文東記

營業中

休息中

在銅鑼灣以前好難搵到性價比高的家常便飯，今日打算喺登龍街搵食，就比我見到一間主打海南雞的飯店，原來大有來頭，是來自新加坡過江龍「文東記」，被譽為「新加坡第一海南雞」，同時在新加坡擁有40多年歷史的海南雞飯老字號，主打正宗新加坡混合中式菜式，而且相當抵食👍今日我同朋友就食咗基本上每台必食的二人套餐只需要 $ 328 就可以品嚐到必食白切雞半隻、咕嚕肉、菜或者豆腐和油飯兩碗😋▪️美味白切雞（半隻）必食白切雞，雞皮香脆肉質軟嫩，中間仲有一層精華啫喱，上自家製嘅三款醬汁分別係黑醬油、香辣醬和薑蓉，開胃有嘢味，完全將雞肉味道昇華▪️油飯(兩碗)美味的白切雞當然要配返個雞油飯，餐廳採用了煙韌軟糯的泰國香米，並吸收了雞湯精華，雞油香氣十足，油香而不膩，而且粒粒分明，真係超級好食▪️咕嚕肉（全份）咕嚕肉入口香脆肉質爽口，而且比坊間的細粒，可以一啖一口，而且甜同酸比例合適，配上指洋蔥和蕎頭，好開胃▪️ 蔘芭通菜（全份）食飯必須有菜，嫩口的通菜加上傳統新加坡蔘芭醬，超級惹味▪️脆皮豆腐（6件） $ 88外皮酥脆，內部保持了軟嫩口感，一入口保留住豆腐好滑的口味，而且充滿豆香，而且炸皮都非常薄，真係外脆內嫰▪️蟲草花燉豬

一般去完旅行，喺香港食反差唔多類型嘅食物，都特別喜歡比較味道嘅還原度。但主要都係日本，韓國，泰菜，我只係去過一次新加坡，對嗰邊食物印象，除咗咖央多，叻沙，就只有海南雞。但係嗰邊嘅海南雞的確令人念念不忘，今次竟然有過江龍嚟左，我就第一時間過嚟比較一下。 🍖見到呢度海南雞白色嘅雞皮，就已經感覺嚟啱咗地方。我鍾意呢一種做法，因為佢係用水煮，煮好之後，冰鎮(應該係，除非唔係)，所以唔會肥，但係皮下嗰一層薄薄嘅透明啫喱又超好味，啲雞肉亦都會好嫩。果然還原度真係好高。我尤其鍾意佢嘅伴碟同埋醬汁。醃蘿蔔同酸瓜，好入味，而且超爽口。傑傑地嘅醬油，辣椒醬同埋超夠味姜茸，三樣嘢點齊放入口最好味。 🍖我哋點嘅係套餐，仲選擇咗咕嚕肉同埋馬拉盞炒通菜。咕嚕肉切成細粒，每粒比起傳統港式大概細粒一半但係個粉漿仍然唔會太厚，仲係非常外脆內軟，最令我覺得特別嘅係佢用咗酸蕎頭同車釐茄一齊炒，所以佢嘅酸甜效果，就未必係來自白醋，而係蕎頭本身，然後食蕎頭亦都會帶出酸爽口感，雙得益彰。通菜炒得好油亮，但係唔係油膩，少少辣辣地之餘，又食到蝦米嘅口感。 🍖最後梗係唔少得要講吓佢嘅燉湯，蟲草花湯好鮮甜，飲得出時間嘅味道，仲有我哋叫咗

雖然一直都未機會去新加坡 但唔緊要 依家唔洗急著飛去新加坡都食到我想食嘅 被新加坡譽為第一海南雞😎  🔖二人雞飯套餐 HKD328幾抵食嘅二人套餐，正常食量嘅二人都夠食有餘，可以品嘗一頓豐富嘅晚餐▸白切雞半隻嫩滑味香嘅靚靚海南雞，入口雞味香，而且好嫩易咬，即使雞胸都唔鞋，雞髀就更加唔使講啦。無論配黑豉油定薑蓉都好正，配埋油飯簡直一絕。油飯好香濃，香味係口中迴盪▸咕嚕肉切得細細粒、炸得香脆嘅咕嚕肉，易食之餘仲更加香口，令人食指大動，食個不停。醬汁唔會過多，啱啱好沾係咕嚕肉上，所以食時都唔怕整到成個碗都係醬汁，影響其他食物嘅味道▸蔘芭通菜蔘芭醬係東南亞嘅一種辣椒醬，製作時除咗有辣椒、香料外，更會落蝦米，味道惹味之外，更帶一啲鹹香。拎嚟炒通菜，簡直係吸收精華，令通菜更鮮、鹹、香🔖蟲草花燉豬骨湯 HKD+38無味精嘅燉湯，好清甜，入口感受到湯料嘅味道，蟲草花嘅甘甜、杞子淡淡嘅甜味同豬骨湯嘅鮮甜味，共冶一爐

「文東記」其招牌菜白切雞，在新加坡，無論是當地居民或是旅客，均讚不絕口。現在香港首間分店登陸銅鑼灣，當然要同朋友一齊去食好西啦！ 餐廳設計簡約，燈光鮮明，店員以友好的態度迎接客人。晚飯時候，餐廳瞬間已坐滿了客人。😋餐廳使用QR code點餐，是日選擇：1️⃣美味白切雞（半隻）🍽光滑的雞肉，雞肉鮮嫩，三款不同的醬汁，帶來不同的味道。2️⃣蝦多士🍽金黄酥脆的外層，咬下去時很脆口，大人小朋友都會喜愛。3️⃣脆皮豆腐🍽經油炸後，內裡的豆腐仍保持滑嫩，沒有油膩感。4️⃣蟲草花燉豬背脊骨湯🍽湯味醇厚，淡淡香氣，滋補養生。 

星加坡老字號襲港！望到啲相都流口水，今日終於早少少收工，逃避咗晚市嘅熱潮就去開飯！！！✨美味白切雞半隻餐廳嘅雞一上枱就感受到雞油嘅充份，雞皮剔透，肉質嫩滑。基本上冇過分嘅調味，反而可以因應自己鍾意嘅醬汁去點配！真心覺得例牌唔夠兩個人食，既然招牌就嗌咗半隻。✨蝦仁炒蛋份量都幾多，炒蛋滑捋捋蝦仁爽彈，加咗少量嘅韭黃，把成碟小菜嘅精髓帶咗出嚟。✨燉湯餐廳有三款燉湯可以揀，相信全部都好夠火候，推薦大家叫返一碗！今日我就揀咗蟲草花燉豬脊骨，一上枱就聞到好清香嘅蟲草香氣，飲落湯頭清甜濃郁。✨森巴通菜通菜翠綠炒得爽嫩，加入咗森巴醬就更加惹味。✨香印金萱烏龍打開個樽蓋就聞到好香嘅香印味，茶味清新解膩。

一聽朋友狂推 #文東記 🐔是香港隱藏版雞飯王者，立即預約帶我家雞肉控太后來朝聖！🔥必點「二人雞飯套餐」 ▫️白切雞半隻｜皮閃著琥珀光！肉質極度嫩滑, 雞皮是爽脆沒肥膏的, 雞是真的有雞味🤤 ▫️靈魂油飯｜粒粒裹著雞油香，瞬間直接扒完一碗 ▫️咕嚕肉｜酸甜極度平衡, 外皮酥脆, 完全沒豬腥味, 也沒有一層厚肥脂! 蔘芭通菜｜鑊氣滿滿, 微辣的味道, 菜很爽脆, 超讚!💥▫️豬潤芥蘭｜厚切豬肝嫩到極點, 芥蘭熟度剛剛好, 很爽‼️👩👧 媽媽邊吃邊點頭：「很久沒食到這麼有雞味的雞肉！」這頓飯值了💯

繼天天海南雞飯後，又多一間新加坡過江龍海南雞店～店舖位置都好方便，喺超多食肆嘅登龍街度，夠晒就腳～-最主要嚟係想試吓佢嘅白切雞（半隻$168），果然冇失望，皮夠晒薄而且冇多餘脂肪，連皮食都冇負擔🤣連雞胸位都滑，雞脾位就更加唔使講啦👍🏻佢配嘅黑豉油唔會好鹹，唔小心點多咗都冇問題🤭-另外超推介蝦多士（2件$76），蝦滑好厚身，食到彈牙口感，最正係個多士，熱辣辣超脆口，而且一件嘅份量都幾大，一人一件夠晒滿足🤤-估唔到豬潤芥蘭（$108）超多豬潤🤣濃味嘅豬潤配清爽嘅芥蘭又幾夾～最後試埋個蟲草花燉豬脊骨湯（$58），聞落係好香嘅燉湯味，飲落清甜冇味精味～

40多年老字號，有「新加坡第一海南雞」美譽，並曾獲米芝蓮推介的【文東記)】3月登陸香港，在銅鑼灣登龍街開設分店。見網上評價不錯，便拉著朋友來試試。我們點了二人套餐 ($328)，包括半隻招牌菜白切雞、兩碗油飯自家調製咕噜肉，可選蔘芭通菜 或 脆皮豆腐。另可+$58追加兩盅燉湯或+$15配上自家製飲料。"美味白切雞"果然名不虛傳！文昌雞浸熟後再放入冰水，能鎖住肉汁。吃下雞肉軟嫩多汁，雞皮爽滑，皮肉間還有一層啫喱狀的膠原蛋白。而且大部分都是無骨的，吃起來啖啖肉非常滿足。白切雞的三色醬也是自家調製，雞飯辣椒醬辣勁十足，薑蓉帶甜質地綿密，能突出雞肉鮮味。黑醬油濃稠甜美，無論蘸雞肉或撈飯吃也令美味提昇。油飯吸收了雞湯精華，煙韌軟糯不會太油膩。"咕噜肉"乍看之下外表平平無奇，但外皮非常脆，醬汁酸甜適中。有別於港式咕噜肉，他們以蕎頭、車厘茄及紫洋葱而非菠蘿作配料，別有一番風味。想吃點蔬菜所以選了"蔘芭通菜"，蔬菜新鮮，口感爽脆，加上香辣開胃的蔘芭醬，鹹香惹味。"蟲草花燉豬脊骨湯"，燉足4小時，老火湯熬得相當入味，湯頭濃郁更有補肺、補腎、護肝養肝等功效～"自家製薏米水"雖然杯底沒有實料，但喝得出是用料

在新加坡逾40年海南雞飯老字號被譽為「新加坡第一海南雞」的「文東記」進駐銅鑼灣登龍街！！除主打白切雞，還有多款特色小菜和燉湯 ❥ 二人雞飯套餐 $386✾ 美味白切雞（半隻）選用文昌雞，雞皮較薄身爽口雞肉去骨，肉質柔軟嫩滑且富雞味搭配黑甜醬、辣醬和薑蓉，提升雞肉鮮香✾ 咕嚕肉咕嚕肉沾滿酸甜醬汁，開胃惹味外層炸得酥脆香口，肉質鬆軟鮮嫩搭配彩椒、車厘茄、洋蔥和蕎頭✾ 脆皮豆腐外層脆皮薄脆，豆腐細嫩滑溜滿滿豆香，再蘸點沙律醬更惹味✾ 油飯油飯吸滿雞湯精華，香氣滿滿米飯乾身粒粒分明，喜歡拌入黑甜醬增添濕潤感再加少許辣醬帶點微辣，輕鬆K.O一整碗飯❥ 精選燉湯 $58/2盅蟲草花燉豬脊骨湯清甜滋潤很足料，滿滿爽滑蟲草花

經過登龍街見到呢間新開嘅個二人餐都幾吸引又啱食就約咗朋友去試吓雖然舖頭位置唔多不過平日夜晚幾乎坐爆晒～呢個二人雞飯套餐 HKD 328包咗半隻美味白切雞，兩碗油飯或白飯仲有咕嚕肉同個蔘芭通菜另外+$58 會有兩盅燉湯我當晚嘅係蟲草花燉豬脊骨😍之後仲加咗個最想試嘅五香蝦棗！成個二人餐份量好夠女仔細食啲嘅話會食唔晒白切雞嘅皮係爽彈嘅，肉質夠嫩三款跟雞嘅醬料都做到提味嘅效果同油飯可以互相撘配～咕嚕肉唔會太酸，炸皮唔厚，舊肉夠稔成個餐都好鍾意！有驚喜嘅反而係蝦棗係用豬肉同蝦混合而成再用腐皮包住炸！雖然成個menu選擇唔多不過味道唔錯，價錢都合理～

文東記作為始於1979年嘅新加坡著名食肆，由當年喺牛車水擺賣嘅小檔到今日被譽為全國第一嘅海南雞飯，依家終於進駐香港啦~一人 set 有齊雞肉、飯（可揀白飯或者油飯）配三款蘸醬~招牌白切雞我哋雖然無另加錢轉雞髀但係雞肉都好緊實又滑嫩，連雞皮都係爽身點埋個靈魂黑醬油配生薑蓉更加鮮香~ 辣醬惹味得嚟唔會好辣~三款醬都令雞肉嘅口味昇華，不可不點 另外都好欣賞佢哋嘅油飯🌾香得嚟唔會太油膩，粒粒分明食到底都唔會有油剩低，高質。佢哋嘅菜單除咗招牌嘅雞飯以外仲提供中式家常菜~ 我哋個午市套餐就揀咗咕嚕肉同埋五香蝦棗~五香蝦棗估唔到入面除咗香脆腐皮外層同蝦膠之外仲有原粒蝦肉🦐比平時一般嘅更加有口感~個人比較鍾意呢款咕嚕肉口味比較偏甜少少，啖啖肉唔會有啲成舊肥肉同骨，無伏穩陣之選~追加埋自家製嘅薏米水，消暑去濕啱曬依家嘅天氣呀！凍冰冰飲落勁爽~

✨ 必食推薦✨ ✅ 美味白切雞肉質超嫩滑！雞皮爽脆唔肥膩 ✅ 冷泡荔枝金萱烏龍 +$15荔枝香+茶香完美融合！清新解膩必點 ✅ 油飯粒粒分明夠香口，配白切雞絕配 🤔 中規中矩▫️咕嚕肉：外脆但醬汁偏油 ▫️脆皮豆腐：普通冇驚喜 #銅鑼灣美食 #港式餐廳 #白切雞控 後記： 雖然價錢略高， 但銅鑼灣地段算合理～ 最驚喜係飲品質素💖

🐣被譽為新加坡第一海南雞!好耐無食過中餐，呢間文東記既海南白切雞真係好滑，價錢亦夠大眾化雞既肉質食落好軟嫩，同雞皮既比例亦恰當食雞要食埋啲汁，有特色辣醬，都幾開胃又惹味；黑醬油就令雞肉味道再昇華另外仲有薑蓉全部配油飯黎食好和美滑蛋蝦仁 雞蛋炒得好金黃色 好軟滑震騰騰既蛋汁流到成隻碟都係啲蛋夠爽口 撈飯食幾女五香蝦棗係香港比較少見，有腐皮包住蝦棗。其實即係將蝦肉打成膠直接炸熟，有啲似喺泰國菜館食到既蝦餅！金銀蛋莧菜好大碟，好多汁又夠鮮甜有埋鹹蛋、皮蛋蟲草花燉豬脊骨湯有好多松草，蟲草花香氣撲鼻，飲完成個人都出汗，好養生呀

🙋🏻‍♂️餓底探員去咗銅鑼灣調查呢間海南雞，餐廳係新加坡40多年老字號品牌，被譽為新加坡第一海南雞，除咗招牌白切雞，仲有多款小菜，小食同燉湯供應，最近喺香港開設海外分店，去銅鑼灣就可以食到喇🍤蝦多士 $76🙋🏻‍♂️表示蝦多士炸到金黃，外脆內軟，咬落充滿蝦肉鮮甜味道，香脆可口🍽️二人套餐 $328🐤美味白切雞(半隻)🙋🏻‍♂️表示白切雞全部去咗骨，雞皮爽脆，肉質嫩滑，味道鮮香，配上軟糯油飯，吸收咗雞湯精華，食落香口惹味，仲配上三款自家特色醬料，搭配白切雞或拌飯都好適合🍖咕嚕肉🙋🏻‍♂️表示咕嚕肉炸到酥脆，肉質鬆軟多汁，配上橙紅色糖醋醬汁，味道酸酸甜甜，非常開胃🥬蔘芭通菜🙋🏻‍♂️表示通菜清新爽脆，配上星馬一帶常用嘅蔘芭醬，味道辛辣又帶鹹香，令通菜增添惹味氣息🥣是日精選燉湯 $38 (套餐追加)🙋🏻‍♂️表示是日燉湯係茶樹菇燉豬脊骨湯，湯料豐富，燉湯味道清甜，充滿濃郁茶樹菇菌香氣，滋潤養生🍋特飲 $15 (套餐追加)🙋🏻‍♂️表示手打檸檬茶飲落茶味甘香，酸甜開胃📈吃貨指數😋好味度 8.5/10🔙返啅度 8.5/10

最近有間新加坡過江龍進駐銅鑼灣，超過40年歷史嘅海南雞飯老字號，主打正宗新加坡菜，招牌菜為白切雞，嫩滑爽口，皮薄唔肥。而搭配嘅三款醬汁，包括辣醬、黑醬油同薑蓉亦係餐廳自調，可帶出肉鮮甜味。油飯採用泰國香米，煙韌軟糯，粒粒分明，淡淡雞油香，配雞好match。私心推介呢度嘅咕嚕肉，入口香脆，甜酸比例適中，越食越開胃。脆皮豆腐外皮金黃色，薄身，酥脆可口，內裏滑溜，豆味出。五香蝦棗外層夠脆，餡料十足，帶咬口、湯品無味精，飲落暖胃，感覺健康。再唔夠可叫埋炒飯同菜，食物質素OK，價格親民，服務態度友善，經過值得一試。