數埋埋應該有十件左右既，塊皮好脆口但就成件都係肥膏，肉就無咩啦個翅都幾好味，唔太腥食得到有真花膠係入面黎左2個餸就等左差不多半個鐘其他都無黎，就問下侍應，叫佢埋黎個臉口黑到呢⋯⋯答都唔答行左去，過一陣先拎條魚黎，好彩條魚都幾滑，其他餸都ok la，但無下次啦，新年團年飯都差到暈

西環就係多好耶食😂,來到西環尾部，有間老字號的茶樓“新中華”。每星期特價品都唔同!介紹基本美食點心😏：鼓汁蒸排骨、鳳爪、鮮竹卷、蒸鮮魷，仲有唔係間間有的紅油抄手。圖片都係即拍的

新中華已經在西環屹立了超過二十年，是 堅尼地城重要的飲茶飲食地標。如果是舊西環街坊一定知道新中華的存在每逢過時過節，新中華都聚滿客人，新中華的大廚基本上都能烹調出各式各樣的食物，大多以海鮮為主，如果你有特別的菜單需要他們烹調，例如"藥膳大餐"或"海鮮大餐"，更可以製作屬於自己喜歡的餐單 因為在西環類似這樣的茶樓已經所剩無幾，新中華仍然可以留在這裏是西環街坊的福氣😁

跟同事聚會揀個好地方是常識吧原本我地已訂時代廣場某餐廳純粹貪方便最後前日我同事仔話臨時地地點仲話佢當晚食完好抵好好食所以立即要encore原本我都無所謂睇埋呢個廣告，我直頭舉讚成平時食啖啖肉新鮮阿拉斯加長腳蟹1200-1500最基本走唔甩598？仲要有得自己係水池揀隻大d抵到暈但介紹我地黎果位同事遲到所以我地上左菜先知有得自己揀蟹但酒樓揀比我地呢隻都好大隻另外叫左隻雞，脆皮、肉嫩、唔過咸龍蝦伊麵係波士頓龍蝦都非常合理中低價小菜來說係已經好抵個麵唔會淋到變左麵糊條條分明、麵質彈牙爽口飽魚好細隻，鵝掌好入味，個汁偏咸蒸蟶子話易唔易、話難唔難最緊要係控制時間Overcook 30秒都會浪費左個蟶子個蒜溶粉絲幾好、唔太咸、夠味、岩岩好蟶子好爽口彈牙、新鮮8個人，平均每人280蚊好抵好抵

打風過後，和老公食個Brunch，因為想搵個地方有無限茶水供應，又可以多坐一會，除了飲茶，好像沒有更好選擇，之前來過新中華吃晚飯，都不俗，附近又沒有甚麼酒樓，就這裡吧！ 早上十時多到達樓下時，覺得很驚訝，竟然不用等位，上到酒家還發現有很多吉位，部長安排我們坐在廚房路口並有很多傳菜及污碟車出入的位置，小妹心裡已經有點不悅，並詢問部長可否安排窗旁位置，她說要留給六人坐（其實那張是四人枱），如圖都看到有數張四人枱安排給兩位食客，她堅持說不能，我亦無謂跟她爭論，於是我們選了最入位置坐。 先點炸両腸，第一口咬下，味道OK，油炸鬼都還算脆，溫度夠，但再細嚼那個外皮，很粉很厚又黏牙，唔得！ 金粟菜苖餃，外皮依然很厚，唉! 珍珠雞，米多餡料少，味道誠意欠奉；蝦餃，又是衰外皮，超厚，餡料肥豬肉過多。 小妹原本都沒打算寫食評，就是這碟蘿蔔糕已經觸及我的底線，口感超粉，完全無蘿蔔味，很爛！原本有三塊，這兩塊是吃剩的。 還有這裡的油菜，真是名符其實的＂油＂菜，超～～～～～～油，難以入口！之後我倆回家後還有點不適，並不是不衛生導致肚痛的那種，而是飽癠再帶點反胃的感覺，是否早市特價就真的要這樣將貨就價呢？難怪現在

新中華隸屬寶湖集團, 是四大長老們很喜愛的開飯之地, 今晚老公夜收工, 我們又再到訪, 食住等啦~ 星期五的晚市來說, 這裡的生意算幾好, 全店滿座 我們先點了個三寶, 首先係消署佳品, 冬瓜盅湯料足, 冬瓜夠多汁, 湯又夠清甜, 無落師傅, 正!第二寶是上湯龍蝦伊面, 龍蝦夠新鮮, 肉質爽口彈牙, 伊面原全吸收了龍蝦汁及上湯, 好正! 為什麽伊面總是那麽少的呢?第三寶, 沙巴龍躉, 唔足一斤, 不過四個人食都剛剛好啦, 夠新鮮, 熟度剛剛好~ 好鮮味老公終於到了, 叫了燒味雙拼, 貴妃雞和叉燒, 雞夠滑, 叉燒夠腍~ 好味!再加了個牛腩煲, 炆得好香, 重八角香料味, 蘿蔔好腍~ 不過唔夠入味這裡價錢便宜, 值得再光顧~

曾幾何時 去西環尾嘅目的就係去德記同新中華食飯 逄假期德記到而家依然客似雲來 另一間老字號新中華 之前因為折樓重建 以為從此封刀 後尾唔係好記得上年定前年以新中華海寶漁港之名重新營業(除咗個名 其實我真係唔知道同以前間新中華有任何關係) 之前同朋友去過一次晚飯 冇特別又唔精彩 之後冇再去 今次又係朋友要求要飲中式茶同可以坐耐D 咁附近除咗新中華就別無其他選擇嘞 剔咗D大路嘢 蝦餃燒賣叉燒腸 見張點心紙有好食推介 點咗個千層腐皮夾 嚟多個鮑魚雞球大包 蒸粉果同蛋散 結果Okay反正下次唔會再嚟 算嘞 埋單走人 點知…

宝湖飲食集團是信心之選，但是非常不幸地，今天遇到食物水準極差之酒樓---新中華海寶魚港(西環)，點咗至愛的蝦餃，蘿蔔糕，灼菜芯。蝦餃最差，別的蝦餃是皮薄多汁，晶瑩剔透，這間的蝦餃皮厚，冇汁不特此，仲好難咬開蝦餃皮。蘿蔔糕冇味同冇料，糕內只有蘿蔔同粉，連快餐店的早餐蘿蔔糕都不如。灼菜芯，雖然簡選菜遠，理應軟而淋，冇渣。但,我碟灼菜是，爽而硬，菜渣多。

今日得闲 乘叮当车去西环一游 吹吹海风 享受惬意在坚尼地城下车后 没走多久便看到这酒楼 门口的海鲜菜单看起来还不错 有波士顿龙虾才168元 很抵食啊 上二楼后 我们2人只能和别人拼桌 正看菜单 一位女服务员拿来一张特价菜单 上面有波士顿龙虾 才148元 还有蒜蓉粉丝蒸大蛏子 120元/4只等点了上汤波士顿龙虾 一口脆豆腐 还有几款点心没多久  一位领班似的先生面无表情地告诉我：龙虾没有  然后扭头离开 没有理会我的疑问 也没有打算让我改点其他菜等了半天 才出现了之前的女服务员 我又问她 那其他做法的龙虾有没有 168元的那种？女服务员去问领班先生 先生依然面无表情的说：卖完了当时才11点半而已 我们看到的所有桌都在食点心 没有一桌在食龙虾 请问卖完了是卖去哪里了？？女服务员也如此离开了 至今为止 没有一个人问过我们：既然没有龙虾了 你们是否需要点其他菜？？又等了半天（整个酒楼二层已经坐满 似乎只见到两名服务员和那位领班先生） 终于出现了服务员 我招手 服务员冲我大声说：等等啊 我们现在吃饭！原来现在服务员都在角落的桌吃午饭 可是 第一、吃饭的时候 顾客的要求就可以不管了？这是职业素质？

兩個人去飲茶, 揾位真係難!原先樓下位知客話如果有檯就可以轉比我, 點知在搭檯洗杯期間, 見到右邊有檯客人買單離座, 我便向黑西裝男(經理/部長)要求換檯, 他卻答道:「你換咗檯一陣都會有客人嚟搭檯呀!」哎喲...為何設那麼多張四人檯甚至大檯呢!  幸好, 我瞄到廚房門口位有張二人檯的老夫婦客人離座, 我今次一定轉得成!!!其實, 我見有很多客人對搭檯也很不滿, 有對老夫婦原先還霸住張六人檯, 不准男(經理/部長)放其他食客到那張六人檯去搭檯, 後來男(經理/部長)安排了另外一張四人檯給那對老夫婦呢!樓下大門口推介以下就是下午茶必食之選:燒鴨湯檬粉 $13.80/碗 ... 湯底飲到有燒鴨的味道, 檬粉爽口滑嘟嘟, 那棵小棠菜顏色翠綠又新鮮, 燒鴨皮薄, 底層脂肪又不油膩, 食落會有醃料滲出來, 鴨肉有鴨味之餘也不難咬, 整體印象好!時菜斑球湯麵 $13.80/碗 ... 通常去飲宴才會吃到的一款湯麵, 現在只要$13.80就能吃到, 雖然碗是細碗過燒鴨湯檬粉, 但是料也很足。  斑片都有六片咁多, 而且最重要就是並非用龍脷或者鯰魚來代替斑片, 食落口當然知道不會是用游水貨, 但是斑片

晚飯於西環新中華，酒家樓高三層，每層地方不算很大，但仍算光猛整潔。一行五人點了以下小菜：冬瓜盅：湯料份量合理，海鮮味道偏淡，冬瓜部份帶根，湯底清甜消暑。蒜蓉粉絲蒸扇貝：扇貝很細隻，無乜味道，帶點沙。菠蘿咕魯肉：咕魯肉切得細粒，少了口感，幸好肉質鬆軟度都算不錯。用上新鮮菠蘿，加分。甜酸汁稍稠及酸，普通。清蒸海斑：海斑肉質幾滑富魚香。魚湯浸時蔬：時蔬用上白菜仔，口感爽身。配上魚湯雜菌味道多點變化。紅豆沙：送贈的糖水，偏甜不起沙，OK喇！

今晚同屋企人一行7人，去試下呢間酒樓食晚飯。一早就打電話訂左枱。到酒樓時都是空空的，waiter安排我們坐一張極細既枱。發覺對面兩個人坐既同我地既枱一樣大細。放左茶、menu、杯杯碟碟後簡直放唔到其他野。我地點左6餸1湯，根本放唔倒。因為當時酒樓仲係空空既，於是就問waiter要求換台。結果佢話全場爆滿，我地問換到隔離張大小小既枱得唔得，佢話果張8個人坐。其實一句講晒就係佢懶，懶得同我地換。到最後果張枱只坐得5個大人。態度亦極差，好似唔憂做，仲諷刺我地有兩個細路唔應同人地比，不過細路仔都要收茶錢喔。最後佢地係我地張枱隔離加多架車，上面放上兩三個餸先夠擺。不過我地就好似過隔離枱夾餸一樣，非常之唔掂。食物方面亦好失望，D湯過鹹，而且係味精湯，另外叫左所謂既招牌金沙骨，結果同出便茶餐廳既差唔多，D肉太瘦，又無豬肉味。點左片皮鴨，結果剩係D鴨上左，問左waiter兩次隔好耐先上D皮同埋D醬料。仲點左條魚，唔單只條魚細，仲蒸得唔熟添。結果落樓800幾蚊，雖然唔係太貴，不過覺得好唔值，性價比低。呢次食飯反正感覺好唔爽，雖然第一次去，以後一定都唔會再去。

自去年新中華結業後，在西環少了一個好去處。最近新中華捲土重來，與寶湖集團合資而成並改名為新中華海寶漁港。希望新中華的食物質素沒有被大財團注資後有所下降。當晚七時準時到達，樓下已集結不少散客。幸好，與長輩晚膳的原故，因此一早訂位。新中華海寶漁港有２層，好似以前新中華晚晚爆滿，七時已坐滿八成。新中華新店比以前大，而且裝修新，有不少掛牆電視。而且見到不少老伙計的樣子。一坐下，便被枱上的信用咭優惠套餐吸引，免茶介加一，只需八百多元（６位用）抵食！！金豬紅袍半邊天乳豬皮脆鬆化，沒有太多脂肪而且肉質嫩滑。正！伴碟的海哲夠爽口上湯龍蝦配伊麵龍蝦啖啖肉，但伊麵太淋及茨汁略太鹹醬皇翠綠炒雙蚌即是翠玉瓜炒珊湖蚌及象拔蚌珊湖蚌及象拔蚌仔份量十足，象拔蚌仔大大隻，絕不欺場～新鮮貨，夠爽口！百花炸釀蟹拑細細隻的蟹拑被厚厚的蝦膠包著，味道一般。紅燒花膠雞絲翅翅當然無．．．花膠都唔覺有．．．只搵到一些懷疑係翅邊的東西。好濃雞味，湯底唔錯。清蒸游水老虎斑蒸的時間剛好，肉剛剛離骨。味鮮甜，果然係新鮮老虎斑。唯一覺得魚不太大但碟好大隻，如果換隻細碟會較美觀。當紅脆皮吊燒雞賣相吸引，紅當當，一望便知脆。果然皮脆，而且熱度十