文記車仔麵

營業中

休息中

每次經過深水埗文記車仔麵門口一定排長龍， 一條街已經有幾間分店， 心諗一定出名又好吃， 近期香港少了好多人出街食飯， 當晚我又要到深水埗買東西， 今次文記門口只有兩個人排隊， 等位三分鐘內一於入去試下。 以車仔麵餐廳格局來計， 文記都算是乾淨衛生又光猛，座位似吃日式拉麵的感覺，檯上放滿很多醬油可供客人食用，價位相比同區當然是貴一點， 幸好食物質素有番咁上下水準， 當晚點了兩碗車仔麵，粗麵＋韮菜餃＋魚肉＋豬紅配腩汁微辣 $45 ＆ 熱蜂蜜雪梨茶 $11和油麵＋豬大腸＋牛孖筋＋西洋菜餃＋魚片頭配腩汁微辣$60 ＆ 咸檸七$11， 腐乳通菜$16。首先講下車仔麵的湯底味甜帶有點辣， 再加上每一碗都會提供匙羹份量的辣椒醬， 粗麵和油麵份量多， 多款車仔麵餸中我最喜歡牛孖筋， 軟腍好味。西洋菜餃都正， 之前有喺其他餐廳食過， 如果鍾意吃西洋菜的就會覺得特別好味。 豬大腸肥美又洗得很乾淨， 每次吃車仔麵必點的。 今次終於有機會試到文記車仔麵， 食物質素中上， 雖然座位比較迫夾， 但勝在環境乾淨，食落安心。

排隊排得耐都算 入黎落單女收銀員幫我落單 就落錯左食物 之後叫職員都冇人應 禁岩見到有個好年輕肥既男職員 大約叉不多一點頭 應該係剛上班 在洗手間岀黎 立刻佢應我 幫我跟番 唔好意思 本人感覺禮貌就係依種 有禮貌既男職員 好有誠意 立刻唔洗5分鐘整番曬出來 成間女既職員真係一啲禮貌都冇 如果唔係有個男職員係到 我都己經大聲大氣話曬你依間女職員點做野 希望男職員之後都繼續系到 亦希望老闆教一教你地啲女職員咩叫有禮貌对住客人 禁樣享受不同的美食 謝謝

I have always liked the idea of cart noodles because I like to pick and choose what components I want to make up my meal. I like how Man Kee goes one step further in providing this flexibility, they let me choose the soup base as well! A bowl of noodles here is highly customizable since you get to choose EVERY flavor! From the toppings, the noodle type, spicy level, and the soup base! You can further customize it with the army of condiments available on the table! How can I not love it? It is pr

排隊排咗一個鐘，地方狹窄坐得又唔舒服，快快脆食完就走，食物方面普通都極點，今次點咗3個餸，豬紅鮮蝦腐皮卷同流心蛋，流心蛋個蛋黃完全唔流，腐皮卷同炸魚旦一樣口感，麵低又硬，下次都係唔會再去

去完深水埗買聖誕裝飾，經過文記車仔麵就帶媽咪同仔仔黎試下😋佢真係幾勁，一條街3，4間鋪仲要排哂隊，兩年前我食過一次，當然印象真係一般般，唔值呢個價錢，今日試下呢間，我唔知佢係咪本店呢，但係佢好似舊式車仔麵咁樣前邊有晒啲餸喺度俾你揀，叫完俾咗錢有姐姐會幫你拎埋位㗎啦。座位都唔會太迫，地方乾淨。一人一碗，我要腩汁加中辣，幾惹味！河粉，米粉都好滑，粗麵夠爽小花菇細細粒好入味，牛筋炆得好淋，但豬腸呢就肥左d，下次唔會叫。我地7點左右離開，門外已經排長龍了。

呢一間餐廳係深水埗好出名，每次日頭經過都係排長龍，今日同朋友夜晚10點左右黎食，唔洗等就入得。 美味酸齋：酸齋可以係車仔面配料，因爲我地太中意食，所以另外單點一碟。酸齋酸甜比例剛好，十分開胃，加落車仔面，麵根吸曬湯ge精華，必點！牛孖筋、豬腩肉、魚角米粉（腩汁小辣）：牛孖筋十分稔，食得到D骨膠原；豬腩肉見到一層厚肥肉，夠曬肥，豬肉厚度剛好，唔會好膩；魚角正正常常。 牛肚、通菜河粉（清湯沙爹汁）：牛肚分量超多，起碼有7、8件，牛肚最怕好難趙，呢到完全無呢個問題；通菜分量都好多，不過有D鞋口。 黎呢到食車仔面，識食一定會加辣蘿蔔，味蕾大刺激，食完身水身汗，嗜辣ge朋友必定要試。

嚟到深水埗, 突然想食車仔麵, 經過一條街, 見到 一間車仔麵滿座, 老公話前邊仲有, 點解咁多文記車仔麵？ 原來一條街開了三四間， 心存疑惑有冇咁好食？ 就入去試下， 原來掛了米芝蓮標記， 難怪咁多人慕名而來， 我們點了都是大路野， 豬腸，紅腸，雞翼尖，蘿蔔，魚蛋，墨魚滑，酸齋， 最特別是有柚皮， 因柚皮是手工菜， 工序繁複， 整得沒有苦澀味也是一種技巧， 另外雞翼尖也做得超級出色， 鹵水汁一流， 車仔麵湯底也好吃, 味道絕對 對得起價錢, 不過食物環境 衛生有保留, 雖然不知道和他有沒有關係, 但我們吃完之後都攪肚子

特意來到深水埗吃這一間地道車仔麵店舖，看到餐牌上推薦魷魚和雞翼我當然一試，雞翼十分入味很有兒時的味道， 魷魚方面夠辣夠爽正正是我愛吃的味道。不過魷魚有一點兒昂貴。很喜歡吃魷魚的你都可以一試。

深水埗出名嘅車仔麵店相信大家都會諗起文記，咁啱經過深水埗就決定去試下。而今次見到較新開嘅呢個舖有位，所以就決定去呢間。入面嘅格局其實同另一間舊舖都係大致上差不多，所以兩間邊間有位就邊間喇。今次叫左油麵沙嗲汁(微辣)配魚腐，魚片頭同辣魷魚。本人唔係太食得辣但呢個微辣既湯底都覺得好辣，我估計應該係個辣魷魚無辣度調較所以放左落個湯到會令到個湯辣左，所以唔食得辣嘅人要注意。成個麵嘅份量都算多，唔會話得好少餸或麵。雖然今次對於我唔係咁食得辣嘅人黎講係有啲辣，但味道係唔錯。

依一間車仔麵線喺深水埗區一直都好出名，每一個星期六日都有好多旅客特登過嚟食。而且佢哋嘅設計，一邊就係老店，令一邊就係新開嘅創新小店，邊邊有位就可以去邊邊食。叫咗佢哋好出名嘅滷水雞翼，顏色好深，食落去絕對會令人驚喜。好耐冇試過咁好食嘅滷水雞翼，真係煮得好入味，而且多咗嘅瑞士汁仲可以用嚟撈河粉。車仔麵方面叫咗魷魚同埋豬手。魷魚辣辣地好彈牙，豬手大大隻，增加番啲骨膠原！而且湯底亦都好好飲，絕對係本地人都會推薦嘅餐廳！

深水埗食野一直都比較平，但有時會諗唔到食咩。咁就係食車仔麵既好時候，黎到深水埗緊係食文記，其他米線類留番心急人士先食啦。😂😂雖然三間文記都好多人排隊，但係只要堅持，等15分鐘左右都排到了。最鍾意食瑞士雞翼入味，叫一碟$35，個汁好多好吸引，令人好想送飯！講番碗麵，叫左生麵腩汁中辣，辣度等於出面小小中辣咁！呢度既辣比較溫和。牛腩入味之餘炆得林，唔會粗製濫造。甜酸齊就唔係度度都有得叫。野飲方面咸檸七$11都值得叫，因為有原粒咸檸！

就算文記車仔麵係深水埗有兩間舖位，但平時lunchtime & dinnertime 都總會大排長龍，成日想試但望到條隊就會卻步...難得今次夜晚6點左右見到無咩人，即刻入去試下先！食客可以自由搭配不同的餸菜和麵底，多選擇到令我選擇困難症發作呀！最後我選擇左豬手、韮菜餃和牛柏葉，配腩汁油麵～食麵之前先飲一啖湯，腩汁湯底濃郁豐富，感覺應該熬左好耐，幾好味！南乳豬手醃得幾入味，不過可惜冇咩肉食...韭菜餃幾香口，味道唔錯！而牛柏葉和麵底的口感和味道都正常，同出面食嘅都係咁上下～總結，我比較中意佢嘅腩汁湯底，而餸菜方面就唔算特別，但都可以一試～～

週末要去深水埗買嘢，天氣又熱到不得了，嗰頭又少瓦遮頭，好彩朋友一早到達，我約3點到達時，門口還有少量市民在排隊，等了約15分鐘我們才能入去了。一入去第一樣吸引到目光嘢就係海量嘅調味品，魚露、麻油、豉油、玉浦、黑椒粒乜都有，價錢都合理（每人約$50）食物嚟到又大大碗 ，叫完面後可以以半價價錢（$10）叫嘢飲，分量相當大杯👌總括嚟講，抵食既！以香港車仔麵檔來說，文記都算中上水平！😁肥仔波指數：4/5分

去到深水埗搵野食，文記係必定選擇之一，一條街3間鋪，間間鋪門前緊有人排緊隊👬👬。最欣賞佢地落單係用畫板，寫完又可以擦番再比下一位食客填，十分環保，比讚👍🏻今日叫左碗玻璃辣魷魚，辣汁縲肉，麻辣筍絲配幼麵（秘製辣汁+腩汁湯底）加多杯咸檸7。玻璃魷魚每次食都唔會失望，難怪係10大推介之一，縲肉冇嘜特別，太細粒，筍絲咬落去爽爽咁，好正；記得落埋辣菜圃（每枱都會有一大樽）免費供應比食客，好貼心👏🏻不過對我黎講小辣都已經好勁，食到我汗流夾背😅好彩有杯咸檸7幫我舒緩下，雖然好辣，但食得好過引🤣

係深水埗返左工十幾年, 睇住文記車仔面係同一條街由1間開到4間, 睇住日日排長龍, 食飯時間起碼等半個鐘。 但經過門口見到要等咁耐, 見到入面個個位都係對住堵牆, 個個位唔知有無兩尺闊, 咁就一次都未食過。今日唔知食咩好, 就被同事慫恿試左一次, 仲要外賣, 不敢堂食, 點左個4餸試下, 8號韭菜餃, 12號柱侯牛腩, 13號秘制牛孖根, 35號韓國魚腐皮, 63號米粉, 80號蔥花, 湯底要清湯。韭菜餃—無特別, 合格, 牛腩--味道可以, 但份量太少, 得幾小粒, 牛孖根都炆得淋--贊, 韓國魚腐皮--無特別, 碗面60幾蚊, 加杯凍飲共70幾蚊, 整體同預期一樣, 味道無咩特別, 收費比預期高, 70幾蚊個午餐可以有好多選擇, 今次可能係比同事整蠱, 等我食完同事先話我知, 全公司同事都食過, 無理由我唔去試下, 但原來全公司都無人食過第二次….哈哈!