7
1
0
以上資料只供參考, 請與餐廳確認詳情
食家推介
前晚同屋企人出去搵野食，見到呢間新裝修左，而且門外已有人等候，一於去試下，新裝修感覺乾淨企理，而且座位都算好坐。睇睇餐牌都好多選擇，價錢大眾化，我地一行七人叫左八個小菜上湯絲瓜浸肥蜆：夠鮮味鐵板黑椒牛仔骨：超惹味，入口即化乾蔥豆豉走地雞煲：聞到好香，雞肉嫩滑椒鹽賴尿蝦：肉質鮮味彈牙，椒鹽夠哂惹味招牌酥炸小棠菜：好特別既菜，鬆軟但有小棠菜既爽口，值得一試總括成餐飯唔錯，仲要好抵食，埋單每人都唔使$150，但好食過酒樓，又多一間飯堂喇！
繼續閱讀
上openrice搜尋過, 土瓜灣附近, 呢間鋪頭嘅海鮮據說是 - 平靚正, 啱曬我哋呢啲窮等人家啦。舖頭環境光猛, 應該係最近新裝修。魚缸唔算大, 可供選擇嘅海鮮種類, 要睇時令, 唔會有太多選擇。 但基本上魚、蝦、蟹, 及一般貝殼類係有嘅。老細親自招呼, 聽佢介紹, 叫咗一隻「白蟹」, 薑蔥煮; 另外想食魚, 見差唔多枱枱都有叫嘅「油浸筍殼魚」, 咁我哋都唔執輸啦, 跟大隊叫一份大嘅; 然後老闆話聖子做特價(買6送2), 就點咗一份「豉椒炒聖子」(有8隻)。<薑蔥炒白蟹> 衰貪平, 其實應該食膏蟹或肉蟹(大隻啲、多啲肉、又有蟹膏)。白蟹就奀瘦啲, 冇咩肉食。但勝在佢嘅調味、煮法、火候都好「正」, 好好味!<豉椒炒聖子> 老闆冇介紹錯! 非常新鮮、彈牙爽口。 火候、手勢唔使講, 掂! 好味!<油浸筍殼魚> 絕對係招牌菜! 用嘅魚大條少少, 所以會有好多肉食, 而且裏面嘅肉會更加控制得鮮嫩、唔會咁容易「炸過火」。好掂! 呢個菜色令人難忘!唯一缺點: 可能人手不足, 出菜比較慢少少。 呢度既侍應好貼心, 驚我地餓親, 花生、小食源源不絕補給。
繼續閱讀
食過呢間大排檔幾次都依然好中意d人通常去呢度宵夜，所以晚市基本上都唔使等。今次兩個人去食叫左三個小菜第一個係金菇牛肉煲呢個真係黎得好慢 好大機會係佢要解凍d牛肉,要等15分鐘左右老老實實d肥牛有少少老, 不過d粉絲就好好有味, 用黎送飯一流第二碟係豉椒炒蜆份量都幾多下，最好三四個人食佢落左少少辣椒，真係唔辣，怕辣ge朋友都話正。黎到我最中意ge瑤柱炒豆苗真係好好食!!! 首先要講下佢d瑤柱無慳住咁落即使你淨食呢碟菜都得，佢唔會好鹹不過要留意返唔係次次都有豆苗食ga 好多時都可能會賣晒值得一提ge就係如果你地去食海鮮，佢會帶你出去揀，煮前仲會拎比你睇confirm你係要嗰隻海鮮。
繼續閱讀
外表不起眼，食品卻不錯。约埋三五知己說說笑笑之好地方。上湯豆苗很不錯，薑葱鱼腩煲有穫氣，椒鹽双拼(笳子和鮮鱿)好啱我不想吃太多鱿鱼，怕膽固醇的，連助洒小吃的花生也很新鲜。不過洗手間就太細及不美觀，固我盡量少飲水。
繼續閱讀
一班人gathering 有咩好過飲住啤酒食返幾碟撚手小菜😌而家熱辣辣 你地可能會心諗「你點我咩？咁鬼熱仲去大牌檔 前世未熱過咩😒」-你地就錯啦 啊姐我咁怕熱 緊喺去啲好味又抵食 乾淨有冷氣嘅大牌檔 舒舒服服咁吹水食飯 呢到喺邊到？咪就喺新三興-嚟到呢到有咩好食？第一樣推介嘅絕對喺椒鹽賴尿蝦👅點解？事關我地6點半去到 都差啲食唔到 本身想嗌兩斤 都因為太好賣 得返最後8隻 唯有有殺過無放過 照嗌！嚟到果然喺吸引 隻隻賴尿蝦 都手掌咁大隻 真喺無花無假 唔信你可以睇下相😂一食落 正啊 啲肉唔會霉 食落口感好實淨 再配椒鹽炸蒜 確實惹味-食完椒鹽賴尿蝦確喺唔夠喉 所以再嚟多碟椒鹽鴨舌 一樣功架十足 椒鹽同炸蒜唔洗多講 都喺咁好味 重點喺鴨舌 佢炸到好脆口 送啤酒一流👍🏼-由於食唔夠賴尿蝦 所以決定嗌多個蒜蓉開邊蝦 嘩 呢個都唔惹少 平時可能只能蒜蓉鋪面 但新三興佢喺用金銀蒜 所以蒜味更出 亦更顯蝦嘅鮮味 但又唔會搶咗佢個主角位 不過底下粉絲一食 真喺誰都無法與佢爭峰 粉絲嗦哂蝦蒜蓉嘅所有精華 既鮮味但又帶點咸香味真喺諗起佢陣味都流哂口水👅-豉椒炒蜆 一貫喺我去大牌檔食開嘅例牌野 呢到鑊氣夠 又足料 真喺諗唔到有咩理由唔食-魚香茄子煲 絕對喺送飯之選 如果你身邊有個飯桶friend 無飯不歡 絕對要叫呢個俾佢送飯食 事關呢個魚香茄子煲 既有鹹魚香 但又唔會過咸 唔食茄子 淨汁撈飯都可以食一碗飯 叫呢個煲 真喺會食到汁都無得剩❤- 食咗咁多野 又賴尿蝦又盛 5個人每人除開返都喺$160 咁都仲唔喺平靚正 我諗都未必再搵到第二間😂-
繼續閱讀