文東記

營業中

休息中

疫情前曾經喺新加坡食過兩、三次海南雞飯名店「文東記」，幾年後就喺開咗兩、三個月嘅香港分店回味吓佢哋嘅出品。星期日下午茶時段嚟到，見到有tea set menu，決定食白切雞配油飯跟兩件脆皮豆腐嘅下午茶餐。細細碟嘅白切雞，外表似新加坡分店嘅出品，都係白皮雞肉。店家幾乎比晒雞胸肉，但肉嘅口感係OK嘅，唔算柴，仲有一件近脾位嘅有少許啫喱狀物體（優質白切雞嘅標準）。當然，呢種白皮雞都預咗冇乜雞味，其實大家喺新加坡食到嘅海南雞大多數都係咁樣，同樣冇乜雞味。至於油飯好細碗，外表感覺同白飯差無幾，但食落都夠味，而且感覺唔太油膩。三碟醬汁黑豉油、辣椒醬同薑蓉就正常發揮啦。另外，嗰兩件脆皮豆腐相當水嫩，真係做到外脆內軟嘅效果，好食😋。呢餐連埋一支味道幾清新嘅薏米水都係雙位數價錢埋單，算喺咁囉。

真心伏！得4舊仔嘅肉可以食下咋，仲要係冇味嘅白烚雞咁，有一半位仲要係斬碎咗嘅雞翼，好彩加左菜，如果唔係完全唔會夠飽。外賣85折後都要$110，性價比低到冇朋友，唔知食左乜，唔怪得知午飯時間入邊冇乜人！因為唔夠200字唔可以評分味道：雞都完全冇味！質地：唔係鞋但唔係滑囉份量：加埋50g肉都唔知有冇，好似冇食過野咁呀

早排去開銅鑼灣路經過發現開咗一間海南雞飯店🐔主打滑嫩白切雞😋～既然路過就入去試試！雞肉又真係確實很嫩滑！✨🐔二人套餐 / $328🍚✨ （也有一人套餐～）-🥣是日燉湯 （蟲草花燉豬脊骨湯） / +$58兩盅以新鮮的蟲草花和豬脊骨煲製~ 蟲草花的清甜與豬骨的濃郁相得益彰，湯底清香鮮美，很足料的湯！-🐔美味白切雞（半隻）文東記的白切雞選用新鮮的雞隻，經過精心處理，肉質鮮嫩多汁，皮膚滑潤。搭配特製的醬油和蒜蓉，讓每一口都充滿香氣與口感。-🍚油飯兩碗這款油飯加入雞油和香料，飯粒粒粒分明，味道香濃，軟硬度剛好！作為海南雞飯的最佳搭配～-❤️咕嚕肉（全份）咕嚕肉是經典的中式菜餚，選用鮮嫩的豬肉，裹上薄薄的粉漿，炸至金黃酥脆，再淋上酸甜的醬汁。口感外脆內嫩。-🥬白灼芥蘭（全份）或 💛脆皮豆腐（6件）選了要脆皮豆腐～這道脆皮豆腐外酥內嫩，豆腐的綿密口感與香脆的外皮形成鮮明對比。-🤎冷泡白桃烏龍茶 / +$15烏龍茶葉搭配清甜的白桃冷泡而成，清爽可口。適合在炎熱的天氣中消暑飲用增添一份清新感。-🤍自家製薏米水 / +$15薏米水不僅健康還具有消暑的效果～薏米的清香與甘甜，讓人喝後感到舒適。實在太好飲！

新加坡人氣海南雞飯終於殺到入香港, 餐廳原來在新加坡已經有40年歷史. 最出名當然是白切雞.我們2人點了2人套（$328）~ 包括半隻白切雞, 一份咕嚕肉,蔘巴通菜, 2碗雞油飯, 我們加$38要了一碗燉湯. 及加$15特飲. 另外,再加了一份蝦多士😋是日燉湯茶樹菇燉排骨, 足料入味.白切雞（去骨海南雞）~ 雞皮爽脆, 雞肉嫩滑兼有少少啫哩狀的雞油.充滿雞油香,再配上一口雞油飯.超正配搭😋咕嚕肉炸得很酥脆, 酸甜醬汁更加開胃. 新加坡特色蔘巴醬炒通菜, 最初以為味道會好濃, 估唔到又不算太咸,幾好味.除咗海南雞,我最喜歡就是這個蝦多士.超級超級好食🤣😋💯外脆內軟,每一啖也食到香口彈牙的蝦肉. 超級推介👍🏻

最近光顧了位於銅鑼灣的文東記，這家在新加坡頗具盛名的海南雞飯專門店。這次試了他們的二人套餐，整體而言是一次不錯的體驗。首先，最令人期待的白切雞果然名不虛傳，雞皮爽彈，雞肉則保持了嫩滑的口感，並帶有淡淡的雞味。店家還貼心地提供了三款醬汁，包括黑醬油、薑蓉等，可以根據個人喜好搭配，其中薑蓉的味道尤其惹味。套餐中的油飯也給人留下了深刻的印象，份量十足，飯粒油潤分明，散發著誘人的油香。另外一道咕嚕肉，外皮酥脆，內部軟嫩，酸甜的味道也調製得恰到好處，非常適合搭配米飯。至於蔬菜方面，我們點了參芭通菜，通菜爽口，參芭醬的調味鹹香微辣，相當開胃，不過稍微感覺油了一點。套餐還包含是日精選燉湯，這次加錢升級了蟲草花燉豬脊骨湯，湯頭清澈，味道鮮甜。飲品方面，我們嘗試了加配的紅棗桂圓茶，真材實料，味道香甜滋潤。此外，冷泡白桃烏龍茶也是一個不錯的選擇，白桃的清香與烏龍茶的醇厚相得益彰。總結來說，這次的二人套餐份量足夠豐富，食物的整體表現不錯，環境方面屬於正常水平，桌子略小。服務方面，店員的態度良好。以這個價位而言，性價比還是相當不錯的。

今日去試咗呢間新開嘅星加坡過江龍食佢哋出名嘅海南雞飯。之前去星加坡時，有試過好幾間餐店嘅海南雞飯。 但記憶就真係冇試過試間。店舖嘅位置都算方便。 睇睇餐牌上食物及價錢， 中午時段餐牌會有1人/ 2人套餐可選擇。 我點咗份1人套餐 $128（海南雞+油飯+ 1蛊燉湯）。 呢個價錢喺香港食過江龍來講我認為尚可接受，但唔算抵食。碗油飯聞起來夠香，又夠味，幾好食。至於碟雞未食我已有點失望，碟雞係雪凍咗，雞肉變得過硬。 雞本身嘅味道其實唔錯，雞味都重。但我唔太識欣嘗食雪凍咗嘅雞肉， 不過相信可能係呢間店嘅特色。至於用來點雞嘅黑醬油味道真好。 另外那盅燉湯味道雖好， 但份量似乎比較細少， 舀兩匙飲晒。畢竟計番價錢都要$40 , 咪咁孤寒。

✨F餐-美味白切雞＋油飯＋燉湯 1盅 $128白切雞肉質嫩滑就算係雞胸肉都唔嚡雞皮爽彈平時唔食雞皮嘅朋友都忍唔住食埋😂油飯粒粒分明香氣撲鼻燉湯揀左涼瓜黃豆燉豬骨湯暖笠笠充滿滋補嘅感覺✨ D餐-美味白切雞＋油飯＋咕嚕肉（半份） $128D餐係加埋半份酸甜惹味嘅咕嚕肉外皮金黃酥脆豬肉就好juicy酸酸甜甜夠開胃仲有菠蘿伴碟✨自家製薏米水 +$15微甜嘅薏米水仲咬到粒粒薏米真材實料👛人均消費 ~$135(冇加一)⏱冇限時

最近銅鑼灣開咗間新餐廳——文東記，呢間餐廳係新加坡好出名，特別吸引我去試下佢哋嘅海南雞 🐓 套餐包括半隻美味白切雞、油飯一碗、咕嚕肉、蔘芭通菜同埋精選燉湯🍽️首先，白切雞真係好嫩滑，雞肉鮮甜，搭配上特製的醬油，味道更加出色👍油飯嘅米粒粒分明，吸收咗雞肉嘅鮮味，食起來香噴噴，實在唔可以錯過😋至於咕嚕肉，外脆內軟，酸酸甜甜嘅味道好有層次感，每一口都令人驚喜🥳蔘芭通菜色澤鮮綠，炒得剛好，保持住脆口感，唔會太油膩，搭配雞飯食正好👌而且，套餐仲有精選燉湯，係蟲草花燉雞，清甜滋潤，喝一口就感覺好舒服，簡直係理想嘅配搭💖最特別嘅係佢哋自家制嘅意米水，飲落去清新又爽口，唔會太甜，非常適合搭配一整餐🥤整體嚟講，文東記嘅二人雞飯套餐真係好食，無論係味道、質素定係擺盤，都有一定水準👏雖然餐廳仲新，但我相信佢哋會吸引到唔少食客，值得推介！如果你鍾意食雞飯，記得嚟試下啦！🌟

星加坡第一海南雞飯 米芝蓮推介✨文東記✨啱啱喺銅鑼灣開咗啦掛住星加坡嘅海南雞飯 去銅鑼灣就得😍晚餐~二人雞飯套餐 🐔✨美味白切雞 半隻、油飯2碗雞肉肉質非常嫩滑 點醬油、葱油、辣醬好惹味配埋油飯一齊食非常完美😋😋✨咕嚕肉 ~ 肉質軟腍 味道酸酸甜甜 醒神開胃✨蔘芭通菜味道濃郁 充滿鹹、辣嘅香味追加精選燉湯✨蟲草花燉豬脊骨味道清甜 非常滋潤養生另外單點✨五香蝦棗表面炸得香脆 內裏蝦膠非常彈牙鮮味點埋甜酸汁味道更加突出

新加坡過江龍既海南雞店，主打白切雞，吾係平時見倒黃色果款🐓係新加坡都已經有好耐歷史，口碑相當好🥳呢日平日六點幾去到，餐廳都已經坐左8成滿，有啲驚訝😂冇諗過咁早都已經咁多人，臨走果時，門外仲有啲人等緊位.👁‍🗨 美味白切雞(例牌） (8/10）💲108.➰招牌白切雞🐓雞肉超級嫩滑，雞皮同雞中間有一層薄薄既啫喱，雞皮仲有微微脆彈感😎配埋黑醬油同薑蓉食，簡直一流🥲叫左碗油飯，帶淡黃色，油香味恰好呀.👁‍🗨 京都排骨王(7.5/10）💲98.➰擺盤都幾靚下😂份量算多，每一舊都吾細，肉質同樣嫩身，冇咩骨位，食得方便😂個京都醬汁夠濃味，酸酸甜甜.👁‍🗨 豬潤芥蘭(7/10）💲108.➰炒到個豬潤睇落似牛肉(個顏色好似)😂份量仲要好多，至於芥蘭就好脆口，新鮮.👁‍🗨 五香蝦棗（6件）(7/10）💲88.➰被棗原來係腐皮包住蝦膠拎去炸😂食落都幾香口，外層既腐皮炸到脆卜卜，有滿滿既蝦膠，不過就略嫌咸左些少.👁‍🗨 冷泡桂花烏龍茶(7/10）💲28.➰桂花味幾出，呢個配搭多數都好飲😂.🔛 整體評分（7.5/10）

二人套餐✨美味白切雞雞皮爽彈 雞肉軟嫩 有淡淡雞味 可跟個人口味 配搭三款醬汁食黑醬油鮮味帶甜 薑蓉夠惹味✨油飯油飯裝得滿滿 飯粒油潤分明 油香十足✨咕噜肉咕噜肉外脆內軟 味道酸甜適中 送飯唔錯✨蔘芭通菜通菜爽口 蔘芭醬調味鹹香微辣 好惹味 但略嫌油左少少✨是日精選燉湯套餐加錢加配 蟲草花燉豬脊骨湯 湯頭清澈 味道鮮甜 ✨紅棗桂圓茶野飲都係加錢加配 紅棗桂圓茶好足料 味道香甜 夠滋潤✨冷泡白桃烏龍茶除咗特飲仲有冷泡茶選擇白桃烏龍茶 白桃味清香 茶味香濃總結：套餐足料豐富 食物唔錯環境正常 張枱比較細 服務好好價錢合理 性格比相當唔錯

一般去完旅行，喺香港食反差唔多類型嘅食物，都特別喜歡比較味道嘅還原度。但主要都係日本，韓國，泰菜，我只係去過一次新加坡，對嗰邊食物印象，除咗咖央多，叻沙，就只有海南雞。但係嗰邊嘅海南雞的確令人念念不忘，今次竟然有過江龍嚟左，我就第一時間過嚟比較一下。 🍖見到呢度海南雞白色嘅雞皮，就已經感覺嚟啱咗地方。我鍾意呢一種做法，因為佢係用水煮，煮好之後，冰鎮(應該係，除非唔係)，所以唔會肥，但係皮下嗰一層薄薄嘅透明啫喱又超好味，啲雞肉亦都會好嫩。果然還原度真係好高。我尤其鍾意佢嘅伴碟同埋醬汁。醃蘿蔔同酸瓜，好入味，而且超爽口。傑傑地嘅醬油，辣椒醬同埋超夠味姜茸，三樣嘢點齊放入口最好味。 🍖我哋點嘅係套餐，仲選擇咗咕嚕肉同埋馬拉盞炒通菜。咕嚕肉切成細粒，每粒比起傳統港式大概細粒一半但係個粉漿仍然唔會太厚，仲係非常外脆內軟，最令我覺得特別嘅係佢用咗酸蕎頭同車釐茄一齊炒，所以佢嘅酸甜效果，就未必係來自白醋，而係蕎頭本身，然後食蕎頭亦都會帶出酸爽口感，雙得益彰。通菜炒得好油亮，但係唔係油膩，少少辣辣地之餘，又食到蝦米嘅口感。 🍖最後梗係唔少得要講吓佢嘅燉湯，蟲草花湯好鮮甜，飲得出時間嘅味道，仲有我哋叫咗

雖然一直都未機會去新加坡 但唔緊要 依家唔洗急著飛去新加坡都食到我想食嘅 被新加坡譽為第一海南雞😎  🔖二人雞飯套餐 HKD328幾抵食嘅二人套餐，正常食量嘅二人都夠食有餘，可以品嘗一頓豐富嘅晚餐▸白切雞半隻嫩滑味香嘅靚靚海南雞，入口雞味香，而且好嫩易咬，即使雞胸都唔鞋，雞髀就更加唔使講啦。無論配黑豉油定薑蓉都好正，配埋油飯簡直一絕。油飯好香濃，香味係口中迴盪▸咕嚕肉切得細細粒、炸得香脆嘅咕嚕肉，易食之餘仲更加香口，令人食指大動，食個不停。醬汁唔會過多，啱啱好沾係咕嚕肉上，所以食時都唔怕整到成個碗都係醬汁，影響其他食物嘅味道▸蔘芭通菜蔘芭醬係東南亞嘅一種辣椒醬，製作時除咗有辣椒、香料外，更會落蝦米，味道惹味之外，更帶一啲鹹香。拎嚟炒通菜，簡直係吸收精華，令通菜更鮮、鹹、香🔖蟲草花燉豬骨湯 HKD+38無味精嘅燉湯，好清甜，入口感受到湯料嘅味道，蟲草花嘅甘甜、杞子淡淡嘅甜味同豬骨湯嘅鮮甜味，共冶一爐

「文東記」其招牌菜白切雞，在新加坡，無論是當地居民或是旅客，均讚不絕口。現在香港首間分店登陸銅鑼灣，當然要同朋友一齊去食好西啦！ 餐廳設計簡約，燈光鮮明，店員以友好的態度迎接客人。晚飯時候，餐廳瞬間已坐滿了客人。😋餐廳使用QR code點餐，是日選擇：1️⃣美味白切雞（半隻）🍽光滑的雞肉，雞肉鮮嫩，三款不同的醬汁，帶來不同的味道。2️⃣蝦多士🍽金黄酥脆的外層，咬下去時很脆口，大人小朋友都會喜愛。3️⃣脆皮豆腐🍽經油炸後，內裡的豆腐仍保持滑嫩，沒有油膩感。4️⃣蟲草花燉豬背脊骨湯🍽湯味醇厚，淡淡香氣，滋補養生。 

星加坡老字號襲港！望到啲相都流口水，今日終於早少少收工，逃避咗晚市嘅熱潮就去開飯！！！✨美味白切雞半隻餐廳嘅雞一上枱就感受到雞油嘅充份，雞皮剔透，肉質嫩滑。基本上冇過分嘅調味，反而可以因應自己鍾意嘅醬汁去點配！真心覺得例牌唔夠兩個人食，既然招牌就嗌咗半隻。✨蝦仁炒蛋份量都幾多，炒蛋滑捋捋蝦仁爽彈，加咗少量嘅韭黃，把成碟小菜嘅精髓帶咗出嚟。✨燉湯餐廳有三款燉湯可以揀，相信全部都好夠火候，推薦大家叫返一碗！今日我就揀咗蟲草花燉豬脊骨，一上枱就聞到好清香嘅蟲草香氣，飲落湯頭清甜濃郁。✨森巴通菜通菜翠綠炒得爽嫩，加入咗森巴醬就更加惹味。✨香印金萱烏龍打開個樽蓋就聞到好香嘅香印味，茶味清新解膩。