斑蘭

營業中

休息中

兩點入餐廳都有7成入座想落單職員到既時候無打招呼亦無問想要咩🙈唔緊要 自己開口，嗌左個SET A+B+C $98 再加多個甜品海鹽雪糕粟米脆脆 $42先來河內生牛肉湯河 味道幾好 湯底清甜 配料亦充足。跟住自家製腐乳蛋黃醬單骨牛油雞翼到來，炸得薄而不油膩，加埋醬油味道都好夾。飲品點了青檸梳打 正常發揮。最後甜品麻麻😓個雪糕無海鹽味。除咗杯野飲外，三次上菜嘅職員都完全無講過一句說話 菜式/請慢用/打招呼。😓真係就咁’撲’ 擺低 頭也不回就走了…

下午茶好多選擇。河內牛肉湯好味。湯夠味牛肉啱啱好。係餐嗰啲芽菜。唔知香港唔會加芽菜？吉仔話梅水好飲，同我喺馬來西亞飲嗰啲一樣咁服務非常之好。D餐好快出嚟。服務非常之好。一定再返嚟。

呢個香巴東牛肉煲價錢都好抵，雖然怕食唔晒，但係好多人都介紹話呢間又平又抵食，而且好似下午茶更加抵食，咁就一於嚟試吓啦。啲人話泰式燒東蒸魷魚好好食，咁就都叫多個試吓。一上枱已經好香，魷魚嘅口感都好好，感覺係新鮮貨，越食越開胃。另外我哋仲叫咗個椰香牛肉煲，本身唔知係咩味應該係唔辣嘅，但係我又鍾意食辣所以都半信半疑。一上枱佢嘅味道已經好濃郁，就算唔鍾意食辣幾日都會欣賞呢個牛，因為佢牛味好充足啊，而且唔會咬唔爛。佢嘅牛味食落烹調時間啱啱好唔會太韌又唔會咬唔爛。而且佢比較唔算濃味，如果係送飯嘅真係一流。本身以為呢間餐廳嘅份量應該好多，但係估唔到一個人都可以食晒，應該係因為太好食啦。

斑斕位於Element比較高質的新加坡餐廳, 裝修風格幽雅, 空間感十足!-🥢 泰式街頭火山排骨必食推介👍🏻係小編係香港食過最好味既火山排骨💕排骨炆得勁淋，肉既份量好多，唔會淨係得骨🙈而且個醬汁好惹味，酸酸辣辣，加埋d薄荷葉好好味😆-🥢 泰式青檸蒸魷魚🦑魷魚會用火座熱保温😛食到後面都仲暖暖地👍湯底加左蔥/荽茜/青檸，微酸好開胃🤣魷魚好爽口唔韌，雖然有少少貴，但當埋湯咁飲都可以一試🫣

清萊原個菠蘿海鮮忌廉意大利飯 $238原來泰菜都可以咁creamy又juicy？！🥹💛斑蘭這道清萊原個菠蘿海鮮飯真係完全打破我對泰式炒飯的想像——🍍 原個菠蘿上桌就已經超吸睛，賣相滿分，菠蘿肉超甜，香氣撲鼻，飯食完我同朋友仲係忍唔住繼續狂挖果肉🤣🦐🦑 海鮮料夠多，蝦、魷魚、青口樣樣齊，全都煮得啱啱好🍚 用上意大利米，加入少量忌廉一齊炒，帶微微creamy感但又唔會漏口，煙韌略帶黏性，口感一流！🔥熱辣辣上枱，飯香混合住果香、海鮮香，再配埋微甜清香嘅菠蘿——係一碟令人忍唔住「搶飯」嘅菜式！

之前去 element 選擇咗呢間餐廳去食晚餐，結果沒有令我失望。環境衛生都頗為唔錯，係有一兩個侍應比較串，整體服務還好，不過上菜速度就偏慢。我哋兩個人就叫咗四樣嘢，包括兩寸雞串、鮮拆蟹肉牛油果配手工米紙、海膽帶子意粉以及冰鎮鮑魚配香草醬。我個人最推薦嘅係個鮑魚同意粉，個鮑魚份量冇呃秤，好有嚼頭，味道亦都好好。至於份意粉色香味俱全。至於份雞同埋蟹肉牛油果就中規中矩。兩個人食咗六百幾蚊，我覺得咁嘅水準可以接受。

今日同老公拍拖仔係 Elements 食晚餐，黎左呢間 Panden Asian Fusion Bistro。餐廳裝修非常漂亮雅致，新潮又帶輕奢感，環境舒適，食物都好有水準。✨我地叫左小食泰皇生蝦刺身 🍤，新鮮嘅生蝦，爽口彈牙，配埋濃濃嘅泰式醬汁，酸辣醒胃，真係好好食！🌶️另外我地叫左 63 度慢煮香烤原條牛肋骨 🍖，牛肋骨慢煮夠晒入味，烤得啱啱好，肉質 juicy，油脂香氣四溢，牛味十足，不得了！🤤我見好多枱都有叫清萊原個菠蘿海鮮焗意大利飯 🍚，面層舖滿濃厚嘅芝士，菠蘿夠晒香甜 🍍，海鮮有帶子 🐚、青口 🦪、蜆肉同蝦 🦐，非常新鮮，意大利飯軟硬適中，味道豐富！一點都不覺得膩，越食越想食！😋最後飲杯意式泡沫咖啡 ☕，夠晒香濃，冰涼解渴，好滿足！🥰

好友約我去位於尖沙咀柯士甸道西1號ELEMENTS圓方水區1樓1044-1045號舖的<Pandan Asian Fusion Bistro 斑蘭>食下午茶餐，環境舒適，裝修富有東南亞風情。我哋點咗 A+B+C套餐$98， 再加甜品$42：🥢招牌無骨海南雞飯配油香飯+香茅烤雞肉串燒（兩串）+ 凍水果（茘枝）冰茶；再加海鹽雪糕粟米脆脆 $42海南雞的雞肉嫩滑，雞味濃郁，配油香飯好好食；雞肉串燒得香脆可口；荔枝冰茶清涼好飲。🥢新加坡大蝦喇沙摻摻+越式牛油果醬法包配蕃茄莎莎（兩件）+ 凍即磨咖啡； 再加海鹽雪糕粟米脆脆 $42星加坡大蝦size大，蝦肉結實彈牙，喇沙湯底惹味好食，即磨咖啡香滑好飲。海鹽雪糕好幼滑又好味。

🐑生蝦刺身，個汁調較得幾好味，應有嘅酸、辣、鹹都齊備，但個蝦肉…..隻隻都唔得爽彈，好淋身。係蝦肉唔夠新鮮？剝殼後冇即刻浸冰水？還是係蝦肉本身係咁嘅質地係咁？唔係太Sure，要問番廚房先知喇😵‍💫。🐑腐乳蛋黃醬單骨牛油雞翼，炸得幾好食嘅，外面金黃香脆，裡面肉質保持嫰滑Juicy，點雞翼嘅腐乳汁+Mayonnaise亦調教得好好，推薦👍🏻。🐑胡椒鮑魚雞煲，用煲仔上菜係冇意義嘅，因為個煲仔係凍嘅😂，好彩有火酒膏喺下面㷫住，食食下都有少許煲仔菜嘅感覺。雞肉嚟講大部分都係雞胸，啖啖肉，唔會嚡，值得一讚👍🏻，鮑魚夠新鮮，係第二個讚位，可惜有一個敗筆，就係一丁點胡椒味都沒有，嘥咗咁靚嘅雞同埋鮑魚😌。🐑燒豬頸肉，同上次嗰碟瘦過新馬仔嘅豬頸肉相比，今次真係好得太多，亦烤得好香，有蜜糖味，能夠充分地發揮豬頸肉本身肥而爽嘅特質，So far今日食幾樣嘢，呢個做得最好👍🏻。

清萊原個菠蘿海鮮焗意大利飯 $238真係有有菠蘿香味嘅菠蘿海鮮飯, 原來好夾~ 用意大利米煮, 帶口感唔會太腍, 面層係牽絲cheese. 而飯中仲有唔少海鮮, 最正係有2粒燒得軟嫩扇貝, 仲有蝦仁, 蜆等. 食完最後仲有一邊燒過香甜菠蘿63度慢煮香烤原條牛肋骨$282慢煮至剛好medium rare, 中間嫩紅色, 牛肉香味濃, 口感軟嫩配上佢調惹味sauce , 好食價錢中高價, 不過始終位於Element 而食物的確味道plating 都有幾好, 而環境服務都唔錯尖沙咀柯士甸道西1號Element水區1樓1044-1045號舖

同朋友一齊嚟咗呢間喺 Elements 有馬來西亞菜🇲🇾又有星加坡菜🇸🇬嘅餐廳食晚餐🤣$118「芫荽牛油果醬鮮蝦越南濱海脆餅 Crispy Banh Hoi with Shrimp & Coriander Avocado Paste」：材料包括 Rice Vermicelli, Shrimp, Avocado, Coriander 🤣；米粉脆卜卜墊底可能係炸過或者焗過，米粉上邊有牛油果蓉🥑幾清新，牛油果蓉🥑上邊有蝦仁🍤夠新鮮幾爽滑，再上邊仲有少少食用花同埋香葉，整體香口幾好食🤣$268「泰式街頭火山排骨 Thai Volcano Pork Ribs」 ：材料包括 Pork Ribs, Spices, Garlic, Chilli 🤣；餐廳除咗馬來西亞菜🇲🇾星加坡菜🇸🇬仲有泰國菜🇹🇭🤣；呢個「泰式街頭火山排骨」有兩件勁大件嘅排骨加一件中型排骨，份量真係勁多，排骨黐住好多肉，加咗勁大量芫荽、仲有蒜頭、同埋一啲香草、仲應該落咗好多檸檬汁青檸汁，味道出奇地鮮美，可能係我哋食過最好食嘅「火山排骨」🤣$118「黃金蝦頭膏炒有機椰菜苗 Stir Fried Cabbage Sprout with S

斑蘭 @ elements早排去完玩…個gap運送途中掟爛左個…所以過黎整gap同順便搵食。今次揀左間食東南亞野。有d星加坡又有d泰式咁…啱哂貪心既me望下餐牌都幾多選擇…我地點左越式香茅雞肉串燒 即叫即燒…黎到熱辣辣…雞肉嫩滑juicy 配既sauce甜酸辣好平衡…泰式青檸魷魚 平時食泰國野好少點青檸湯因為全部都原條魚。 睇餐牌見到都係魚但係魷魚…即叫😍😍。 魷魚份量好多…肉質唔韌爽脆。 湯既酸度剛剛好…差唔多成鍋飲哂菠蘿海鮮炒飯 海鮮份量好豐富…有蝦…帶子…青口…蜆…最正仲跟個燒菠蘿乳酪焗椰菜花 一黎到都唔係好認得佢…面頭鋪左好多almond片…切開就見到好多乳酪同椰菜花。呢個好味又健康價錢尚算ok…始終係高級商場入面開業。 最緊要味道唔錯同埋服務好貼心

🐑腐乳蛋黃醬單骨牛油雞翼-雞翼炸得幾酥脆乾身，香茅味幾突出，腐乳溝Mayonnaise又幾好味喎。🐑燒豬頸肉-能夠搵到咁瘦蜢蜢嘅豬頸肉，確實難能可貴。外表夠脆但燒得唔夠香，唔點冬陰功汁、唔擠青檸汁根本冇乜味。泰式燒豬頸肉嚟講，佢都算係幾渣斗下，好彩個汁救番啲分。🐑炭燒牛柳泰式青木瓜藜麥沙律-傳統泰式木瓜沙律做得好好，夠酸夠辣，難得仲有生豆角，掂。烤牛嘅水準比烤豬頸肉好得多，不過牛肉係可以烤得再生啲嘅。🐑菠蘿海鮮焗飯-菠蘿幾甜，其他一無是處：-焗飯唔使5分鐘就上到枱，真係大快活都冇咁快。我估佢係咁煮法嘅，飯就一早煲好，係咁依撈下芝士汁，𢳂落個菠蘿殼，海鮮白烚放上飯面，審D芝士就攞去焗，唔係乜都得。-個飯整體太濕-青口幾粒都有沙，而且臭臭地-花瓣苦嘅就唔好擺上碟啦

真係好耐冇嚟過九龍站嘅呢個商場，今日經過見到呢間餐廳轉左新裝修，感覺好優雅，連餐碟都真係勁靚，有貝殼嘅顏色！店員亦都好attentive，係而家香港餐廳難得見到嘅！嘢食亦都相當唔！今日叫咗三樣野都覺得好出色。一見到餐牌上面有黃金蝦頭膏炒有機椰菜苗，就即刻叫，本身自己都鍾意食椰菜苗，見到呢個係用黃金蝦頭膏，即刻覺得好吸引，結果真係一上枱就聞到勁香。越式香茅烤豬頸肉燒得好入味，外皮脆脆，啲肉一啲都唔嚡，加埋青檸同佢配嘅辣醬就好好食，真係有一種喺東南亞地方街頭餐廳食到嘅嗰種炭燒感覺。新加坡喇沙炒海鮮貓耳朵都好出色，喇沙味夠濃，貓耳朵嘅口感都好好，估唔到佢仲啲三文魚子係面，令到成件事加提升咗，而且啲蝦都好大隻好新鮮，正！

今次試咗肉骨茶，真係好滿意！湯底味道濃郁，香料味十足，啖啖肉骨都煮得夠入味，軟嫩得嚟又唔會腥。配埋白飯，簡直係絕配！旁邊嘅油條都好脆，沾埋湯汁更加好味。整體嚟講，呢碗肉骨茶不單止暖胃，仲有滿滿嘅幸福感，真係好推薦！下次一定會再嚟！